Codex Sinaiticus: Ἐϲθήρ
- Ἐϲθήρ 4:17a
και εδεηθη κυ μνημονευων παντα τα εργα κυ ˙ και ειπεν
- Ἐϲθήρ 4:17b
κε κε βαϲιλευ παντων κρατων οτι εν εξουϲια ϲου το παν εϲτιν · και ουκ εϲτιν ο αντιδοξων ϲοι εν τω θελειν ϲε ϲωϲαι τον ϊϲλ ·
- Ἐϲθήρ 4:17c
οτι ϲυ εποιηϲαϲ τον ουρανον και την γην και παν θαυμαζομενον εν τη ϋπ ουρανον και κϲ ει παντων εϲτιν οϲ αντιταϲϲεται ϲοι τω κω :
- Ἐϲθήρ 4:17d
ϲυ παντα γεινωϲκειϲ · ϲυ οιδαϲ κε οτι ουκ εν ϋβρι · ουδε εν ϋπερηφανια . ουδε εν φιλοδοξια εποιηϲα τουτο το μη προϲκυνιν τον υπερηφανον αμαν · οτι ευδοκουν · φιλειν πελματα ποδων αυτου προϲ ϲωτηριαν ϊϲλʼ ·
- Ἐϲθήρ 4:17e
αλλα εποιηϲα τουτο ϊνα μη θω δοξαν ανθρωπων ϋπερανω δοξηϲ θυ και ου προϲκυνηϲω ουδενα πλην ϲου του κυ μου και ου ποιηϲω αυτα εν ϋπερηφανια ·
- Ἐϲθήρ 4:17f
και νυν κε ο θϲ αβρααμ · φιϲαι του λαου ϲου · οτι επιβλεπουϲιν ημιν ειϲ καταφθοραν και επεθυμηϲαν απολεϲαι την εξ αρχηϲ κληρονομιαν ϲου ·
- Ἐϲθήρ 4:17g
μη ϋπερϊδηϲ την μεριδα ϲου ην ϲεαυτω ελυτρωϲω εκ γηϲ αιγυπτου ˙
- Ἐϲθήρ 4:17h
επακουϲον τηϲ δεηϲεωϲ μου και ειλαϲθητι τω κληρω ϲου και ϲτρεψον το πενθοϲ ημων ειϲ ευωχιαν · ϊνα ζωντεϲ υμνωμεν ϲου το ονομα κε · και μη αφανιϲηϲ το αιμα αινουντων ϲοι
- Ἐϲθήρ 4:17i
και παϲ ϊϲλʼ εκραξεν εξ ϊϲχυοϲ αυτων οτι θανατοϲ αυτων εν οφθαλμοιϲ αυτων
- Ἐϲθήρ 4:17k
και εϲθηρʼ η βαϲιλιϲϲα κατεφυγεν επι τον κν εν αγωνι · θανατου κατιλημμενη και αφελομενη τα ϊματια τηϲ δοξηϲ αυτηϲ · ενεδυϲατο ϊματια ϲτενοχωριαϲ και πενθουϲ · και αντι των ϋπερηφανων ηδυϲματων · ϲποδου και κοπριων επληϲεν την κεφαλην αυτηϲ · και το ϲωμα αυτηϲ εταπινωϲεν ϲφοδρα · και παντα τοπον κοϲμου αγαλλιαματοϲ αυτηϲ επληϲεν ϲτρεπτων τριχων αυτηϲ και εδειτο κυ θυ ϊϲλʼ · και ειπεν ·
- Ἐϲθήρ 4:17l
κε μου ο βαϲιλευϲ ημων · ϲυ ει μονοϲ · βοηθηϲον μοι τη μονη · και μη εχουϲη βοηθον ει μη ϲε · οτι κινδυνοϲ μου εν χιρι μου
- Ἐϲθήρ 4:17m
εγω ηκουον εκ γενετηϲ μου εκ φυληϲ πατριαϲ μου οτι ϲυ κε ελαβεϲ τον ϊϲλ εκ παντων των εθνων · και τουϲ πατεραϲ ημων εκ παντων των προγονων αυτων ειϲ κληρονομιαν αιωνιον · και εποιηϲαϲ αυτοιϲ οϲα ελαληϲαϲ ·
- Ἐϲθήρ 4:17n
και νυν ημαρτομεν ενωπιον ϲου και παρεδωκαϲ ημαϲ ειϲ χιραϲ των εχθρων ημων · ανθ ων εδοξαϲαμεν τουϲ θεουϲ αυτων · δικαιοϲ ει κε ·
- Ἐϲθήρ 4:17o
και νυν ουχ ϊκανωθηϲαν εν πικραϲμω δουλιαϲ ημων · αλλα εθηκαν ταϲ χιραϲ των ειδωλων αυτων · εξαραι οριϲμον ϲτοματοϲ ϲου · και αφανιϲαι κληρονομιαν ϲου · και εμφραξαι ϲτοματα αινουντων ϲοι · και ϲβεϲαι δοξαν οικου ϲου · και θυϲιαϲτηριον ϲου ·
- Ἐϲθήρ 4:17p
και ανοιξαι ϲτομα εθνων ειϲ αρεταϲ ματαιων · και θαυμαϲθηναι βαϲιλεα ϲαρκινον ειϲ αιωνα ˙
- Ἐϲθήρ 4:17q
μη παραδωϲ κε το ϲκηπτρον ϲου κε τοιϲ μη ουϲι · και μη καταγελαϲατωϲαν εν τη πτωϲει ημων · αλλα ϲτρεψον την βουλην αυτου επ αυτοιϲ · τον δε αρξαμενον εφ ημαϲ παραδιγματιϲον ·
- Ἐϲθήρ 4:17r
μνηϲθητι κε γνωϲθητι εν καιρω θλιψεωϲ ημων · και εμε θαρϲυνον βαϲιλευ των θεων · και παϲηϲ αρχην επικρατων ·
- Ἐϲθήρ 4:17s
δοϲ λογον ευρυθμον ειϲ το ϲτομα μου ενωπιον του λεοντοϲ · και μεταθεϲ την καρδιαν αυτων ειϲ μιϲοϲ του πολεμουντοϲ ημαϲ ειϲ ϲυντελειαν αυτον · και των ομονοουντων αυτω ·
- Ἐϲθήρ 4:17t
ημαϲ δε ρυϲαι εν χιρι ϲου και βοηθηϲον μοι τη μονη και μη εχουϲη ει μη ϲε κε ·
- Ἐϲθήρ 4:17u
παντων γνωϲιν εχειϲ και οιδαϲ οτι εμιϲηϲα δοξαν ανομων και βδελυϲϲομε κοιτην απεριτμητων και παντοϲ αλλοτριου ·
- Ἐϲθήρ 4:17w
ϲυ οιδαϲ την αναγκην μου οτι βδελυϲϲομε κοιτην απεριτμητων το ϲημιον τηϲ ϋπερηφανιαϲ μου · ο εϲτιν επι τηϲ κεφαληϲ μου · εν ημεραιϲ οπταϲιαϲ μου βδελυϲϲομαι αυτο ωϲ ρακοϲ καταμηνιαιων και ου φορω αυτο εν ημεραιϲ ηϲυχιαϲ μου ·
- Ἐϲθήρ 4:17x
και ουκ εφαγεν η δουλη ϲου τραπεζαν αμαν · και ουκ εδοξαϲα ϲυμποϲιον βαϲιλεωϲ · ουδε επινον οινον ϲπονδων ·
- Ἐϲθήρ 4:17y
και ουκ ευφρανθη η δουλη ϲου αφ ημεραϲ μεταβοληϲ μεχρι νυν · πλην επι ϲοι κε ο θϲ αβρααμʼ
- Ἐϲθήρ 4:17z
ο θϲ ο ιϲχυων επι πανταϲ ειϲακουϲον φωνην αφηλπιϲμενων · και ρυϲαι ημαϲ εκ χιροϲ των πονηρευομενων ˙ και ρυϲαι η με εκ του φοβου μου :
- Ἐϲθήρ 5:1
και εγενηθη εν τη ημερα τη τριτη ωϲ επαυϲατο προϲευχομενη · εξεδυϲατο τα ϊματια τηϲ θεραπιαϲ · και περιεβαλετο την δοξαν αυτηϲ ·
- Ἐϲθήρ 5:1a
και εγενηθη επιφανηϲ επικαλεϲαμενη τον παντων εποπτην θν · και ϲωτηρα ˙ παρελαβε το δυο αβραϲ · και τη μεν μια επηριδετο ωϲ τρυφερευομενη · η δε ετερα επηκολουθει κουφιϲα την ενδυϲιν αυτηϲ ·
- Ἐϲθήρ 5:1b
και αυτη ερυθριωϲα ωϲ ακμη καλλουϲ αυτηϲ · και το προϲωπον ιλαρον αυτηϲ ωϲ προφιλεϲ · η δε καρδια αυτηϲ απεϲτενωμενη απο του φοβου ·
- Ἐϲθήρ 5:1c
και ειϲελθουϲα ταϲ θυραϲ · κατεϲτη ενωπιον του βαϲιλεωϲ και αυτοϲ εκαθητο επι του θρονου τηϲ βαϲιλιαϲ αυτου · και παϲαν ϲτολην τηϲ επιφανιαϲ αυτου ενεδεδυκει ολοϲ δια χρυϲου και λιθων πολυτελων και ην φοβεροϲ ϲφοδρα ˙
- Ἐϲθήρ 5:1d
και το προϲωπον αυτου πεπληρωμενη δοξη εν ακμη θυμου και επεϲεν η βαϲιλιϲϲα και μετεβαλε το χρωμα αυτηϲ εν εκδυϲει · και κατεπεκυψεν επι την κεφαλην τηϲ αβραϲ τηϲ προϲπορευομενηϲ
- Ἐϲθήρ 5:1r
και μετελαβεν ο θϲ το πνα του βαϲιλεωϲ ειϲ πραϋτητα και αγωνιαϲαϲ ανεπηδηϲεν απο του θρονου αυτου · και ανελαβεν αυτην επι ταϲ αγκαλαϲ αυτου · μεχριϲ ου κατεϲτη · και παρεκαλει αυτην λογοιϲ ειρηνικοιϲ · και ειπεν αυτη ·
- Ἐϲθήρ 5:1f
τι εϲτιν εϲθηρʼ εγω ο αδελφοϲ ϲου θαρϲι · ου μη αποθανηϲ · οτι κοινον το προϲταγμα ημων εϲτιν προϲελθε ·
- Ἐϲθήρ 5:2
και αραϲ την χρυϲην ραβδον επεθηκεν επι τον τραχηλον αυτηϲ ˙ και ηϲπαϲατο αυτην και ειπεν ˙ λαληϲον μοι ˙
- Ἐϲθήρ 5:2a
και ειπον αυτω ειδον ϲε κε ωϲ αγγελον θυ και εταραχθη η καρδια μου απο φοβου τηϲ δοξηϲ ϲου οτι θαυμαϲτοϲ ει κε · και το προϲωπον ϲου χαριτων μεϲτον ˙
- Ἐϲθήρ 5:2b
εν δε τω διαλεγεϲθε αυτην επεϲεν απο εκλυϲεωϲ αυτηϲ · και ο βαϲιλευϲ εταραϲϲετο και παϲα η θεραπεια αυτου παρεκαλει αυτην ·
- Ἐϲθήρ 5:3
και ειπεν ο βαϲιλευϲ τι θελειϲ εϲθηρ και τι ϲου εϲτιν το αξιωμα εωϲ του ημιϲουϲ τηϲ βαϲιλιαϲ μου και εϲται ϲοι ·
- Ἐϲθήρ 5:4
ειπεν δε εϲθηρʼ ημερα μου επιϲημοϲ ϲημερον εϲτιν · ει δοκει τω βαϲιλει ελθατω και αυτοϲ και αμαν ειϲ την δοχην ην ποιηϲω ϲημερον :
- Ἐϲθήρ 5:5
και ειπεν ο βαϲιλευϲ καταϲπευϲατε αμαν · οπωϲ ποιηϲομεν τον λογον εϲθηρʼ · και παραγινονται αμφοτεροι ειϲ την δοχην ην ειπεν εϲθηρ :
- Ἐϲθήρ 5:6
εν δε τω αυτω ειπεν ο βαϲιλευϲ προϲ εϲθηρ τι εϲτιν βαϲιλιϲϲα εϲθηρ · και εϲται οϲα αξιοιϲ ·
- Ἐϲθήρ 5:7
και ειπεν το αιτημα μου και το αξιωμα μου ·
- Ἐϲθήρ 5:8
ει ευρον χαριν ενωπιον του βαϲιλεωϲ ελθατω ο βαϲιλευϲ και αμαν ετι την αυριον ποιηϲω τα αυτα ˙
- Ἐϲθήρ 5:9
και εξηλθεν ο αμαν απο του βαϲιλεωϲ ϋπερχαρηϲ ευφραινομενοϲ · εν δε τω ειδιν αμαν μαρδοχαιον τον ϊουδαιον εν τη αυλη εθυμωθη ϲφοδρα
- Ἐϲθήρ 5:10
και ειϲελθων ειϲ τα ϊδια εκαλεϲεν τουϲ φιλουϲ και ζωϲαραν · την γυναικα αυτου
- Ἐϲθήρ 5:11
και ϋπεδιξεν αυτοιϲ τον πλουτον αυτου και την δοξαν ην ο βαϲιλευϲ αυτω περιεθηκεν και ωϲ εποιηϲεν αυτον πρωτευειν και ηγιϲθαι τηϲ βαϲιλιαϲ ·
- Ἐϲθήρ 5:12
και ειπεν αμαν · ου κεκληκεν η βαϲιλιϲϲα μετα του βαϲιλεωϲ ουδενα ειϲ την δοχην · αλλ η εμε · και ειϲ την αυριον κεκλημαι
- Ἐϲθήρ 5:13
και ταυτα μοι ουκ αρεϲκει οταν ϊδω μαρδοχαιον τον ιουδαιον εν τη αυλη ·
- Ἐϲθήρ 5:14
και ειπεν προϲ αυτον ζωϲαρα η γυνη αυτου και οι φιλοι κοπητω ϲοι ξυλον πηχων πεντηκοντα · ορθρου δε ειπον τω βαϲιλει και κρεμαϲθητω μαρδοχαιοϲ επι του ξυλου ϲυ δε ειϲελθε ειϲ την δοχην ϲυν τω βαϲιλει και ευφρενου · και ηρεϲεν το ρημα τω αμαν · και ητοιμαϲθη το ξυλον ·
- Ἐϲθήρ 6:1
ο δε κϲ απεϲτηϲεν τον ϋπνον απο του βαϲιλεωϲ την νυκτα εκεινην · και ειπεν τω διδαϲκαλω αυτου ειϲφεριν γραμματα μνημοϲυνα των ημερων αναγινωϲκειν αυτω
- Ἐϲθήρ 6:2
ευρεν δε τα γραμματα περι μαρδοχαιου ωϲ απηγγειλαι τω βαϲιλει περι των δυο ευνουχων του βαϲιλεωϲ εν τω φυλαϲϲειν αυτον και ζητηϲαι επιβαλειν ταϲ χιραϲ αρταξερξει ·
- Ἐϲθήρ 6:3
ειπεν δε ο βαϲιλευϲ τινα δοξαν η χαριν εποιηϲαμεν τω μαρδοχαιω και ειπαν οι διακονοι του βαϲιλεωϲ ουκ εποιηϲαϲ αυτω ουδεν ·
- Ἐϲθήρ 6:4
εν δε τω πυνθανεϲθαι τον βαϲιλεα περι τηϲ ευνοιαϲ του μαρδοχαιου · ϊδου αμαν εν τη αυλη ειπεν δε ο βαϲιλευϲ τιϲ εν τη αυλη · ο δε αμαν ειϲηλθεν ειπειν τω βαϲιλει κρεμαϲαι τον μαρδοχαιον επι τω ξυλω ω ητοιμαϲεν
- Ἐϲθήρ 6:5
και ειπον οι διακονοι του βαϲιλεωϲ ϊδου αμαν εϲτηκεν εν τη αυλη · και ειπεν ο βαϲιλευϲ καλεϲατε αυτον
- Ἐϲθήρ 6:6
ειπεν δε ο βαϲιλευϲ τω αμαν · τι ποιηϲω τω ανθρωπω ον εγω θελω δοξαϲαι ειπεν δε αυτω αμαν τινα θελει ο βαϲιλευϲ δοξαϲαι ει μη εμε :
- Ἐϲθήρ 6:7
ειπεν δε προϲ τον βαϲιλεα ανθρωπον ον ο βαϲιλευϲ θελει δοξαϲαι
- Ἐϲθήρ 6:8
ενεγκατωϲαν οι παιδεϲ του βαϲιλεωϲ ϲτολην βυϲϲινην ην ο βαϲιλευϲ περιβαλλεται · […] πον εφ ον ο βαϲιλευϲ επιβαινει
- Ἐϲθήρ 6:9
και δοτω ενι των φιλων του βαϲιλεωϲ των ενδοξων και ϲτολιϲατω τον ανθρωπον ον ο βαϲιλευϲ αγαπα και αναβιβαϲατω αυτον επι τον ιππον · και κηρυϲϲεται δια τηϲ πλατιαϲ τηϲ πολεωϲ λεγων · ουτωϲ εϲται παντι ανθρωπω ον ο βαϲιλευϲ δοξαζει
- Ἐϲθήρ 6:10
ειπεν δε ο βαϲιλευϲ τω αμαν · καλωϲ ελαληϲαϲ ουτω ποιηϲον τω μαρδοχαιω τω ιουδαιω τω θεραπευοντι εν τη αυλη · και μη παραπεϲατω ϲου λογοϲ ων ελαληϲαϲ
- Ἐϲθήρ 6:11
ελαβεν δε αμαν την ϲτολην και τον ιππον και εϲτολιϲεν τον μαρδοχαιον · και ανεβιβαϲεν αυτον επι τον ϊππον · και διηλθεν δια τηϲ πλατιαϲ τηϲ πολεωϲ και εκηρυϲϲεν λεγων · ουτωϲ εϲται παντι ανθρωπω ον ο βαϲιλευϲ θελι δοξαϲαι ·
- Ἐϲθήρ 6:12
επεϲτρεψεν δε ο μαρδοχαιοϲ ειϲ την αυλην αμαν δε ϋπεϲτρεψεν ειϲ τα ϊδια λυπουμενοϲ κατα κεφαληϲ ·
- Ἐϲθήρ 6:13
και διηγηϲατο απαντα τα ϲυμβεβηκοτα αυτω αμαν ζωϲαρα τη γυνεκι αυτου και τοιϲ φιλοιϲ · και ειπαν προϲ αυτον οι φιλοι και η γυνη ει εκ γενουϲ ϊουδαιων μαρδοχαιοϲ ηρξαι ταπινουϲθαι ενωπιον αυτου πεϲων πεϲη ου μη δυνη αυτον αμυναϲθαι · οτι θϲ ζων μετ αυτου ·
- Ἐϲθήρ 6:14
ετι αυτων λαλουντων παραγινονται οι ευνουχοι επιϲπευδοντεϲ τον αμαν επι τον ποτον ον ητοιμαϲεν αιϲθηρ ·
- Ἐϲθήρ 7:1
ειϲηλθεν δε ο βαϲιλευϲ και αμαν · ϲυνπιειν τη βαϲιλιϲϲη
- Ἐϲθήρ 7:2
ειπεν δε ο βαϲιλευϲ εϲθηρ τη δευτερα ημερα εν τω ποτω τι εϲτιν εϲθηρʼ βαϲιλιϲϲα και τι το αιτημα ϲου και τι το αξιωμα ϲου και εϲτω ϲοι εωϲ του ημιϲουϲ τηϲ βαϲιλειαϲ μου ·
- Ἐϲθήρ 7:3
και αποκριθειϲα ειπεν ει ευρον χαριν ενωπιον του βαϲιλεωϲ δοθητω η ψυχη τω αιματι μου και ο λογοϲ τω αξιωματι μου ·
- Ἐϲθήρ 7:4
επραθημεν γαρ εγω τε και ο λαοϲ μου ειϲ απωλιαν και διαρπαγην και δουλιαν ημειϲ και τα τεκνα ημων ειϲ παιδαϲ και παιδιϲκαϲ και παρηκουϲα ου γαρ αξιοϲ ο διαβολοϲ τηϲ αυληϲ του βαϲιλεωϲ ·
- Ἐϲθήρ 7:5
ειπεν δε ο βαϲιλευϲ τιϲ ουτοϲ εϲτιν οϲ ετολμηϲεν ποιηϲαι το πραγμα τουτο
- Ἐϲθήρ 7:6
ειπεν δε εϲθηρ ανθρωποϲ εχθροϲ αμαν · ο πονηροϲ ουτοϲ · αμαν δε εταραχθη απο του βαϲιλεωϲ και τηϲ βαϲιλιϲϲηϲ
- Ἐϲθήρ 7:7
ο δε βαϲιλευϲ εξανεϲτη εκ του ϲυμποϲιου ειϲ τον κηπον ο δε αμαν παρητιτο την βαϲιλιϲϲαν εωρα γαρ αυτον εν κακοιϲ οντα ·
- Ἐϲθήρ 7:8
επεϲτρεψεν δε ο βαϲιλευϲ εκ του κηπου αμαν δε επιπεπτωκει επι την κλινην αξιων την βαϲιλιϲϲαν · ειπεν δε ο βαϲιλευϲ ωϲτε και την γυναικαν βιαζη εν τη οικια μου αμαν δε ακουϲαϲ διετραπη τω προϲωπω ˙
- Ἐϲθήρ 7:9
ειπεν δε βουγαθα ειϲ των ευνουχων προϲ τον βαϲιλεα ϊδου και ξυλον ητοιμαϲεν αμαν · μαρδοχαιω τω λαληϲαντι περι του βαϲιλεωϲ ωρθωτε εν τοιϲ αμαν · ξυλον πηχων πεντηκοντα ˙ ειπεν δε ο βαϲιλευϲ ϲταυρωθητω επ αυτου ·
- Ἐϲθήρ 7:10
και εκρεμαϲθη αμαν επι του ξυλου ο ητοιμαϲθη μαρδοχαιω : και τοτε ο βαϲιλευϲ εκοπαϲεν του θυμου ·
- Ἐϲθήρ 8:1
και εν αυτη τη ωρα ο βαϲιλευϲ αρταξερξηϲ εδωρηϲατο εϲθηρʼ οϲα ϋπηρχεν αμαν και μαρδοχαιοϲ προϲεκληθη ϋπο του βαϲιλεωϲ ˙ ϋπεδιξεν γαρ εϲθηρʼ οτι ενοικιωται αυτη
- Ἐϲθήρ 8:2
ελαβεν δε ο βαϲιλευϲ τον δακτυλιον ον αφιλατο αμαν · και εδωκεν αυτον μαρδοχαιω · και κατεϲτηϲεν εϲθηρʼ μαρδοχαιον επι παντων των αμαν ·
- Ἐϲθήρ 8:3
και προϲθιϲα ελαληϲεν προϲ τον βαϲιλεα · και προϲεπεϲεν προϲ τουϲ ποδαϲ αυτου και ηξιου αφελειν την αμαν κακιαν · και οϲα εποιηϲεν τοιϲ ιουδαιοιϲ :
- Ἐϲθήρ 8:4
εξετινεν δε ο βαϲιλευϲ εϲθηρ την ραβδον την χρυϲην ˙ εξηγερθη δε εϲθηρʼ παρεϲτηκεναι τω βαϲιλει ·
- Ἐϲθήρ 8:5
και ειπεν εϲθηρ ει δοκι ϲοι και ευρον χαριν πεμφθητω αποϲτρεψαι τα γραμματα τα απεϲταλμενα ϋπο αμαν · τα γραφεντα απολεϲθαι τουϲ ϊουδαιουϲ οι ειϲιν εν τη βαϲιλια ϲου ·
- Ἐϲθήρ 8:6
πωϲ γαρ δυνηϲομε ειδιν την κακωϲιν του λαου μου και πωϲ δυνηϲομε ϲωθηναι εν τη απωλια τηϲ πατριδοϲ μου ·
- Ἐϲθήρ 8:7
και ειπεν ο βαϲιλευϲ προϲ εϲθηρʼ ει παντα τα ϋπαρχοντα αμαν εδωκε και εχαριϲαμην ϲοι και αυτον εκρεμαϲα επι ξυλου οτι ταϲ χιραϲ επηνεγκα αν τοιϲ ιουδαιοιϲ · τι ετι επιζητειϲ
- Ἐϲθήρ 8:8
γραφετε και ϋμιϲ εκ του ονοματοϲ μου ωϲ δοκει υμιν · και ϲφραγιϲατε τω δακτυλιω μου · οϲα γαρ γραφεται του βαϲιλεωϲ επιταξαντοϲ και ϲφραγιϲθη τω δακτυλιω μου · ουκ εϲτιν αυτοιϲ αντειπειν
- Ἐϲθήρ 8:9
εκληθηϲαν δε οι γραμματειϲ εν τω πρωτω μηνι ο εϲτιν νιϲα τριτη και εικαδι του δευτερου ετουϲ και εγραφη τοιϲ ιουδαιοιϲ οϲα ενετιλατο τοιϲ οικονομοιϲ και τοιϲ αρχουϲιν των ϲατραπῶν απο τηϲ ϊνδικηϲ εωϲ τηϲ αιθιοπιαϲ κατα χωραν και χωραν εκατον εικοϲι επτα ϲατραπειαιϲ κατα την εαυτων λεξιν ˙
- Ἐϲθήρ 8:10
εγραφη δε δια του βαϲιλεωϲ και εϲφραγιϲθη τω δακτυλιω αυτου και εξαπεϲτιλαν τα γραμματα δια βιβλιαφορων
- Ἐϲθήρ 8:11
ωϲ επεταξεν αυτοιϲ χρηϲθε τοιϲ νομοιϲ αυτων εν παϲη πολει βοηθηϲε ται αυτοιϲ · και χρηϲθε τοιϲ αντιδικοιϲ και τοιϲ αντικιμενοιϲ αυτων · ωϲ βουλονται
- Ἐϲθήρ 8:12
εν ημερα μια εν παϲη τη βαϲιλεια αρταξερξου τη τριϲκεδεκατη του μηνοϲ εϲτιν
- Ἐϲθήρ 8:12a
αντιγραφον επιϲτοληϲ τα υπογεγραμμενα
- Ἐϲθήρ 8:12b
βαϲιλευϲ μεγαϲ αρταξερξηϲ τοιϲ απο τηϲ ϊνδικηϲ εωϲ τηϲ αιθιοπιαϲ εκατον εικοϲι επτα ϲατραπαιϲ ϊδιων χωρων αρχουϲι και τοιϲ τα ημετερα φρονουϲιν χαιρειν ·
- Ἐϲθήρ 8:12c
πολλοι τη πλιϲτη των ευεργετουντων χρηϲτοτητι πυκνοτερον τιμωμενοι αμινον εφρονηϲαν ου μονον τουϲ ϋποτεταγμενουϲ ϋμιν αιτουϲιν κακοποιειν τον τε κορον ου δυναμενοι φεριν και τοιϲ εαυτων ευεργεταιϲ επιχειρουϲιν μηχαναϲθαι .
- Ἐϲθήρ 8:12d
και κατα την ευχαριϲτιαν ου μονον εκ των ανθρωπων αντανερουντεϲ αλλα και τοιϲ των απειραγαθων κομποιϲ επαρθεντεϲ του τα παντα κατοπτευοντοϲ αει θυ μιϲοπονηρον διαλαμβανουϲιν εφευξεϲθαι
- Ἐϲθήρ 8:12e
πολλακιϲ δε · και πολλουϲ των επ εξουϲιαιϲ τεταγμενων των πιϲτευθεντων χιριζειν φιλων τα πραγματα παραμυθιαν μετενουϲ αιματων αθωων καταϲτηϲαϲ περιεβαλε ϲυμφορεϲ ανικεϲτοιϲ
- Ἐϲθήρ 8:12f
τω τηϲ κακοηθιαϲ ψευδει δε παραλογιϲμω παραλογιϲαμενοϲ την των επικρατουντων ακερεον επιγνωϲιν
- Ἐϲθήρ 8:12g
ϲκοπειν δε εξεϲτιν ουτω ου των εκ των παλαιοτερων παρεδωκαμεν ϊϲτοριων · οϲον εϲτιν παρα μεροϲ ϋμιν εκζητουν ανοϲιωϲ ϲυντετελεϲμενα τη των αξιαϲ δυναϲτευων το λοιμοτητι
- Ἐϲθήρ 8:12h
και προϲεχειν ειϲ το μετα ταυτα ειϲ το την βαϲιλιαν αταραχον τοιϲ παϲιν ανθρωποιϲ μετ ιρηνηϲ παρεξομεθα
- Ἐϲθήρ 8:12i
χρωμενοι ταιϲ μεταβολαιϲ : τα δε ϋπο την οψιν ερχομενα διακρινοντεϲ αει μετα επιεικεϲτεραϲ αγανακτηϲεωϲ ·
- Ἐϲθήρ 8:12k
ωϲ γαρ αμαν · αμαδαθου μακεδων ταιϲ αληθιαιϲ αλλοτριοϲ του των περϲων αιματοϲ · και πολλα διεϲτηκωϲ τηϲ ημετεραϲ χρηϲτοτητοϲ · επιξενωθειϲ ημιν
- Ἐϲθήρ 8:12l
ετυχεν ηϲ εχομεν προϲ παν εθνοϲ φιλανθρωπιαϲ επι τοϲουτον ωϲτε αναπορευεϲθαι ημων πατερα και προϲκυνουμενον ϋπο παντων το δευτερον του βαϲιλικου θρονου προϲωπον διατελιν ˙
- Ἐϲθήρ 8:12m
ουκ ενεγκαϲ δε την ϋπερηφανιαν επετηδευϲε τηϲ αρχηϲ ϲτερεϲαι υμαϲ και του πνϲ
- Ἐϲθήρ 8:12n
τον τε ημετερον ϲωτηραν και δια παντοϲ ευεργετην μαρδοχαιον και την αμεμπτον τηϲ βαϲιλεωϲ κοινωνον εϲθηρ ϲυν παντι τοιϲ τουτων εθνει πολυπλοκοιϲ μεθοδων παραλογιϲμοιϲ ετηϲαμενοϲ ειϲ απωλιαν ·
- Ἐϲθήρ 8:12o
δια γαρ των τροπων τουτων ηθη λαβων ημαϲ ερημουϲ · την των περϲων επικρατηϲιν ειϲ τουϲ μακαιδοναϲ μεταξαι ·
- Ἐϲθήρ 8:12p
ημιϲ δε τουϲ υπο του τριϲαλιτηριου παραδεδομενουϲ ειϲ αφανιϲμον ϊουδαιουϲ ευριϲκομεν ου κακουργουϲ ονταϲ αναγκαιοτατουϲ δε πολιτευομενουϲ νομοιϲ ·
- Ἐϲθήρ 8:12q
ονταϲ δε ϋϊοιϲ του ϋψιϲτου μεγιϲτου ζωντοϲ θυ του κατευθυνονταϲ ημαϲ τε και τοιϲ προγονοιϲ ημων την αγιαν εν τη καλλιϲτη διαθεϲει :
- Ἐϲθήρ 8:12r
καλωϲ ουν ποιηϲητε μη προϲχρηϲαμενοι τοιϲ ϋπο αμαν · αμαδαθου · αποϲταλιϲη γραμμαϲιν η δια το αυτον ταυτα εξεργαϲαμενον προϲ ταιϲ ϲουϲων πυλαιϲ εϲταυρωϲθαι ϲυν τη πανοικια την καταξιαν του παντα επικρατουντοϲ θυ δια ταχουϲ αποδοντοϲ αυτω κριϲιν ·
- Ἐϲθήρ 8:12s
το δε αντιγραφον τηϲ επιϲτοληϲ ταυτηϲ εκτεθεντοϲ εν παντι τοπω μετα παρρηϲιαϲ αν τουϲ ϊουδαιουϲ χρηϲθαι τοιϲ εαυτων νομοιϲ και ϲυνεπιϲχυειν αυτοιϲ · οπωϲ τουϲ εν καιρω θλιψεωϲ επιθεμενουϲ αμυνωνται τη τριϲκαιδεκατη του δωδεκατου μηνοϲ αδαρʼ · τη αυτη ημερα ˙
← Previous · Next → — showing 101–200 of 252
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.