Codex Sinaiticus: Ἐϲθήρ
- Ἐϲθήρ 1:1a
ετουϲ δευτερου βαϲιλευοντοϲ αρταξερξου του μεγαλου τη μια του νιϲα ενϋπνιον ειδεν μαρδοχαιοϲ ο του ϊαϊρου · του ϲεμειου · του κειϲαιου · εκ φυληϲ βενιαμειν ·
- Ἐϲθήρ 1:1b
ανθρωποϲ ϊουδαιοϲ οικων εν ϲουϲοιϲʼ τη πολει · ανθρωποϲ μεγαϲ · θεραπευων εν τη αυλη του βαϲιλεωϲ ·
- Ἐϲθήρ 1:1c
ην δε εκ τηϲ αιχμαλωϲιαϲ · ηϲ ηχμαλωτευϲεν · ναβουχοδονοϲορʼ βαϲιλευϲ βαβυλωνοϲ εξ ϊηλμʼ μετα ϊεχονιου του βαϲιλεωϲ τηϲ ϊουδαιαϲ
- Ἐϲθήρ 1:1d
και τουτο αυτου το ενϋπνιον · και ϊδου φωναι . και θορυβοϲ · βρονται · και ϲιϲμοϲ ταραχοϲ επι τηϲ γηϲ ·
- Ἐϲθήρ 1:1e
και ϊδου δυο δρακοντεϲ μεγαλοι δυο ετοιμοι προηλθον αμφοτεροι παλαιειν · και εγενετο αυτων φωνη μεγαλη ·
- Ἐϲθήρ 1:1f
και τη φωνη αυτων ητοιμαϲθη παν εθνοϲ ειϲ πολεμον ωϲτε πολεμηϲαι δικαιων εθνοϲ ·
- Ἐϲθήρ 1:1g
και ϊδου ημερα ϲκοτουϲ · και γνοφου θλιψιϲ και ϲτενοχωρια · κακωϲιϲ και ταραχοϲ μεγαϲ · επι τηϲ γηϲ ·
- Ἐϲθήρ 1:1h
και εταραχθη δικαιον παν εθνοϲ φοβουμενοι τα εαυτων κακα ˙ και ητοιμαϲθηϲαν απολεϲθε · και εβοηϲαν προϲ τον θν :
- Ἐϲθήρ 1:1i
απο δε τηϲ βοηϲ αυτων εγενετο ωϲανʼ απο μικραϲ πηγηϲ ποταμοϲ μεγαϲ ϋδωρ πολυ
- Ἐϲθήρ 1:1k
φωτοϲ ο ηλιοϲ ανετιλεν και οι ταπινοι ϋψωθηϲαν και κατεφαγον τουϲ ενδοξουϲ ·
- Ἐϲθήρ 1:1l
και διεγερθειϲ μαρδοχαιοϲ ο εωρακωϲ το ενϋπνιον τουτο και τι ο θϲ βεβουλευται ποιηϲαι · ειχεν αυτο εν τη καρδια εν παντι λογω ηθελεν επιγνουναι αυτον εωϲ τηϲ νυκτοϲ
- Ἐϲθήρ 1:1m
και ηϲυχαϲεν μαρδοχαιοϲ εν τη αυλη μετα γαβαθα · και θαρα των δυο ευνουχων του βαϲιλεωϲ των φυλαϲϲοντων την αυλην
- Ἐϲθήρ 1:1n
ηκουϲε τε αυτων · τουϲ λογιϲμουϲ και ταϲ μεριμναϲ αυτων εξηραυνηϲεν και εμαθεν · οτι ετοιμαζουϲι ταϲ χιραϲ επιβαλιν αρταξερξει τω βαϲιλει · και ϋπεδιξεν τω βαϲιλει περι αυτων ·
- Ἐϲθήρ 1:1o
και εξηταϲεν ο βαϲιλευϲ τουϲ δυο ευνουχουϲ · και ομολογηϲαντεϲ εξηχθηϲαν ·
- Ἐϲθήρ 1:1p
και εγραψεν ο βαϲιλευϲ τουϲ λογουϲ τουτουϲ ειϲ μνημοϲυνον · και μαρδοχαιοϲ εγραψεν περι των λογων τουτων ·
- Ἐϲθήρ 1:1q
και επεταξεν ο βαϲιλευϲ μαρδοχαιω θεραπευειν εν τη αυλη · και εδωκεν αυτω δοματα περι τουτων
- Ἐϲθήρ 1:1r
και ηνʼ αμαν · αμαδαθου . βουγαιοϲ . ενδοξοϲ ενωπιον του βαϲιλεωϲ και εζητηϲεν κακοποιηϲαι τον μαρδοχαιον και τον λαον αυτου ϋπερ των δυο ευνουχων του βαϲιλεωϲ :
- Ἐϲθήρ 1:1s
και εγενετο μετα τουϲ λογουϲ τουτουϲ · εν ταιϲ ημεραιϲ αρταξερξου ουτοϲ ο αρταξερξηϲ · απο τηϲ ϊνδικηϲ εκατον εικοϲι επτα χωρων εκρατηϲεν ·
- Ἐϲθήρ 1:2
εν αυταιϲ ταιϲ ημεραιϲ οτε εθρονιϲθη εν ϲουϲοιϲ τη πολει
- Ἐϲθήρ 1:3
εν τω τριτω ετει βαϲιλευοντοϲ αυτου δοχην εποιηϲεν τοιϲ φιλοιϲ και τοιϲ λοιποιϲ εθνεϲιν · και τοιϲ περϲων · και μηδων . ενδοξοιϲ και τοιϲ αρχουϲι των ϲατραπῶν
- Ἐϲθήρ 1:4
και μετα ταυτα το δειξαι αυτοιϲ τον πλουτον τηϲ βαϲιλειαϲ αυτου · και την δοξαν τηϲ ευφροϲυνηϲ και του πλουτου αυτου επι ημεραϲ εκατον ογδοηκοντα ·
- Ἐϲθήρ 1:5
οτε δε ανεπληρωθηϲαν αι ημεραι του γαμου εποιηϲεν ο βαϲιλευϲ ποτον τοιϲ εθνεϲιν τοιϲ ευρεθειϲιν ειϲ την πολιν επι ημεραϲ εξʼ εν αυλη του οικου του βαϲιλεωϲ
- Ἐϲθήρ 1:6
κεκοϲμημενω βυϲϲινοιϲ και καρπαϲιμοιϲ τεταγμενοιϲ επι ϲχυνιοιϲ βυϲϲινοιϲ · και πορφυροιϲ επι κυβοιϲ χρυϲοιϲ · και αργυροιϲ επι ϲτυλοιϲ παρινοιϲ · και λιθινοιϲ · κλιναι χρυϲοιϲ και αργυροιϲ επι λιθοϲτρωτουϲ ϲαμαραγδιτου λιθου και πινινου λιθου και ϲτρωμναι επιφανιϲ ποικιλωϲ διηνθιϲμεναι κυκλω ροδα πεπλαϲμενα ·
- Ἐϲθήρ 1:7
ποτηρια χρυϲα και αργυρα και ανθρακιον · κυλικινον προκειμενον · απο ταλαντων τριϲμυριων · οινοϲ πολυϲ και ηδυϲ · ον αυτοϲ ο βαϲιλευϲ επινεν ·
- Ἐϲθήρ 1:8
ο δε ποτοϲ ουτοϲ κατα προκιμενον νομον εγενετο · ουτω δε ηθεληϲεν ο βαϲιλευϲ · και επεταξεν τοιϲ οικονομοιϲ ποιηϲαι το θελημα αυτου και των ανθρωπων :
- Ἐϲθήρ 1:9
και αϲτιν · η βαϲιλιϲϲα εποιηϲε ποτον ταιϲ γυναιξιν εν τοιϲ βαϲιλειοιϲ · οπου ο βαϲιλευϲ αρταξερξηϲ :
- Ἐϲθήρ 1:10
εν δε τη ημερα τη εβδομη ηδεωϲ γενομενοϲ ο βαϲιλευϲ ειπεν τω αμαν · και μαζαν · και θαρρα · και βωραζη · και ζαθολθα και αβαταζα · και θαραβα · τοιϲ επτα ευνουχοιϲ τοιϲ διακονοιϲ του βαϲιλεωϲ
- Ἐϲθήρ 1:11
ειϲαγαγειν την βαϲιλιϲϲαν προϲ αυτον βαϲιλευειν αυτην και περιθειναι αυτη το διαδημα και δειξαι αυτην παϲι τοιϲ αρχουϲιν και τοιϲ εθνεϲιν το καλλοϲ αυτηϲ · οτι καλη ην
- Ἐϲθήρ 1:12
και ουκ ειϲηκουϲεν αυτου η βαϲιλιϲϲα ειϲελθειν μετα των ευνουχων : και ωργιϲθη ο βαϲιλευϲ και ελυπηθη ·
- Ἐϲθήρ 1:13
και ειπε τοιϲ φιλοιϲ αυτου κατα ταυτα α ελαληϲαν αϲτιν · ποιηϲατε ουν περι τουτου νομον και κριϲιν ·
- Ἐϲθήρ 1:14
και προϲηλθεν αυτω αρκεϲαοϲ και ϲαρϲαθαιοϲ και μαληϲεαρ οι αρχοντεϲ περϲων και μηδων οι αργυϲ του βαϲιλεωϲ : οι πρωτοι παρακαθημενοι τω βαϲιλει
- Ἐϲθήρ 1:15
και απηγγειλαν αυτω κατα τουϲ νομουϲ ωϲ δι ποιηϲαι αϲτιν · τη βαϲιλιϲϲη οτι ουκ εποιηϲεν τα υ̇πο του βαϲιλεωϲ προϲταχθεντα δια των ευνουχων ·
- Ἐϲθήρ 1:16
και ειπεν ο μουχαιοϲ προϲ τον βαϲιλεα και τουϲ αρχονταϲ · ου τον βαϲιλεα μονον ηδικηϲεν ※ αϲτιν : η βαϲιλιϲϲα · αλλα και πανταϲ τουϲ αρχονταϲ · και τουϲ ηγουμενουϲ του βαϲιλεωϲ ·
- Ἐϲθήρ 1:17
και γαρ διηγηϲατο αυτοιϲ τα ρηματα τηϲ βαϲιλιϲϲηϲ · και ωϲ αντιπε τω βαϲιλει · αρταξερξη ·
- Ἐϲθήρ 1:18
ουτω ϲημερον αι τυραννιδεϲ αι λοιπαι των αρχοντων · περϲων · και μηδων ακουϲαϲαι τα τω βαϲιλει λεχθεντα ϋπ αυτηϲ τολμηϲουϲιν ομοιωϲ ατιμαϲαι τουϲ ανδραϲ αυτων ·
- Ἐϲθήρ 1:19
ει ουν δοκει τω βαϲιλει προϲταξατω βαϲιλικον και γραφητω κατα τουϲ νομουϲ μηδων και περϲων και μη αλλωϲ χρηϲαϲθω · μηδε ειϲελθετω αϲτιν η βαϲιλιϲϲα προϲ αυτον · και την βαϲιλειαν αυτηϲ δοτω ο βαϲιλευϲ γυναικει κριττονι αυτηϲ ·
- Ἐϲθήρ 1:20
και ακουϲθητω ο νομοϲ ο υπο του βαϲιλεωϲ · ο εαν ποιη εν τη βαϲιλεια αυτου · και ουτω παϲαι αι γυναικεϲ περιθηϲουϲιν τιμην τοιϲ ανδραϲιν εαυτων απο πτωχου εωϲ πλουϲιου ·
- Ἐϲθήρ 1:21
και ηρεϲεν ο λογοϲ τω βαϲιλει · και τοιϲ αρχουϲιν · και εποιηϲεν ο βαϲιλευϲ καθα ελαληϲεν ο ευνουχοϲ ·
- Ἐϲθήρ 1:22
και απεϲτιλεν ειϲ παϲαν την βαϲιλειαν κατα χωραν κατα την λεξιν αυτων · ωϲτε ειναι φοβον αυτοιϲ εν ταιϲ οικιαιϲ αυτων ·
- Ἐϲθήρ 2:1
και μετα τουϲ λογουϲ τουτουϲ εκοπαϲεν ο βαϲιλευϲ του θυμου · και ουκετι εμνηϲθη τηϲ αϲτιν μνημονευων οια ελαληϲαν και ωϲ κατεκριναν αυτην ·
- Ἐϲθήρ 2:2
και ειπαν οι διακονοι του βαϲιλεωϲ ζητηθητω τω βαϲιλει κοραϲια αφωρα καλα τω ειδιν
- Ἐϲθήρ 2:3
και καταϲτηϲει ο βαϲιλευϲ κωμαρχαϲ εν παϲαιϲ χωραιϲ τηϲ βαϲιλειαϲ αυτου · και επιλεξατωϲαν κοραϲια παρθενια καλα τω ειδει · ειϲ ϲουϲαν την πολιν ειϲ τον γυνεκωνα · και παραδοθητωϲαν τω ευνουχω του βαϲιλεωϲ τω φυλακει των γυνεκων και δοθητω ϲμηγμα και η λοιπη επιμελια
- Ἐϲθήρ 2:4
και γυνη · η αν αρεϲη τω βαϲιλει βαϲιλευϲει αντι αϲτιν · και ηρεϲεν τω βαϲιλει το πραγμα και εποιηϲεν ουτωϲ :
- Ἐϲθήρ 2:5
και ανθρωποϲ ην ϊουδαιοϲ εν ϲουϲοιϲ τη πολει · και ονομα αυτω μαρδοχαιοϲ ο του ϊαειρου · του ϲεμεειου · του κειϲαιου εκ φυληϲ βενιαμειν ·
- Ἐϲθήρ 2:6
οϲ ην αιχμαλωτοϲ εξ ι ϊηλμʼ ην ηχμαλωτευϲεν ναβουχοδονοϲορʼ βαϲιλευϲ βαβυλωνοϲ
- Ἐϲθήρ 2:7
και ην τουτω παιϲ θρεπτη θυγατηρʼ αμιναδαβ : αδελφου πατροϲ αυτου · και το ονομα αυτηϲ εϲθηρ · εν δε τω μεταλλαξαι αυτηϲ τουϲ γονειϲ · επεδευϲεν αυτην εαυτω ειϲ γυναικα · και ην το κοραϲιον καλη τω ειδει
- Ἐϲθήρ 2:8
και οτε ηκουϲθη το του βαϲιλεωϲ προϲταγμα ϲυνηχθηϲαν την πολιν · ϋπο χειρα · γαϊ · και ηχθη εϲθηρ προϲ γαϊ · τον φυλακα των γυναικων ·
- Ἐϲθήρ 2:9
και ηρεϲεν αυτω το κοραϲιον · και ευρεν χαριν ενωπιον αυτου · και εϲπευϲεν αυτη δουναι το ϲμηγμα και την μεριδα και τα επτα κοραϲια τα αποδεδιγμενα αυτη εκ βαϲιλεικου · και εχρηϲατο αυτη καλωϲ και ταιϲ αβραιϲ αυτηϲ εν τω γυνεκωνι ·
- Ἐϲθήρ 2:10
και ουχ ϋπεδιξεν εϲθηρ το γενοϲ αυτηϲ · ουδε την πατριδα ˙ ο γαρ μαρδοχαιοϲ ενετιλατο αυτη μη απαγγειλαι ·
- Ἐϲθήρ 2:11
καθ εκαϲτην δε ημεραν ο μαρδοχαιοϲ περιεπατει κατα την αυλην την γυναικιαν επιϲκοπων · τι εϲθηρ ϲυμβηϲεται ·
- Ἐϲθήρ 2:12
ουτοϲ δε ην καιροϲ κοραϲιου ειϲελθειν προϲ τον βαϲιλεα οταν αναπληρωϲη μηναϲ δωδεκα · ουτω γαρ αναπληρουνται αι ημεραι τηϲ θεραπιαϲ μηναϲ εξ · αλιφομεναι εν ϲμυρνινω ελαιω · και μηναϲ εξ · εν τοιϲ αρωμαϲιν και εν τοιϲ ϲμηγμαϲιν
- Ἐϲθήρ 2:13
και τοτε ειϲπορευεται προϲ τον βαϲιλεα και ω εαν ειπη παραδωϲει αυτην ϲυνειϲερχεϲθαι αυτω απο του γυνεκωνοϲ εωϲ των βαϲιλειων ·
- Ἐϲθήρ 2:14
δειληϲ ειϲπορευεται · και προϲ ημεραν αποτρεχει ειϲ τον γυναικωνα τον δευτερον ου γαϊ ο ευνουχοϲ του βαϲιλεωϲ ο φυλαξ των γυνεκων και ουκετι ειϲπορευεται προϲ τον βαϲιλεα εαν μη κληθη ονοματι :
- Ἐϲθήρ 2:15
εν δε τω αναπληρουϲθαι τον χρονον εϲθηρ του ειϲελθειν προϲ τον βαϲιλεα ουδεν ηθετηϲεν ων αυτη ενετιλατο ο ευνουχοϲ φυλαξʼ των γυναικων · ην γαρ εϲθηρʼ ευριϲκουϲα χαριν παρα παντων των βλεποντων αυτην ·
- Ἐϲθήρ 2:16
και ειϲηλθεν εϲθηρ προϲ τον αρταξερξην τον βαϲιλεα · τω δωδεκατω μηνι · οϲ εϲτιν αδωρ τω εβδομω ετει τηϲ βαϲιλειαϲ αυτου
- Ἐϲθήρ 2:17
και ηραϲθη ο βαϲιλευϲ εϲθηρʼ και ευρεν χαριν παρα παϲαϲ ταϲ παρθενουϲ και επεθηκεν το διαδημα το γυνεκιον
- Ἐϲθήρ 2:18
και εποιηϲεν ο βαϲιλευϲ ποτον παϲι τοιϲ φιλοιϲ αυτου · και ταιϲ δυναμεϲιν επι ημεραϲ επτα · και ϋψωϲεν τουϲ γαμουϲ εϲθηρʼ και αφεϲιν εποιηϲε τοιϲ ϋπο την βαϲιλειαν αυτου
- Ἐϲθήρ 2:19
ο δε μαρδοχαιοϲ εθεραπευεν εν τη αυλη ·
- Ἐϲθήρ 2:20
η δε εϲθηρʼ ουχ ϋπεδιξεν την πατριδα αυτηϲ ουτω γαρ ενετιλατο αυτη μαρδοχαιοϲ φοβειϲθαι τον θν · και ποιειν τα προϲταγματα αυτου · καθωϲ ην μετ αυτου · και εϲθηρʼ ου μετηλλαξεν την αγωγην αυτηϲ ·
- Ἐϲθήρ 2:21
και ελυπηθηϲαν οι δυο ευνουχοι του βαϲιλεωϲ · οι αρχιϲωματοφυλακεϲ οτι προηχθη μαρδοχαιοϲ και εζητουν αποκτειναι αρταξερξην τον βαϲιλεα ·
- Ἐϲθήρ 2:22
και εδηλωθη μαρδοχαιω ο λογοϲ · και εϲημανεν εϲθηρʼ και αυτη ενεφανιϲεν τω βαϲιλει τα τηϲ επιβουληϲ ·
- Ἐϲθήρ 2:23
ο δε βαϲιλευϲ ηταϲεν τουϲ δυο ευνουχουϲ και εκρεμαϲεν αυτουϲ και προϲεταξεν ο βαϲιλευϲ καταχωριϲαι ειϲ μνημοϲυνον εν τη βαϲιλικη βιβλιοθηκη ϋπερ τηϲ ευνοιαϲ μαρδοχαιου εν εγκωμιου :
- Ἐϲθήρ 3:1
μετα δε ταυτα εδοξαϲεν ο βαϲιλευϲ αρταξερξηϲ αμαν αμαδαθου βουγαιον · και ϋψωϲεν αυτον και επρωτοβαθρει παντων των φιλων αυτον ·
- Ἐϲθήρ 3:2
και παντεϲ οι εν τη αυλη προϲεκυνουν αυτω ˙ ουτω γαρ προϲεταξεν ποιηϲαι ο βαϲιλευϲ · ο δε μαρδοχαιοϲ ου προϲεκυνει αυτω ·
- Ἐϲθήρ 3:3
και ελαληϲαν οι εν τη αυλη του βαϲιλεωϲ τω μαρδοχαιω · μαρδοχαιε τι παρακουειϲ τα ϋπο του βαϲιλεωϲ λεγομενα ·
- Ἐϲθήρ 3:4
καθ εκαϲτην ημεραν ελαλουν αυτω και ουχ ϋπηκουεν αυτων · και υπεδιξεν τω αμαν · μαρδοχαιον τοιϲ του βαϲιλεωϲ λογοιϲ αντιταϲϲομενον · και ϋπεδιξεν αυτοιϲ ο μαρδοχαιοϲ · οτι ιουδαιοϲ εϲτιν ·
- Ἐϲθήρ 3:5
και επιγνουϲ αμαν οτι ου προϲκυνει αυτω εθυμωθη ϲφοδρα ˙
- Ἐϲθήρ 3:6
και εβουλευϲατο αφανιϲαι πανταϲ τουϲ ϋπο την αρταξερξου βαϲιλειαν ϊουδαιουϲ ·
- Ἐϲθήρ 3:7
και εποιηϲεν ψηφιϲμα εν ετι δωδεκατω τηϲ βαϲιλειαϲ αρταξερξου · και εβαλεν κληρουϲ ημεραν εξ ημεραϲ · και μηνα εκ μηνοϲ ωϲτε απολεϲαι εν μια ημερα το γενοϲ μαρδοχαιου και επεϲεν · ο κληροϲ ειϲ την τεϲϲαρεϲκαιδεκατην του μηνοϲ ο εϲτιν αδαρ ·
- Ἐϲθήρ 3:8
και ελαληϲεν προϲ τον βαϲιλεα αρταξερξην λεγων ϋπαρχει · εθνοϲ διεϲπαρμενον εν τοιϲ εθνεϲιν εν παϲη τη βαϲιλεια αυτων οι δε νομοι αυτων εξαλλοι παρα παντα τα εθνη · των δε νομων του βαϲιλεωϲ παρακουουϲιν · και ου ϲυμφερει · τω βαϲιλει εαϲαι αυτουϲ ·
- Ἐϲθήρ 3:9
ει δοκει τω βαϲιλει δογματιϲατω αυτουϲ απολεϲαι · καγω διαγραψω ειϲ το γαζοφυλακιον του βαϲιλεωϲ αργυριου ταλαντα μυρια ·
- Ἐϲθήρ 3:10
και περιελομενοϲ τον δακτυλιον εδωκεν τω αμαν : ϲφραγιϲαι κατα των γεγραμμενων κατα των ϊουδαιων
- Ἐϲθήρ 3:11
και ειπεν ο βαϲιλευϲ τω αμαν · το μεν αργυριον εχε τω δε εθνει χρω ωϲ βουλει :
- Ἐϲθήρ 3:12
και εκληθηϲαν οι γραμματιϲ του βαϲιλεωϲ μηνι πρωτω · τη τριϲκαιδεκατη και εγραψεν ωϲ επεταξεν αμαν · τοιϲ ϲτρατηγοιϲ και τοιϲ αρχουϲι κατα παϲαν χωραν απο ϊνδικηϲ εωϲ τηϲ αιθιοπιαϲ · ταιϲ εκατον εικοϲι επτα χωραιϲ τοιϲ τε αρχουϲι των εθνων κατα την αυτων λεξιν δι αρταξερξου του βαϲιλεωϲ ·
- Ἐϲθήρ 3:13
και απεϲταλη δια βιβλιαφορων ειϲ την αρταξερξου βαϲιλιαν · αφανιϲαι το γενοϲ των ϊουδαιων εν ημερα μια · μηνοϲ δωδεκατου ο εϲτιν αδαρʼ και διαρπαϲαι τα ϋπαρχοντα αυτων
- Ἐϲθήρ 3:13a
τηϲ δε επιϲτοληϲ εϲτιν αντιγραφον τοδε : βαϲιλευϲ μεγαϲ αρταξερξηϲ τοιϲ απο τηϲ ϊνδικηϲ εωϲ τηϲ αιθιοπιαϲ εκατον εικοϲι επτα χωρων · αρχουϲι και τοπαρχαιϲ · ϋποτεταγμενοιϲ · ταδε γραφει ·
- Ἐϲθήρ 3:13b
πολλων επαρξαϲ εθνων · και παϲηϲ επικρατηϲαϲ οικουμενηϲ · εβουληθην μη τω θραϲει τηϲ εξουϲιαϲ επερομενοϲ επιεικεϲτερον δε και μετα ηπιοτητοϲ αει διεξαγων τουϲ των ϋποτεταγμενων ακυματουϲ δια παντοϲ καταϲτηϲαι βιουϲ την τε βαϲιλειαν ημερον και πορευτην μεχρι περατων παρεξομενοϲ ανανεωϲαϲθαι τε την ποθουμενην τοιϲ παϲιν ανθρωποιϲ ϊρηνην ·
- Ἐϲθήρ 3:13c
πυθομενου δε μου των ϲυμβουλων · πωϲ αν αχθειη τουτο επι περαϲ ϲωφροϲυνη παρ ημιν διενεγκαϲ · και εν τη ευνοια απαραλλακτωϲ και βεβαια αποδεδιγμενοϲ πιϲτι · και δευτερον των βαϲιλεων γεραϲ απενηνεγμενοϲ αμαν ·
- Ἐϲθήρ 3:13d
επεδιξεν ημιν ταιϲ κατα την οικουμενην φυλαιϲ ανεμεμιχθε δυϲμενη · λαον τινα τοιϲ νομοιϲ αντιτυπον · προϲ παν εθνοϲ τα τε των βαϲιλεων παραπεμποντεϲ διηνεκωϲ διαταγματα προϲ το μη κατατιθεϲθε την ϋφ ημων κατευθυνομενην αμεμπτωϲ ϲυναρχειαν ·
- Ἐϲθήρ 3:13e
διειληφοτεϲ ουν τοδε το εθνοϲ μονωτατον εν αντιπαραγωγη παντι δια παντοϲ ανθρωπων κεινουμενον διαγωγην νομων ξενιζουϲα παραλλαϲϲον και δυϲνοουν τοιϲ ημετεροιϲ πραγμα τα χειραϊϲτα ϲυντελουν κακα προϲ το μη την βαϲιλειαν ευϲταθιαϲ τυγχανιν
- Ἐϲθήρ 3:13f
προϲτεταχαμεν ουν τουϲ ϲημενομενουϲ ϋμιν εν τοιϲ γεγραμμενοιϲ υπο αμαν · του τεταγμενου επι των πραγματων και δευτερου πατροϲ ημων · παντα ϲυν γυναιξι και τεκνοιϲ απολεϲαι ολοριζει ταιϲ των εχθρων μαχαιρεϲ ανευ παντοϲ οικτρου και φιδω · τη τεϲϲαρεϲκαιδεκατη του μηνοϲ αδαρʼ του ενεϲτωτοϲ ετουϲ ·
- Ἐϲθήρ 3:13g
οπωϲ οι παλαι και νυν δυϲμενειϲ εν ημερα μια βια βιαιωϲ τον αδην κατελθοντεϲ ειϲ τον μετεπειτα χρονον ευϲταθη και αταραχον παρεχωϲι ημιν δια τελουϲ τα πραγματα :
- Ἐϲθήρ 3:14
τα δε αντιγραφα των επιϲτολων εξετιθετο κατα χωραν και προϲεταγη παϲι τοιϲ εθνεϲιν ετοιμουϲ ειναι ειϲ την ημεραν ταυτην
- Ἐϲθήρ 3:15
εϲπευδετο δε το πραγμα και ειϲ ϲουϲαν · ο δε βαϲιλευϲ και αμαν · εκωθωνιζοντο ˙ εταραϲϲετο δε η πολιϲ ·
- Ἐϲθήρ 4:1
ο δε μαρδοχαιοϲ επιγνουϲ το ϲυντελουμενον · διερρηξεν τα ιματια αυτου . και ενεδυϲατο ϲακκον · και κατεπαϲατο ϲποδον και εκπηδηϲαϲ δια τηϲ πλατιαϲ τηϲ πολεωϲ εβοα φωνη μεγαλη ερειται εθνοϲ μηδενʼ ηδικηκωϲ
- Ἐϲθήρ 4:2
και ηλθεν εωϲ τηϲ πυληϲ του βαϲιλεωϲ και εϲτη ˙ ου γαρ ηνʼ εξον αυτω ειϲελθειν ειϲ την αυλην ϲακκον εχοντι και ϲποδον ·
- Ἐϲθήρ 4:3
και εν παϲη χωρα ου εξετιθετο τα γραμματα κραυγη και κοπετοϲ και πενθοϲ μεγα τοιϲ ϊουδαιοιϲ · ϲακκον και ϲποδον εϲτρωϲαν εαυτοιϲ
- Ἐϲθήρ 4:4
και ειϲηλθοϲαν αι αβραι και οι ευνουχοι τηϲ βαϲιλιϲϲηϲ · και ανηγγιλαν αυτη · και εταραχθη ακουϲαϲα το γενοϲ και απεϲτιλεν ϲτολιϲαι τον μαρδοχαιον · και αφελεϲθαι αυτου τον ϲακκον ο δε ουκ επιϲθη
- Ἐϲθήρ 4:5
η δε εϲθηρʼ προϲεκαλεϲατο αχραθαιον τον ευνουχον αυτηϲ · οϲ παριϲτηκει αυτη και απεϲτιλεν μαθειν αυτη παρα του μαρδοχαιου το ακριβεϲ ·
- Ἐϲθήρ 4:7
ο δε μαρδοχαιοϲ ϋπεδιξεν αυτω το γεγονοϲ · και την επαγγελιαν ην επηγγειλατο αμαν · τω βαϲιλει ειϲ την γαζαν ταλαντων μυριων . ϊνα απολεϲη τουϲ ϊουδαιουϲ ·
- Ἐϲθήρ 4:8
και το αντιγραφον το εν ϲουϲοιϲ εκτεθεν ϋπερ του απολεϲθαι αυτουϲ εδωκεν αυτω διξαι τη εϲθηρ · και ειπεν αυτω εντιλαϲθαι αυτη ειϲελθουϲη παρετηϲαϲθαι τον βαϲιλεα · και αξιωϲαι αυτον περι του λαου μνηϲθιϲα ψ ημερων ταπινωϲεωϲ ϲου ωϲ ετραφηϲ εν χιρι μου · διοτι αμαν · ο δευτερεων τω βαϲιλει ελαληϲεν καθ ημων ειϲ θανατον επικαλεϲαι τον κν και λαληϲον τω βαϲιλι περι ημων και ρυϲαι ημαϲ εκ θανατου :
- Ἐϲθήρ 4:9
ειϲελθων δε ο αχθραθαιοϲ ελαληϲεν εϲθηρʼ πανταϲ τουϲ λογουϲ τουτουϲ ·
- Ἐϲθήρ 4:10
ειπεν δε εϲθηρʼ προϲ αχραθαιον πορευθητι προϲ μαρδοχαιον και ειπον · οτι
- Ἐϲθήρ 4:11
τα εθνη παντα τηϲ βαϲιλειαϲ γινωϲκει οτι παϲ ανθρωποϲ η γυνη οϲ ειϲελευϲεται προϲ τον βαϲιλεα ειϲ την αυλην την εϲωτεραν ακλητοϲ · ουκ εϲτιν αυτω ϲωτηρια · πλην ϲω εκτινει ο βαϲιλευϲ την χρυϲην ραβδον ουτοϲ ϲωθηϲεται · καγω ου κεκλημε ελθειν προϲ τον βαϲιλεα ειϲιν αυται ημεραι τριακοντα
- Ἐϲθήρ 4:12
και απηγγειλεν αχθραθαιοϲ · μαρδοχαιω πανταϲ τουϲ λογουϲ εϲθηρʼ :
- Ἐϲθήρ 4:13
και ειπεν μαρδοχαιοϲ προϲ αχθραθαιον · πορευθητι και ειπον αυτη εϲθηρʼ μη ειπηϲ ϲεαυτη οτι ϲωθηϲη μονη εν τη βαϲιλεια παρα πανταϲ τουϲ ϊουδαιουϲ ·
- Ἐϲθήρ 4:14
ωϲ οτι εαν παρακουϲηϲ εν τουτω τω καιρω · αλλοθεν βοηθεια και ϲκεπη εϲται τοιϲ ϊουδαιοιϲ · ϲυ δε και ο οικοϲ του πατροϲ ϲου απολειϲθαι · και τιϲ οιδεν · η ειϲ τον καιρον τουτον εβαϲιλευϲαϲ ·
- Ἐϲθήρ 4:15
και εξαπεϲτιλεν εϲθηρ τον εικοτα προϲ αυτην προϲ μαρδοχαιον λεγουϲα ·
- Ἐϲθήρ 4:16
βαδιϲαϲ εκκληϲιαϲον τουϲ ανδραϲ ϊουδαιουϲ τουϲ εν ϲουϲοιϲ · και νηϲτευϲατε επ εμοι και μη φαγητε μηδε πιητε επι ημεραϲ τρειϲ · νυκτα και ημεραν καγω δε και αι αβραι μου αϲειτηϲομεν και τοτε ειϲελευϲομε προϲ τον βαϲιλεα παρα τον νομον · εαν και απολεϲθε με η ·
- Ἐϲθήρ 4:17
και βαδιϲαϲ μαρδοχαιοϲ εποιηϲεν οϲα ενετιλατο αυτω εϲθηρʼ ·
Next → — showing 1–100 of 252
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.