Codex Sinaiticus: Παροιμίαι

Codex Sinaiticus · 892 sections

Παροιμίαι 8:1
ϲυ την ϲοφιαν κηρυξειϲ · ϊνα φρονηϲιϲ ϲοι ϋπακουϲη
Παροιμίαι 8:2
επι γαρ των υψηλων ακρων εϲτιν ανα β μεϲον δε των τριβων εϲτηκεν
Παροιμίαι 8:3
παρα γαρ πυλαιϲ δυνατων · παρεδρευει εν δε ειϲοδοιϲ · υμνειται
Παροιμίαι 8:4
ϋμαϲ ω ανθρωποι · παρακαλω και προϊεμε εμην φωνην . υϊοιϲ ανθρωπων
Παροιμίαι 8:5
νοηϲατε ακακοι · πανουργιαν οι δε απαιδευτοι · ενθεϲθε καρδιαν
Παροιμίαι 8:6
ειϲακουϲατε μου · πολλα γαρ ερω και ανοιϲω απο χειλεων ορθα
Παροιμίαι 8:7
οτι αληθειαν μελετηϲει ο φαρυγξ μου εβδελυγμενα δε εναντιον εμου · χειλη ψευδη
Παροιμίαι 8:8
μετα δικαιοϲυνηϲ · παντα τα ρηματα του ϲτοματοϲ ϲου ουδεν εν αυτοιϲ ϲκολιον · ουδε ϲτραγγαλωδεϲ
Παροιμίαι 8:9
παντα ενωπια · τοιϲ ϲυνιουϲιν και ορθα · τοιϲ ευριϲκουϲιν γνωϲιν
Παροιμίαι 8:10
λαβετε παιδειαν · και μη αργυριον και γνωϲιν · ϋπερ χρυϲιον δεδοκιμαϲμενον
Παροιμίαι 8:11
κριϲϲων γαρ ϲοφια · λιθων πολυτελων παν δε τιμιον · ουκ αξιον αυτηϲ εϲτιν
Παροιμίαι 8:12
εγω η ϲοφια · κατεϲκηνωϲα βουλην και γνωϲιν και εννοιαν · εγω επεκαλεϲαμην
Παροιμίαι 8:13
φοβοϲ κυ · μιϲι υπερηφανιαν ϋβριν τε και αδικιαν και οδουϲ πονηρων μεμιϲηκα δε εγω · διεϲτραμμεναϲ οδουϲ κακων
Παροιμίαι 8:14
εμη βουλη και αϲφαλια εμη φρονηϲιϲ · εμη δε ϊϲχυϲ
Παροιμίαι 8:15
δι εμου βαϲιλειϲ βαϲιλευουϲιν και οι δυναϲται · γραφουϲιν δικαιοϲυνην
Παροιμίαι 8:16
δι εμου μεγιϲτανεϲ · μεγαλυνονται και τυραννοι · δι εμου κρατουϲι γηϲ
Παροιμίαι 8:17
εγω τουϲ εμε ζητουνταϲ · αγαπω οι δε εμε ζητουντεϲ · ευρηϲουϲιν
Παροιμίαι 8:18
πλουτοϲ και δοξα · εμοι υπαρχει και κτηϲιϲ πολλων και δικαιοϲυνη
Παροιμίαι 8:19
βελτιον εμε καρπιζεϲθε · ϋπερ χρυϲιον και λιθον τιμιον τα δε εμα γενηματα · κριϲϲων αργυριου εκλεκτου
Παροιμίαι 8:20
εν οδοιϲ δικαιοϲυνηϲ · περιπατω και ανα μεϲον . οδων δικαιωματοϲ αναϲτρεφομαι
Παροιμίαι 8:21
ινα μεριϲω τοιϲ εμε αγαπωϲιν · υπαρξιν και τουϲ θηϲαυρουϲ αυτων · εμπληϲω αγαθων εαν αναγγειλω υμιν τα καθ ημεραν γεινομενα μνημονευϲω · τα εξ αιωνοϲ αριθμηϲαι
Παροιμίαι 8:22
κϲ εκτιϲεν με αρχην οδων αυτου · ειϲ εργα αυτου
Παροιμίαι 8:23
προ του αιωνοϲ · εθεμελιωϲεν με εν αρχη
Παροιμίαι 8:24
προ του την γην ποιηϲαι · και προ του ταϲ αβυϲϲουϲ ποιηϲαι προ του προελθειν ταϲ πηγαϲ των ϋδατων
Παροιμίαι 8:25
προ του ορη εδραϲθηναι · και πλαϲθηναι την γην προ δε παντων βουνων · γεννα με
Παροιμίαι 8:26
κϲ εποιηϲεν χωραϲ · και αοικητουϲ και ακρα οικουμενα · τηϲ υπο τον ουρανον
Παροιμίαι 8:27
ηνικα ητοιμαζεν τον ουρανον . ϲυνπαρημην αυτω και οτε αφωριζεν · τον εαυτου θρονον επ ανεμων
Παροιμίαι 8:28
ηνικα ιϲχυρα εποιει τα ανω νεφη και ωϲ αϲφαλειϲ ετιθει πηγαϲ τηϲ ϋπ ουρανον
Παροιμίαι 8:29
και ιϲχυρα εποιει τα θεμελια τηϲ γηϲ
Παροιμίαι 8:30
ημην παρ αυτω αρμοζουϲα εγω ημην · ἡ προϲεχαιρεν καθ ημεραν δε ευφραινομην εν προϲωπω αυτου · εν παντι καιρω
Παροιμίαι 8:31
οτε ενευφρενετο · την οικουμενην ϲυντελεϲαϲ και ευφρενετο . εν ϋϊοιϲ ανθρωπων
Παροιμίαι 8:32
νυν ουν ϋϊε · ακουε μου
Παροιμίαι 8:34
μακαριοϲ ανηρ · οϲ ειϲακουϲεται μου και ανθρωποϲ · οϲ ταϲ εμαϲ οδουϲ φυλαξει αγρυπνων επ εμαιϲ θυραν τηρων ϲταθμουϲ · εμων ειϲοδων ·
Παροιμίαι 8:35
αι γαρ εξοδοι μου · εξοδοι ζωηϲ και ετοιμαζεται · θεληϲειϲ παρα κυ
Παροιμίαι 8:36
οι δε αμαρτανοντεϲ ειϲ εμε · αϲεβουϲιν ταϲ εαυτων ψυχαϲ και οι μιϲουντεϲ αγαπωϲιν θανατον
Παροιμίαι 9:1
η ϲοφια · ωκοδομηϲεν εαυτη οικον · και ϋπηριϲεν · ϲτυλουϲ επτα
Παροιμίαι 9:2
εϲφαξεν · τα εαυτηϲ θυματα εκεραϲεν ειϲ κρατηρα · τον εαυτηϲ οινον και ητοιμαϲατο · την εαυτηϲ τραπεζαν
Παροιμίαι 9:3
απεϲτιλεν · τουϲ εαυτηϲ δουλουϲ ϲυνκαλουϲα μετα ϋψηλου κηρυγματοϲ επι κρατηρα λεγουϲα
Παροιμίαι 9:4
οϲ εϲτιν αφρων · εκκλινατω προϲ με και τοιϲ ενδεεϲι φρενων · ειπεν
Παροιμίαι 9:5
ελθετε φαγετε των εμων αρτων και πιετε οινον . ον εκεραϲα ϋμιν
Παροιμίαι 9:6
απολειπετε αφροϲυνην · ινα ειϲ τον αιωνα βαϲιλευϲητε και ζητηϲατε φρονηϲιν · και κατορθωϲατε εν γνωϲι · ϲυνεϲιν
Παροιμίαι 9:7
ο παιδευων κακουϲ · λημψετε εαυτω ατιμιαν ελεγχων δε τον αϲεβη · μωμηϲετε αυτον
Παροιμίαι 9:8
μη ελεγχε κακουϲ · ϊνα μη μιϲωϲιν ϲε ελεγχε ϲοφον · και αγαπηϲει ϲε
Παροιμίαι 9:9
διδου ϲοφω αφορμην · και ϲοφωτεροϲ εϲται γνωριζε δικαιω · και προϲθηϲει του δεχεϲθαι
Παροιμίαι 9:10
αρχη ϲοφιαϲ · φοβοϲ κυ και βουλημα αγιων . ϲυνεϲιϲ το γαρ γνωναι νομον · διανοιαϲ εϲτιν αγαθηϲ
Παροιμίαι 9:11
τουτω γαρ τω τροπω πολυν ζηϲιϲ χρονον και προϲτεθηϲεται ϲοι · ετη ζωηϲ ϲου
Παροιμίαι 9:12
ϋϊε · εαν ϲοφοϲ γενη · ϲεαυτω ϲοφοϲ εϲη · και τοιϲ πληϲιον εαν δε κακοϲ μονοϲ αντληϲιϲ κακα οϲ εριδεται επι ψευδεϲιν · ουτοϲ ποιμανει ανεμουϲ απελιπεν γαρ οδουϲ του εαυτου αμπελωνοϲ τουϲ δε αξοναϲ του ϊδιου γεωργιου πεπλανηται διαπορευεται δε δι ανϋδρου ερημου και γην διατεταγμενην . εν διψωδεϲιν ϲυναγει δε χερϲιν ακαρπιαν
Παροιμίαι 9:13
γυνη αφρων και θραϲεια · ενδεηϲ ψωμου γινεται η ουκ επιϲταται αιϲχυνην
Παροιμίαι 9:14
εκαθιϲεν επι θυραιϲ του εαυτηϲ οικου επι διφρου εμφανωϲ εν πλατιαιϲ
Παροιμίαι 9:15
προϲκαλουμενη τουϲ παριονταϲ και κατευθυνονταϲ εν ταιϲ οδοιϲ αυτων
Παροιμίαι 9:16
οϲ εϲτιν υμων αφρων . εκκλινατω προϲ με ενδεεϲει δε φρονηϲεωϲ παρακελευομε λεγουϲα
Παροιμίαι 9:17
αρτων κρυφιων · ηδεωϲ αψαϲθε και ϋδατοϲ κλοπηϲ γλυκερου
Παροιμίαι 9:18
ο δε ουκ οιδεν . οτι γηγενειϲ παρ αυτη ολλυνται και επι πετευρον αδου ϲυναντα αλλα αποπηδηϲον · μη χρονιϲηϲ εν τω τοπω μηδε επιϲτηϲηϲ το ϲον ομμα προϲ αυτην ουτω γαρ διαβηϲεται ϋδωρ αλλοτριον απο δε ϋδατοϲ αλλοτριου αποϲχου και απο πηγηϲ αλλοτριαϲ · μη πιηϲ ϊνα πολυν ζηϲηϲ χρονον προϲτεθη ϲοι δε ετη ζωηϲ
Παροιμίαι 10:1
ϋϊοϲ ϲοφοϲ · ευφρενει πατερα ϋϊοϲ δε αφρων · λυπη μητρι
Παροιμίαι 10:2
ουκ ωφεληϲουϲιν θηϲαυροι ανομουϲ δικαιοϲυνη δε ρυϲεται εκ θανατου
Παροιμίαι 10:3
ου λιμοκτονηϲει κϲ . ψυχην δικαιων ζωην δε αϲεβων ανατρεψει
Παροιμίαι 10:4
πενια ανδρα ταπινοι χειρεϲ δε ανδρειων πλουτιζουϲιν ϋϊοϲ ϲοφοϲ · πεπαιδευμενοϲ εϲται τω δε αφρονι διακονω χρηϲεται
Παροιμίαι 10:5
διεϲωθη απο καυματοϲ ϋϊοϲ νοημων ανεμοφθοροϲ δε γεινεται εν αμητω · ϋϊοϲ παρανομοϲ +
Παροιμίαι 10:6
ευλογια κυ · επι κεφαληϲ δικαιου ϲτομα δε αϲεβων · καλυψει πενθοϲ αωρον
Παροιμίαι 10:7
μνημη δικαιων · μετ εγκωμιων ονομα δε αϲεβουϲ ϲβεννυται
Παροιμίαι 10:8
ϲοφοϲ καρδια · δεξεται εντολαϲ ο δε αϲτεγοϲ χειλεϲιν ϲκολιαζων ϋποϲκελιϲθηϲεται
Παροιμίαι 10:9
οϲ πορευεται απλωϲ · πορευεται πεποιθωϲ ο δε διαϲτρεφων ταϲ οδουϲ αυτου . γνωϲθηϲεται
Παροιμίαι 10:10
ο εννευων οφθαλμω μετα δολου . ϲυναγει ανδραϲι λυπαϲ + ο δε ελεγχων μετα παρρηϲιαϲ · ειρηνοποιει
Παροιμίαι 10:11
πηγη ζωηϲ · εν χειρι δικαιου ϲτομα δε αϲεβουϲ · καλυψει απωλια
Παροιμίαι 10:12
μειϲοϲ · εγειρει νικοϲ πανταϲ δε τουϲ μη φιλονικουνταϲ . καλυπτει φιλια
Παροιμίαι 10:13
οϲ εκ χιλεων προφερει ϲοφιαν . ραβδω τυπτι · ανδρα καρδιον
Παροιμίαι 10:14
ϲοφοι · κρυψουϲιν αιϲθηϲιν ϲτομα δε προπετουϲ · εγγιζει ϲυντριβη
Παροιμίαι 10:15
κτιϲιϲ πλουϲιων · πολιϲ οχυρα ϲυντριβη δε αϲεβων · πενια
Παροιμίαι 10:16
εργα δικαιων · ζωην ποιει καρποι δε αϲεβων · αμαρτιαι
Παροιμίαι 10:17
οδουϲ δικαιαϲ ζωηϲ · φυλαϲ+ϲει παιδια παιδια δε ανεξελεγκτοϲ πλαναται
Παροιμίαι 10:18
καλυπτουϲιν εχθραν · χειλη δικαια οι δε εκφεροντεϲ λοιδοριαϲ . αφρονεϲτατοι ειϲιν
Παροιμίαι 10:19
εκ πολυλογιαϲ · ουκ εκφευξη αμαρτιαν φειδομενοϲ δε χειλεων · νοημων εϲη
Παροιμίαι 10:20
αργυροϲ πεπυρωμενοϲ · γλωϲϲα δικαιου καρδια δε αϲεβουϲ εκλιψει
Παροιμίαι 10:21
χειλη δικαιων · επιϲταται ϋψηλα οι δε αφρονεϲ · ενδεια τελευτηϲωϲιν
Παροιμίαι 10:22
ευλογια κυ · επι κεφαληϲ δικαιου αυτη πλουτιζει · και ου μη προϲτεθη αυτη λυπη εν καρδια
Παροιμίαι 10:23
εν γελωτι · αφρων πραϲϲει κακα η δε ϲοφια · ανδρι τικτι φρονηϲιν
Παροιμίαι 10:24
εν απωλια · αϲεβηϲ περιφερεται επιθυμια δε δικαιου δεκτη
Παροιμίαι 10:25
δικαιοϲ δε εκκλιναϲ · ϲωζεται ειϲ τον αιωνα
Παροιμίαι 10:26
ωϲπερ ομφαξ οδουϲι βλαβερον · και καπνοϲ ομμαϲιν · ουτωϲ παρανομια · τοιϲ χρωμενοιϲ αυτη
Παροιμίαι 10:27
φοβοϲ κυ · προϲτιθηϲιν ημεραϲ ετη δε αϲεβων · ολιγωθηϲεται
Παροιμίαι 10:28
ενχρονιζει δικαιοιϲ · ευφροϲυνη ελπιϲ δε αϲεβων · ολλυται
Παροιμίαι 10:29
οχυρωμα οϲιου . φοβοϲ κυ ϲυντριβη δε · τοιϲ εργαζομενοιϲ κακα
Παροιμίαι 10:30
δικαιοϲ · τον αιωνα ουκ ενδωϲει αϲεβειϲ δε . ουκ η οικηϲουϲιν γην
Παροιμίαι 10:31
ϲτομα δικαιου · αποϲταζει ϲοφιαν γλωϲϲα δε αδικου · εξολειται
Παροιμίαι 10:32
χιλη ανδρων δικαια · αποϲταζει χαριταϲ ϲτομα δε αϲεβων · αποϲτραφεται
Παροιμίαι 11:1
ζυγοι δολιοι · βδελυγμα ενωπιον κυ ϲταθμιον δε δικαιον · δεκτον αυτω
Παροιμίαι 11:2
ου αν ειϲελθη ϋβριϲ · εκει και ατιμια ϲτομα δε ταπινων · μελετα ϲοφιαν
Παροιμίαι 11:3
αποθανων δικαιοϲ · ελιπεν μεταμελον προχειροϲ δε γεινεται και επιχαρτοϲ · αϲεβων απωλια
Παροιμίαι 11:5
δικαιοϲυνη αμωμου · ορθοτομι οδουϲ
Παροιμίαι 11:6
τη δε απωλια αυτων · αλιϲκονται παρανομοι
Παροιμίαι 11:7
τελευτηϲαντοϲ ανδροϲ δικαιου . ουκ ολλυται ελπιϲ το δε καυχημα των αϲεβων . ολλυται
Παροιμίαι 11:8
δικαιοϲ · εκ θηραϲ εκδυνει αντ αυτου δε · παραδιδοται ο αϲεβηϲ
Παροιμίαι 11:9
εν ϲτοματι αμαρτων · παγιϲ πολιταιϲ αιϲθηϲειϲ δε δικαιων · ευοδοϲ
Παροιμίαι 11:10
εν αγαθοιϲ διων · κατωρθωϲεν πολιϲ
Παροιμίαι 11:11
ϲτομαϲιν δε αϲεβων · κατεϲκαφη
Παροιμίαι 11:12
μυκτηριζει πολιταϲ · ενδεηϲ φρενων ανηρ δε ο φρονιμοϲ · ηϲυχιαν αγει
Παροιμίαι 11:13
ανηρ διγλωϲϲοϲ · αποκαλυπτει βουλαϲ εν ϲυνεδριω πιϲτοϲ δε · πνοη κρυπτι πραγματα
Παροιμίαι 11:14
οιϲ μη ϋπαρχει κυβερνηϲιϲ . πιπτουϲιν ωϲπερ φυλλον ϲωτηρια ϋπαρχει . εν πολλη βουλη
Παροιμίαι 11:15
πονηροϲ κακοποιει · οταν ϲυμμειξη δικαιω μειϲει δε · ηχον αϲφαλειαϲ
Παροιμίαι 11:16
γυνη ευχαριϲτοϲ · εγειρει ανδρι δοξαν θρονοϲ δε ατιμιαϲ · γυνη μιϲουϲα δικαια πλουτου οκνηροι . ενδεειϲ γινονται οι δε ανδριοι · εριδονται πλουτω

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.