Codex Sinaiticus: Παροιμίαι

Codex Sinaiticus · 892 sections

Παροιμίαι 4:13
επιλαβου εμηϲ παιδιαϲ μη αφηϲ ˙ αλλα φυλαξον αυτην ϲεαυτω . ειϲ ζωην ϲου ˙
Παροιμίαι 4:14
οδουϲ αϲεβων · μη επελθηϲ ˙ μηδε ζηλωϲηϲ οδουϲ παρανομων .
Παροιμίαι 4:15
εν ω αν ϲτρατοπαιδευϲωϲιν μη επελθηϲ εκει εκκλινον δε απ αυτων · και παραλλαξον :
Παροιμίαι 4:16
ου γαρ μη ϋπνωϲωϲιν · εαν μη κακοποιηϲωϲιν · αφηρηται ο ϋπνοϲ αυτων · και ου κοιμωνται ·
Παροιμίαι 4:17
ὀιδε γαρ ϲειτουνται · ϲειτα αϲεβειαϲ · οινω δε παρανομω μεθυϲκονται ·
Παροιμίαι 4:18
αι δε οδοι των δικαιων · ομοιωϲ φωτι λαμπουϲιν · προπορευονται και φωτιζουϲιν · εωϲ κατορθωϲη η ημερα ·
Παροιμίαι 4:19
αι δε οδοι των αϲεβων . ϲκοτιναι ˙ ουκ οιδαϲι πωϲ προϲκοπτουϲιν :
Παροιμίαι 4:20
ϋϊε ˙ εμη ρηϲει προϲεχε · τοιϲ δε εμοιϲ λογοιϲ · παραβαλε ϲον οὑϲ ·
Παροιμίαι 4:21
οπωϲ μη λιπωϲιν ϲε αι πηγαι ϲου · φυλαϲϲε αυταϲ · εν καρδια
Παροιμίαι 4:22
ζωη γαρ εϲτιν · τοιϲ ευριϲκουϲιν αυταϲ και παϲη ϲαρκι ϊαϲιϲ
Παροιμίαι 4:23
παϲη φυλακη · τηρι ϲην καρδιαν ˙ εκ γαρ τουτων · εξοδοι ζωηϲ ·
Παροιμίαι 4:24
περιελε ϲεαυτου ϲκολιον ϲτομα · και αδικα χειλη μακραν απο ϲου απωϲαι
Παροιμίαι 4:25
οι οφθαλμοι ϲου · ορθα βλεπετωϲαν τα δε βλεφαρα ϲου · νευετω δικαια
Παροιμίαι 4:26
ορθαϲ τροχιαϲ · ποιει ϲοιϲ ποϲιν · και ταϲ οδουϲ ϲου κατευθυνε ·
Παροιμίαι 4:27
μη εκκλινηϲ ειϲ τα δεξια μηδε ειϲ τα αριϲτερα αποϲτρεψον δε ϲον ποδα · απο οδου κακηϲ οδουϲ γαρ ταϲ εκ δεξιων · οιδεν ο θϲ διεϲτραμμεναι δε ειϲιν · εξ αριϲτερων αυτοϲ δε ορθαϲ ποιηϲει ταϲ τροχιαϲ ϲου ταϲ δε ποριαϲ ϲου εν ιρηνη προαξει
Παροιμίαι 5:1
ϋϊε εμη ϲοφια προϲεχε εμοιϲ δε λογοιϲ παραβαλε ϲον ουϲ
Παροιμίαι 5:2
ϊνα φυλαξηϲ εννοιαν αγαθην αιϲθηϲιϲ δε εμων χειλεων εντελλεται ϲοι
Παροιμίαι 5:3
μη προϲεχε φαυλη γυναικι μελι γαρ αποϲταζι · απο χειλεων γυναικοϲ πορνηϲ ἡ προϲ καιρον λιπαινει ϲον φαρυγγα
Παροιμίαι 5:4
ϋϲτερον μεντοι πικροτερον χοληϲ ευρηϲειϲ . και ηκονημενον μαλλον · μαχαιραϲ διϲτομου
Παροιμίαι 5:5
τηϲ γαρ αφροϲυνηϲ οι ποδεϲ · καταγουϲιν τουϲ χρωμενουϲ αυτη μετα θανατου ειϲ τον αδην τα δε ϊχνη αυτηϲ · ουκ εριδεται
Παροιμίαι 5:6
οδουϲ γαρ ζωηϲ · ουκ επερχεται ϲφαλεραι δε αι τροχιαι αυτηϲ . και ουκ ευγνωϲτοι
Παροιμίαι 5:7
νυν ουν ϋϊε · ακουε μου και μη μακρυνηϲ ποιηϲηϲ εμουϲ λογουϲ
Παροιμίαι 5:8
μακραν ποιηϲον απ αυτηϲ · ϲην οδον μη εγγιϲηϲ προϲ θυραιϲ οικων αυτηϲ
Παροιμίαι 5:9
ϊνα μη προη αλλοιϲ ζωην ϲου και ϲον βιον · ανελαιημοϲι
Παροιμίαι 5:10
ϊνα μη πληϲθωϲιν αλλοτριοι . ϲηϲ ϊϲχυοϲ · οι δε ϲοι πονοι · ειϲ οικουϲ αλλοτριων . ελθωϲιν
Παροιμίαι 5:11
και μεταμελεηθηϲη επ εϲχατων ηνικα αν κατατριβωϲιν . ϲαρκεϲ ϲωματοϲ ϲου
Παροιμίαι 5:12
και ερειϲ · πωϲ εμιϲηϲα παιδιαν και ελεγχουϲ · εξεκλινεν η καρδια μου
Παροιμίαι 5:13
ουκ ηκουον φωνην παιδευοντοϲ με · και διδαϲκοντοϲ με ουδε παρεβαλον το ουϲ μου
Παροιμίαι 5:14
παρ ολιγον εγενομην . εν παντι καιρω εν μεϲω εκκληϲιαϲ και ϲυναγωγηϲ .
Παροιμίαι 5:15
πεινε ϋδατα · απο ϲων αγιων και απο ϲων φρεατων πηγηϲ
Παροιμίαι 5:16
μη ϋπερεκχιϲθω ϲοι ϋδατα εκ τηϲ ϲηϲ πηγηϲ ειϲ δε ϲαϲ πλατειαϲ · διαπορευεϲθω τα ϲα ϋδατα
Παροιμίαι 5:17
εϲτω ϲοι μονω ϋπαρχοντα και μηδειϲ αλλοτριοϲ μεταϲχετω ϲοι ·
Παροιμίαι 5:18
η πηγη ϲου του ϋδατοϲ · εϲτω ϲοι ϊδια και ϲυνευφραινου μετα γυναικοϲ τηϲ εκ νεοτητοϲ ϲου
Παροιμίαι 5:19
ελαφοϲ φιλιαϲ · και πωλοϲ ϲων χαριτων · ομιλιτω ϲοι η δε ηδια ηγειϲθω ϲου · και ϲυνεϲτω ϲοι εν παντι καιρω εν γαρ τη ταυτηϲ φιλια ϲυνπεριφερομενοϲ · πολλοϲτοϲ εϲη
Παροιμίαι 5:20
μη πολυϲ ϊϲθι μη προϲ αλλοτριαν μηδε ϲυνεχου αγκαλαιϲ τηϲ μη ϊδιαϲ
Παροιμίαι 5:21
ενωπιον γαρ ειϲιν των του θυ οφθαλμων . οδοι ανδροϲ ειϲ δε παϲαϲ ταϲ τροχιαϲ αυτου . ϲκοπευει
Παροιμίαι 5:22
παρανομιαι · ανδρα αγρευουϲιν + ϲιραιϲ δε εκαϲτοϲ των εαυτου αμαρτιων ϲφιγγεται
Παροιμίαι 5:23
ουτοϲ τελευτα · μετα απαιδευτων εκ δε πληθουϲ τηϲ εαυτου βιοτητοϲ εξεριφη και απωλετο δια αφροϲυνην
Παροιμίαι 6:1
υιε · εαν εγγυηϲη ϲον φιλον παραδωϲειϲ ϲην χιρα εχθρω
Παροιμίαι 6:2
παγιϲ γαρ ϊϲχυρα ανδρι · τα ϊδια χειλη και αλιϲκεται χιλεϲιν · ϊδιου ϲτοματοϲ
Παροιμίαι 6:3
ποιει ϋϊε · α εγω ϲοι εντελλομαι · και ϲωζου ηκειϲ γαρ ειϲ χιραϲ κακων · δια ϲον φιλον ϊϲθι μη εκλυομενοϲ παροξυνε δε και τον ϲον φιλον . ον ενεγυηϲω
Παροιμίαι 6:4
μη δωϲ ϋπνον · ϲοιϲ ομμαϲιν μηδε επινυϲταξηϲ · ϲοιϲ βλεφαροιϲ
Παροιμίαι 6:5
ϊνα ϲωζη . ωϲπερ δορκαϲ εκ βροχων και ωϲπερ ορνεον εκ παγιδοϲ
Παροιμίαι 6:6
ϊϲθι προϲ τον μυρμηκα ω οκνηρε · και ζηλωϲον · ιδων ταϲ οδουϲ αυτου και γενου εκεινου · ϲοφωτεροϲ
Παροιμίαι 6:7
εκεινω γεωργιου γαρ μη ϋπαρχοντοϲ μηδε τον αναγκαζοντα εχων μηδε ϋπο δεϲποτην ων
Παροιμίαι 6:8
ετοιμαζετε θερουϲ την τροφην πολλην τε εν τω αμητω · ποιειται την παραθεϲιν η πορευθητι προϲ την μελιϲϲαν και μαθε · ωϲ εργατιϲ εϲτιν την τε εργαϲιαν · ωϲ ϲεμνην ποιειται ηϲ τουϲ πονουϲ · βαϲιλειϲ και ϊδιωται · προϲ υγειαν προϲφερονται ποθεινη δε εϲτιν παϲιν · και επιδοξοϲ καιπερ ουϲα τη ρωμη αϲθενηϲ την ϲοφιαν τιμηϲαϲα · προηχθη
Παροιμίαι 6:9
εωϲ τινοϲ οκνηρε κατακειϲε ποτε δε εξ ουπνου εγερθηϲη
Παροιμίαι 6:10
ολιγον μεν ϋπνοιϲ · ολιγον δε καθηϲαι · μικρον δε νυϲταζειϲ ολιγον δε εναγκαλιζη χερϲιν ϲτηθη
Παροιμίαι 6:11
ειτ ενπαραγεινεται ωϲπερ κακοϲ οδοιποροϲ η πενια και η ενδεια · ωϲπερ αγαθοϲ δρομευϲ εαν δε αοκνοϲ ηϲ ω ηξει . ωϲπερ πηγη ο αμητοϲ ϲοι η δε ενδεια · ωϲπερ κακοϲ δρομευϲ απαυτομολογηϲει ·
Παροιμίαι 6:12
ανηρ αφρων και παρανομοϲ πορευεται οδουϲ ουκ αγαθαϲ
Παροιμίαι 6:13
ο δ αυτοϲ εννευει οφθαλμω · ϲημαινι δε ποδι διδαϲκει δε . εννευμαϲι δακτυλων
Παροιμίαι 6:14
διεϲτραμμενη δε καρδια · τεκταινεται κακα · εν παντι καιρω · ο τοιουτοϲ · ταραχαϲ ϲυνϊϲτηϲιν πολει
Παροιμίαι 6:15
δια τουτο . εξαπινηϲ ερχεται η απωλια αυτου διακοπη δε και ϲυντριβη · ανιατοϲ
Παροιμίαι 6:16
οτι χαιρει παϲιν · οιϲ μιϲει ο κϲ ϲυντριβη δε · δι ακαθαρϲιαν ψυχηϲ
Παροιμίαι 6:17
οφθαλμοϲ υβριϲτου · γλωϲϲα αδικοϲ χειρεϲ εκχεουϲαι · αιμα δικαιου
Παροιμίαι 6:18
και καρδια τεκταινομενη · λογιϲμουϲ κακουϲ και ποδεϲ επιϲπευδοντεϲ κακοποιειν
Παροιμίαι 6:19
εκκαιει ψευδη · μαρτυϲ αδικοϲ και επιπεμπει κριϲιϲ · ανα μεϲον αδελφουων
Παροιμίαι 6:20
ϋϊε · φυλαϲϲε νομουϲ πατροϲ ϲου · και μη απωϲη θεϲμουϲ μητροϲ ϲου
Παροιμίαι 6:21
αφαϲψαι δε αυταϲ · επι ϲη ψυχη δια παντοϲ και ενκλοιωϲαι επι ϲω τραχηλω
Παροιμίαι 6:22
ηνικα εαν περιπατηϲ · επαγου αυτην · και μετα ϲου εϲτω ωϲ δ αν καθευδηϲ · φυλαϲϲετω ϲε · ϊνα εγειρομενω ϲυνλαλη ϲοι
Παροιμίαι 6:23
οτι λυχνοϲ εντολη νομου και φωϲ οδοϲ ζωηϲ · ελεγχοϲ και παιδια
Παροιμίαι 6:24
του φυλαϲϲειν ϲε · απο γυναικοϲ ϋπανδρου και απο διαβοληϲ · γλωϲϲηϲ αλοτριαϲ
Παροιμίαι 6:25
μη ϲε νικηϲη · καλλουϲ επιθυμια μηδε αγρευθηϲ · ϲοιϲ οφθαλμοιϲ μηδε ϲυναρπαϲθηϲ · απο των αυτηϲ βλεφαρων
Παροιμίαι 6:26
τιμη γαρ πορνηϲ οϲη και ενοϲ αρτου γυνη δε ανδρων · τιμιαϲ ψυχαϲ αγρευει
Παροιμίαι 6:27
αποδηϲει τιϲ πυρ εν κολπω · τα δε ϊματια κατακαυϲει ˙
Παροιμίαι 6:28
η περιπατηϲει τιϲ επ ανθρακων πυροϲ . τουϲ δε ποδαϲ ου κατακαυϲει
Παροιμίαι 6:29
ουτωϲ ο ειϲελθων προϲ γυναικα υπανδρον ουκ αθοωθηϲεται · ουδε παϲ ο απτομενοϲ αυτηϲ
Παροιμίαι 6:30
ου θαυμαϲτον · εαν αλω τιϲ κλεπτων κλεπτει γαρ . ϊνα εμπληϲη την ψυχην πινων
Παροιμίαι 6:31
εαν δε αλῶ · αποτιϲει επταπλαϲια και παντα τα ϋπαρχοντα αυτου δουϲ · ρυϲεται εαυτον
Παροιμίαι 6:32
ο δε μοιχοϲ · δι ενδειαν φρενων · απωλιαν τη ψυχη αυτου περιποιειται
Παροιμίαι 6:33
οδυναϲ τε και ατιμιαϲ υποφερει το δε ονιδοϲ αυτου · ουκ εφξαλιφθηϲεται ειϲ τον αιωνα ˙
Παροιμίαι 6:34
ου φιϲεται εν ημερα κριϲεωϲ
Παροιμίαι 6:35
ουκ αταλλαξεται ουδενοϲ λυτρου · την εχθραν ουδε μη διαλυθη · πολλων δωρων
Παροιμίαι 7:1
ϋϊε μου · φυλαϲϲε εμουϲ λογουϲ ταϲ δε εμαϲ εντολαϲ · κρυψον παρα ϲεαυτω ϋϊε · τιμα τον κν · και ϊϲχυϲειϲ πλην δε αυτου · μη φοβου αλλον
Παροιμίαι 7:2
φυλαξον εμαϲ εντολαϲ · και βιωϲειϲ τουϲ δε λογουϲ εμουϲ ωϲπερ κοραϲ ομματων
Παροιμίαι 7:3
περι δε αυτουϲ · ϲοιϲ δακτυλοιϲ επιγραψον δε · επι το πλαθοϲ τηϲ καρδιαϲ ϲου
Παροιμίαι 7:4
ειπον τη ϲοφια · ϲην αδελφην ειναι την δε φρονηϲιν · γνωριμον περιποιηϲαι ϲεαυτω
Παροιμίαι 7:5
ϊνα ϲε τηρηϲη · απο γυναικοϲ αλλοτριαϲ και πονηραϲ εαν ϲε λογοιϲ τοιϲ προϲ χαριν εμβαληται
Παροιμίαι 7:6
απο γαρ θυριδοϲ · εκ του οικου αυτηϲ ειϲ ταϲ πλατιαϲ παρακυπτουϲα
Παροιμίαι 7:7
ον αν ϊδη των αφρονων τεκνων νεανιαν . ενδεη φρενων
Παροιμίαι 7:8
παραπορευομενον παρα γωνιαν · εν διοδοιϲ οικων αυτηϲ
Παροιμίαι 7:9
και λαλουντα εν ϲκοτει ενϲπερινω ηνικα αν ηϲυχια νυκτερινη · η και γνοφωδηϲ
Παροιμίαι 7:10
ει δε γυνη ϲυναντα αυτω . ειδοϲ εχουϲα πορνικον ἡ ποιει νεων . εξιπταϲθαι καρδιαϲ
Παροιμίαι 7:11
ανεπτερωμενη δε εϲτιν . και αϲωτοϲ εν οικω δε · ουκ ηϲυχαζουϲιν οι ποδεϲ αυτηϲ
Παροιμίαι 7:12
χρονον γαρ τινα · εξω ρεμβεται χρονον δε εν πλατιαιϲ · παρα παϲαν γωνιαν ενεδρευει
Παροιμίαι 7:13
ειτα επιλαβομενη · εφιληϲεν αυτον αναιδι προϲωπω . ειπεν αυτω
Παροιμίαι 7:14
θυϲια ειρηνικοι μοι εϲτιν ϲημερον · αποδιδωμι ταϲ ευχαϲ μου
Παροιμίαι 7:15
ενεκα τουτου · εξηλθον ειϲ ϲυναντηϲιν ϲοι ποθουϲα το ϲον προϲωπον . ευρηκα ϲε
Παροιμίαι 7:16
κιρια τε·τακα την κλινην μου αμφιταποιϲ δε εϲτρωκα · τοιϲ απ αιγυπτου
Παροιμίαι 7:17
διερρακα την κοιτην μου · κροκινω τον δε οικον μου · κινναμωμω
Παροιμίαι 7:18
ελθε και απολαυϲωμεν φιλιαϲ · εωϲ ορθου δευρο · και ενκυλιϲθωμεν ερωτι
Παροιμίαι 7:19
ου γαρ παρεϲτιν ο ανηρ μου · εν οικω πεπορευται δε οδον μακραν
Παροιμίαι 7:20
ενδεϲμον αργυριου λαβων · εν χειρι αυτου δι ημερων πολλων · επανηξει ειϲ τον οικον αυτου
Παροιμίαι 7:21
απεπλανηϲεν δε αυτον · πολλη ομιλια βροχοιϲ τε των απο χειλεων · εξωκειλεν αυτον
Παροιμίαι 7:22
ο δε επηκολουθηϲεν αυτη · κεπφωθειϲ ωϲπερ δε βουϲ · επι ϲφαγην αγεται και ωϲπερ κυων · επι δεϲμουϲ
Παροιμίαι 7:23
η ωϲ ελαφοϲ · τοξευματι πεπληγωϲ ειϲ το ηπαρ ϲπευδει ωϲπερ ορνεον . ειϲ παγιδα ουκ ειδωϲ · οτι περι ψυχηϲ τρεχει
Παροιμίαι 7:24
νυν ουν ϋϊε · ακουε μου και προϲεχε · ρημαϲιν ϲτοματοϲ μου
Παροιμίαι 7:25
μη εκκλινατω αυτηϲ η καρδια ϲου .
Παροιμίαι 7:26
πολλουϲ γαρ τρωϲαϲα · καταβεβληκεν και αναριθμητοι ειϲιν . ουϲ πεφονευκεν
Παροιμίαι 7:27
οδοι αδου · ο οικοϲ αυτηϲ καταγουϲαι · τα ειϲ τα ταμια του θανατου

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.