Codex Sinaiticus: Μακκαβαίων Δ
- Μακκαβαίων Δ 4:21
εφ οιϲ αγανακτηϲαϲα η θεια δικη › αυτον αυτοιϲ τον αντιοχον επολεμηϲεν ˙
- Μακκαβαίων Δ 4:22
επειδη πολεμων ην κατ αιγυπτον πτολε›μαιω ηκουϲεν τε οτι φημηϲ διαδοθειϲηϲ περι του τεθναναι αυτον ωϲ ενι μαλιϲτα οι ϊεροϲολυμειται χαιροιεν · ταχεωϲ επ αυτουϲ ανεζευξεν
- Μακκαβαίων Δ 4:23
και ωϲ επορθηϲεν αυτουϲ δογμα εθετο οπωϲ ει τιϲ αυτων φα›νοιεν τω πατριω πολιτευομενοι νομω θανοιεν
- Μακκαβαίων Δ 4:24
και επει κατα μηδενα τροπον ϊϲχυεν καταλυϲαι δια των δογματων την › του εθνουϲ ευνομιαν αλλα παϲαϲ ταϲ εαυτου απειλαϲ και τιμωριαϲ εωρα καταλυομεναϲ ·
- Μακκαβαίων Δ 4:25
ωϲτε και γυναικαϲ οτι περιετεμον τα › παιδια μετα των βρεφων κατακρημνιϲθηναι προειδυϊαϲ οτι τουτο πειϲονται :
- Μακκαβαίων Δ 4:26
επει ουν τα δο‾̷‾γματα αυτου κατεφρονειτο ϋπο του λαου αυτοϲ δια βαϲανων ενα εκαϲτον του εθνουϲ ηναγκαζεν μιαρων απογευομενουϲ τροφων εξομνυϲθαι τον ϊουδαϊϲμον :
- Μακκαβαίων Δ 5:1
προκαθιϲαϲ γε τοι μετα των ϲυνεδρων ο τυραννοϲ αντιοχοϲ ˙ επι τινοϲ ϋψηλου τοπου και των ϲτρατευματων αυτω παρεϲτηκοτων κυκλοθεν ενοπλων ˙
- Μακκαβαίων Δ 5:2
παρεκελευεν τοιϲ δορυφοροιϲ ενα εκαϲτον εβραιον επιϲπαϲθαι και κρεων ϋειων και ϊδωνοθυτων αναγκαζειν απογευεϲθαι ·
- Μακκαβαίων Δ 5:3
ει δε τιϲ μη θελοιεν μιαροφαγηϲαι τουτουϲ τροχιϲθενταϲ αναιρεθηναι :
- Μακκαβαίων Δ 5:4
πολλων δε ϲυναρπαϲθεντων ειϲ πρωτοϲ εκ τηϲ αγεληϲ ονοματι ελεαζαροϲ ˙ το γενοϲ ϊερευϲ την επιϲτημην νομικοϲ και την ηλικιαν προηκων και πολλοιϲ των περι τον τυ›ραννον δια την ηλικιαν γνωριμοϲ . παρηχθη πληϲιον αυτου :
- Μακκαβαίων Δ 5:5
και αυτον ‾̷‾ ϊδων ο αντιοχοϲ εφη ˙
- Μακκαβαίων Δ 5:6
εγω πρεϲβυτα πριν αρξαϲθαι › των κατα ϲου βαϲανων ϲυμβουλευ›ϲαιμ αν ϲοι ταυτα · οπωϲ απογευϲαμενοϲ των ϋειων ϲωζοιο ·
- Μακκαβαίων Δ 5:7
αιδουμαι γαρ ϲου την ηλικιαν και την πολιαν ην μετα τοϲουτον εχων χρονον ου › μοι δοκειϲ φιλοϲοφειν τη ϊουδαιων χρωμενοϲ θρηϲκια ˙
- Μακκαβαίων Δ 5:8
δια τι γαρ τηϲ φυϲεωϲ κε[…]αριϲμενηϲ καλλιϲτην την τουδε του ζωου ϲαρκοφαγιαν βδελυττη ˙
- Μακκαβαίων Δ 5:9
και γαρ ανοητον τουτο το μη απολαυειν των χωριϲ ονειδουϲ ηδεων και αδικον αποϲτρεφειν ταϲ τηϲ φυϲεωϲ χαριταϲ ˙
- Μακκαβαίων Δ 5:10
ϲυ δε μοι και ανοητοτερον ποιηϲειν δοκειϲ ει κενοδοξων περι το αληθεϲ ετι καμου καταφρονηϲειϲ επι τη ϊδια τιμωρια ›
- Μακκαβαίων Δ 5:11
ουκ εξϋπνωϲειϲ απο τηϲ φλυαρου φιλοϲοφιαϲ ϋμων και αποϲκεδαϲειϲ των λογιϲμων ϲου τον ληρον και αξιον τηϲ ηλικιαϲ αναλαβων νουν φιλοϲοφηϲειϲ την του ϲυμφεροντοϲ αληθειαν
- Μακκαβαίων Δ 5:12
και προϲκυνηϲαϲ μου την φιλανθρωπον παρηγοριαν οικτειρηϲειϲ το ϲεαυτου γηραϲ ˙
- Μακκαβαίων Δ 5:13
και γαρ ενθυμηθητι ει και τιϲ εϲτιν τηϲδε τηϲ › θρηϲκειαϲ υ̇μων εποπτικη δυναμιϲ ϲυνγνωμονηϲειεν ϲοι επι παϲη δι αναγκην παρανομια γινομενη ˙
- Μακκαβαίων Δ 5:14
τουτον τον τροπον επι την εχθεϲμον ϲαρκοφαγιαν εποτρυνοντοϲ του › τυραννου λογον ητηϲεν ο ελεαζαροϲ ·
- Μακκαβαίων Δ 5:15
και λαβων του λεγειν εξουϲιαν · ηρξατο δημηγορειν ουτωϲ :
- Μακκαβαίων Δ 5:16
ημειϲ αντιο‾̷‾χε θειω πεπειϲμενοι νομω πολιτευεϲθαι ουδεμιαν αναγκην βιαιοτεραν ειναι νομιζομεν τηϲ προϲ τον νομον ημων ευπειθειαϲ ·
- Μακκαβαίων Δ 5:17
διο δη κατ ουδενα τροπον παρανομειν αξιουμεν ˙
- Μακκαβαίων Δ 5:18
καιτοι ει κατα αληθειαν μη ην ο νομοϲ η ωϲ ϋπολαμβανειϲ θειοϲ αλλωϲ δε ενομιζομεν αυτον ειναι θειον ουδε › ουτωϲ εξον ην ημιν την επι τη ευϲεβια δοξαν ακυρωϲαι ·
- Μακκαβαίων Δ 5:19
μη μεικραν ουν ειναι νομιϲηϲ ταυτην ει μιαροφαγηϲαιμεν αμαρτιαν :
- Μακκαβαίων Δ 5:20
το γαρ επι μικροιϲ και μεγαλοιϲ παρανομειν ϊϲοδυναμον εϲτιν ˙
- Μακκαβαίων Δ 5:21
δι εκατερου γαρ ωϲ ομοιωϲ ο νομοϲ ϋπερηφανειται ˙
- Μακκαβαίων Δ 5:22
χλευα›ζειϲ δε ημων την φιλοϲοφιαν ωϲπερ ου μετα ευλογιϲτιαϲ εν αυτη βιουντων ˙
- Μακκαβαίων Δ 5:23
ϲωφροϲυνην τε γαρ ημαϲ εκδιδαϲκει ˙ ωϲτε παϲων των ηδονων και επιθυμιων κρατειν και ανδριαν εκδιδαϲκειν ˙ ωϲτε παντα πονον εκουϲιωϲ ϋπομενειν
- Μακκαβαίων Δ 5:24
και δικαιοϲυνην παιδευει ωϲτε δια παντων των ηθων ϊϲονομει και ευϲεβειαν εκδιδαϲκει ω˙ϲτε μονον τον οντα θν ϲεβειν μεγαλοπρεπωϲ :
- Μακκαβαίων Δ 5:25
διο ου μιαροφαγουμεν · πιϲτευοντεϲ γαρ θυ καθεϲταναι τον νομον οιδαμεν οτι κατα φυϲιν ημιν ϲυνπαθη νομοθετων ο του › κοϲμου κτιϲτηϲ
- Μακκαβαίων Δ 5:26
τα μεν οικειωθηϲομενα ημων › ταιϲ ψυχαιϲ επετρεψεν εϲθιειν · τα δε εναντιωθηϲομενα εκωλυϲεν ϲαρκοφαγειν ·
- Μακκαβαίων Δ 5:27
τυραννικον δε ου μονον αναγκαζειν ημαϲ μιαροφαγειν αλλα και παρανομειν οπωϲ τη εκθιϲτη ημων μιαροφαγια ταυτη επεγγελαϲηϲ
- Μακκαβαίων Δ 5:28
αλλ ου γελαϲειϲ κατ εμου τουτον τον γελωτα
- Μακκαβαίων Δ 5:29
ουδε τουϲ ϊερουϲ των προγονων περι το φυλαξαι τον νομον ορκουϲ ου παρηϲω ·
- Μακκαβαίων Δ 5:30
ουδ αν εκκοψειαϲ μου τα ομματα και τα ϲπλαγχνα μου τηξειϲ ·
- Μακκαβαίων Δ 5:31
ουχ ουτωϲ ειμι γερων εγω και ανανδροϲ ωϲτε μοι δια την ευϲεβειαν μη νεαζειν τον λογιϲμον ˙
- Μακκαβαίων Δ 5:32
προϲ ταυτα τροχουϲ ευτρεπιζε και το πυρ εκφυϲα ϲφοδροτερον ˙
- Μακκαβαίων Δ 5:33
ουχʼ ουτωϲ οικτειρομαι το εμαυτου γηραϲ · ωϲτε δι εμαυτου τον πατριον καταλυϲαι νομον ·
- Μακκαβαίων Δ 5:34
ου ψευϲομαι ϲε παιδευτα νομε ˙ ουδε εξομουμαι ϲε φιλη εγκρατεια ˙
- Μακκαβαίων Δ 5:35
ουδε καταιϲχυνω ϲε φιλοϲοφε λογε ˙ ουδε εξαρνηϲομαι ϲε ϊερωϲυνη τιμια και νομοθεϲιαϲ επιϲτημη ˙
- Μακκαβαίων Δ 5:36
ουδε μιανει μου το ϲεμνον γηρωϲ ϲτομα ˙ ουδε νομιμου βιου ηλικιαν
- Μακκαβαίων Δ 5:37
αγνον με οι πατερεϲ ειϲδεξονται μη φοβηθεντα ϲου › ταϲ μεχρι θανατου αναγκαϲ ·
- Μακκαβαίων Δ 5:38
αϲεβων μεν γαρ τυραννηϲειϲ · των δε εμων ϋπερ τηϲ ευϲεβιαϲ λογιϲμων ουτε λογοιϲ δεϲποϲειϲ ουτε δι εργων :
- Μακκαβαίων Δ 6:1
τουτον τον τροπον αντιρητορευϲαντοϲ ταιϲ του τυραννου παρηγοριαιϲ · παραϲταντεϲ οι δορυφοροι πικρωϲ εϲυραν επι τα βαϲανιϲτηρια τον ελεαζαρον ·
- Μακκαβαίων Δ 6:2
και πρωτον μεν περιεδυϲαν τον γεραιον ενκοϲμουμενον τη περι την ευϲεβιαν ευϲχημοϲυνη ·
- Μακκαβαίων Δ 6:3
επειτα περιαγκωνιϲαντεϲ εκατερωθεν · μαϲτιξιν κατηκιζον
- Μακκαβαίων Δ 6:4
πιϲθητι ταιϲ του βαϲιλεωϲ εντολαιϲ ετερωθεν κηρυκοϲ επιβοωντοϲ :
- Μακκαβαίων Δ 6:5
ο δε μεγαλοφρων και ευγενηϲ ωϲ αληθωϲ ελεαζαροϲ · ωϲπερ εν ονειρω βαϲανιζομενοϲ κατ ουδενα τροπον μετετρεπετο ·
- Μακκαβαίων Δ 6:6
αλλα ϋψηλουϲ ανατειναϲ ειϲ ουρανον τουϲ οφθαλμουϲ απεξαινετο ταιϲ μαϲτιξιν ταϲ ϲαρκαϲ ο γερων · και › κατερριτο τω αιματι και τα πλευρα κατετιτρωϲκετο ·
- Μακκαβαίων Δ 6:7
και πιπτων ειϲ το εδαφοϲ απο του μη φερειν το ϲωμα ταϲ αλγηδοναϲ ορθον ειχεν και ακλεινη τον λογιϲμον
- Μακκαβαίων Δ 6:8
λαξʼ γε τοι των πικρων τιϲ δορυφορων ειϲ τουϲ κενεωναϲ εναλλομενοϲ ετυπτεν οπωϲ εξανιϲτατο πιπτων
- Μακκαβαίων Δ 6:9
ο δε ϋπεμενε τουϲ πονουϲ και περιεφρονει τηϲ αναγκηϲ και διεκαρτερει › τουϲ αικιϲμουϲ
- Μακκαβαίων Δ 6:10
και καθαπερ γενναιοϲ αθλητηϲ τυπτομενοϲ ενικα τουϲ βαϲανιζονταϲ ο γερων .
- Μακκαβαίων Δ 6:11
ϊδρων γε τοι το προϲωπον και επαϲθμαινων ϲφοδρωϲ και υ̇π αυτων των βαϲανιζοντων εθαυμαζετο τη ευψυχια
- Μακκαβαίων Δ 6:12
οθεν τα μεν ελεωντεϲ τα του γηρωϲ αυτου ·
- Μακκαβαίων Δ 6:13
τα δε εν ϲυνπαθεια την ϲυνηθειαν οντεϲ › τα δε εν θαυμαϲμω τηϲ καρτεριαϲ προϲϊοντεϲ αυτω τινεϲ του βαϲιλεωϲ ελεγον
- Μακκαβαίων Δ 6:14
τοιϲ κακοιϲ τουτοιϲ ϲεαυτον απολλειϲ αλογιϲτωϲ ελεαζαρ
- Μακκαβαίων Δ 6:15
ημειϲ μεν τοι των ηψημενων βρωματων παραθηϲομεν ˙ ϲυ δε υ̇ποκρινομενοϲ των ϋειων απογευεϲθαι ϲωζοιο ˙
- Μακκαβαίων Δ 6:16
και ο ελεαζαροϲ ωϲπερ πικροτερον δια τηϲ ϲυμβουλιαϲ αικιϲθειϲ ανεβοηϲεν ·
- Μακκαβαίων Δ 6:17
μη ουτωϲ κακωϲ φρονηϲαιμεν οι αβρααμ παιδεϲ · ωϲτε μαλακοψυχηϲανταϲ α›πρεπεϲ ημιν δραμα ϋποκριναϲθαι
- Μακκαβαίων Δ 6:18
και γαρ αλογιϲτον ει προϲ αληθειαν ζηϲαντεϲ τον μεχρι γηρωϲ βιον και την επ αυτω δοξαν νομιμωϲ φυλαϲϲοντεϲ · νυν μεταβαλοιμεθα
- Μακκαβαίων Δ 6:19
και αυτοι μεν ημειϲ γενωμεθα τοιϲ νεοιϲ αϲεβειαϲ τυποϲ · ϊνα παραδιγμα γενωμεθα τηϲ μιαροφαγιαϲ ·
- Μακκαβαίων Δ 6:20
αιϲχρον δε ει επιβιωϲομεν ολιγον χρονον και τουτον καταγελωμενοι υπο παντων επι δειλια
- Μακκαβαίων Δ 6:21
και υ̇πο μεν του τυραννου καταφρονηθωμεν ωϲ ανανδροι · τον δε θειον ημων νομον μεχρι θανατου μη προαϲπιϲαιμεν ·
- Μακκαβαίων Δ 6:22
ϋμειϲ μεν ω αβρααμ παιδεϲ ευγενωϲ ϋπερ τηϲ ευϲεβειαϲ τελευτατε ˙
- Μακκαβαίων Δ 6:23
οι δε του τυραννου δορυφοροι τι μελλετε
- Μακκαβαίων Δ 6:24
προϲ ταϲ αναγκαϲ ˙ ουτωϲ › μεγαλοφρονουντα αυτον ϊδοντεϲ και μηδε προϲ τ[…] οικτειρμον αυτων μεταβαλλομενον επι το πυρ αυτον ανηγον
- Μακκαβαίων Δ 6:25
ενθα δια κακοτεχνων οργανων καταφλεγοντεϲ › αυτον υπεριπτοϲαν και δυϲωδειϲ χυλουϲ ειϲ τουϲ μυκτηραϲ αυτου κατεχεον ·
- Μακκαβαίων Δ 6:26
ο δε μεχρι των οϲτεων ηδη κεκαυμενοϲ και μελλων λιποθυμειν ανετεινε τα ομματα προϲ τον θν και ειπεν
- Μακκαβαίων Δ 6:27
ϲυ οιϲθα θε παρον μοι ϲωζεϲθαι βαϲανοιϲ καυϲτικαιϲ απο›θνηϲκω δια τον νομον ·
- Μακκαβαίων Δ 6:28
ϊλεωϲ γενου τω εθνει ϲου αρκεϲθειϲ τη ημετερα ϋπερ αυτων δικη
- Μακκαβαίων Δ 6:29
καθαρϲιον αυτων ποιηϲον το εμον αιμα · και αντιψυχον αυτων λαβε την εμην ψυχην ·
- Μακκαβαίων Δ 6:30
και ταυτα ειπων ο ϊεροϲ ανηρ ευγενωϲ ταιϲ βαϲανοιϲ εναπεθανεν και μεχρι των του θανατου βαϲανων αντεϲτη τω λογιϲμω δια τον νομον :
- Μακκαβαίων Δ 6:31
ομολογου‾̷‾μενωϲ ουν δεϲποτηϲ των παθων εϲτιν ο ευϲεβηϲ λογιϲμοϲ ·
- Μακκαβαίων Δ 6:32
ει γαρ τα παθη του λογιϲμου κεκρατηκει τουτοιϲ αν απεδομην την τηϲ επικρα›τιαϲ μαρτυριαν
- Μακκαβαίων Δ 6:33
νυνϊ δε του λογιϲμου τα παθη νικηϲαντοϲ αυτω προϲηκοντωϲ την τηϲ ηγεμονιαϲ προϲνεμομεν εξουϲιαν
- Μακκαβαίων Δ 6:34
και δικαιον εϲτιν ομολογειν ημαϲ το κρατοϲ ειναι του λογιϲμου οπου γε και των εξωθεν αλγηδονων επι›κρατει επει και γελοιον
- Μακκαβαίων Δ 6:35
και ου μονον › των αλγηδονων επιδικνυμι κρατειν τον λογιϲμον · αλλα και των ηδονων κρατειν και μηδεν αυταιϲ υ̇πεικειν ›
- Μακκαβαίων Δ 7:1
ωϲπερ γαρ ο αριϲτοϲ κυβερνητηϲ ο του πρϲ ημων ελεαζαρου λογιϲμοϲ πη›δαλιουχων την τηϲ ευϲεβιαϲ ναυνʼ εν τω των παθων πελαγει
- Μακκαβαίων Δ 7:2
καταικιζομενοϲ τυραννου απειλαιϲ και καταντλουμενοϲ ταιϲ των βαϲανων τρικυμιαιϲ
- Μακκαβαίων Δ 7:3
κατ ουδενα τροπον ετρεψε τουϲ τηϲ ευϲεβειαϲ οιακαϲ · εωϲ ου επλευϲεν επι τον τηϲ αθανατου νικηϲ λιμενα ˙
- Μακκαβαίων Δ 7:4
ουχ ουτωϲ πολιϲ πολλοιϲ και ποικιλοιϲ μηχα›νημαϲιν αντεϲχε ποτε πολιορκουμενη ˙ ωϲ ο παναγιοϲ εκεινοϲ την ϊεραν ψυχην αικιϲμοιϲ και ϲτρεβλαιϲ πυρπολουμενοϲ ενικηϲεν τουϲ πολιορκουνταϲ δια τον ϋπεραϲπιζοντα τηϲ ευϲεβειαϲ λογιϲμον
- Μακκαβαίων Δ 7:5
ωϲπερ γαρ προκρημνον ακραν την εαυτου διανοιαν ο πηρ ελεαζαρʼ εκτειναϲ περιεκλαϲεν τουϲ επιμαινομενουϲ των παθων κλυδωναϲ ·
- Μακκαβαίων Δ 7:6
ω αξιε τηϲ ϊερωϲυ›νηϲ ϊερευ · ουκ εμιαναϲ τουϲ ϊερουϲ ο›δονταϲ · ουδε την θεοϲεβιαν και καθαριϲμον χωρηϲαϲαν γαϲτερα εκοινωϲαϲ μιαροφαγια ˙
- Μακκαβαίων Δ 7:7
ω ϲυμφωνε νομου και φιλοϲοφε θειου βιου ˙
- Μακκαβαίων Δ 7:8
τοιουτουϲ δει ειναι τουϲ δημιουργουνταϲ τον νομον ϊδιω αιματι και γενναιω ϊδρωτι τοιϲ μεχρι θανατου παθεϲιν ϋπεραϲπιζονταϲ ·
- Μακκαβαίων Δ 7:9
ϲυ περ την ευνομιαν ημων δια των ϋπομονων ειϲ δοξαν εκυρωϲαϲ και την αγιαϲτιαν ϲεμνολογηϲαϲ ου κατελυϲαϲ και δια των εργων επιϲτοποιηϲαϲ τουϲ τηϲ θειαϲ φιλοϲοφιαϲ ϲου λογουϲ ·
- Μακκαβαίων Δ 7:10
ω βαϲανων βιαιοτερε γερων · και πυροϲ ευτονωτερε πρεϲβυ ˙ και παθων μεγιϲτε βαϲιλευ ελεαζαρʼ
- Μακκαβαίων Δ 7:11
ωϲπερ ο πηρ ααρων τω θυμιατηριω καθωπλιϲμενοϲ δια του εθνοπληθουϲ επιτρεχων ενικηϲεν τον αγγελον .
- Μακκαβαίων Δ 7:12
ουτωϲ ο ααρωνιδηϲ ελεαζαρʼ δια του πυροϲ ϋπερτηκομενοϲ ου μετετραπη τον λογιϲμον
- Μακκαβαίων Δ 7:13
καιτοι το θαυμαϲιωτατον γερων ων λελυμενων μεν ηδη των του ϲωματοϲ τονων · περικεχαλαϲμενων δε των ϲαρκων · κεκμηκοτων δε και των νευρων ανενεαϲεν
- Μακκαβαίων Δ 7:14
τω πνι δια του λογιϲμου και τω ϊϲακιω λογιϲμω την πολυκεφαλον ϲτρεβλαν ενικηϲεν ˙
- Μακκαβαίων Δ 7:15
ω μακαριου γηρωϲ και ϲεμνηϲ πολιαϲ και βιου νομιμου ον πιϲτη θανατου ϲφραγιϲ ετελειωϲεν ˙
- Μακκαβαίων Δ 7:16
ει δε τοινυν γερων ανηρ των μεχρι θανατου βαϲανων περιεφρονει δι ευϲεβειαν · ομολογουμενωϲ · ηγεμων εϲτιν των παθων ο ευϲεβηϲ λογιϲμοϲ ·
- Μακκαβαίων Δ 7:17
ϊϲωϲ αν ει›ποιεν τινεϲ των παθων ου παντεϲ περικρατουϲιν οτι ουδε παντεϲ φρονιμον εχουϲιν τον λογιϲμον ·
- Μακκαβαίων Δ 7:18
αλλ οϲοι τηϲ ευϲεβιαϲ προνοουϲιν εξ οληϲ καρδιαϲ ουτοι μονοι δυνανται κρατειν των τηϲ ϲαρκοϲ παθων
- Μακκαβαίων Δ 7:19
πι›ϲτευοντεϲ οτι θω ουκ αποθνηϲκουϲιν ωϲπερ ουδε οι πατριαρχαι ημων αβρααμ και ϊϲαακ και ϊακωβ αλλα ζωϲιν θω
- Μακκαβαίων Δ 7:20
ουδεν ουν εναντιουται το φαινεϲθαι τιναϲ παθοκρατειϲθαι η δια τον αϲθενη λογιϲμον
- Μακκαβαίων Δ 7:21
επει τιϲ προϲ ολον τον τηϲ φιλοϲοφιαϲ κανονα φιλοϲοφων και πεπιϲτευκωϲ θω
← Previous · Next → — showing 101–200 of 478
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.