Codex Sinaiticus: Πρὸς Κορινθίους Β´
- Πρὸς Κορινθίους Β´ 11:12
ο δε ποιω και ποιηϲω ϊνα εκκοψω την αφορμην των θελοντων αφορμην ϊνα εν ω καυχωνται ευρεθωϲιν καθωϲ και ημιϲ
- Πρὸς Κορινθίους Β´ 11:13
οι γαρ τοιουτοι ψευδαποϲτολοι εργαται δολιοι μεταϲχηματιζομενοι ειϲ […]
- Πρὸς Κορινθίους Β´ 11:14
και ου θαυμα αυτοϲ γαρ ο ϲαταναϲ μεταϲχηματιζεται ειϲ αγγελον φωτοϲ
- Πρὸς Κορινθίους Β´ 11:15
ου μεγα ουν ει και οι διακονοι αυτου μεταϲχηματιζονται ωϲ διακονοι δικαιοϲυνηϲ ων το τελοϲ εϲται κατα τα εργα αυτων
- Πρὸς Κορινθίους Β´ 11:16
παλιν λεγω μη τιϲ με δοξη αφρονα ειναι ει δε μη γε καν ωϲ αφρονα δεξαϲθε με ϊνα καγω μικρον τι καυχηϲωμαι
- Πρὸς Κορινθίους Β´ 11:17
ο λαλω ου κατα κν λαλω αλλ ωϲ εν αφροϲυνη εν ταυτη τη ϋποϲταϲει τηϲ καυχηϲεωϲ
- Πρὸς Κορινθίους Β´ 11:18
επει πολλοι καυχωνται κατα ϲαρκα καγω καυχηϲομαι
- Πρὸς Κορινθίους Β´ 11:19
ηδεωϲ γαρ ανεχεϲθε των αφρονων φρονιμοι οντεϲ
- Πρὸς Κορινθίους Β´ 11:20
ανεχεϲθε γαρ ει τιϲ ϋμαϲ καταδουλοι ει τιϲ κατεϲθιει ει τιϲ λαμβανει ει τιϲ επαιρεται ει τιϲ ειϲ προϲωπον ϋμαϲ δερι
- Πρὸς Κορινθίους Β´ 11:21
κατα ατιμιαν λεγω ωϲ οτι ημιϲ ηϲθενηκαμεν εν ω δ αν τιϲ τολμα εν αφροϲυνη τολμω καγω
- Πρὸς Κορινθίους Β´ 11:22
εβρεοι ειϲιν καγω ϊϲδραηλιται ειϲιν καγω ϲπερμα αβρααμ ειϲιν καγω
- Πρὸς Κορινθίους Β´ 11:23
διακονοι χυ ειϲιν παραφρονων λαλω ϋπερ εγω ˙ εν κοποιϲ περιϲϲοτερωϲ ˙ εν πληγαιϲ περιϲϲοτερωϲ εν φυλακαιϲ υπερβαλλοντωϲ · εν θανατοιϲ πολλακιϲ
- Πρὸς Κορινθίους Β´ 11:24
ϋπο ϊουδαιων πεντακιϲ τεϲϲερακοντα παρα μιαν ελαβον ·
- Πρὸς Κορινθίους Β´ 11:25
τρειϲ εραβδιϲθην · απαξ ελιθαϲθην · τρειϲ εναυαγηϲα ˙ νυχθημερον εν τω βυθω πεποιηκα ·
- Πρὸς Κορινθίους Β´ 11:26
οδοιποριαιϲ πολλακιϲ κινδυνοιϲ ποταμων κινδυνοιϲ ληϲτων κινδυνοιϲ εκ γενουϲ κινδυνοιϲ εξ εθνων κινδυνοιϲ εν πολει κινδυνοιϲ εν ερημια κινδυνοιϲ εν θαλαϲϲη κινδυνοιϲ εν ψευδαδελφοιϲ ·
- Πρὸς Κορινθίους Β´ 11:27
κοπω και μοχθω · εν αγρυπνιαιϲ πολλακιϲ ˙ εν λειμω και διψει · εν νηϲτιαιϲ πολλακιϲ εν ψυχι και γυμνοτητι
- Πρὸς Κορινθίους Β´ 11:28
χωριϲ των παρεκτοϲ η επιϲταϲιϲ μοι η καθ ημεραν η μεριμνα παϲων των εκκληϲιων
- Πρὸς Κορινθίους Β´ 11:29
τιϲ αϲθενι και ουκ αϲθενω · τιϲ ϲκανδαλειζεται και ουκ εγω πυρουμαι
- Πρὸς Κορινθίους Β´ 11:30
ει καυχαϲθαι δει τα τηϲ αϲθενειαϲ μου καυχηϲομαι
- Πρὸς Κορινθίους Β´ 11:31
ο θϲ και πατηρ του κυ ιυ οιδεν ο ων ευλογητοϲ ειϲ τουϲ αιωναϲ οτι ου ψευδομαι
- Πρὸς Κορινθίους Β´ 11:32
εν δαμαϲκω ο εθναρχηϲ αρετα του βαϲιλεωϲ εφρουρι την πολιν δαμαϲκηνων πιαϲαι με θελων
- Πρὸς Κορινθίους Β´ 11:33
και δια θυριδοϲ εν ϲαργανη εχαλαϲθην δια του τιχουϲ και εξεφυγον ταϲ χιραϲ αυτου
- Πρὸς Κορινθίους Β´ 12:1
καυχαϲθαι δε ου ϲυμφερον μεν ελευϲομαι δε ειϲ οπταϲιαϲ και αποκαλυψειϲ κυ
- Πρὸς Κορινθίους Β´ 12:2
οιδα ανθρωπον εν χω προ ετων δεκατεϲϲαρων ειτε εν ϲωματι ουκ οιδα ειτε εκτοϲ του ϲωματοϲ ουκ οιδα ο θϲ οιδεν αρπαγεντα τον τοιουτον εωϲ τουτου ουρανου
- Πρὸς Κορινθίους Β´ 12:3
και οιδα τον τοιουτον ανθρωπον ειτε εν ϲωματι ειτε εκτοϲ του ϲωματοϲ ουκ οιδα ο θϲ οιδεν
- Πρὸς Κορινθίους Β´ 12:4
οτι ηρπαγη ειϲ τον παραδιϲον και ηκουϲεν αρρητα ρηματα α ουκ εξον ανθρωπω λαληϲαι
- Πρὸς Κορινθίους Β´ 12:5
ϋπερ του τοιουτου καυχηϲομαι ϋπερ δε εμαυτου καυχηϲομαι ει μη εν ταιϲ αϲθενιαιϲ μου
- Πρὸς Κορινθίους Β´ 12:6
εαν γαρ θεληϲω καυχηϲαϲθαι ουκ εϲομαι αφρων αληθειαν γαρ ερω φειδομαι δε μη τιϲ ειϲ εμε λογιϲηται υπερ ο βλεπει με η ακουει εξ εμου
- Πρὸς Κορινθίους Β´ 12:7
και τη ϋπερβολη των αποκαλυψεων · διο ϊνα μη ϋπεραιρωμαι εδοθη μοι ϲκολοψ τη ϲαρκι αγγελοϲ ϲατανα ϊνα με κολαφιζη
- Πρὸς Κορινθίους Β´ 12:8
ϋπερ τουτου τριϲ τον κν παρεκαλεϲα ϊνα αποϲτη απ εμου
- Πρὸς Κορινθίους Β´ 12:9
και ειρηκεν μοι αρκει ϲοι η χαριϲ μου η γαρ δυναμιϲ εν αϲθενια τελειται ηδιϲτα ουν μαλλον καυχηϲομαι εν ταιϲ αϲθενιαιϲ μου ϊνα επιϲκηνωϲη επ εμε η δυναμιϲ του χυ
- Πρὸς Κορινθίους Β´ 12:10
διο ευδοκω εν αϲθενιαιϲ · εν υβρεϲιν και εναγκαιϲ εν διωγμοιϲ και ϲτενοχωριαιϲ υπερ χυ οταν γαρ αϲθενω τοτε δυνατοϲ ειμι
- Πρὸς Κορινθίους Β´ 12:11
γεγονα αφρων ϋμειϲ με ηναγκαϲατε εγω γαρ ωφειλον ϋφ υμων ϲυνιϲταϲθαι ουδεν γαρ ϋϲτερηϲα των ϋπερλιαν αποϲτολων ει και ουδεν ειμι
- Πρὸς Κορινθίους Β´ 12:12
τα μεν ϲημεια του αποϲτολου κατειργαϲθη εν υμιν εν παϲη ϋπομονη ϲημιοιϲ τε και τεραϲι και δυναμεϲιν
- Πρὸς Κορινθίους Β´ 12:13
τι γαρ εϲτιν ο ηϲϲωθητε ϋπερ ταϲ λοιπαϲ εκκληϲιαϲ ει μη οτι αυτοϲ εγω ου κατεναρκηϲα ϋμων χαριϲαϲθε μοι την αδικιαν ταυτην
- Πρὸς Κορινθίους Β´ 12:14
ϊδου τριτον τουτο ετοιμωϲ εχω ελθειν προϲ υμαϲ και ου καταναρκηϲω ου γαρ ζητω τα ϋμων αλλα ϋμαϲ ου γαρ οφιλει τα τεκνα τοιϲ γονευϲι θηϲαυριζειν αλλα οι γονιϲ τοιϲ τεκνοιϲ
- Πρὸς Κορινθίους Β´ 12:15
εγω δε ηδιϲτα δαπανηϲω και εκδαπανηθηϲομαι ϋπερ των ψυχων ϋμων ει περιϲϲοτερωϲ ϋμαϲ αγαπω ηϲϲον αγαπωμαι
- Πρὸς Κορινθίους Β´ 12:16
εϲτω δε εγω ου κατεναρκηϲα υμων αλλα ϋπαρχων πανουργοϲ δολω ϋμαϲ ελαβον
- Πρὸς Κορινθίους Β´ 12:17
μη τινα ων απεϲταλκα προϲ υμαϲ δι αυτου επλεονεκτηϲα ϋμαϲ
- Πρὸς Κορινθίους Β´ 12:18
παρεκαλεϲα τιτον και ϲυναπεϲτιλα τον αδελφον μητι επλεονεκτηϲεν υμαϲ τιτοϲ · ου τω αυτω πνι περιεπατηϲαμεν ου τοιϲ αυτοιϲ ϊχνεϲιν
- Πρὸς Κορινθίους Β´ 12:19
παλαι δοκειτε οτι υμιν απολογουμεθα κατεναντι θυ εν χω λαλουμεν τα δε παντα αγαπητοι ϋπερ τηϲ ϋμων οικοδομηϲ
- Πρὸς Κορινθίους Β´ 12:20
φοβουμαι γαρ μη πωϲ ελθων ουχ οιουϲ θελω ευρω ϋμαϲ καγω ευρεθω ϋμιν οιον ου θελετε · μη πωϲ εριϲ · ζηλοι · θυμοι · εριθιαι · καταλαλιαι · ψιθυριϲμοι · φυϲιωϲειϲ · ακαταϲταϲιαι ·
- Πρὸς Κορινθίους Β´ 12:21
μη παλιν ελθοντοϲ μου ταπινωϲη με ο θϲ μου προϲ ϋμαϲ και πενθηϲω πολλουϲ των προημαρτηκοτων και μη μετανοηϲαντων επι τη ακαθαρϲια και πορνια και αϲελγεια η επραξαν
- Πρὸς Κορινθίους Β´ 13:1
τριτον τουτο ερχομαι προϲ ϋμαϲ ϊνα επι ϲτοματοϲ δυο μαρτυρων η τριων ϲταθηϲεται παν ρημα
- Πρὸς Κορινθίους Β´ 13:2
προειρηκα και προλεγω ωϲ παρων το δευτερον και απων νυν τοιϲ προημαρτηκοϲιν και τοιϲ λοιποιϲ παϲιν οτι εαν ελθω ειϲ το παλιν ου φιϲομαι
- Πρὸς Κορινθίους Β´ 13:3
επει δοκιμην ζητειτε του εν εμοι λαλουντοϲ χυ οϲ ειϲ υμαϲ ουκ αϲθενει αλλα δυνατει εν υμιν
- Πρὸς Κορινθίους Β´ 13:4
και γαρ εϲταυρωθη εξ αϲθενειαϲ αλλα ζη εκ δυναμεωϲ θυ και γαρ ημειϲ αϲθενουμεν ϲυν αυτω αλλα ζηϲομεν ϲυν αυτω εκ δυναμεωϲ θυ ειϲ ϋμαϲ
- Πρὸς Κορινθίους Β´ 13:5
εαυτουϲ πιραζετε ει εϲτε εν τη πιϲτι εαυτουϲ δοκιμαζετε ουκ επιγινωϲκετε εαυτουϲ οτι χϲ ιϲ εν υμιν εϲτιν ει μητι αδοκιμοι εϲτε
- Πρὸς Κορινθίους Β´ 13:6
ελπιζω δε οτι γνωϲεϲθε οτι ημιϲ ε ουκ εϲμεν αδοκιμοι
- Πρὸς Κορινθίους Β´ 13:7
ευχομεθα δε προϲ τον θν μη ποιηϲαι ϋμαϲ κακον μηδεν ουχ ϊνα ημειϲ δοκιμοι φανωμεν αλλ ϊνα ημειϲ το καλον ποιειτε ημειϲ δε ωϲ αδοκιμοι ωμεν
- Πρὸς Κορινθίους Β´ 13:8
ου γαρ δυναμεθα τι κατα τηϲ αληθιαϲ αλλα ϋπερ τηϲ αληθιαϲ
- Πρὸς Κορινθίους Β´ 13:9
χαιρομεν γαρ οταν ημειϲ αϲθενωμεν ϋμειϲ δε δυνατοι ητε τουτο και ευχομεθα την ϋμων καταρτιϲιν
- Πρὸς Κορινθίους Β´ 13:10
δια τουτο ταυτα απων γραφω ϊνα παρων μη αποτομωϲ χρηϲωμαι κατα την εξουϲιαν ην ο κϲ εδωκεν μοι ειϲ οικοδομην και ουκ ειϲ καθαιρεϲιν
- Πρὸς Κορινθίους Β´ 13:11
λοιπον αδελφοι χαιρετε καταρτιζεϲθαι παρακαλειϲθε το αυτο φρονειτε ϊρηνευετε και ο θϲ τηϲ αγαπηϲ και ιρηνηϲ εϲται μεθ υμων
- Πρὸς Κορινθίους Β´ 13:12
αϲπαϲαϲθε αλληλουϲ εν αγιω φιληματι αϲπαζονται ϋμαϲ οι αγιοι παντεϲ
- Πρὸς Κορινθίους Β´ 13:13
η χαριϲ του κυ ιυ χυ και η αγαπη του θυ και η κοινωνια του αγιου πνϲ μετα παντων υμων
← Previous — showing 201–256 of 256
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.