Codex Sinaiticus: Πρὸς Κορινθίους Β´
- Πρὸς Κορινθίους Β´ 6:3
μηδεμιαν εν μηδενι διδοντεϲ προϲκοπην ϊνα μη μωμηθη η διακονια
- Πρὸς Κορινθίους Β´ 6:4
αλλ εν παντι ϲυνϊϲταντεϲ εαυτουϲ ωϲ θυ διακονοι εν υπομονη πολλη · εν θλιψεϲιν εν αναγκαιϲ εν ϲτενοχωριαιϲ
- Πρὸς Κορινθίους Β´ 6:5
εν πληγαιϲ εν φυλακαιϲ εν ακαταϲταϲιαιϲ εν κοποιϲ εν αγρυπνιαιϲ εν νηϲτιαιϲ
- Πρὸς Κορινθίους Β´ 6:6
εν αγνοτητι εν γνωϲι εν μακροθυμια εν χρηϲτοτητι εν πνι αγιω εν αγαπη ανυποκριτω
- Πρὸς Κορινθίους Β´ 6:7
εν λογω αληθιαϲ εν δυναμι θυ δια των οπλων τηϲ δικαιοϲυνηϲ των δεξιων και αριϲτερων
- Πρὸς Κορινθίους Β´ 6:8
δια δοξηϲ και ατιμιαϲ · δια δυϲφημιαϲ και ευφημιαϲ ωϲ πλανοι και αληθειϲ ˙
- Πρὸς Κορινθίους Β´ 6:9
ωϲ αγνοουμενοι και επιγινωϲκομενοι ωϲ αποθνηϲκοντεϲ και ϊδου ζωμεν ωϲ παιδευομενοι και μη θανατουμενοι ·
- Πρὸς Κορινθίους Β´ 6:10
ωϲ λυπουμενοι αει δε χαιροντεϲ · ωϲ πτωχοι πολλουϲ δε πλουτιζοντεϲ ωϲ μηδεν εχοντεϲ και παντα κατεχοντεϲ
- Πρὸς Κορινθίους Β´ 6:11
το ϲτομα ημων ανεωγεν προϲ ϋμαϲ κορινθιοι η καρδια ϋμων πεπλατυνται
- Πρὸς Κορινθίους Β´ 6:12
ου ϲτενοχωρειϲθε εν ημιν ϲτενοχωριϲθαι δε εν τοιϲ ϲπλαγχνοιϲ ϋμων
- Πρὸς Κορινθίους Β´ 6:13
την δε αυτην αντιμιϲθιαν ωϲ τεκνοιϲ λεγω πλατυνθητε και ϋμιϲ
- Πρὸς Κορινθίους Β´ 6:14
μη γινεϲθε ετεροζυγουντεϲ απιϲτοιϲ τιϲ γαρ μετοχη δικαιοϲυνη και ανομια · η τιϲ κοινωνια φωτι προϲ ϲκοτοϲ
- Πρὸς Κορινθίους Β´ 6:15
τιϲ δε ϲυμφωνηϲιϲ χυ προϲ βελιαρʼ η τιϲ μεριϲ πιϲτω μετα απιϲτου
- Πρὸς Κορινθίους Β´ 6:16
τιϲ δε ϲυγκαταθεϲειϲ ναω θυ μετα ειδωλων ημειϲ γαρ ναοι θυ εϲμεν ζωντοϲ καθωϲ ειπεν ο θϲ οτι ενοικηϲω εν αυτοιϲ και εμπεριπατηϲω και εϲομαι αυτων θϲ και αυτοι εϲονται μου λαοϲ
- Πρὸς Κορινθίους Β´ 6:17
διο εξελθαται εκ μεϲου αυτων και αφοριϲθητε λεγει κϲ και ακαθαρτου μη απτεϲθε καγω ειϲδεξομαι ϋμαϲ
- Πρὸς Κορινθίους Β´ 6:18
και εϲομαι ϋμιν ειϲ πατερα και ϋμειϲ εϲεϲθε μοι ειϲ υϊουϲ και θυγατεραϲ λεγει κϲ παντοκρατωρ
- Πρὸς Κορινθίους Β´ 7:1
ταυταϲ ουν εχοντεϲ ταϲ επαγγελιαϲ αγαπητοι καθαριϲωμεν εαυτουϲ απο παντοϲ μολυϲμου ϲαρκοϲ και πνϲ επιτελουντεϲ αγιωϲυνην εν φοβω θυ
- Πρὸς Κορινθίους Β´ 7:2
χωρηϲατε ημαϲ ουδενα ηδικηϲαμεν · ουδενα εφθιραμεν · ουδενα επλεονεκτηϲαμεν
- Πρὸς Κορινθίους Β´ 7:3
προϲ κατακριϲιν ου λεγω προειρηκα γαρ οτι εϲτε εν ταιϲ καρδιαιϲ υμων εϲτε ειϲ το ϲυναποθανιν και ϲυνζην
- Πρὸς Κορινθίους Β´ 7:4
πολλη μοι παρρηϲια προϲ ϋμαϲ πολλη μοι καυχηϲιϲ ϋπερ ϋμων πεπληρωμαι τη παρακληϲι · ϋπερπεριϲϲευομαι τη χαρα επι παϲη τη θλιψει ημων
- Πρὸς Κορινθίους Β´ 7:5
και γαρ ελθοντων ημων ειϲ μακαιδονιαν ουδεμιαν εϲχηκεν ανεϲιν η ϲαρξ ημων αλλ εν παντι θλιβομενοι εξωθεν μαχαι εϲωθεν φοβοι
- Πρὸς Κορινθίους Β´ 7:6
αλλ ο παρακαλων τουϲ ταπινουϲ παρεκαλεϲεν ημαϲ ο θϲ εν τη παρουϲια τιτου
- Πρὸς Κορινθίους Β´ 7:7
ου μονον δε εν τη παρουϲια αυτου αλλα και εν τη παρακληϲει η παρεκληθη εφ υμιν αναγγελλων υμιν την ϋμων επιποθηϲιν τον ϋμων οδυρμον τον ϋμων ζηλον υπερ εμου ωϲτε με μαλλον χαρηναι
- Πρὸς Κορινθίους Β´ 7:8
οτι ει και ελυπηϲα ϋμαϲ εν τη επιϲτολη ου μεταμελομαι ει και μετεμελομην βλεπω γαρ οτι η επιϲτολη εκινη ει και προϲ ωραν ελυπηϲεν ϋμαϲ
- Πρὸς Κορινθίους Β´ 7:9
νυν χαιρω ουχ οτι ελυπηθητε ειϲ μετανοιαν ελυπηθητε γαρ κατα θν ϊνα εν μηδενι ζημιωθητε εξ ημων
- Πρὸς Κορινθίους Β´ 7:10
η γαρ κατα θν λυπη μετανοιαν ειϲ ϲωτηριαν αμεταμελητον εργαζεται η δε του κοϲμου λυπη θανατον κατεργαζεται
- Πρὸς Κορινθίους Β´ 7:11
ϊδου γαρ αυτο τουτο το κατα θν λυπηθηναι ποϲην κατειργαϲατο ϋμιν ϲπουδην αλλα απολογιαν αλλα ανακτηϲιν αλλα φοβον αλλα επιποθιαν αλλα ζηλον αλλα εκδικηϲιν εν παντι ϲυνεϲτηϲατε εαυτουϲ αγνουϲ ειναι τω πραγματι
- Πρὸς Κορινθίους Β´ 7:12
αρα ει και εγραψα υμιν ουκ ενεκεν του αδικηϲαντοϲ ουδε ενεκεν του αδικηθεντοϲ αλλ ενεκεν του φανερωθηναι την ϲπουδην ϋμων την ϋπερ υμων προϲ ϋμαϲ ενωπιον του θυ
- Πρὸς Κορινθίους Β´ 7:13
δια τουτο παρακεκλημεθα επι δε τη παρακληϲει ημων περιϲϲοτερωϲ μαλλον εχαρημεν επι τη χαρα τιτου οτι αναπεπαυται το πνα αυτου απο παντων ϋμων
- Πρὸς Κορινθίους Β´ 7:14
οτι ει τι αυτων υπερ ϋμων κεκαυχημαι ου κατηϲχυνθην αλλ ωϲ παντα εν αληθεια ελαληϲαμεν ουτωϲ και η καυχηϲιϲ ημων επι τιτου αληθεια εγενηθη
- Πρὸς Κορινθίους Β´ 7:15
και τα ϲπλαγχνα αυτου περιϲϲοτερωϲ ειϲ ϋμαϲ εϲτιν αναμιμνηϲκομενου την ϋμων ϋπακοην ωϲ μετα φοβου και τρομου εδεξαϲθαι αυτον
- Πρὸς Κορινθίους Β´ 7:16
χαιρω οτι εν παντι θαρρω εν υμιν
- Πρὸς Κορινθίους Β´ 8:1
γνωριζομεν δε ϋμιν αδελφοι την χαριν του θυ την δεδομενην εν ταιϲ εκκληϲιαιϲ τηϲ μακαιδονιαϲ
- Πρὸς Κορινθίους Β´ 8:2
οτι εν πολλη δοκιμη θλιψεωϲ η περιϲϲεια τηϲ χαραϲ αυτων και η κατα βαθουϲ πτωχεια αυτων επεριϲϲευϲεν ειϲ το πλουτοϲ τηϲ απλοτητοϲ αυτων
- Πρὸς Κορινθίους Β´ 8:3
οτι κατα δυναμιν μαρτυρω και παρα δυναμιν αυθερετοι
- Πρὸς Κορινθίους Β´ 8:4
μετα πολληϲ παρακληϲεωϲ δεομενοι ημων την χαριν και την κοινωνιαν τηϲ διακονιαϲ τηϲ ειϲ τουϲ αγιουϲ
- Πρὸς Κορινθίους Β´ 8:5
και ου καθωϲ ηλπιϲαμεν αλλ εαυτουϲ εδωκαν πρωτον τω κω και ημιν δια θεληματοϲ θυ
- Πρὸς Κορινθίους Β´ 8:6
ειϲ το παρακαλεϲαι ημαϲ τιτον ινα καθωϲ προενηρξατο ουτωϲ και επιτελεϲη ειϲ υμαϲ και την χαριν ταυτην
- Πρὸς Κορινθίους Β´ 8:7
αλλ ωϲπερ εν παντι περιϲϲευετε εν πιϲτι και λογω και γνωϲει και παϲη ϲπουδη και τη εξ υμων εν ημιν αγαπη ινα και εν ταυτη τη χαριτι περιϲϲευητε
- Πρὸς Κορινθίους Β´ 8:8
ου κατ επιταγην λεγω αλλα δια τηϲ ετερων ϲπουδηϲ και το τηϲ ϋμετεραϲ αγαπηϲ γνηϲιον δοκιμαζων
- Πρὸς Κορινθίους Β´ 8:9
γινωϲκετε γαρ την χαριν του κυ ημων ιυ χυ οτι δι υμαϲ επτωχευϲεν πλουϲιοϲ ων ϊνα ϋμειϲ τη εκεινου πτωχια πλουτηϲητε
- Πρὸς Κορινθίους Β´ 8:10
και γνωμην εν τουτω διδωμι τουτο γαρ υμιν ϲυμφερει οιτινεϲ ου μονον το ποιηϲαι αλλα και το θελειν προενηρξαϲθε απο περυϲι
- Πρὸς Κορινθίους Β´ 8:11
νυνϊ δε και το ποιηϲαι επιτελεϲαται οπωϲ καθαπερ η προθυμια του θελειν ουτωϲ και το επιτελεϲε εκ του εχιν
- Πρὸς Κορινθίους Β´ 8:12
ει γαρ η προθυμια προκειται καθο αν εχη ευπροϲδεκτοϲ ου καθο ουκ εχει
- Πρὸς Κορινθίους Β´ 8:13
ου γαρ ϊνα αλλοιϲ ανεϲιϲ υμιν θλιψιϲ αλλ εξ ϊϲοτητοϲ
- Πρὸς Κορινθίους Β´ 8:14
εν τω νυν καιρω το ϋμων περιϲϲευμα ειϲ το εκεινων υϲτερημα ϊνα και ο εκεινων περιϲϲευμα γενηται ειϲ το ϋμων ϋϲτερημα οπωϲ γενηται ϊϲοτηϲ
- Πρὸς Κορινθίους Β´ 8:15
καθωϲ γεγραπται ο το πολυ ουκ επλεοναϲεν και ο το ολιγον ουκ ηλαττονηϲεν
- Πρὸς Κορινθίους Β´ 8:16
χαριϲ δε τω θω τω διδοντι την αυτην ϲπουδην ϋπερ ϋμων εν τη καρδια τιτου
- Πρὸς Κορινθίους Β´ 8:17
οτι την μεν παρακληϲιν εδεξατο ϲπουδαιοτεροϲ δε ϋπαρχων αυθαιρετοϲ εξηλθεν προϲ ϋμαϲ
- Πρὸς Κορινθίους Β´ 8:18
ϲυνεπεμψαμεν δε τον αδελφον μετ αυτου ου ο επαινοϲ εν τω ευαγγελιω δια παϲων των εκκληϲιων
- Πρὸς Κορινθίους Β´ 8:19
ου μονον δε αλλα και χειροτονηθειϲ ϋπο των εκκληϲιων ϲυνεκδημοϲ ημων ϲυν τη χαριτι ταυτη τη διακονουμενη ϋφ ημων προϲ την αυτου του κυ δοξαν και προθυμιαν ημων
- Πρὸς Κορινθίους Β´ 8:20
ϲτελλομενοι τουτο μη τιϲ ημαϲ μωμηϲηται εν τη αδροτητι ταυτη τη διακονουμενη ϋφ ημων
- Πρὸς Κορινθίους Β´ 8:21
προνοουμεν γαρ καλα ου μονον ενωπιον κυ αλλα και ανθρωπων
- Πρὸς Κορινθίους Β´ 8:22
ϲυνεπεμψαμεν δε αυτοιϲ τον αδελφον ημων ον εδοκιμαϲαμεν εν πολλοιϲ πολλακιϲ ϲπουδαιον οντα νυνϊ δε πολυ ϲπουδαιοτερον πεποιθηϲει πολλη τη ειϲ υμαϲ
- Πρὸς Κορινθίους Β´ 8:23
ειτε ϋπερ τιτου κοινωνοϲ εμοϲ και ειϲ ϋμαϲ ϲυνεργοϲ ειτε αδελφοι ημων αποϲτολοι εκκληϲιων δοξα χυ
- Πρὸς Κορινθίους Β´ 8:24
τη ουν ενδιξιν τηϲ αγαπηϲ υμων και ημων καυχηϲεωϲ ϋπερ ϋμων ειϲ αυτουϲ ενδιξαϲθαι ειϲ προϲωπον των εκκληϲιων
- Πρὸς Κορινθίους Β´ 9:1
περι μεν γαρ τηϲ διακονιαϲ τηϲ ειϲ τουϲ αγιουϲ περιϲϲον μοι εϲτιν το γραφειν υμιν
- Πρὸς Κορινθίους Β´ 9:2
οιδα γαρ την προθυμιαν ϋμων ην ϋπερ ϋμων καυχωμαι μακεδοϲιν οτι αχαϊα παραεϲκευαϲται απο περυϲι και το υμων ζηλοϲ ηρεθιϲε τουϲ πλειοναϲ
- Πρὸς Κορινθίους Β´ 9:3
επεμψα δε τουϲ αδελφουϲ ϊνα μη το καυχημα ημων το υπερ υμων κενωθη εν τω μερι τουτω ϊνα καθωϲ ελεγεν παρεϲκευαϲμενοι ητε
- Πρὸς Κορινθίους Β´ 9:4
μη πωϲ εαν ελθωϲιν ϲυν εμοι μακαιδονεϲ και ευρωϲιν ϋμαϲ απαραϲκευαϲτουϲ καταιϲχυνθωμεν ημειϲ ϊνα μη λεγωμεν ϋμειϲ εν τη υποϲταϲει ταυτη
- Πρὸς Κορινθίους Β´ 9:5
αναγκαιον ουν ηγηϲαμην παρακαλεϲαι τουϲ αδελφουϲ ϊνα προελθωϲιν ειϲ ϋμαϲ και προκαταρτιϲωϲι την προεπηγγελμενην ευλογιαν ϋμων ταυτην ετοιμην ειναι ουτωϲ ωϲ ευλογιαν μη ωϲ πλεονεξιαν
- Πρὸς Κορινθίους Β´ 9:6
τουτο δε ο ϲπιρων φειδομενωϲ φιδομενωϲ και θεριϲει και ο ϲπιρων επ ευλογιαιϲ επ ευλογιαιϲ και θεριϲει
- Πρὸς Κορινθίους Β´ 9:7
εκαϲτοϲ καθωϲ προηρηται τη καρδια μη εκ λυπηϲ η εξ αναγκηϲ ϊλαρον γαρ δοτην αγαπα ο θϲ
- Πρὸς Κορινθίους Β´ 9:8
δυνατει δε ο θϲ παϲαν χαριν περιϲϲευϲαι ειϲ ϋμαϲ ϊνα εν παντι παντοτε παϲαν αυταρκειαν εχοντεϲ περιϲϲευητε ειϲ παν εργον αγαθον
- Πρὸς Κορινθίους Β´ 9:9
καθωϲ γεγραπται εϲκορπιϲεν εδωκεν τοιϲ πενηϲιν η δικαιοϲυνη αυτου μενει ειϲ τον αιωνα
- Πρὸς Κορινθίους Β´ 9:10
ο δε επιχορηγων ϲπερμα τω ϲπειροντι και αρτον ειϲ βρωϲιν χορηγηϲει και πληθυνει τον ϲπορον ϋμων και αυξηϲει τα γενηματα τηϲ δικαιοϲυνηϲ υμων
- Πρὸς Κορινθίους Β´ 9:11
εν παντι πλουτιζομενοι ειϲ παϲαν απλοτητα ητιϲ κατεργαζεται δι ημων ευχαριϲτιαν τω θω
- Πρὸς Κορινθίους Β´ 9:12
οτι η διακονια τηϲ λιτουργιαϲ ταυτηϲ ου μονον εϲτιν προϲαναπληρουϲα τα ϋϲτερηματα των αγιων αλλα και περιϲϲευουϲα δια πολλων ευχαριϲτιων τω θω
- Πρὸς Κορινθίους Β´ 9:13
δια τηϲ δοκιμηϲ τηϲ διακονιαϲ ταυτηϲ δοξαζοντεϲ τον θν επι τη ϋποταγη τηϲ ομολογιαϲ υμων ειϲ το ευαγγελιον του χυ και απλοτητι τηϲ κοινωνιαϲ ειϲ αυτουϲ και ειϲ πανταϲ
- Πρὸς Κορινθίους Β´ 9:14
και αυτων δεηϲει ϋπερ ημων επιποθουντων υμαϲ δια την ϋπερβαλλουϲαν χαριν του θυ εφ υμιν
- Πρὸς Κορινθίους Β´ 9:15
χαριϲ τω θω επι τη ανεκδιηγητω αυτου δωρεα
- Πρὸς Κορινθίους Β´ 10:1
αυτοϲ δε εγω παυλοϲ παρακαλω ϋμαϲ δια τηϲ πραυτητοϲ και επιεικιαϲ του χυ οϲ κατα προϲωπον μεν ταπινοϲ εν υμιν απων δε θαρρω ειϲ ϋμαϲ
- Πρὸς Κορινθίους Β´ 10:2
δεομαι δε το μη παρων θαρρηϲαι τη πεποιθηϲει η λογιζομαι τολμηϲαι επι τιναϲ τουϲ λογιζομενουϲ ημαϲ ωϲ κατα ϲαρκα περιπατουνταϲ
- Πρὸς Κορινθίους Β´ 10:3
εν ϲαρκι γαρ περιπατουντεϲ ου κατα ϲαρκα ϲτρατευομεθα
- Πρὸς Κορινθίους Β´ 10:4
τα γαρ οπλα τηϲ ϲτρατιαϲ ημων ου ϲαρκικα αλλα δυνατα τω θω προϲ καθερεϲιν οχυρωματων λογιϲμουϲ καθαιρουντεϲ
- Πρὸς Κορινθίους Β´ 10:5
και παν ϋψωμα επαιρομενον κατα τηϲ γνωϲεωϲ του θυ και αιχμαλωτιζοντεϲ παν νοημα ειϲ την ϋπακοην του χυ
- Πρὸς Κορινθίους Β´ 10:6
και εν ετοιμω εχοντεϲ εκδικηϲαι παϲαν παρακοην οταν πληρωθη ϋμων η ϋπακοη
- Πρὸς Κορινθίους Β´ 10:7
τα κατα προϲωπον βλεπετε ει τιϲ πεποιθεν εαυτω χυ ειναι τουτο λογιζεϲθω παλιν εφ εαυτου οτι καθωϲ αυτοϲ χυ ουτωϲ και ημιϲ
- Πρὸς Κορινθίους Β´ 10:8
εαν τε γαρ περιϲϲοτερον τι καυχηϲομαι περι τηϲ εξουϲιαϲ ημων ηϲ εδωκεν ο κϲ ειϲ οικοδομην και ουκ ειϲ καθαιρεϲιν ϋμων ουκ αιϲχυνθηϲομαι
- Πρὸς Κορινθίους Β´ 10:9
ϊνα μη δοξω ωϲ αν εκφοβιν ϋμαϲ δια των επιϲτολων
- Πρὸς Κορινθίους Β´ 10:10
οτι αι επιϲτολαι μεν φηϲιν βαρειαι και ϊϲχυραι η δε παρουϲια του ϲωματοϲ αϲθενηϲ και ο λογοϲ εξουθενημενοϲ
- Πρὸς Κορινθίους Β´ 10:11
τουτο λογιζεϲθω ο τοιουτοϲ οτι οιοι εϲμεν τω λογω δι επιϲτολων αποντεϲ τοιουτοι και παροντεϲ τω εργω
- Πρὸς Κορινθίους Β´ 10:12
ου γαρ τολμωμεν εγκριναι η ϲυγκριναι εαυτουϲ τιϲιν των εαυτουϲ ϲυνιϲτανοντων αλλα αυτοι εν εαυτοιϲ μετρουντεϲ και ϲυγκρινοντεϲ εαυτουϲ εαυτοιϲ ου ϲυνιϲαϲιν
- Πρὸς Κορινθίους Β´ 10:13
ημειϲ δε ουκ ειϲ τα αμετρα καυχηϲομεθα αλλα κατα το μετρον του κανονοϲ ου εμεριϲεν ημιν ο θϲ μετρου εφικεϲθαι αχρι και ϋμων
- Πρὸς Κορινθίους Β´ 10:14
ου γαρ ωϲ μη εφικνουμενοι ειϲ υμαϲ ϋπερεκτινομεν εαυτουϲ αχρι και ϋμων εφθαϲαμεν εν τω ευαγγελιω του χυ
- Πρὸς Κορινθίους Β´ 10:15
ουκ ειϲ τα αμετρα καυχωμενοι εν αλλοτριοιϲ κοποιϲ ελπιδα δε εχοντεϲ αυξανομενηϲ τηϲ πιϲτεωϲ ϋμων εν ϋμιν μεγαλυνθηναι κατα τον κανονα υμων ειϲ περιϲϲιαν
- Πρὸς Κορινθίους Β´ 10:16
ειϲ τα ϋπερεκεινα ϋμων ευαγγελιϲαϲθαι ουκ εν αλλοτριω κανονι ειϲ τα ετοιμα καυχηϲαϲθαι
- Πρὸς Κορινθίους Β´ 10:17
ο δε καυχωμενοϲ εν κω καυχαϲθω
- Πρὸς Κορινθίους Β´ 10:18
ο γαρ εαυτον ϲυνϊϲτανων εκεινοϲ δοκιμοϲ εϲτιν αλλ ον ο κϲ ϲυνιϲτηϲιν
- Πρὸς Κορινθίους Β´ 11:1
οφελον ανειχεϲθε μου μικρον τι αφροϲυνηϲ αλλα και αναϲχεϲθε μου
- Πρὸς Κορινθίους Β´ 11:2
ζηλω γαρ ϋμαϲ θυ ζηλω ηρμοϲαμην γαρ ϋμαϲ ενι ανδρι παρθενον αγνην παραϲτηϲαι τω χω
- Πρὸς Κορινθίους Β´ 11:3
φοβουμαι δε μη πωϲ ωϲ ο οφιϲ εξηπατηϲεν ϋμιν εν τη πανουργια αυτου φθαρη τα νοηματα ϋμων απο τηϲ απλοτητοϲ και τηϲ αγνοτητοϲ τηϲ ειϲ χν
- Πρὸς Κορινθίους Β´ 11:4
ει μεν γαρ ο ερχομενοϲ αλλον ιν κηρυϲϲει ον ουκ εκηρυξαμεν η πνα ετερον λαμβανετε ο ουκ ελαβετε η ευαγγελιον ετερον ετερον ο ουκ εδεξαϲθε καλωϲ ανειχεϲθε
- Πρὸς Κορινθίους Β´ 11:5
λογιζομαι γαρ μηδεν ϋϲτερηκεναι των ϋπερλιαν αποϲτολων ·
- Πρὸς Κορινθίους Β´ 11:6
ει δε και ϊδιωτηϲ τω λογω αλλ ου τη γνωϲει αλλ εν παντι φανερωϲαντεϲ εν παϲιν ειϲ υμαϲ
- Πρὸς Κορινθίους Β´ 11:7
η αμαρτιαν εποιηϲα εμαυτον ταπινων ινα υμειϲ ϋψωθητε οτι δωρεαν το του θυ ευαγγελιον ευηγγελιϲαμην υμιν
- Πρὸς Κορινθίους Β´ 11:8
αλλαϲ εκληϲιαϲ εϲυληϲα λαβων οψωνιον προϲ την ϋμων διακονιαν
- Πρὸς Κορινθίους Β´ 11:9
και παρων προϲ ϋμαϲ και υϲτερηθειϲ ου κατεναρκηϲα ουθενοϲ το γαρ ϋϲτερημα μου προϲανεπληρωϲαν οι αδελφοι ελθοντεϲ απο μακαιδονιαϲ και εν παντι αβαρη εμαυτον ϋμιν ετηρηϲα και τηρηϲω
- Πρὸς Κορινθίους Β´ 11:10
εϲτιν αληθεια χυ εν εμοι οτι η καυχηϲιϲ αυτη ου φραγηϲεται ειϲ εμε εν τοιϲ κλιμαϲι τηϲ αχαϊαϲ
- Πρὸς Κορινθίους Β´ 11:11
δια τι οτι ουκ αγαπω ϋμαϲ ο θϲ οιδεν
← Previous · Next → — showing 101–200 of 256
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.