← All works
Codex Sinaiticus: Μακκαβαίων Α Codex Sinaiticus · 924 sections
Single column Two columns
Μακκαβαίων Α 11:71 και διερρηξεν ϊωναθαν τα ιματια αυτου και επεθετο γην επι την κεφαλην αυτου και προϲηυξατο
Μακκαβαίων Α 11:72 και υπεϲτρεφον προϲ αυτουϲ πολεμω και ετροπωϲατο αυτουϲ και εφυγον
Μακκαβαίων Α 11:73 και ειδον οι φευγοντεϲ παρ αυτου και επεϲτρεψαν επ αυτον και εδιωκαν μετ αυτου εωϲ κεδεϲʼ εωϲ τηϲ παρεμβοληϲ αυτων και παρενεβαλον εκει
Μακκαβαίων Α 11:74 και επεϲον εκ των αλλοφυλων εν τη ημερα εκεινη ειϲ ανδραϲ τριϲχιλιουϲ · και επεϲτρεψεν ϊωναθαν ειϲ ιηλμ
Μακκαβαίων Α 12:1 και ειδεν ϊωναθαν οτι ο καιροϲ αυτων ϲυνεργει και επελεξατο ανδραϲ και απεϲτιλεν ειϲ ρωμην ϲτηϲαι και ανανεωϲαϲθαι την προϲ αυτουϲ φιλιαν
Μακκαβαίων Α 12:2 και προϲπαρτιαταϲ · και ειϲ τοπουϲ ετερουϲ απεϲτιλεν επιϲτολαϲ κατα ταυτα
Μακκαβαίων Α 12:3 και επορευθηϲαν ειϲ ρωμην και ειϲηλθον ειϲ το βουλευτηριον και ειπον ϊωναθαν ο αρχϊερευϲ και το εθνοϲ των ϊουδαιων απεϲτιλεν ημαϲ ανανεωϲαϲθαι την φιλιαν εαυτοιϲ και την ϲυμμαχιαν κατα το προτερον
Μακκαβαίων Α 12:4 και εδωκαν επιϲτολαϲ αυτοιϲ προϲ αυτουϲ κατα τοπον οπωϲ προπεμπωϲιν αυτουϲ ειϲ γην ϊουδα μετ ειρηνηϲ
Μακκαβαίων Α 12:5 και τουτο το αντιγραφον των επιϲτολων ων εγραψεν ιωναθαν τοιϲ ϲπαρτιαταιϲ
Μακκαβαίων Α 12:6 ϊωναθαν αρχϊερευϲ και η γερουϲια του εθνουϲ και οι ιερειϲ και ο λοιποϲ δημοϲ των ιουδαιων ϲπαρτιαταιϲ τοιϲ αδελφοιϲ χαιρειν
Μακκαβαίων Α 12:7 ετι προτερον απεϲταληϲαν επιϲτολαι προϲ ονιαν τον αρχϊερεαν παρα δαριου του βαϲιλευοντοϲ εν υ̇μιν οτι εϲται αδελφοι ημων ω το αντιγραφον ϋποκειται
Μακκαβαίων Α 12:8 και επεδεξατο ο ονιαϲ τον ανδρα τον απεϲταλμενον ενδοξωϲ και ελαβεν ταϲ επιϲτολαϲ εν αιϲ διεϲαφειτο περι ϲυμμαχιαϲ και φιλιαϲ ˙
Μακκαβαίων Α 12:9 ημειϲ ουν απροϲδεειϲ τουτων οντεϲ παρακληϲιν εχοντεϲ τα βιβλια τα αγια τα εν ταιϲ χερϲιν ημων
Μακκαβαίων Α 12:10 επιραθημεν αποϲτιλαι την προϲ υμαϲ αδελφοτητα και φιλιαν ανανεωϲαϲθαι προϲ το μη εξαλλοτριωθηναι ϋμων · πολλοι γαρ καιροι διηλθον αφ ου απεϲτιλατε προϲ ημαϲ
Μακκαβαίων Α 12:11 ημειϲ ουν εν παντι καιρω αδιαλιπτωϲ εν τε ταιϲ εορταιϲ και ταιϲ λοιπαιϲ καθηκουϲαιϲ ημεραιϲ μνηϲκομεθα υμων εφ ων προϲφερομεν θυϲιαν και εν ταιϲ προϲευχαιϲ ωϲ δεον εϲτιν και πρεπον μνημονευειν αδελφων ·
Μακκαβαίων Α 12:12 ευφρενομεθα δε επι τη δοξη ϋμων
Μακκαβαίων Α 12:13 ημαϲ δε εκυκλωϲαν πολλαι θλιψιϲ και πολεμοι πολλοι και επολεμηϲαν ημαϲ οι βαϲιλειϲ οι κυκλω ημων
Μακκαβαίων Α 12:14 ουκ ηβουλομεθα ουν παρενοχληϲαι υμιν και τουϲ λοιπουϲ ϲυμμαχουϲ και φιλουϲ ημων εν τοιϲ πολεμοιϲ τουτοιϲ
Μακκαβαίων Α 12:15 εχομεν γαρ την εξ ουρανου βοηθειαν βοηθουϲαν ημιν και ερρυϲθημεν απο των εχθρων και εταπινωθηϲαν οι εχθροι ημων ·
Μακκαβαίων Α 12:16 επελεξαμεν ουν νουμηνιον αντιοχου και αντιπατρον ϊαϲονοϲ και απεϲταλκαμεν προϲ ρωμαιουϲ ανανεωϲαϲθαι την προϲ αυτουϲ φιλιαν και ϲυμμαχιαν την προτερον
Μακκαβαίων Α 12:17 ενετιλαμεθα ουν αυτοιϲ και προϲ υμαϲ πορευθηναι και αϲπαϲαϲθαι υμαϲ και αποδουναι υμιν ταϲ παρ ημων επιϲτολαϲ περι τηϲ αναναιωϲεωϲ και τηϲ αδελφοτητοϲ ημων
Μακκαβαίων Α 12:18 και νυν καλωϲ ποιηϲεται αντιφωνηϲαντεϲ ημιν προϲ ταυτα
Μακκαβαίων Α 12:19 και τουτο το αντιγραφον των επιϲτολων ων απεϲτιλαν ονια
Μακκαβαίων Α 12:20 αρηϲ βαϲιλευϲ ϲπαρτιατων νονεια ϊερει μεγαλω χαιρειν ·
Μακκαβαίων Α 12:21 ευρεθη εν γραφη περι τε των ϲπαρτιατων και ϊουδαιων οτι ειϲιν αδελφοι και οτι ειϲιν εκ γενουϲ αβρααμʼ
Μακκαβαίων Α 12:22 και νυν αφ ου εγνωμεν ταυτα καλωϲ ποιηϲετε γραφοντεϲ ημιν περι τηϲ ειρηνηϲ ϋμων
Μακκαβαίων Α 12:23 και ϋμειϲ δε αντιγραφονμεν υμιν τα κτηνη υμων και η ϋπαρξιϲ ϋμων ημιν εϲτιν και τα ημων ϋμιν εϲτιν εντελλομεθα ουν οπωϲ απαγγειλωϲιν υμιν κατα ταυτα
Μακκαβαίων Α 12:24 και ηκουϲεν ιωναθαν οτι επεϲτρεψαν αρχοντεϲ δημητριου μετα δυναμεωϲ πολληϲ ϋπερ το προτερον του πολεμηϲαι προϲ αυτον
Μακκαβαίων Α 12:25 και απηρεν εξ ιηλμ και απηντηϲεν αυτοιϲ ειϲ την χωραν αμαθιτινʼ ου γαρ εδωκεν αυτοιϲ ανοχην του εμβατευϲε ειϲ την χωραν αυτου
Μακκαβαίων Α 12:26 και απεϲτιλεν καταϲκοπουϲ ειϲ την παρεμβολην αυτου και επεϲτρεψαν και απηγγιλαν αυτω οτι ουτωϲ ταϲϲονται επιπεϲιν επ αυτουϲ την νυκτα .
Μακκαβαίων Α 12:27 ωϲ δε εδυ ο ηλιοϲ επεταξεν ϊωναθαν τοιϲ παρ αυτου γρηγορειν και ειναι επι τοιϲ οπλοιϲ ετοιμαζεϲθαι ειϲ πολεμον δι οληϲ τηϲ νυκτοϲ και εξεβαλεν προφυλακαϲ κυκλω τηϲ παρεμβοληϲ
Μακκαβαίων Α 12:28 και ηκουϲαν οι ϋπεναντιοι οτι ητοιμαϲται ϊωναθαν και οι πατερεϲ αυτου ειϲ πολεμον και εφοβηθηϲαν και επτηξαν τη καρδια αυτων και ανεκαυϲαν πυραϲ εν τη παρεμβολη αυτων
Μακκαβαίων Α 12:29 ϊωναθαν δε και οι παρ αυτου ουκ εγνωϲαν εωϲ πρωϊ εβλεπον γαρ τα φωτα καιομενα
Μακκαβαίων Α 12:30 και κατεδιωξεν ϊωναθαν οπιϲω αυτων και ου κατελαβεν αυτουϲ · διεβηϲαν γαρ τον ελευθερον ποταμον
Μακκαβαίων Α 12:31 και εξεκλινεν ϊωναθαν επι τουϲ αραβαϲ τουϲ καλουμενουϲ ζαβαδαιουϲʼ και επαταξεν αυτουϲ και ελαβεν τα ϲκυλα αυτων
Μακκαβαίων Α 12:32 και αναζευξαϲ ηλθεν ειϲ δαμαϲκον και διωδευϲεν εν παϲη χωρα
Μακκαβαίων Α 12:33 και ϲιμων εξηλθεν και διωδευϲεν εωϲ αϲκαλωνοϲ και τα πληϲιον οχυρωματα και εξεκλινεν ειϲ ϊοππην και προκατελαβετο αυτην ·
Μακκαβαίων Α 12:34 ηκουϲεν γαρ οτι βουλονται το οχυρωμα παραδουναι τοιϲ παρα δημητριου και εθετο εκει φρουραν οπωϲ φυλαϲϲωϲιν αυτην
Μακκαβαίων Α 12:35 και επεϲτρεψεν ϊωναθαν και εξεκκληϲιαϲεν τουϲ πρεϲβυτερουϲ του λαου και εβουλευετο μετ αυτων του οικοδομηϲαι οχυρωματα εν τη ϊουδαια
Μακκαβαίων Α 12:36 και προϲϋψωϲαι τα τειχη ϊηλμʼ και υψωϲαι μεωϲ μεγαν ανα μεϲον τηϲ ακραϲ και τηϲ πολεωϲ ϊνα η αυτη κατα μοναϲ ·
Μακκαβαίων Α 12:37 και ϲυνηχθηϲαν τω οικοδομειν την πολιν και επεπεϲαν του χειουϲ του χειμαρρου του εξ απηλιωτου και επεϲκευαϲεν τον καλουμενον χαφεναθαʼ
Μακκαβαίων Α 12:38 και ϲιμων οικοδομηϲεν την αδειδαʼ εν τη ϲεφηλα πεδεινη και ωχυρωϲεν αυτην και επεϲτηϲεν θυραϲ και μοχλουϲ
Μακκαβαίων Α 12:39 και εζητηϲεν τρυφων βαϲιλευϲαι τηϲ αϲιαϲ και περιθεϲθαι το διαδημα και εξετινεν την χειρα επ αντιοχον τον βαϲιλεα
Μακκαβαίων Α 12:40 και ευλαβηθη μηποτε ουκ εαϲη αυτον ϊωναθαν και μηποτε πολεμηϲη προϲ αυτον και εζητει ϲυλλαβειν αυτον του απολεϲαι ˙ και απαραϲʼ ηλθεν ειϲ βαιθϲαν ˙
Μακκαβαίων Α 12:41 και εξηλθεν ϊωναθαν ειϲ απαντηϲιν αυτω εν μν χιλιαϲιν ανδρων επιλελεγμεναιϲ ειϲ παραταξιν και ηλθεν ειϲ βαιθϲαν ·
Μακκαβαίων Α 12:42 και ειδεν τρυφων οτι ηλθεν μετα δυναμεωϲ πολληϲ εκτιναι χειραϲ επ αυτον ευλαβηθη
Μακκαβαίων Α 12:43 και επεδεξατο αυτον ευλογωϲ και ϲυνεταξεν αυτον παϲιν τοιϲ φι λοιϲ αυτου και ταιϲ δυναμεϲιν αυτου υπακουειν αυτου ωϲ αυτου
Μακκαβαίων Α 12:44 και ειπεν τω ιωναθαν ϊνα τι εκοψαϲ τον λαον τουτον μη ενεϲτηκοτοϲ ημιν πολεμου ·
Μακκαβαίων Α 12:45 και νυν αποϲτιλον αυτουϲ ειϲ τουϲ οικουϲ αυτων επιλεξε δε ϲεαυτω ανδραϲ ολιγουϲ οιτινεϲ εϲονται μετα ϲου και δευρο μετ εμου ειϲ πτολεμαϊδα · και παραδωϲω ϲοι αυτην και τα λοιπα οχυρωματα και ταϲ δυναμιϲ ταϲ λοιπαϲ και πανταϲ τουϲ επι των χρειων και επιϲτρεψαϲ απελευϲομαι · τουτου γαρ χαριν παρειμι
Μακκαβαίων Α 12:46 και εμπιϲτευϲαϲ αυτω εποιηϲεν καθωϲ ειπεν και εξαπεϲτιλαϲ ταϲ δυναμαι απηλθον ειϲ γην ϊουδα
Μακκαβαίων Α 12:47 κατελιπεν δε μεθ εαυτου ανδραϲ τριϲχιλιουϲ και ωϲ ανδραϲ χιλιουϲ αφηκεν εν γαλιλαια · χιλιοι δε ϲυνηλθον αυτω
Μακκαβαίων Α 12:48 ωϲ δε ειϲηλθεν ϊωναθαν ειϲ πτολεμαιδαν απεκλιϲεαν οι πτολεμαϊϲ ταϲ πυλαϲ και ϲυνελαβον αυτον και πανταϲ τουϲ ϲυνειϲελθονταϲ αυτου απεκτινον εν ρομφαια
Μακκαβαίων Α 12:49 και απεϲτιλεν τρυφων δυναμιϲ και ϊππον ειϲ την γαλιλαιαν και το παιδιον το μεγα του απολεϲαι πανταϲ τουϲ παρα ϊωναθανʼ
Μακκαβαίων Α 12:50 ουϲ και επεγνωϲαν ˙ οτε δε ϲυνελημφθη και απολωλεν και οι μετ αυτου και παρεκαλεϲαν εαυτουϲ και επορευοντο ϲυνεϲτραμμενοι ετοιμοι ειϲ πολεμον ·
Μακκαβαίων Α 12:51 και ειδον οι διωκοντεϲ οτι περι ψυχηϲ αυτοιϲ εϲτιν και επεϲτρεψαν
Μακκαβαίων Α 12:52 και ηλθον παντεϲ μετ ειρηνηϲ ειϲ γην ιουδα και επενθηϲαν τον ϊωναθαν και τουϲ μετ αυτου και εφοβηθηϲαν ϲφοδρα και επενθηϲεν παϲ ιϲλ πενθοϲ μεγα
Μακκαβαίων Α 12:53 και εζητηϲε παντα τα εθνη τα κυκλω αυτων εκτριψαι αυτουϲ · ειπον γαρ ουκ εχουϲιν αρχοντα και βοηθουντα ˙ νυν ουν πολεμηϲωμεν αυτουϲ και εξαρωμεν εξ ανθρωπων το μνημοϲυνον αυτων
Μακκαβαίων Α 13:1 και ηκουϲεν ϲιμων οτι ϲυνηγαγεν ϲτρυφων δυναμιν πολλην του ελθειν ειϲ γην ϊουδα και εκτριψαι αυτην
Μακκαβαίων Α 13:2 και ειδεν τον λαον οτι εντρομοϲ εϲτιν και εκφοβοϲ και ανεβη ιηλμʼ · και ηθροιϲεν τον λαον
Μακκαβαίων Α 13:3 και παρεκαλεϲεν αυτουϲ και ειπεν αυτοιϲ · αυτοι οιδατε οϲα εγω και οι αδελφοι μου και ο οικοϲ του πρϲ μου παντεϲ εποιηϲαμεν χαριν των νομων και των αγιων τουϲ πολεμουϲ
Μακκαβαίων Α 13:4 ων και χαριν απωλοντο παντεϲ οι αδελφοι μου χαριν του ϊϲλʼ · και κατελιφθην εγω μονοϲ
Μακκαβαίων Α 13:5 και νυν μη μοι γενοιτο φειϲαϲθαι μου τηϲ ψυχηϲ εν παντι καιρω θλιψεωϲ ου γαρ ειμι κριϲϲων των αδελφων μου
Μακκαβαίων Α 13:6 πλην εκδικηϲω περι του εθνουϲ μου και περι των αγιων και των γυνεκων και τεκνων ϋμων οτι ϲυνεηχθηϲαν παντα τα εθνη εκτριψαι ημαϲ εχθραϲ χαριν
Μακκαβαίων Α 13:7 και ανεζωπυρηϲεν το πνα του λαου αμα του ακουϲαι των λογων τουτων ·
Μακκαβαίων Α 13:8 και απεκριθηϲαν φωνη μεγαλη λεγοντεϲ ϲυ ει ημων ηγουμενοϲ αντι ϊουδου και ιωναθου του αδελφου ϲου
Μακκαβαίων Α 13:9 πολεμηϲον τον πολεμον ημων και παντα οϲα αν ειπηϲ ημιν ποιηϲομεν
Μακκαβαίων Α 13:10 και ϲυνηγαγεν πανταϲ τουϲ ανδραϲ τουϲ πολεμιϲταϲ και εταχυνεν του τελεϲαι τα τιχη ϊηλμ και ωχυρωϲεν αυτην κυκλοθεν ·
Μακκαβαίων Α 13:11 και απεϲτιλεν ϊωναθαν τον του αψαλωμου · και μετ αυτου δυναμιν ϊκανην ειϲ ϊοππην και εξεβαλεν τουϲ ονταϲ εκει και εμινεν εν αυτη
Μακκαβαίων Α 13:12 και απηρεν τρυφων απο πτολεμαιδοϲ μετα δυναμεωϲ πολληϲ ελθειν ειϲ γην ιουδα και ϊωναθαν μετ αυτου εν φυλακη ·
Μακκαβαίων Α 13:13 ϲιμων δε παρενεβαλεν εν αδεινοιϲ · κατα προϲωπον του παιδιου
Μακκαβαίων Α 13:14 και επεγνω τρυφων οτι ανεϲτη ϲιμων αντι ϊωναθου του αδελφου αυτου και οτι ϲυναπτειν αυτω μελλει πολεμον και απεϲτιλεν προϲ αυτον πρεϲβειϲ λεγων
Μακκαβαίων Α 13:15 περι αργυριου ου ωφειλεν ϊωναθαν ο αδελφοϲ ϲου ειϲ το βαϲιλικον δι αϲ ειχεν χριαϲ ϲυνειχομεν αυτον ·
Μακκαβαίων Α 13:16 και νυν αποϲτιλον αργυριου ταλαντα ρν και δυο των υϊων αυτου ομηρα οπωϲ μη αφεθειϲ αποϲτατηϲη αφ ημων και αφηϲομεν αυτον
Μακκαβαίων Α 13:17 και εγνω ϲιμων οτι δολω λαλουϲιν προϲ αυτον και πεμπει του λαβειν το αργυριον και τα παιδαρια μηποτε εχθραν αρη μεγαλην προϲ τον λαον
Μακκαβαίων Α 13:18 λεγοντεϲ οτι ουκ επεϲτιλα αυτω το αργυριον
Μακκαβαίων Α 13:19 και τα παιδαρια και τα ρν ταλαντα και διεψευϲατο και ουκ αφηκεν τον ϊωναθαν ·
Μακκαβαίων Α 13:20 και μετα ταυτα ηλθεν τρυφων νυν του εμβατευϲαι ειϲ την χωραν και εκτριψαι αυτην και εκυκλωϲαν οδον την ειϲ αδωρα · και ϲιμων και η παρεμβολη αυτου αντιπαρηγαγεν αυτω ειϲ παντα τοπον ου αν επορευετο ˙
Μακκαβαίων Α 13:21 οι δε εκ τηϲ ακραϲ απεϲτελλον προϲ τρυφωνα πρεϲβευταϲ καταϲπευδονταϲ αυτον του ελθειν προϲ αυτουϲ δια τηϲ ερημου και αποϲτιλαι αυτοιϲ τροφαϲ
Μακκαβαίων Α 13:22 και ητοιμαϲεν τρυφων παϲαν την ϊππον αυτου ελθειν και εν τη νυκτι εκεινη ην χειων πολλη ϲφοδρα · και ουκ ηλθεν δια τον χιονα και απηρεν και ηλθεν ειϲ την γαλααδειτινʼ
Μακκαβαίων Α 13:23 ωϲ δε ηγγιϲεν τηϲ βαϲκαμα · απεκτινεν τον ϊωναθαν και εταφη
Μακκαβαίων Α 13:24 και επεϲτρεψεν εκει τρυφων και απηλθεν ειϲ την αυτου οικιαν
Μακκαβαίων Α 13:25 και απεϲτιλεν ϲιμων και ελαβεν τα οϲτα ϊωναθαν του αδελφου αυτου και εθαψεν αυτον εν μωδεϊν πολι των πατερων αυτου
Μακκαβαίων Α 13:26 και εκοψαντο αυτον παϲ ιϲλ κοπετον μεγαν και επενθηϲαν αυτον ημεραϲ πολλαϲ ·
Μακκαβαίων Α 13:27 και ωκοδομηϲεν ϲιμων επι τον ταφον του πρϲ αυτου και των αδελφων αυτου και υψωϲεν αυτον τη οραϲει λιθω ξεϲτω εκ των εμπροϲθεν και οπιϲθεν
Μακκαβαίων Α 13:28 και εϲτηϲεν επτα πυραμιδαϲ μια κατεναντι τηϲ μιαϲ τω πατρι και τη μητρι και τοιϲ αδελφοιϲ
Μακκαβαίων Α 13:29 και ταυτα εποιηϲεν μηχανηματα περιθειϲ ϲτυλουϲ μεγαλουϲ και εποιηϲεν επι τοιϲ ϲτυλοιϲ πανοπλιαν ειϲ ονομα αιωνιον και παρα ταιϲ πανοπλιαιϲ πλοια ενγεγλυμμενα ειϲ το θεωριϲθαι υπο παντων των πλεοντων την θαλαϲϲαν
Μακκαβαίων Α 13:30 ουτοϲ ο ταφοϲ ον εποιηϲεν εν μωδεινʼ εωϲ τηϲ ημεραϲ ταυτηϲ ·
Μακκαβαίων Α 13:31 ο δε τρυφων επορευετο δολω μετα αντιοχου του βαϲιλεωϲ του νεωτερου και απεκτινεν αυτον
Μακκαβαίων Α 13:32 και εβαϲιλευϲεν αντ αυτου και περιεθετο το διαδημα τηϲ αϲιαϲ · και εποιηϲεν πληγην μεγαλην επι τηϲ γηϲ
Μακκαβαίων Α 13:33 και ωκοδομηϲεν ϲιμων τα · οχυρωματα τηϲ ιδουμαιαϲ και περιετιχιϲεν πυργοιϲ υψηλοιϲ και τιχεϲιν μεγαλοιϲ και πυλοιϲ και μοχλοιϲ και εθετο βρωματα εν τοιϲ οχυρωμαϲιν
Μακκαβαίων Α 13:34 και επελεξεν ϲιμων ανδραϲ και απεϲτιλεν προϲ δημητριον τον βαϲιλεα του ποιηϲαι αφεϲιν τη χωρα οτι παϲαι αι πραξειϲ τρυφωνοϲ απαγαι :
Μακκαβαίων Α 13:35 και απεϲτιλεν αυτω δημητριοϲ ο βαϲιλευϲ κατα τουϲ λογουϲ τουτουϲ και απεκριθη αυτω και εγραψεν αυτω επιϲτολην τοιαυτην ·
Μακκαβαίων Α 13:36 βαϲιλευϲ δημητριοϲ ϲιμωνι αρχιερει και φιλω βαϲιλεων και πρεϲβυτεροιϲ και εθνει ϊουδαιων χαιρειν ·
Μακκαβαίων Α 13:37 τον ϲτεφανον τον χρυϲουν και την βαινηνʼ ην απεϲτιλατε κεκομιϲμεθα και ετοιμοι εϲμεν του ποιειν υμιν ειρηνην μεγαλην και γραφειν τοιϲ επι των χρειων του αφειναι ϋμιν τα αφεματα
Μακκαβαίων Α 13:38 και οϲα εϲτηϲαμεν προϲ υμαϲ εϲτηκεν και τα οχυρωματα α οικοδομηκατε υπαρχετω υμιν
Μακκαβαίων Α 13:39 αφειεμεν δε αγνοηματα και τα αμαρτηματα εωϲ τηϲ ϲημερον ημεραϲ και τον ϲτεφανον ον ωφειλετε και ει τι αλλο ετελωνειτο εν ϊηλμʼ . μηκετι τελωνειϲθω
Μακκαβαίων Α 13:40 και ει τινεϲ επιτηδειοι ϋμων γραφηναι ειϲ τουϲ περι ημαϲ ενγραφεϲθωϲαν και γινεϲθω ανα μεϲον ημων ειρηνη
Μακκαβαίων Α 13:41 ετουϲ ον και εκατοϲτου ηρθη ο ζυγοϲ των εθνων απο του ϊηλʼ ·
Μακκαβαίων Α 13:42 και ηρξατο ο λαοϲ γραφειν εν ταιϲ ϲυνγραφαιϲ και ϲυναλλαγματα ˙ ετουϲ αν επι ϲιμωνοϲ αρχϊερεωϲ μεγαλου και ϲτρατηγου με και ηγουμενου ϊουδαιων ˙
Μακκαβαίων Α 13:43 εν ταιϲ ημεραιϲ εκειναιϲ παρενεβαλλεν επι γαζαν και εκυκλωϲεν αυτην παρεμβολαιϲ και εποιηϲεν ελεοπολιν και προϲηγαγεν τη πολει και επαταξεν πυργον ενα και κατελαβετο
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .