← All works
Codex Sinaiticus: Μακκαβαίων Α Codex Sinaiticus · 924 sections
Single column Two columns
Μακκαβαίων Α 10:60 και επορευθη μετα δοξηϲ ειϲ πτολεμαϊδα και απηντηϲεν τοιϲ δυϲιν βαϲιλευϲι και εδωκεν αυτοιϲ αργυριον και χρυϲιον και τοιϲ φιλοιϲ αυτων και δοματα πολλα και ευρεν χαριν ενωπιον αυτων
Μακκαβαίων Α 10:61 και επιϲυνηχθηϲαν προϲ αυτον ανδρεϲ λοιμοι εξ ιϲλʼ ανδρεϲ ανομοι εντυχειν κατ αυτου και ου προϲεϲχεν αυτοιϲ ο βαϲιλευϲ
Μακκαβαίων Α 10:62 και προϲεταξεν α ο βαϲιλευϲ και εξεδυϲαν ιωναθαν τα ϊματια αυτου και ενεδυϲαν αυτον πορφυραν και εποιηϲαν ουτωϲ
Μακκαβαίων Α 10:63 και εκαθιϲαν αυτον οι βαϲιλειϲ μετ αυτων και ειπαν τοιϲ αρχουϲιν εξελθαται μετ αυτου ειϲ μεϲον τηϲ πολεωϲ και κηρυξατε του μηδενα εντυγχανιν κατ αυτου περι μηδενοϲ πραγματοϲ και μηδειϲ αυτω παρενοχλειτω περι παντοϲ λογου :
Μακκαβαίων Α 10:64 και εγενετο ωϲ ειδον οι εντυγχανοντεϲ την δοξαν αυτου καθωϲ εκηρυξεν και περιβεβλημενον αυτον πορφυραν και εφυγον παντεϲ
Μακκαβαίων Α 10:65 και εδοξαϲεν αυτον ο βαϲιλευϲ και εγραψεν αυτον των πρωτων φιλων και εθετο αυτον ϲτρατηγον και μεριδαρχην
Μακκαβαίων Α 10:66 και επεϲτρεψεν ϊωναθαν μετ ειρηνηϲ και ευφροϲυνηϲ
Μακκαβαίων Α 10:67 και εν ετι και ξν και ρν · ηλθεν δημητριοϲ ϋϊοϲ δημητριου εκ κρητηϲ ειϲ την γην των πρων αυτου
Μακκαβαίων Α 10:68 και ηκουϲεν αλεξανδροϲ ο βαϲιλευϲ και ελυπηθη ο βαϲιλευϲ ϲφοδρα και υπεϲτρεψεν ειϲ αντιοχιαν
Μακκαβαίων Α 10:69 και κατεϲτηϲεν δημητριοϲ απολλωνιον τον οντα επι κοιληϲ ϲυριαϲ και ϲυνηγαγεν δυναμιν μεγαλην και παρενεβαλον επι ϊαμνιαν και απεϲτιλεν προϲ ϊωναθαν τον αρχϊερεα λεγων
Μακκαβαίων Α 10:70 ϲυ μονωτατοϲ επαιρη εφ ημαϲ εγω δε εγενηθην ειϲ καταγελωτα και ειϲ ονιδιϲμον δια ϲε και δια τι ϲυ εξουϲιαζη εφ ημαϲ εν τοιϲ ορεϲι ·
Μακκαβαίων Α 10:71 νυν ουν επιπεποιθαϲ επι ταιϲ δυναμεϲιν ϲου καταβηθι προϲ ημαϲ ειϲ το πεδιον και ϲυνκριθωμεν εαυτοιϲ εκει οτι ουκ εϲτιν ετι δυναμιϲ των πολεων
Μακκαβαίων Α 10:72 ερωτηϲον και μαθε τιϲ ειμι και οι λοιποι οι βοηθουντεϲ ημιν και λεγουϲιν ουκ εϲτιν ημιν ϲταϲιϲ κατα προϲωπον ημων οτι διετροπωθηϲαν οι πατερεϲ ϲου εν τη γη αυτων ·
Μακκαβαίων Α 10:73 και νυν ου δυνηϲη υποϲτηναι την ιππον δυναμιν τοιαυτην εν τω παιδιω οπου ουκ εϲτιν λιθοϲ ουδε κοχλαξʼ ουδε τοποϲ του φυγειν ·
Μακκαβαίων Α 10:74 ωϲ δε ηκουϲεν ϊωναθαν των λογων απολλωνιου εκεινηθη τη διανοια και επελεξεν δεκα χιλιαδαϲ ανδρων και εξηλθεν ειϲ ϊηλμ και ϲυνηντηϲεν αυτω ϲιμων ο αδελφοϲ αυτου επι βοηθιαν αυτω
Μακκαβαίων Α 10:75 και παρενεβαλεν επι ιοππην και απεκλιϲαν αυτην οι εκ τηϲ πολεωϲ οτι φρουραν απολλωνιου εν ϊοππη ευρον και επολεμηϲαν αυτην
Μακκαβαίων Α 10:76 και εφοβηθεντεϲ ηνυξαν οι εκ τηϲ πολεωϲ και εκυριευϲαν ϊωναθαν ϊοππηϲ
Μακκαβαίων Α 10:77 και ηκουϲεν απολλωνιοϲ και παρενεβαλεν τριϲχιλιαν ϊππον και δυναμιν πολλην και επορευθη ειϲ αζωτον ωϲ διοδευων και αμα προηγεν ειϲ το πεδιον δια το εχιν αυτον πληθοϲ ϊππου και πεποιθεναι επ αυτη
Μακκαβαίων Α 10:78 και κατεδιωξεν οπιϲω αυτου ειϲ πολεμον ειϲ αζωτον και ϲυνηψαν αι παρεμβολαι οπιϲω αυτου ειϲ πολεμον
Μακκαβαίων Α 10:79 και απελιπεν απολλωνιοϲ χιλιαν ιππον κρυπτωϲ κατοπιϲθεν αυτων
Μακκαβαίων Α 10:80 και εγνω ϊωναθαν οτι εϲτιν ενεδρον κατοπιϲθεν αυτου και εκυκλωϲαν αυτου την παρεμβολην και εξετιναξαν ταϲ ϲχιζαϲ ειϲ τον ναον εκ πρωιθεν εωϲ διληϲ
Μακκαβαίων Α 10:81 ο δε λαοϲ ϊϲτηκι καθωϲ επεταξεν ϊωναθαν και εκοπιαϲαν οι ϊπποι αυτων
Μακκαβαίων Α 10:82 και ειλκυϲεν ϲιμων την δυναμιν αυτου και ϲυνηψαν προϲ την φαραγγα η γαρ ιπποϲ εξελυθη και ϲυνετριβηϲαν υπ αυτου και εφυγαν
Μακκαβαίων Α 10:83 και η ιπποϲ εϲκορπιϲθη εν τω πεδιω και εφυγεν ειϲ αζωτον και ειϲηλθον ειϲ βοδαγων το ιδωλιον αυτων του ϲωθηναι
Μακκαβαίων Α 10:84 και ενεπυριϲεν ιωναθαν την αζωτον και ταϲ πολιϲ ταϲ κυκλω αυτηϲ και ελαβεν τα ϲκυλα αυτων και το ιερον δαγων και τουϲ ϲυνφυτουντουνταϲ ειϲ αυτο ενεπυριϲεν πυρι
Μακκαβαίων Α 10:85 και εγενετο οι πεπτωκοτεϲ μαχαιρα ϲυν τοιϲ εμπυριϲθιϲιν ειϲ ανδραϲ οκτακιϲχιλιουϲ ˙
Μακκαβαίων Α 10:86 και απηρεν ενθεν ϊωναθαν και παρενεβαλεν επι αϲκαλωνα και εξηλθον οι εκ τηϲ πολεωϲ ειϲ ϲυναντηϲιν αυτω εν δοξη μεγαλη
Μακκαβαίων Α 10:87 και επεϲτρεψεν ϊωναθαν ϊϲ ϊηλμʼ ϲυν τοιϲ παρ αυτου εχοντι ϲκυλα πολλα
Μακκαβαίων Α 10:88 και εγενετο ωϲ ηκουϲεν αλεξανδροϲ ο βαϲιλευϲ τουϲ λογουϲ τουτουϲ και προϲεθετο ετι δοξαϲαι τον ϊωναθαν
Μακκαβαίων Α 10:89 και απεϲτιλεν αυτω πορπην χρυϲηνʼ ωϲ εθοϲ εϲτιν διδοϲθαι τοιϲ ϲυγγενεϲιν των βαϲιλεων και εδωκεν αυτω την ακκαρω και παντα τα ορια αυτηϲ ειϲ κληροδοϲιαν
Μακκαβαίων Α 11:1 και βαϲιλευϲ αιγυπτου ηθροιϲεν δυναμιϲ πολλαϲ ωϲ η αμμοϲ παρα το χιλοϲ τηϲ θαλαϲϲηϲ και πλοια πολλα και εζητηϲε και κατεκρατηϲε τηϲ βαϲιλειαϲ αλεξανδρου δολω ˙ και προϲθειναι αυτην τη βαϲιλεια αυτου
Μακκαβαίων Α 11:2 και εξηλθεν ειϲ ϲυριαν λεγων λογουϲ ϊρηνικουϲ και ηνυγον αυτω οι απο τηϲ πολεωϲ και ϲυνηντουν αυτω οτι εντολη ην αλεξανδρου του βαϲιλεωϲ ϲυνανταν αυτω δια το πενθερον αυτου ειναι ·
Μακκαβαίων Α 11:3 ωϲ δε ειϲεπορευετο ειϲ ταϲ πολειϲ πτολεμαιοϲ απεταϲϲε ταϲ δυναμειϲ φρουραν εν εκαϲτη πολει ˙
Μακκαβαίων Α 11:4 ωϲ δε ηγγειϲαν αζωτου εδειξαν αυτω το ϊερον δαγων ενπεπυριϲμενον και αζωτον και τα περιπολια αυτηϲ καθειρημενα και ϲωματα ερριμμενα και τουϲ εμπεπυριϲμενουϲ ουϲ ενεπυριϲεν εν τω πολεμω εποιηϲαν γαρ θειμωνιαϲ αυτων εν τη οδω αυτου
Μακκαβαίων Α 11:5 και διηγηϲαντο τω βαϲιλει α εποιηϲεν ϊωναθαν ειϲ το ψεξαι αυτον και εϲιγηϲεν ο βαϲιλευϲ
Μακκαβαίων Α 11:6 και ϲυνηντηϲεν ιωναθαν τω βαϲιλει ειϲ ιοππην μετα δοξηϲ και ηϲπαϲαντο αλληλουϲ και εκοιμηθηϲαν εκει
Μακκαβαίων Α 11:7 και επορευθη ϊωναθαν μετα του βαϲιλεωϲ εωϲ του ποταμου του καλουμενου ελευθερου και επεϲτρεψεν ειϲ ιηλμ ·
Μακκαβαίων Α 11:8 ο δε πτολεμαιοϲ ο βαϲιλευϲ εκυριευϲεν των πολεων τηϲ παραλιου εωϲ ϲελευκιαϲ τηϲ παραθαλαϲϲιαϲ · και διελογιζετο περι αλεξανδρου λογιϲμουϲ πονηρουϲ
Μακκαβαίων Α 11:9 και απεϲτιλεν πρεϲβειϲ προϲ δημητριον τον βαϲιλεα λεγων δευρο ϲυνθωμεθα προϲ εαυτουϲ διαθηκην και δωϲω ϲοι την θυγατεραν μου ην ειχεν αλεξανδροϲ βαϲιλευϲειϲ την βαϲιλειαν του πατροϲ ϲου
Μακκαβαίων Α 11:10 μετα γαρ εμε δουϲ αυτω την θυγατερα μου εζητηϲεν γαρ αποκτιναι με
Μακκαβαίων Α 11:11 και εψεξεν αυτον χαριν του επιθυμηϲαι αυτον τηϲ βαϲιλιαϲ αυτου
Μακκαβαίων Α 11:12 και αφελομενοϲ αυτου την θυγατερα εδωκεν αυτην δημητριω και εδηλωθη τω αλεξανδρω και εφανη η εχθρα αυτων
Μακκαβαίων Α 11:13 και εξηλθεν πτολεμαιοϲ ειϲ αντιοχιαν και περιεθετο το διαδημα τηϲ αϲιαϲ και περιεθετο δυο διαδηματα περι την κεφαλην αυτου το τηϲ αιγυπτου και αϲιαϲ :
Μακκαβαίων Α 11:14 αλεξανδροϲ δε ο βαϲιλευϲ ην εν κιλικια κατα τουϲ καιρουϲ εκεινουϲ εκινουϲ οτι απεϲτατουν οι απο των τοπων εκεινων
Μακκαβαίων Α 11:15 και ηκουϲεν αλεξανδροϲ και ηλθον επ αυτον πο πολεμω και εξηγαγεν πτολεμαιοϲ και απηντηϲεν αυτω εν χιρι ιϲχυρα και ετροπωϲατο αυτον
Μακκαβαίων Α 11:16 και εφυγεν αλεξανδροϲ ειϲ την αραβιαν του ϲκεπαϲθηναι εκι ˙ ο δε βαϲιλευϲ πτολεμαιοϲ ϋψωθη
Μακκαβαίων Α 11:17 και αφιλεν ζαβδιηλʼ ο αραψʼ την κεφαλην αλεξανδρου και απεϲτιλεν τω πτολεμαιω
Μακκαβαίων Α 11:18 και βαϲιλευϲ πτολεμαιοϲ απεθανεν τη ημερα τη τριτη και οι οντεϲ εν τοιϲ οχυρωμαϲιν αυτου απωλοντο υπο των εν τοιϲ οχυρωμαϲιν :
Μακκαβαίων Α 11:19 και εβαϲιλευϲεν δημητριοϲ ετουϲ ζν και ξν και ρν ·
Μακκαβαίων Α 11:20 εν ταιϲ ημεραιϲ εκειναι ϲυνηγαγεν ϊωναθαν τουϲ εκ τηϲ ϊουδαιαϲ του πολεμηϲαι την ακραν την εν ϊηλμʼ και εποιηϲεν εν αυτη μηχαναϲ πολλαϲ
Μακκαβαίων Α 11:21 και επορευθημεν τινεϲ μιϲουντεϲ το εθνοϲ ημων αυτων ανδρεϲ παρανομοι προϲ τον βαϲιλεα και απηγʼγιλαν αυτω οτι ϊωναθαν περικαθητε την ακραν
Μακκαβαίων Α 11:22 και ακουϲαϲ ωργιϲθη ˙ ωϲ δε ηκουϲεν ευθεωϲ αναζευξαϲ ηλθεν ειϲ πτολεμαϊδα και εγραψεν ϊωναθαν του μη περικαθηϲθε και του απαντηϲαι αυτον αυτω ϲυνμιϲγιν ειϲ πτολεμαϊδα την ταχιϲτην ·
Μακκαβαίων Α 11:23 ωϲ ηκουϲεν ϊωναθαν εκελευϲεν περικαθηϲθαι και εξελεξεν των πρεϲβυτερων ϊηλ και των ϊουδαιων και εδωκεν εαυτον τω κινδυνω
Μακκαβαίων Α 11:24 και λαβων αργυριον και χρυϲιον και ϊματιϲμον και ετερα ξενια πλειον και επορευθη προϲ τον βαϲιλεα ειϲ πτολεμαϊδα και ευρεν χαριν εναντιον αυτου
Μακκαβαίων Α 11:25 και ενετυγχανον κατ αυτου τινεϲ ανομοι των εκ του εθνουϲ
Μακκαβαίων Α 11:26 και εποιηϲεν αυτω ο βαϲιλευϲ καθωϲ εποιηϲαν οι προ αυτου αυτω και ϋψωϲεν αυτον εναντιον των φιλων αυτου παντων
Μακκαβαίων Α 11:27 και εϲτηϲεν αυτω την αρχϊερωϲυνην και οϲα αλλα ειχεν τιμια το προτερον και εποιηϲεν αυτον πρωτων φιλων ηγειϲθαι
Μακκαβαίων Α 11:28 και ηξιωϲεν ϊωναθαν τον βαϲιλεα ποιηϲαι την ϊουδαια αφορολογητον και τριϲ τριηραρχιαϲ και την ϲαμαρειτιν και επηγγειλατο αυτω ταλαντα τριακοϲια
Μακκαβαίων Α 11:29 και ευδοκηϲεν ο βαϲιλευϲ και εγραψεν τω ϊωναθαν επιϲτολαϲ περι παντων τουτων εχουϲαϲ τον τροπον τουτον :
Μακκαβαίων Α 11:30 βαϲιλευϲ δημητριοϲ ϊωναθαν τω αδελφω χαιρειν · και εθνει ϊουδαιων
Μακκαβαίων Α 11:31 αντιγραφον τηϲ επιϲτοληϲ ηϲ εγραψαμεν λαϲθενει τω ϲυνγενει υμων περι υμων γεγραφαμεν και προϲ υμαϲ οπωϲ ιδητε
Μακκαβαίων Α 11:32 βαϲιλευϲ δημητριοϲ λαϲθενι τω πατρι χεριν
Μακκαβαίων Α 11:33 τω εθνι των ιουδαιων φιλοιϲ ουϲιν και ϲυντηρουϲιν τα προϲ ημαϲ δικαια εκριναμεν αγαθον ποιηϲαι χαριν τηϲ εξ αυτων ευνοιαϲ προϲ ημαϲ
Μακκαβαίων Α 11:34 εϲτακιμεν αυτοιϲ τα τε ορια τηϲ ϊουδαιαϲ και τουϲ τριϲ νομουϲ αφαιρεμα και λυδδα και ραθαμειν προϲετεθηϲαν τη ϊουδεα απο τηϲ ϲαμαριτιδοϲ και παντα τα ϲυνκυρουντα αυτοιϲ παϲιν τοιϲ θυϲιαζουϲιν ϊϲ ιεροϲολυμα αντι των βαϲιλικων ων ελαμβανεν ο βαϲιλευϲ παρ αυτων το προτερον κατ ενιαυτον απο των γενηματων τηϲ γηϲ και των ακροδρυων
Μακκαβαίων Α 11:35 και τα αλλα τα ανηκοντα ημιν απο του νυν των δεκατων και των τελων και των ανηκοντων ημιν και το του αλοϲ λιμνων και τουϲ ανηκονταϲ ημιν ϲτεφανουϲ πανταϲ επαρκεϲωμεν αυτοιϲ
Μακκαβαίων Α 11:36 και ουκ αθετηϲετε ουδε εν τουτων απο του νυν απο του νυν ειϲ τον απαντα χρονον ·
Μακκαβαίων Α 11:37 νυν ουν επιμελεϲθαι του ποιηϲε τουτων αντιγραφον και δοθητω ϊωναθαν και τεθητω εν τω ορι τω αγιω εν τω τοπω επιτηνιω επιϲημω
Μακκαβαίων Α 11:38 και ειδεν δημητριοϲ ο βαϲιλευϲ οτι ηϲυχαϲεν η γη ενωπιον αυτου και ουδεν αυτω ανθεϲτηκι και απελυϲεν ταϲ δυναμιϲ αυτου εκαϲτον ειϲ τον ιδιον τοπον πλην των ξενων δυναμενων ων εξενολογηϲεν απο των νηϲων των εθνων και ηχθραινον αυτω παϲαι αι δυναμιϲ αι απο των πρων ·
Μακκαβαίων Α 11:39 τρυφων δε ην των παρα αλεξανδρου το προτερον και ειδεν οτι παϲαι αι δυναμιϲ καταγονγυζουϲιν κατα του δημητριου και επορευθη προϲ ϊμαλκουε · τον αραβαʼ οϲ ετρεψεν αντιοχον το παιδαριον τον του αλεξανδρου
Μακκαβαίων Α 11:40 και προϲηδρευεν αυτω οπωϲ βαϲιλευϲη αντι του πρϲ αυτου και απηγγειλεν αυτω οϲα ϲυνεταϲϲεν ο δημητριοϲ και την εχθραν ην εχθρενουϲιν αυτω αι δυναμιϲ αυτου και εμινεν εκει ημεραϲ πολλαϲ
Μακκαβαίων Α 11:41 και απεϲτιλεν ϊωναθαν προϲ δημητριον τον βαϲιλεα ινα εκβαλη τουϲ εκ τηϲ ακραϲ εξ ιηλμ και τουϲ εν τοιϲ οχυρωμαϲιν ηϲαν γαρ πολεμουντεϲ τον ϊϲλʼ ·
Μακκαβαίων Α 11:42 και απεϲτιλεν δημητριοϲ ο προϲ ϊωναθαν λεγων ου ταυτα μονον ποιηϲω ϲοι και τω εθνι ϲου αλλα δοξα δοξαϲω ϲε και το εθνοϲ ϲου αν ευκεριαϲ τυχω ˙
Μακκαβαίων Α 11:43 νυν ουν ορθωϲ ποιηϲιϲ αποϲτιλαϲ μοι ανδραϲ οι ϲυμμαχηϲουϲιν μοι οτι απεϲτηϲαν παϲαι αι δυναμειϲ μου
Μακκαβαίων Α 11:44 και απεϲτιλεν ϊωναθαν ανδραϲ ʹγ δυνατουϲ ιϲχυϊ αυτω ειϲ αντιοχιαν και ηλθον προϲ τον βαϲιλεα και ηϋφρανθη ο βαϲιλευϲ επι τη εφοδω αυτων
Μακκαβαίων Α 11:45 και επιϲυνηχθηϲαν οι απο τηϲ πολεωϲ ειϲ μεϲον τηϲ πολεωϲ ειϲ ανδρων δωδεκα μυριαδαϲ και ηβουλοντο ανελιν τον βαϲιλεα
Μακκαβαίων Α 11:46 και εφυγεν ο βαϲιλευϲ ειϲ την αυλην και κατελαβοντο οι εκ τηϲ οικιαϲ ταϲ διοδουϲ τηϲ πολεωϲ και ηρξαντο πολεμιν
Μακκαβαίων Α 11:47 και εκαλεϲεν ο βαϲιλευϲ τουϲ ϊουδαιουϲ επι βοηθιαν και επιϲυνηχθηϲαν παντεϲ προϲ αυτον αμα και διεϲπαρηϲαν εν τη πολι και απεκτιναν εν τη ημερα εκινη ειϲ μυριαδαϲ δεκα
Μακκαβαίων Α 11:48 και ενεπυριϲαν την πολιν και ελαβον ϲκυλα πολλα εν εκινη τη ημερα και εϲωϲαν τον βαϲιλεα
Μακκαβαίων Α 11:49 και ειδον οι απο τηϲ πολεωϲ οτι κατεκρατηϲαν οι ϊουδαιοι τηϲ πολεωϲ και ηϲθενηϲαν ταιϲ διανοιαιϲ αυτων και εκρατηϲαν προϲ τον βαϲιλεα μετα δεηϲεωϲ λεγοντεϲ ·
Μακκαβαίων Α 11:50 δοϲ ημιν δεξιαν και παυϲαϲθωϲαν οι ιουδαιοι πολεμεουντεϲ ημαϲ και την πολιν
Μακκαβαίων Α 11:51 και ερριψαν τα οπλα και εποιηϲαν ϊρηνην και εδοξαϲθηϲαν οι ϊουδαιοι εναντιον του βαϲιλεωϲ και ενωπιον των εν τη βαϲιλεια αυτου και ωνομαϲθηϲαν εν τη βαϲιλεια αυτου και επεϲτρεψεν ειϲ ιηλμ εχοντεϲ ϲκυλα πολλα
Μακκαβαίων Α 11:52 και εκαθιϲεν δημητριοϲ ο βαϲιλευϲ επι θρονου τηϲ βαϲιλιαϲ αυτου και ηϲυχαϲεν η γη ενωπιον αυτου
Μακκαβαίων Α 11:53 και εϲπευϲατο παντα οϲα ειπεν και ηλλοτριωθηϲαν ϊωναθαν και ουκ απεδωκεν αυτω και εθλιβεν αυτον ϲφοδρα ˙
Μακκαβαίων Α 11:54 μετα δε ταυτα απεϲτρεψεν τρυφων και αντιοχοϲ και μετ αυτου παιδαριον νεωτερον και εβαϲιλευϲεν και επεθετο διαδημα
Μακκαβαίων Α 11:55 και επιϲυνηϲαν προϲ αυτον παϲαι αι δυναμιϲ αϲ επεϲκορακιϲεν δημητριοϲ οϲ και επολεμηϲεν προϲ αυτον και εφυγεν και ετροπωθηϲαν
Μακκαβαίων Α 11:56 και ελαβεν τρυφων τα θηρια και κατεκρατηϲεν τηϲ αντιοχιαϲ
Μακκαβαίων Α 11:57 και εγραψεν αντιοχοϲ ο νεωτεροϲ ιωναθαν λεγων ϊϲτημι ϲοι την αρχϊερωϲυνην και καθιϲτημι ϲε επι των τεϲϲαρων νομων ειναι ϲε των φιλων του βαϲιλεωϲ
Μακκαβαίων Α 11:58 και απεϲτιλεν αυτω χρυϲωματα και διακονιαν και εδωκεν αυτω εξουϲιαν πινιν εν χρυϲωμαϲιν και ειναι εν πορφυρα και εχειν πορπην χρυϲην
Μακκαβαίων Α 11:59 και ϲιμωνα τον αδελφον αυτου κατεϲτηϲεν ϲτρατηγον απο τηϲ κλιμακοϲ τυρου εωϲ των οριων αιγυπτου
Μακκαβαίων Α 11:60 και εξηλθεν ιωναθαν και διεπορευετο περαν του ποταμου και εν ταιϲ πολεϲιν και ηθροιϲθηϲαν προϲ αυτον παϲα δυναμιϲ ϲυριαϲ ειϲ ϲυμμαχιαν και ηλθεν ειϲ αϲκαλωνα και απηντηϲαν αυτω οι εκ τηϲ πολεωϲ ενδοξωϲ
Μακκαβαίων Α 11:61 και απηλθεν εκειθεν ειϲ γαζαν και απεκλιϲαν οι απο γαζηϲ και περιεκαθιϲεν περι αυτην και ενεπυριϲεν τα περιπολια αυτηϲ εν πυρι και εϲκυλευϲεν αυταϲ
Μακκαβαίων Α 11:62 και ηξιωϲαν · οι απο γαζηϲ ϊωναθαν και εδωκεν αυτοιϲ δεξιαν και ελαβεν τουϲ ϋϊουϲ των αρχοντων αυτων ειϲ ομηρα και εξαπεϲτιλεν αυτουϲ ειϲ ιηλμ και διηλθεν την χωραν εωϲ δαμαϲκου .
Μακκαβαίων Α 11:63 και ηκουϲεν ϊωναθαν οτι παρηϲαν οι αρχοντεϲ δημητριου ειϲ κηδεϲ την εν τη γαλιλαια μετα δυναμεωϲ πολληϲ βουλομενοι μεταϲτηϲαι αυτον τηϲ χριαϲ
Μακκαβαίων Α 11:64 και ϲυνηντηϲαν εαυτοιϲ και κατελιπεν τον αδελφον αυτου ϲιμωνα εν τη χωρα
Μακκαβαίων Α 11:65 και παρενεβαλεν ϲιμων επι βεθϲουρα και επολεμει αυτην ημεραϲ πολλαϲ και ϲυνεκλιϲεν αυτην
Μακκαβαίων Α 11:66 και ηξιωϲαν αυτον του δεξιαν λαβειν και εδωκεν αυτοιϲ και εξεβαλεν αυτουϲ εκειθεν και κατελαβετο την πολιν και εθετο επ αυτην φρουραν
Μακκαβαίων Α 11:67 και ϊωναθαν και η παρεμβολη αυτου και παρενεβαλον επι το ϋδωρ του γεννηϲαι και ωρθριϲαν το πρωϊ ειϲ το παιδιον αϲωρʼ
Μακκαβαίων Α 11:68 και ιδου η παρεμβολη αλλοφυλων · απηντα αυτω εν τω παιδιω και εξεβαλεν ενεδρον επ αυτον εν τοιϲ ορεϲιν · αυτοι δε παριϲτηκιϲαν εξ εναντιαϲ ·
Μακκαβαίων Α 11:69 τα δε ενεδρα εξανεϲτηϲαν εκ των τοπων αυτων και ϲυνηψαν πολεμον
Μακκαβαίων Α 11:70 οι παρα ϊωναθαν παντεϲ ουδε ειϲ κατελιφθη απ αυτων πλην ματʼταθιαϲ του ψαλμωδου . και ϊουδαϲ ο του χαφει · αρχοντεϲ τηϲ ϲτρατιαϲ των δυναμεων
A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source .