Codex Sinaiticus: Μακκαβαίων Α

Codex Sinaiticus · 924 sections

Μακκαβαίων Α 5:46
και ηλθον εωϲ εφρων και αυτη η πολιϲ μεγαλη επι τηϲ οδου οχυραϲ ϲφοδρα ουκ ην εκκλιναι απ αυτηϲ δεξιαν η αριϲτεραν αλλ η δια μεϲου αυτηϲ πορευεϲθαι
Μακκαβαίων Α 5:47
και απεκλειϲαν αυτουϲ οι εκ τηϲ πολεωϲ και ενεφραξαν ταϲ πυλαϲ λιθοιϲ :
Μακκαβαίων Α 5:48
και απεϲτιλεν προϲ αυτουϲ ϊουδαϲ λογοιϲ ϊρηνικοιϲ λεγων διελευϲομεθα δια τηϲ γηϲ ϲου απελθειν ειϲ την γην υμων και ουδιϲ κακοποιηϲει υμαϲ πλην τοιϲ ποϲιν παρελευϲομεθα και ουκ ηβουλοντο ανοιξαι αυτοιϲ ω
Μακκαβαίων Α 5:49
και επαταξεν ιουδαϲ του κηρυξαι εν τη παρεμβολη του παρεμβαλειν εκαϲτον εν ω εϲτιν τροπω
Μακκαβαίων Α 5:50
και παρενεβαλον οι ανδρεϲ τηϲ δυναμεωϲ και επολεμηϲεν την πολιν ολην την ημεραν εκεινην και ολην την νυκτα και παρεδοθη η πολιϲ εν χιρι αυτου
Μακκαβαίων Α 5:51
και απωλεϲεν παν αρϲενικον εν ϲτοματι ρομφαιαϲ και εξεριζωϲεν αυτην και ελαβεν τα ϲκυλα αυτηϲ και διηλθεν δια τηϲ πολεωϲ επανω των απεκτανμενων
Μακκαβαίων Α 5:52
και διεβηϲαν τον ϊορδανην ειϲ το παιδιον το μεγα κατα προϲωπον βαιθϲαν :
Μακκαβαίων Α 5:53
και ην ιουδαϲ επιϲυναγων τουϲ εϲχατιζονταϲ και παρακαλων τον λαον κατα παϲαν την οδον εωϲ ηλθεν ειϲ γην ϊουδα
Μακκαβαίων Α 5:54
και ανεβηϲαν ειϲ οροϲ ϲιων εν ευφροϲυνη και χαρα και προϲηγαγον ολοκαυτωματα οτι ουκ επεϲεν εξ αυτων ουθειϲ εωϲ του επιϲτρεψαι εν ιρηνη :
Μακκαβαίων Α 5:55
και εν ταιϲ ημεραιϲ εν αιϲ ην ϊουδαϲ και ϊωναθαν εν γη γαλααδʼ και ϲιμων ο αδελφοϲ αυτου εν τη γαλιλαια κατα προϲωπον πτολεμαϊδοϲ
Μακκαβαίων Α 5:56
ηκουϲεν ϊωϲηφʼ ο του ζαχαριου και ζαχαριαϲ αρχοντεϲ τηϲ δυναμεωϲ των ανδραγαθιων και του πολεμου οια εποιηϲαν
Μακκαβαίων Α 5:57
και ειπον ποιηϲωμεν και αυτοι εαυτοιϲ ονομα πορευθωμεν πολεμηϲαι προϲ τα εθνη τα κυκλω ημων
Μακκαβαίων Α 5:58
και παρηγγιλεν τοιϲ απο τηϲ δυναμεωϲ τηϲ μετ αυτων και επορευθηϲαν επι αμνειαν
Μακκαβαίων Α 5:59
και εξηλθεν γοργιαϲ εκ τηϲ πολεωϲ και οι ανδρεϲ αυτου ειϲ ϲυναντηϲιν αυτοιϲ ειϲ πολεμον
Μακκαβαίων Α 5:60
και ετροπωθη ιωϲηφωϲ και αζαριαϲ και εδιωχθηϲαν εωϲ των οριων τηϲ ϊουδαιαϲ και επεϲον εν τη ημερα εκεινη εκ του λαου ϊηλʼ ειϲ διϲχιλιουϲ ανδραϲ
Μακκαβαίων Α 5:61
και εγενηθη τροπη μεγαλη εν τω λαω οτι ουκ ηκουϲαν ϊουδα και των αδελφων αυτου οιομενοι ανδραγαθηϲαι ·
Μακκαβαίων Α 5:62
αυτοι δε ουκ ηϲαν εκ του ϲπερματοϲ των ανδρων εκεινων οιϲ εδοθη ϲωτηρια ϊϲλʼ · δια χιροϲ αυτων
Μακκαβαίων Α 5:63
και ο ανηρ ϊουδαϲ και οι αδελφοι αυτου εδοξαϲθηϲαν ϲφοδρα εναντι παντοϲ ϊϲλʼ και των εθνων παντων ου ηκουετο το ονομα
Μακκαβαίων Α 5:64
και επιϲυνηγοντο προϲ αυτουϲ ευφημουντεϲ
Μακκαβαίων Α 5:65
και εξηλθεν ϊουδαϲ και οι αδελφοι και επολεμουν τουϲ υϊουϲʼ ηϲαυ εν τη γη προϲ νοτον και επαταξεν την χεβρων και ταϲ θυγατεραϲ αυτηϲ και καθειλεν τα οχυρωματα αυτηϲ και τουϲ πυργουϲ αυτηϲ ενεπυριϲεν κυκλοθεν
Μακκαβαίων Α 5:66
και απηρεν του πορευθηναι ειϲ γην αλλοφυλων και διεπορευετο την ϲαμαριαν ·
Μακκαβαίων Α 5:67
εν τη ημερα εκεινη επεϲον ϊερειϲ εν πολεμω βουλομενοι αυτου ανδραγαθηϲαι εν τω αυτον εξελθειν ειϲ πολεμον αβουλευτωϲ
Μακκαβαίων Α 5:68
και εξεκλινεν ϊουδαϲ ειϲ αζωτον γην αλλοφυλων καθιλεν τουϲ βωμουϲ αυτων και τα γλυπτα των θεων αυτων και κατεκαυϲεν πυρι · και εϲκυλευϲεν τα ϲκυλα των πολεων και επεϲτρεψεν ειϲ γην ϊουδα
Μακκαβαίων Α 6:1
και ο βαϲιλευϲ αντιοχοϲ διεπορευετο ταϲ επανω χωραϲ και ηκουϲεν οτι εϲτιν ενλυμαιϲ εν τη περϲιδι πολιϲ ενδοξοϲ πλουτω αργυριω και χρυϲιω
Μακκαβαίων Α 6:2
και το ϊερον το εν αυτη πλουϲιον ϲφοδρα και εχει καλυμματα χρυϲα και θωρακεϲ και οπλα α κατελιπεν εκει αλεξανδροϲ ο του φιλιππου ο βαϲιλευϲ ο μακαιδονων βαϲιλευϲεν πρωτοϲ εν αυτοιϲ
Μακκαβαίων Α 6:3
και ηλθεν και εζητει καταλαβεϲθαι την πολιν και προνομευϲαι αυτην και ουκ ηδυναϲθη οτι ουκ εγνωϲθη ο λογοϲ τοιϲ εκ τηϲ πολεωϲ
Μακκαβαίων Α 6:4
και αντεϲτηϲαν αυτω ειϲ πολεμον και εφυγεν και απηρεν εκειθεν μετα λυπηϲ μεγαληϲ αποϲτρεψαι ειϲ βαβυλωνα
Μακκαβαίων Α 6:5
και ηλθεν τιϲ απαγγελλων ειϲ την περϲιδα οτι τετροπωνται αι παρεμβολαι αι πορευθιϲαι ειϲ την ϊουδα
Μακκαβαίων Α 6:6
και επορευθη λυϲιαϲ δυναμι ϊϲχυρα εν πρωτοιϲ και ενετραπη απο προϲωπου αυτων και ενϊϲχυϲαν οπλοιϲ και δυναμει και ϲκυλοιϲ πολλοιϲ οι ελαβον απο των παρεμβολων και εξεκοψαν
Μακκαβαίων Α 6:7
και καθειλον το βδελυγμα και ωκοδομουν επι το θυϲιαϲτηριον το εν ϊηλμʼκαι το αγιαϲμα και το προτερον εκυκλωϲαν τιχεϲιν ϋψηλοιϲ και την βαιθϲουραν
Μακκαβαίων Α 6:8
και εγενετο ωϲ ηκουϲεν ο βαϲιλευϲ τουϲ λογουϲ τουτουϲ εθαμβηθη και εϲαλευθη ϲφοδρα και επεϲεν επι την κοιτην και επεϲεν ειϲ αρρωϲτιαν · απο τηϲ λυπηϲ οτι ουκ εγενετο αυτω καθωϲ ενεθυμειτο
Μακκαβαίων Α 6:9
και ην εκει ημεραϲ πλιουϲ οτι ανεκαινιϲθη επ αυτον λυπη μεγαλη και ελογιϲατο οτι αποθνηϲκει
Μακκαβαίων Α 6:10
και εκαλεϲεν πανταϲ τουϲ φιλουϲ αυτου και ειπεν προϲ αυτουϲ αφιϲταται ο ϋπνοϲ απο των οφθαλμων μου και ϲυνπεπτωκα απο τηϲ μεριμνηϲ τη καρδια
Μακκαβαίων Α 6:11
και ειπα τη καρδια εωϲ τινοϲ θλιψεωϲ ηλθα και κλυδωνοϲ μεγαλου εν ω νυν ειμι οτι χρηϲτοϲ και αγαπωμενοϲ ημην εν τη εξουϲια μου ·
Μακκαβαίων Α 6:12
νυν δε μνηϲκομαι ων εποιηϲα κακων εν ϊερουϲαλημ και ελαβον παντα τα ϲκευη τα αργυρα και τα χρυϲα τα εν αυτη και εξαπεϲτιλα εξαραι τουϲ κατοικουνταϲ ϊουδα δια κενηϲ
Μακκαβαίων Α 6:13
εγνων οτι χαριν τουτων ευρεν με τα κακα ταυτα και ϊδου απολλυμαι λυπη μεγαλη εν γη αλλοτρια
Μακκαβαίων Α 6:14
και εκαλεϲεν φιλιππον ενα των φιλων αυτου και κατεϲτηϲεν αυτον επι παϲηϲ τηϲ βαϲιλειαϲ αυτου
Μακκαβαίων Α 6:15
και εδωκεν αυτω το διαδημα και την ϲτολην αυτου και τον δακτυλιον του αγαγειν αντιοχον τον υϊον αυτου και εκθρεψαι αυτον του βαϲιλευειν
Μακκαβαίων Α 6:16
και απεθανεν εκει αντιοχοϲ ο βαϲιλευϲ ετουϲ θν και μν και ρν
Μακκαβαίων Α 6:17
επεγνω λυϲιαϲ οτι τεθνηκεν ο βαϲιλευϲ και κατεϲτηϲεν βαϲιλευειν αντιοχον τον υϊον αυτου ον εξεθρεψεν νεωτερον και εκαλεϲεν το ονομα αυτου ευπατωρ
Μακκαβαίων Α 6:18
και οι εκ τηϲ ακραϲ ηϲαν ϲυνκλιοντεϲ τον ιϲλ κυκλω των αγιων και ζητουντεϲ κακα δι ολου και ϲτηριγμα τοιϲ εθνεϲιν
Μακκαβαίων Α 6:19
και ελογιϲατο ϊουδαϲ εξαραι αυτουϲ και εξεκκληϲιαϲε παντα τον λαον του περικαθιϲαι επ αυτουϲ
Μακκαβαίων Α 6:20
και ϲυνηχθηϲαν αμα και περιεκαθιϲαν επ αυτην ετουϲ νν και εκατοϲτου και εποιηϲεν βελοϲταϲειϲ μηχαναϲ
Μακκαβαίων Α 6:21
και εξηλθον εξ αυτων εκ του ϲυνκλιϲμου και εκολληθηϲαν αυτοιϲ τινεϲ των αϲεβων εξ ϊηλμʼ ·
Μακκαβαίων Α 6:22
και επορευθηϲαν προϲ τον βαϲιλεα και ειπαν εωϲ ποτε ου ποιηϲη κριϲιν και εκδικηϲειϲ τουϲ αδελφουϲ ημων
Μακκαβαίων Α 6:23
ημειϲ ευδοκουμεν δουλευειν τω πατρι ϲου και πορευεϲθαι τοιϲ υπ αυτου λεγομενοιϲ και κατακολουθιν τοιϲ προϲταγμαϲιν αυτου
Μακκαβαίων Α 6:24
και περιεκαθηντο επ αυτον οι υϊοι του λαου ημων χαριν τουτου και ηλλοτριουντο αφ ημων και εθανατουντο και αι κληρονομιαι ημων
Μακκαβαίων Α 6:25
και ουκ εφ ημαϲ μονον εξετιναν χειρα αλλα και επι παντα τα ορια αυτων .
Μακκαβαίων Α 6:26
και ϊδου παρεμβεβληκαϲι ϲημερον επι την ακραϲιαν εν ϊηλμʼ του καταλαβεϲθαι αυτην και το αγιαϲμα και την βαιθϲουρα ωχυραϲαν
Μακκαβαίων Α 6:27
και αν μη προκαταλαβητε αυτην δια ταχουϲ μειζονα τουτων ποιηϲουϲιν και ου δυνηϲη του καταϲχειν αυτων
Μακκαβαίων Α 6:28
και ωργιϲθη ο βαϲιλευϲ οτι ηκουϲεν και ϲυνηγαγεν πανταϲ τουϲ φιλουϲ αυτου αρχονταϲ δυναμεωϲ αυτου και τουϲ επι των ηνιων
Μακκαβαίων Α 6:29
και απο βαϲιλειων ετερων και απο νηϲων θαλαϲϲων ηλθον προϲ αυτον δυναμι μιϲθωται
Μακκαβαίων Α 6:30
και ην ο ριθμοϲ των δυναμεων αυτου εκατον χιλιαδεϲ πεζων και εικοϲι χιλιαδεϲ ϊππεων και ελεφαντεϲ δυο και τριακοντα ϊδοτεϲ πολεμον
Μακκαβαίων Α 6:31
και ηλθον δια τηϲ ϊδουμαιαϲ και παρενεβαλον επι βεθϲουρα και επολεμηϲεν ημεραϲ πολλαϲ και εποιηϲεν μηχαναϲ και εξηλθον και ενεπυριϲαν αυταϲ πυρι και επολεμηϲεν ανδρωδωϲ ·
Μακκαβαίων Α 6:32
και απηρεν ϊουδαϲ απο τηϲ ακραϲ και παρενεβαλεν ειϲ βαιθζαχαρια απεναντι τηϲ παρεμβοληϲ του βαϲιλεωϲ
Μακκαβαίων Α 6:33
και ωρθριϲεν ο βαϲιλευϲ το πρωϊ και απηρεν την παρεμβολην εν ορμηματι αυτηϲ κατα την οδον αυτηϲ βαιθζαχαρια και διεϲκευαϲθηϲαν αι δυναμιϲ ειϲ τον πολεμον και εϲαλπιϲεν ταιϲ ϲαλπιγξιν
Μακκαβαίων Α 6:34
και τοιϲ ελεφαϲιν εδειξεν αιμα ϲταφυληϲ και μορων του παραϲτηϲαι αυτουϲ ειϲ τον πολεμον
Μακκαβαίων Α 6:35
και διειλον τα θηρια ειϲ ταϲ φαλαγγαϲ και παρεϲτηϲεν εκαϲτω ελεφαντι χιλιουϲ ανδραϲ τεθωρακιϲμενουϲ εν αλυϲιδωτοιϲ και περικεφαλαιαι χαλκαι επι των κεφαλων αυτων και πεντακοϲια ϊπποϲ διατεταγμενη εκαϲτω θηριω εκλελεγμενη
Μακκαβαίων Α 6:36
ουτοι προ καιρου ου αν η το θηριον ηϲαν και ου εαν επορευετο επορευοντο αλα ουκ αφιϲταντο
Μακκαβαίων Α 6:37
αλγοι ξυλινοι επ αυτουϲ κοροι ϲκεπαζομενοι εκεφαιϲτου θηριου εζωϲμενοι υπ αυτου · μηχαναιϲ και εφ εκαϲτου ανδρεϲ δυναμεωϲ τριακοντα οι πολεμουντεϲ επ αυτοιϲ και ο ϊνδοϲ αυτου
Μακκαβαίων Α 6:38
και την επιτοιπον ϊππον ενθεν και ενθεν και εϲτηϲεν επι τα δυο μερη τηϲ παρεμβοληϲ καταϲειοντεϲ και καταφραϲϲομενοι εν ταιϲ φαλαξιν
Μακκαβαίων Α 6:39
ωϲ δε εϲτιλβεν ο ηλιοϲ επι ταϲ χρυϲαϲ χαλκαϲ και αϲπιδαϲ εϲτιλβεν τα ορη ϋπ αυτων και κατηυγαζεν ωϲ λαμπαδεϲ
Μακκαβαίων Α 6:40
παρεμβοληϲ του βαϲιλεωϲ επι τα ορη και τινεϲ επι τα ταπινα και ηρχοντο αϲφαλωϲ και τεταγμενωϲ
Μακκαβαίων Α 6:41
και εϲαλευοντο παντεϲ οι ακουοντεϲ τηϲ φωνηϲ πληθουϲ αυτων και οδοιποριαϲ του πληθουϲ ϲυνκρουϲμου των οπλων ην γαρ η παρεμβολη μεγαλη ϲφοδρα και ϊϲχυρα
Μακκαβαίων Α 6:42
και ηγγιϲεν ϊουδαϲ και η παρεμβολη αυτου ειϲ παραταξιν και επεϲον απο τηϲ παρεμβοληϲ του βαϲιλεωϲ εξακοϲιοι ανδρεϲ
Μακκαβαίων Α 6:43
και ειδεν ελεαζαροϲ ο αυραν εν των θηριων τεθωρακιϲμενον θωραξιν βαϲιλικοιϲ και ην ϋπεραγων παντα τα θηρια και ωηθη οτι εν αυτω εϲτιν ο βαϲιλευϲ
Μακκαβαίων Α 6:44
και εδωκεν εαυτον του ϲωϲαι τον λαον αυτου και περιποιηϲαι εαυτω ονομα αιωνιον
Μακκαβαίων Α 6:45
και απεδραμεν αυτω θραϲει ειϲ μεϲον τηϲ φαλαγγοϲ και εθανατουν δεξιαν και ευωνυμα και εϲχιζοντο απ αυτου ενθα και ενθα
Μακκαβαίων Α 6:46
και ειϲεδυ ϋπο τον ελεφαντα και ϋπεθηκεν αυτω και ανειλεν αυτον και επεϲεν επι την γην επανω αυτου και απεθανεν εκει
Μακκαβαίων Α 6:47
και ϊδοντεϲ την ϊϲχυν τηϲ βαϲιλειαϲ και των δυναμεων το ορμημα εξεκλινεν απ αυτων
Μακκαβαίων Α 6:48
οι δε εκ τηϲ παρεμβοληϲ του βαϲιλεωϲ ανεβαινον ειϲ ϲυναντηϲιν αυτων ειϲ ϊερουϲαλημʼ και παρενεβαλεν ο βαϲιλευϲ ειϲ την ϊουδαιαν και ειϲ το οροϲ ϲιων
Μακκαβαίων Α 6:49
και εποιηϲεν ειρηνην μετα των εκ βεθϲουρων και εξηλθεν εκ τηϲ πολεωϲ οτι ουκ ην αυτοιϲ εκει διατροφη του ϲυνκεκλιϲθε εν αυτη οτι ϲαββατον ην τη γη
Μακκαβαίων Α 6:50
και κατελαβετο ο βαϲιλευϲ την βαιθϲουραν και επεταξεν εκει φρουραν τηριν αυτην
Μακκαβαίων Α 6:51
και παρενεβαλεν επι το αγιαϲμα ημεραϲ πολλαϲ και εϲτηϲεν εκει βελοϲταϲιαϲ και μηχαναϲ και πυροβολα και λιθοβολα · και ϲκορπιδια ειϲ το βαλλεϲθαι βελη και ϲφενδοναϲ
Μακκαβαίων Α 6:52
και εποιηϲαν και αυτοι μηχαναϲ προϲ ταϲ μηχαναϲ αυτων και επολεμηϲαν ημεραϲ
Μακκαβαίων Α 6:53
βρωματα δε ουκ ην εν τοιϲ αγιοιϲ δια το εβδομον ετοϲ ειναι και οι αναϲωζομενοι ειϲ την ϊουδαιαν απο των εθνων κατεφαγον το υπολιμμα τηϲ παραθεϲεωϲ
Μακκαβαίων Α 6:54
και υ̇πελιφθηϲαν εν τοιϲ αγιοιϲ ανδρεϲ ολιγοι οτι κατεκρατηϲεν αυτων ο λειμοϲ και εϲκορπιϲθηϲαν εκαϲτοϲ ειϲ τον τοπον αυτου
Μακκαβαίων Α 6:55
και ηκουϲεν λυϲιαϲ οτι φιλιπποϲ ον κατεϲτηϲεν ο βαϲιλευϲ αντιοχοϲ ετι ζωντοϲ αυτου εκθρεψαι αντιοχον τον β υϊον αυτου ειϲ το βαϲιλευϲαι αυτον
Μακκαβαίων Α 6:56
απεϲτρεψεν απο τηϲ περϲιδοϲ και μηδειαϲ και δυναμιϲ αι πορευθιϲαι μετα του βαϲιλεωϲ μετ αυτου και οτι ζητει παραλαβειν τα των προϲταγματων
Μακκαβαίων Α 6:57
και κατεϲπευδεν και επενευϲεν του απελθειν και ειπεν προϲ τον βαϲιλεα και τουϲ ηγεμοναϲ τηϲ δυναμεωϲ και τουϲ ανδραϲ εκλιπομεν καθ ημεραν και η τροφη ημιν ολιγη και ο τοποϲ ου παρεμβαλλομεν εϲτιν ιϲχυροϲ και επικειται ημιν τα τηϲ βαϲιλιαϲ
Μακκαβαίων Α 6:58
νυν ουν δωμεν δεξιαν τοιϲ ανοιϲ τουτοιϲ και ποιηϲωμεν ϊρηνην και μετα παντοϲ εθνουϲ αυτων
Μακκαβαίων Α 6:59
και ϲτηϲομεν αυτουϲ του πορευεϲθαι τοιϲ νομιμοιϲ αυτων ων το προτερον χαριν γαρ των νομιμων αυτων ων διεϲκεδαϲαμεν ωργιϲθηϲαν και εποιηϲαν ταυτα παντα
Μακκαβαίων Α 6:60
και ηρεϲεν ο λογοϲ εναντιον του βαϲιλεωϲ και των αρχοντων και απεϲτιλεν προϲ αυτουϲ ειρηνευϲε και επεδεξαντο
Μακκαβαίων Α 6:61
και ωμολογηϲεν αυτοιϲ ο βαϲιλευϲ και οι αρχοντεϲ επι τουτοιϲ εξηλθον εκ του οχυρωματοϲ
Μακκαβαίων Α 6:62
και ειϲηλθον ο βαϲιλευϲ ειϲ οροϲ ϲιων και ειδεν το οχυρωμα του τοπου και ηθετηϲεν τον οριϲμον ον ωμοϲεν και ενετιλατο καθελειν το τιχοϲ κυκλοθεν
Μακκαβαίων Α 6:63
και απηρεν κατα ϲπουδην και απεϲτρεψεν ειϲ αντιοχιαν και ευρεν φιλιππον κυριευοντα τηϲ πολεωϲ και επολεμηϲεν προϲ αυτον και κατελαβετο την πολιν βια
Μακκαβαίων Α 7:1
ετουϲ αν και ρν και νν και εξηλθεν δημητριοϲ του ϲελευκου εκ ρωμηϲ και ανεβη εν ανδραϲιν εν ολιγοιϲ παραθαλαϲϲαν και εβαϲιλευϲεν εκει
Μακκαβαίων Α 7:2
και επονειτο ωϲ ειϲεπορευετο ειϲ οικον βαϲιλειαϲ πατερων αυτου ϲυνελαβοντο αι δυναμειϲ τον αντιοχον και τον λυϲιαν αγαγειν αυτουϲ αυτω
Μακκαβαίων Α 7:3
και εγνωϲθη αυτω το πραγμα και ειπεν μη μοι διξηται τα προϲωπα αυτων
Μακκαβαίων Α 7:4
και απεκτιναν αυτουϲ αι δυναμειϲ και εκαθιϲεν δημητριοϲ επι θρονου βαϲιλειαϲ αυτου
Μακκαβαίων Α 7:5
και ηλθον προϲ αυτον παντεϲ ανδρεϲ ανομοι και αϲεβειϲ εξν ιϲλ και αλκιϲμοϲ ηγειτο αυτων ηγουμενοϲ βουλομενοϲ ιερατευειν
Μακκαβαίων Α 7:6
και κατηγορηϲαι του λαου προϲ τον βαϲιλεα λεγοντεϲ απωλεϲεν ϊουδαϲ και οι αδελφοι αυτου πανταϲ τουϲ φιλουϲ ϲου και ημαϲ εϲκορπιϲεν απο τηϲ γηϲ ημων
Μακκαβαίων Α 7:7
νυν ουν αποϲτιλον ανδρα ω πιϲτευϲειϲ και πορευθειϲ ειδετω παϲαν την εξολεθρευϲιν ην εποιηϲεν ημιν και τη χωρα του βαϲιλεωϲ και εκολαϲατο αυτουϲ και πανταϲ τουϲ επιβοηθουνταϲ αυτοιϲ
Μακκαβαίων Α 7:8
και επελεξεν ο βαϲιλευϲ τον βαχχιδην των φιλων αυτου βαϲιλεωϲ κυριευοντα εν τω περαν του ποταμου και μεγαν εν τη βαϲιλεια και πιϲτον τω βαϲιλει
Μακκαβαίων Α 7:9
και απεϲτιλεν αυτον και τον αλκιμον τον αϲεβην εϲτηϲεν αυτω την ϊερωϲυνην και ενετιλατο αυτω ποιηϲαι την εκδικηϲιν εν τοιϲ υϊοιϲ ϊϲλʼ
Μακκαβαίων Α 7:10
και απηρον και ηλθον μετα δυναμεωϲ πολληϲ ειϲ γην ϊουδα και απεϲτιλεν αγγελουϲ προϲ ιουδαν και τουϲ αδελφουϲ αυτου λογοιϲ ειρηνικοιϲ μετα δολου
Μακκαβαίων Α 7:11
και ου προϲεϲχον τοιϲ λογοιϲ αυτων ειδον γαρ οτι ηλθαν μετα δυναμεωϲ πολληϲ
Μακκαβαίων Α 7:12
και επιϲυνηχθηϲαν προϲ αλκιμον και βακχιδηϲ ϲυναγωγη γραμματεων εκζητηϲαι δικαιοι
Μακκαβαίων Α 7:13
και πρωτοι οι αϲειδοναιοι ηϲαν εν ϋϊοιϲ ϊϲλʼ · και επεζητουν παρ αυτων ειρηνην
Μακκαβαίων Α 7:14
ειπον γαρ ανθρωποϲ ϊερευϲ εκ ϲπερματοϲ ααρων ηλθεν εν ταιϲ δυναμεϲιν και ουκ αδικηϲει ημαϲ

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.