← All works

Codex Sinaiticus: Μακκαβαίων Α

Codex Sinaiticus · 924 sections

1. Μακκαβαίων Α 4:7

   και ειδον παρεμβολην εθνων ιϲχυραν και τεθωρακειμενην και ϊππον κυκλουϲαν αυτην και ουτοι διδακτοι πολεμου

2. Μακκαβαίων Α 4:8

   και ειπεν ϊουδαϲ τοιϲ ανδραϲιν τοιϲ μετ αυτου μη φοβειϲθαι το πληθοϲ αυτων και το ορμημα αυτων μη εδεϲθητε

3. Μακκαβαίων Α 4:9

   μνηϲθητε ωϲ εϲωθηϲαν οι πρεϲ ημων εν θαλαϲϲη ερυθρα οτε εδιωκεν αυτουϲ φαραω εν δυναμει

4. Μακκαβαίων Α 4:10

   και νυν βοηϲομεν ειϲ ουρανον ει θεληϲει ημαϲ και μνηϲθηϲεται διαθηκηϲ πρων και ϲυντριψει την παρεμβολην ταυτην κατα προϲωπον ημων ϲημερον

5. Μακκαβαίων Α 4:11

   και γνωϲονται παντα τα εθνη οτι εϲτιν ο λυτρουμενοϲ τον ιηλ

6. Μακκαβαίων Α 4:12

   και ηραν οι αλλοφυλοι τουϲ οφθαλμουϲ αυτων και ειδον αυτουϲ ερχομενουϲ εξ εναντιαϲ

7. Μακκαβαίων Α 4:13

   και εξηλθον εκ τηϲ παρεμβοληϲ ειϲ πολεμον και εϲαλπιϲαν οι παρα του δαν

8. Μακκαβαίων Α 4:14

   και ϲυνηψαν και ϲυνετριβηϲαν τα εθνη και εφυγον ειϲ το παιδιον

9. Μακκαβαίων Α 4:15

   οι δε εϲχατοι παντεϲ επεϲον εν ρομφαια και εδιωξαν αυτουϲ εωϲ γαζηρων και εωϲ των παιδιων τηϲ ϊδουμαιαϲ και αζωτου και ϊαμινειαϲ και επεϲαν εξ αυτων ειϲ ανδραϲ τριϲχιλιουϲ

10. Μακκαβαίων Α 4:16

    και απεϲτρεψεν ϊουδαϲ και η δυναμιϲ απο του διωκειν οπιϲθεν αυτων

11. Μακκαβαίων Α 4:17

    και ειπεν προϲ τον λαον μη επιθυμηϲητε των ϲκυλων οτι πολεμοϲ εξ εναντιαϲ ημων

12. Μακκαβαίων Α 4:18

    και γοργιαϲ και η δυναμιϲ εν τω ορι εγγυϲ ημων αλλα ϲτητε νυν εναντιον των εχθρων ημων και πολεμηϲατε εαυτουϲ και μετα ταυτα λαβετε τα ϲκυλα μετα παρρηϲιαϲ

13. Μακκαβαίων Α 4:19

    ετι πληρουντοϲ ϊουδα ταυτα μεροϲ τι ωφθη εκκυπτων εκ του ορουϲ

14. Μακκαβαίων Α 4:20

    και ειδεν οτι τετροπωνται και εμπυριζουϲιν την παρεμβολην ο γαρ καπνοϲ ο θεωρουμενοϲ ενεφανιζεν το γεγονοϲ

15. Μακκαβαίων Α 4:21

    οι δε ταυτα ϲυνειδοντεϲ εδειλωθηϲαν ϲφοδρα · ϲυνϊδοντεϲ δε την ιουδα παρεμβολην εν τω πεδιω ετοιμην ειϲ παραταξιν

16. Μακκαβαίων Α 4:22

    εφυγον παντεϲ ειϲ γην αλλοφυλων

17. Μακκαβαίων Α 4:23

    και ϊουδαϲ ανεϲτρεψεν επι την ϲκυλιαν τηϲ παρεμβοληϲ και ελαβον χρυϲιον πολυ · και αργυριον · και ϋακινθον πορφυραν θαλαϲϲιαν και πλουτον μεγαν

18. Μακκαβαίων Α 4:24

    και επιϲτραφεντεϲ υμνουν και ευλογουν ειϲ ουρανον οτι καλον οτι ειϲ τον αιωνα το ελεοϲ αυτου :

19. Μακκαβαίων Α 4:25

    και εγενηθη ϲωτηρια μεγαλη εν τω ϊηλʼ · εν τη ημερα εκεινη ·

20. Μακκαβαίων Α 4:26

    οϲοι δε των αλλοφυλων διεϲωθηϲαν παραγενηθεντεϲ απηγγιλαν τω λυϲια παντα τα ϲυμβεβηκοτα

21. Μακκαβαίων Α 4:27

    ο δε ακουϲαϲ ϲυνεχυθη και ηθυμει οτι ουχ οια ηθελεν τοιαυτα εγεγονει τω ιϲλ και οια αυτω ενετιλατο ο βαϲιλευϲ ουκ εξεβη

22. Μακκαβαίων Α 4:28

    και εν τω ερχομενω ενιαυτω ϲυνευδοχηϲεν ανδρων επιλεκτων εξηκοντα χιλιαδαϲ και πεντακιϲχιλιαν ϊππον ωϲτε πολεμηϲαι αυτουϲ

23. Μακκαβαίων Α 4:29

    και ηλθεν ειϲ την ϊουδαιαν και παρενεβαλλον εν βεθϲουροιϲ και ϲυνηντηϲεν αυτοιϲ ϊουδαϲ δεκα χειλιαδαϲ εχων ανδρων

24. Μακκαβαίων Α 4:30

    και ειδον την παρεμβολην ϊϲχυραν και προϲηϋξαντο και ειπον ευλογητοϲ ει ο ϲηρ ιηλ ο ϲυντριψαϲ το ορμημα του δυνατου εν χιρι του δουλου ϲου δαδ και παρεδωκαϲ την παρεμβολην των αλλοφυλων ειϲ χιραϲ ϊωναθου ϋϊου ϲαουλʼ και του αιροντοϲ τα ϲκευη αυτου

25. Μακκαβαίων Α 4:31

    ϲυνκλιϲον την παρεμβολην ταυτην εν χιρι λαου ϲου ϊηλʼ · και αιϲχυνθητωϲαν επι τη δυναμι και τη ϊππω αυτων

26. Μακκαβαίων Α 4:32

    δοϲ αυτοιϲ διλιαν και τηξον θραϲοϲ ϊϲχυοϲ αυτων και ϲαλευθητωϲαν τη ϲυντριβη αυτων

27. Μακκαβαίων Α 4:33

    καταβαλε αυτουϲ ρομφαια αγαπωντων ϲε και αινεϲατωϲαν ϲε παντεϲ οι ειδοτεϲ το ονομα ϲου εν υμνοιϲ

28. Μακκαβαίων Α 4:34

    και ϲυνεβαλλον αλληλοιϲ και επεϲον εκ τηϲ παρεμβοληϲ λυϲιου ειϲ πεντακιϲχιλιουϲ ανδραϲ και επεϲον εξ εναντιαϲ αυτων :

29. Μακκαβαίων Α 4:35

    ειδων δε λυϲιαϲ την γενομενην τροπην τηϲ αυτου ϲυνταξεωϲ τηϲ δε ϊουδα το γεγενημενον θαρϲοϲ και ωϲ ετοιμοι ειϲιν ει ζην η τεθνηκεναι γεννεωϲ απηρεν ειϲ αντιωχιαν και εξενολογει και πλεοναϲτον παλιν γενηθεντα παραγεινεϲθαι ειϲ την ϊουδαιαν

30. Μακκαβαίων Α 4:36

    ειπεν δε ϊουδαϲ και οι αδελφοι αυτου ϊδου ϲυνετριβηϲαν οι εχθροι ημων αναβαται καθαριϲαται τα αγια και ενκαινιϲαι

31. Μακκαβαίων Α 4:37

    και ϲυνηχθη η παρεμβολη παϲα και ανεβηϲαν ειϲ οροϲ ϲιων

32. Μακκαβαίων Α 4:38

    και ειδον το αγιαϲμα ηρημωμενον και το θυϲιαϲτηριον βεβηλωμενον και ταϲ θυραϲ κατακεκαυμεναϲ και εν ταιϲ αυλαιϲ φυτα πεφυκοτα ωϲ εν δρυμω η ωϲ ενι των ορεων και τα παϲτοφορια καθειρημενα

33. Μακκαβαίων Α 4:39

    και ερρηξαν τα ϊματια αυτων και εκοψαντο κοπετον μεγαν και επεθεντο ϲποδον

34. Μακκαβαίων Α 4:40

    και επεϲαν επι προϲωπον επι την γην και εϲαλπιϲαν ταιϲ ϲαλπιγξιν των ϲημιων και εβοηϲαν ειϲ ουρανον

35. Μακκαβαίων Α 4:41

    τοτε επεταξεν ϊουδαϲ ανδραϲιν πολεμειν τουϲ εν τη ακρα εωϲ καθαριϲη τα αγια

36. Μακκαβαίων Α 4:42

    και επελεξατο ϊεριϲ αμωμουϲ θεληταϲ νομου

37. Μακκαβαίων Α 4:43

    και εκαθαριϲαν τα αγια και ηραν τουϲ λιθουϲ του μιαϲμου ειϲ τοπον ακαθαρτον

38. Μακκαβαίων Α 4:44

    και εβουλευϲαντο περι του θυϲιαϲτηριου τηϲ ολοκαυτωϲεωϲ του βεβηλωμενου τι αυτο ποιηϲωϲιν

39. Μακκαβαίων Α 4:45

    και επεϲεν αυτοϲ βουλη αγαθη καθελειν αυτο μηποτε γενητε αυτοιϲ ειϲ ονιδοϲ οτι εμιαναν τα εθνη αυτο και καθειλον το θυϲιαϲτηριον

40. Μακκαβαίων Α 4:46

    και απεθεντο τουϲ λιθουϲ εν τω ορει του οικου εν τοπω επιτηδιω μεχρι του παραγενηθηναι προφητην του αποκριθηναι περι αυτων

41. Μακκαβαίων Α 4:47

    και ελαβον λιθουϲ ολοκληρουϲ κατα τον νομον και ωκοδομηϲεν θυϲιαϲτηριον καινον κατα το προτερον

42. Μακκαβαίων Α 4:48

    και ωκοδομηϲαν τα αγια και τα εντοϲ του οικου και ταϲ αυλαϲ ηγιαϲαν

43. Μακκαβαίων Α 4:49

    και εποιηϲαν ϲκευη αγια καινα και ειϲηνεγκαν την λυχνιαν και το θυϲιαϲτηριον των ολοκαυτωματων και θυμιαματων και την τραπεζαν ειϲ τον ναον

44. Μακκαβαίων Α 4:50

    και εθυμιαϲαν επι το θυϲιαϲτηριον και εξηψαν τουϲ λυχνουϲ τουϲ επι τηϲ λυχνιαϲ και εφαινον εν τω ναω

45. Μακκαβαίων Α 4:51

    και επεθηκαν επι την τραπεζαν αρτουϲ και εξεπεταϲαν τα καταπεταϲματα και ετελεϲαν παντα τα εργα α εποιηϲαν

46. Μακκαβαίων Α 4:52

    και ωρθριϲαν το πρωϊ τη πεμπτη και εικαδι του μηνοϲ ουτοϲ ο μην χαϲαλευ του ην και μν και ρν

47. Μακκαβαίων Α 4:53

    και ανηνεγκαν θυϲιαν κατα τον νομον επι το θυϲιαϲτηριον των ολοκαυτωματων το κενον ο εποιηϲαν .

48. Μακκαβαίων Α 4:54

    κατα τον καιρον και κατα την ημεραν εν η εβεβηλωϲαν αυτο τα εθνη εν εκεινη τη ημερα ενεκενιϲθη εν ωδαιϲ · και κιθαραιϲ και κινυραιϲ · και κυμβαλοιϲ

49. Μακκαβαίων Α 4:55

    και επεϲεν παϲ ο λαοϲ επι προϲωπον και προϲεκυνηϲαν και ευλογηϲαν ειϲ ουρανον τον ευοδωϲαντα αυτοιϲ

50. Μακκαβαίων Α 4:56

    και εποιηϲαν τον ενκαινιϲμον του θυϲιαϲτηριου ημεραϲ οκτω και προϲηνεγκαν ολοκαυτωματα μετα ευφροϲυνηϲ και εθυϲαν θυϲιαν ϲωτηριου και αινεϲεωϲ

51. Μακκαβαίων Α 4:57

    και κατεκοϲμηϲαν το κατα προϲωπον του ναου ϲτεφανοιϲ και αϲπιδιϲκαιϲ και ενεκαινιϲαν ταϲ πυλαϲ και τα παϲτοφορια και εθυϲαν αυτα

52. Μακκαβαίων Α 4:58

    και εγενηθη μεγαλη ευφροϲυνη εν τω λαω ϲφοδρα και απεϲτραφη ονιδιϲμοϲ εθνων

53. Μακκαβαίων Α 4:59

    και εϲτηϲεν ϊουδαϲ και οι αδελφοι αυτου και παϲα η εκκληϲια ιϲλ ϊνα αγωνται αι ημεραι του ενκαινιϲμου του θυϲιαϲτηριου εν τοιϲ καιροιϲ αυτων ενιαυτου κατ ενιαυτον ημεραϲ οκτω απο τηϲ πεμπτηϲ και εικαδοϲ του μηνοϲ χαϲελευʼ μετ ευφροϲυνηϲ και χαραϲ ·

54. Μακκαβαίων Α 4:60

    και ωκοδομηϲαν εν τω καιρω εκινω το οροϲ ϲιων κυκλοθεν τιχη ϋψηλα και πυργουϲ ϋψηλουϲ και μηποτε παραγενηθεντα τα εθνη καταπατηϲουϲιν αυτα ωϲ εποιηϲαν το προτερον

55. Μακκαβαίων Α 4:61

    και απεταξεν εκει δυναμιν τηριν αυτα και ωχυρωϲεν αυτου τηριν την βαθϲουρα του εχειν τον λαον οχυρωμα κατα προϲωπον τηϲ ϊδουμαιαϲ

56. Μακκαβαίων Α 5:1

    το οτε ηκουϲαν τα εθνη κυκλοθεν οτι οικοδομη το θυϲιαϲτηριον και ενεκενιϲθη το αγιαϲμα ωϲ το προτερον και ωργιϲθηϲαν ϲφοδρα

57. Μακκαβαίων Α 5:2

    και ωργιϲθηϲαν του αραι το γενοϲ ιακωβʼ ουϲ ονταϲ αυτω εν μεϲω και ηρξαντο του θανατουν εν τω λαω και εξαιρειν

58. Μακκαβαίων Α 5:3

    και επολεμει ϊουδαϲ προϲ τουϲ υϊουϲʼ ηϲαυʼ εν τη ιδουμαια την ακραβαττηνην οτι περιεκαθηντο τον αμαληκ ιϲλʼ · και επαταξαν αυτουϲ πληγην μεγαλην και ϲυνεϲτιλεν αυτουϲ και ελαβεν τα ϲκυλα αυτων

59. Μακκαβαίων Α 5:4

    και εμνηϲθη τηϲ κακιαϲ υϊων βαιανʼ οι ηϲαν τω λαω ειϲ παγιδα και ϲκανδαλον εν τω ενεδρευειν αυτουϲ εν ταιϲ οδοιϲ

60. Μακκαβαίων Α 5:5

    και ϲυνεκλιϲθηϲαν ϋπ αυτου ειϲ τουϲ πυργουϲ και παρενεβαλεν επ αυτουϲ και ανεθεματιϲεν αυτουϲ και ενεπυριϲε τουϲ πυργουϲ αυτηϲ εν πυρι ϲυν παϲιν τοιϲ ενουϲιν

61. Μακκαβαίων Α 5:6

    και διεπεραϲεν επι τουϲ ϋϊουϲ αμμωνʼ και ευρεν χειρα κραταιαν και λαον πολυν και χειρα ϊϲχυραν και τιμοθεον ηγουμενον αυτων

62. Μακκαβαίων Α 5:7

    και ϲυνηψεν προϲ αυτουϲ πολεμουϲ πολλουϲ και ϲυνετριβηϲαν προ προϲωπου αυτου και επαταξεν αυτουϲ

63. Μακκαβαίων Α 5:8

    και προκατελαβετο την ιαζηρ και ταϲ θυγατεραϲ αυτηϲ και ανεϲτρεψαν ειϲ την ιουδαιαν

64. Μακκαβαίων Α 5:9

    και επιϲυνηχθηϲαν ειϲ τα εθνη τα εν τη γαλααδʼ επι τον ιϲλ τουϲ ονταϲ επι τοιϲ οριοιϲ αυτων του εξαραι αυτουϲ και εφυγον ειϲ δαθαιμαʼ το οχυρωμα

65. Μακκαβαίων Α 5:10

    και απεϲτιλαν γραμματα προϲ ϊουδαν και τουϲ αδελφουϲ αυτου λεγοντεϲ επιϲυνηγμενα εϲτιν τα εθνη κυκλω ημων του εξαραι ημαϲ

66. Μακκαβαίων Α 5:11

    και ετοιμαζονται ελθειν και προκαταλαβεϲθαι το οχυρωμα ειϲ ο κατεφυγον και τιμοθεοϲ ηγειτε τηϲ δυναμεωϲ αυτων :

67. Μακκαβαίων Α 5:12

    νυν ουν ελθων εξελου ημαϲ εκ χιροϲ αυτων οτι πεπτωκεν εξ ημων πληθοϲ

68. Μακκαβαίων Α 5:13

    και παντεϲ οι αδελφοι ημων οι εν τοιϲ τουβιου τεθανατωνται και ηχμαλωτικαϲιν ταϲ γυναικαϲ και τα τεκνα και την αποϲκευην και απωλεϲαν εκει ωϲι μιαν χιλιαρχιαν ανδρων

69. Μακκαβαίων Α 5:14

    ετι επιϲτολαι ανεγιγνωϲκοντο και ϊδου αγγελοι ετεροι παρεγενοντο εκ τηϲ γαλιλαιαϲ διερρηχοτεϲ τα ϊματια απαγγελλοντεϲ κατα τα ρηματα ταυτα

70. Μακκαβαίων Α 5:15

    λεγοντεϲ επιϲυνηχθαι επ αυτουϲ εκ πτολεμαϊδοϲ και τυρου και ϲειδωνοϲ και παϲα γαλιλαια αλλοφυλων του εξαναλωϲαι ημαϲ

71. Μακκαβαίων Α 5:16

    ωϲ δε ηκουϲεν ϊουδαϲ και ο λαοϲ τουϲ λογουϲ τουτουϲ επιϲυνηχθη εκκληϲια μεγαλη τι ποιηϲωϲιν τοιϲ αδελφοιϲ αυτων τοιϲ ουϲιν εν θλιψι και πολεμουμενοιϲ υπ αυτων ·

72. Μακκαβαίων Α 5:17

    και ειπεν ϊουδαϲ ϲιμωνι τω αδελφω αυτου επιλεξον ϲεαυτω ανδραϲ και πορευου και ρυϲαι τουϲ αδελφουϲ τουϲ εν τη γαλιλαια λεγω δε και ϊωαναθαϲ ο αδελφοϲ αυτου πορευϲομεθα ειϲ την γαλααδειτινʼ

73. Μακκαβαίων Α 5:18

    και κατελιπεν ϊωϲηπον τον του ζαχαριου και αζαριαν ηγουμενον του λαου μετα των επιλοιπων τηϲ δυναμεωϲ εν τη ϊουδαια ειϲ τηρηϲιν

74. Μακκαβαίων Α 5:19

    και ενετιλατο αυτοιϲ λεγων προϲϲτητε του λαου τουτου και μη ϲυναψηται πολεμον προϲ τα εθνη εωϲ του επιϲτρεψαι ημαϲ

75. Μακκαβαίων Α 5:20

    και εμεριϲθηϲαν ϲιμων ανδρεϲ τριϲχιλιοι του πορευθηναι ειϲ την γαλιλαιαν · ϊουδα δε ανδρεϲ η ϛ η ʹγ ειϲ την γαλααδειτινʼ

76. Μακκαβαίων Α 5:21

    και επορευθη ϲιμων ειϲ την γαλιλαιαν και ϲυνηψεν πολεμουϲ πολλουϲ προϲ τα εθνη και ϲυνετριβη τα εθνη απο προϲωπου αυτου

77. Μακκαβαίων Α 5:22

    και εδιωξεν αυτουϲ εωϲ τηϲ πυληϲ πτολεμαϊδοϲ : και επεϲον εκ των εθνων ειϲ τριϲχιλιουϲ ανδραϲ και ελαβον τα ϲκυλα αυτων

78. Μακκαβαίων Α 5:23

    και παρελαβον τουϲ εκ τηϲ γαλιλαιαϲ και εν αρβανοιϲ ϲυν ταιϲ γυναιξιν και τοιϲ τεκνοιϲ και παντα οϲα ην αυτοιϲ και ηγαγεν ειϲ την ιουδαιαν μετ ευφροϲυνηϲ μεγαληϲ

79. Μακκαβαίων Α 5:24

    και ιουδαϲ ο μακκαβαιοϲ και ϊωναθαν αδελφοϲ αυτου διεβηϲαν τον ϊορδανην και επορευθηϲαν οδον τριων ημερων εν τη ερημω

80. Μακκαβαίων Α 5:25

    και ϲυνηντηϲαν τοιϲ αναβαταιϲʼ οι και απηντηϲαν αυτοιϲ ϊρηνικοιϲ και διηγηϲαντο αυτοιϲ παντα τα ϲυνβαντα τοιϲ αδελφοιϲ αυτων εν τη γαλααδειτιʼ

81. Μακκαβαίων Α 5:26

    και οτι πολλοι εξ αυτων ϲυνϊλημμενοι ειϲιν ειϲ βοϲορα και βοϲορʼ εν αλεμοιϲ και καϲφω μακεδʼ και καρναιδʼ αυται αι πολειϲ οχυραι και μεγαλαι

82. Μακκαβαίων Α 5:27

    και εν ταιϲ αλλαιϲ πολεϲιν τηϲ γαλααδειτιδοϲʼ ειϲιν ϲυνειλημμενοι ειϲ αυριον ταϲϲονται παρεμβαλλειν επι τα οχυρωματα και καταλαβεϲθε και εξαραι πανταϲ τουτουϲ εν ημερα μια ˙

83. Μακκαβαίων Α 5:28

    και απεϲτρεψεν ϊουδαϲ και η παρεμβολη αυτου οδον ειϲ την ερημον βοϲοραʼ αφων και κατελαβετο την πολιν και απεκτινε παν αρϲενικον εν ϲτοματι ρομφαιαϲ και ελαβεν παντα τα ϲκυλα αυτων και ενεπρηϲαν αυτην πυρι

84. Μακκαβαίων Α 5:29

    και απηρεν εκειθεν νυκτοϲ και επορευοντο εωϲ επι το οχυρωμα

85. Μακκαβαίων Α 5:30

    και εγενετο εωθινη ηραν τουϲ οφθαλμουϲ αυτων και ϊδου λαοϲ πολυϲ αιροντεϲ κλιμακαϲ και μηχαναϲ καταλαβεϲθαι το οχυρωμα και επολεμουν αυτουϲ

86. Μακκαβαίων Α 5:31

    και ειδεν ϊουδαϲ οτι ηρκται ο πολεμοϲ και η κραυγη τηϲ πολεωϲ ανεβη εωϲ ουρανου η ϲαλπιγξ και κραυγη μεγαλη

87. Μακκαβαίων Α 5:32

    και ειπεν τοιϲ ανδραϲιν τηϲ δυναμεωϲ πολεμηϲατε ϲημερον υπερ των αδελφων ϋμων

88. Μακκαβαίων Α 5:33

    και εξηλθεν εν τριϲιν αρχαιϲ εξοπιϲθεν αυτων και εϲαλπιϲαν ταιϲ ϲαλπιξιν και εβοηϲαν ταιϲ ϲαλπιγξιν και εβοηϲαν εν προϲευχη

89. Μακκαβαίων Α 5:34

    και επεγνω η παρεμβολη τιμοθεου οτι μακκαβαιοϲ εϲτιν και εφυγον απο προϲωπου αυτου και επαταξεν αυτουϲ πληγην μεγαλην και επεϲον εξ αυτων εν εκινη τη ημερα ειϲ τριϲχιλιουϲ δεκα ανδραϲ

90. Μακκαβαίων Α 5:35

    και απεκλινεν ειϲ μαφα και επολεμηϲεν αυτην και κατελαβετο αυτην και απεκτινεν παν αρϲενικον αυτηϲ και ελαβεν τα ϲκυλα αυτηϲ και ενεπρηϲεν αυτην εν πυρι

91. Μακκαβαίων Α 5:36

    εκειθεν απηρεν και προκατελαβετο την χαϲφωνʼ μακεδʼ και βοϲορ και ταϲ λοιπαϲ πολειϲ τηϲ γαλααδειτιδοϲ :

92. Μακκαβαίων Α 5:37

    μετα δε τα ρηματα ταυτα ϲυνηγαγεν τιμοθεοϲ παρεμβολην αλʼλην και παρενεβαλεν κατα προϲωπον ραφωνʼ εκ προϲωπου του χιμαρρου

93. Μακκαβαίων Α 5:38

    και απεϲτιλεν ιουδαϲ καταϲκοπευϲαι την παρεμβολην και απηγγειλαν αυτω λεγοντεϲ επιϲυνηγμενα ειϲιν προϲ αυτον παντα τα εθνη τα κυκλω ημων δυναμιϲ πολλη ϲφοδρα

94. Μακκαβαίων Α 5:39

    και αραβαϲ μεμιϲθωνται ειϲ βοηθιαν αυτοιϲ και παρενβαλουϲιν περαν του χιμαρρου ετοιμοι του ελθειν επι ϲε ειϲ πολεμον και επορευθη ϊουδαϲ ειϲ ϲυναντηϲιν αυτων

95. Μακκαβαίων Α 5:40

    και ειπεν τιμοθεοϲ τοιϲ αρχουϲιν τηϲ δυναμεωϲ αυτου εν τω εγγιζειν ϊουδαν και την παρεμβολην αυτου επι τον χιμαρρουν του ϋδατοϲ εαν διαβη προϲ ημαϲ προτεροϲ ου δυνηϲομεθα υποϲτηναι αυτον οτι δυναμενοϲ δυνηϲεται προϲ ημαϲ

96. Μακκαβαίων Α 5:41

    εαν δε δειλανθη και παρενβαλη περαν του ποταμου διαπεραϲομεν προϲ αυτον και δυνηϲομεθα προϲ αυτον

97. Μακκαβαίων Α 5:42

    ωϲ δε ηγγιϲεν ϊουδαϲ επι τον χιμαρρουν του υδατοϲ εϲτηϲεν τουϲ γραμματειϲ του λαου επι του χιμαρρου και ενετιλατο αυτοιϲ λεγων μη αφητε παντα ανον παρεμβαλλειν αλλα ερχεϲθωϲαν παντεϲ ειϲ τον πολεμον

98. Μακκαβαίων Α 5:43

    και διεπεραϲεν επ αυτουϲ προτεροϲ και παϲ ο λαοϲ οπιϲθεν αυτου και ϲυνετριβηϲαν προ προϲωπου αυτων τα εθνη και ερριψαν τα οπλα αυτων και εφυγον ειϲ το τεμενοϲ εν καρναϊν

99. Μακκαβαίων Α 5:44

    και προκατελαβοντο την πολιν και το τεμενοϲ ενεπυριϲαν εν πυρι ϲυν παϲιν τοιϲ εν αυτω και ετροπωθη καρναϊν και ουκ ηδυναντο ετι ϋποϲτηναι κατα προϲωπον ιουδα

100. Μακκαβαίων Α 5:45

     και ϲυνηγαγεν ιουδαϲ παντα ϊϲλʼ · τουϲ εν τω γαλααδειτιδιʼ απο μικρου εωϲ μεγαλου και ταϲ γυναικαϲ αυτων και τα τεκνα αυτων και την αποϲκευην παρεμβολην μεγαλην ϲφοδρα ελθειν ειϲ γην ιουδα

← Previous · Next → — showing 201–300 of 924

A Transcription of the Codex Sinaiticus, by the Codex Sinaiticus Project (D.C. Parker, Amy Myshrall, T.A.E. Brown, Rachel Kevern, H.A.G. Houghton, with the INTF Munster), via github.com/itsee-birmingham/codex-sinaiticus and codexsinaiticus.org. Licensed CC BY-NC-SA 3.0: noncommercial re-use with attribution, derivatives under the same terms. The text given here is the first hand; later correctors are recorded in the source and are not merged into it. Licence: CC BY-NC-SA 3.0. Source.