← Library

9 Dhammayamaka — 9.2 Pavattivāra — 9.2.2. Nirodhavāra

Early Buddhist texts (SuttaCentral): Abhidhamma · abhidhamma · 300 sections

1. ya9.2.2:86.1

   Yassa akusalā dhammā na nirujjhittha tassa abyākatā dhammā na nirujjhitthāti? Natthi.

2. ya9.2.2:87.1

   Yassa vā pana abyākatā dhammā na nirujjhittha tassa akusalā dhammā na nirujjhitthāti? Natthi.

3. ya9.2.2:88.0

   9.2.2.2.5. Paccanīkaokāsa

4. ya9.2.2:88.1

   Yattha kusalā dhammā na nirujjhittha tattha akusalā dhammā na nirujjhitthāti? Āmantā.

5. ya9.2.2:89.1

   Yattha vā pana akusalā dhammā na nirujjhittha tattha kusalā dhammā na nirujjhitthāti? Āmantā.

6. ya9.2.2:90.1

   Yattha kusalā dhammā na nirujjhittha tattha abyākatā dhammā na nirujjhitthāti? Nirujjhittha.

7. ya9.2.2:91.1

   Yattha vā pana abyākatā dhammā na nirujjhittha tattha kusalā dhammā na nirujjhitthāti? Natthi.

8. ya9.2.2:92.1

   Yattha akusalā dhammā na nirujjhittha tattha abyākatā dhammā na nirujjhitthāti? Nirujjhittha.

9. ya9.2.2:93.1

   Yattha vā pana abyākatā dhammā na nirujjhittha tattha akusalā dhammā na nirujjhitthāti? Natthi.

10. ya9.2.2:94.0

    9.2.2.2.6. Paccanīkapuggalokāsa

11. ya9.2.2:94.1

    Yassa yattha kusalā dhammā na nirujjhittha tassa tattha akusalā dhammā na nirujjhitthāti?

12. ya9.2.2:95.1

    Suddhāvāsānaṁ dutiye akusale citte vattamāne tesaṁ tattha kusalā dhammā na nirujjhittha, no ca tesaṁ tattha akusalā dhammā na nirujjhittha. Suddhāvāsānaṁ dutiye citte vattamāne asaññasattānaṁ tesaṁ tattha kusalā ca dhammā na nirujjhittha akusalā ca dhammā na nirujjhittha.

13. ya9.2.2:96.1

    Yassa vā pana yattha akusalā dhammā na nirujjhittha tassa tattha kusalā dhammā na nirujjhitthāti? Āmantā.

14. ya9.2.2:97.1

    Yassa yattha kusalā dhammā na nirujjhittha tassa tattha abyākatā dhammā na nirujjhitthāti?

15. ya9.2.2:98.1

    Suddhāvāsānaṁ dutiye citte vattamāne asaññasattānaṁ tesaṁ tattha kusalā dhammā na nirujjhittha, no ca tesaṁ tattha abyākatā dhammā na nirujjhittha. Suddhāvāsaṁ upapajjantānaṁ tesaṁ tattha kusalā ca dhammā na nirujjhittha abyākatā ca dhammā na nirujjhittha.

16. ya9.2.2:99.1

    Yassa vā pana yattha abyākatā dhammā na nirujjhittha tassa tattha kusalā dhammā na nirujjhitthāti? Āmantā.

17. ya9.2.2:100.1

    Yassa yattha akusalā dhammā na nirujjhittha tassa tattha abyākatā dhammā na nirujjhitthāti?

18. ya9.2.2:101.1

    Suddhāvāsānaṁ dutiye citte vattamāne asaññasattānaṁ tesaṁ tattha akusalā dhammā na nirujjhittha, no ca tesaṁ tattha abyākatā dhammā na nirujjhittha. Suddhāvāsaṁ upapajjantānaṁ tesaṁ tattha akusalā ca dhammā na nirujjhittha abyākatā ca dhammā na nirujjhittha.

19. ya9.2.2:102.1

    Yassa vā pana yattha abyākatā dhammā na nirujjhittha tassa tattha akusalā dhammā na nirujjhitthāti? Āmantā.

20. ya9.2.2:103.0.1

    9.2.2.3. Anāgatavāra

21. ya9.2.2:103.0.2

    9.2.2.3.1. Anulomapuggala

22. ya9.2.2:103.1

    Yassa kusalā dhammā nirujjhissanti tassa akusalā dhammā nirujjhissantīti?

23. ya9.2.2:104.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ kusalā dhammā nirujjhissanti, no ca tesaṁ akusalā dhammā nirujjhissanti. Itaresaṁ tesaṁ kusalā ca dhammā nirujjhissanti akusalā ca dhammā nirujjhissanti.

24. ya9.2.2:105.1

    Yassa vā pana akusalā dhammā nirujjhissanti tassa kusalā dhammā nirujjhissantīti? Āmantā.

25. ya9.2.2:106.1

    Yassa kusalā dhammā nirujjhissanti tassa abyākatā dhammā nirujjhissantīti? Āmantā.

26. ya9.2.2:107.1

    Yassa vā pana abyākatā dhammā nirujjhissanti tassa kusalā dhammā nirujjhissantīti?

27. ya9.2.2:108.1

    Aggamaggassa bhaṅgakkhaṇe arahantānaṁ tesaṁ abyākatā dhammā nirujjhissanti, no ca tesaṁ kusalā dhammā nirujjhissanti. Itaresaṁ tesaṁ abyākatā ca dhammā nirujjhissanti kusalā ca dhammā nirujjhissanti.

28. ya9.2.2:109.1

    Yassa akusalā dhammā nirujjhissanti tassa abyākatā dhammā nirujjhissantīti? Āmantā.

29. ya9.2.2:110.1

    Yassa vā pana abyākatā dhammā nirujjhissanti tassa akusalā dhammā nirujjhissantīti?

30. ya9.2.2:111.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ abyākatā dhammā nirujjhissanti, no ca tesaṁ akusalā dhammā nirujjhissanti. Itaresaṁ tesaṁ abyākatā ca dhammā nirujjhissanti akusalā ca dhammā nirujjhissanti.

31. ya9.2.2:112.0

    9.2.2.3.2. Anulomaokāsa

32. ya9.2.2:112.1

    Yattha kusalā dhammā nirujjhissanti tattha akusalā dhammā nirujjhissantīti? …pe….

33. ya9.2.2:113.0

    9.2.2.3.3. Anulomapuggalokāsa

34. ya9.2.2:113.1

    Yassa yattha kusalā dhammā nirujjhissanti tassa tattha akusalā dhammā nirujjhissantīti?

35. ya9.2.2:114.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ tattha kusalā dhammā nirujjhissanti, no ca tesaṁ tattha akusalā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā nirujjhissanti akusalā ca dhammā nirujjhissanti.

36. ya9.2.2:115.1

    Yassa vā pana yattha akusalā dhammā nirujjhissanti tassa tattha kusalā dhammā nirujjhissantīti? Āmantā.

37. ya9.2.2:116.1

    Yassa yattha kusalā dhammā nirujjhissanti tassa tattha abyākatā dhammā nirujjhissantīti? Āmantā.

38. ya9.2.2:117.1

    Yassa vā pana yattha abyākatā dhammā nirujjhissanti tassa tattha kusalā dhammā nirujjhissantīti?

39. ya9.2.2:118.1

    Aggamaggassa bhaṅgakkhaṇe arahantānaṁ asaññasattānaṁ tesaṁ tattha abyākatā dhammā nirujjhissanti, no ca tesaṁ tattha kusalā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhissanti kusalā ca dhammā nirujjhissanti.

40. ya9.2.2:119.1

    Yassa yattha akusalā dhammā nirujjhissanti tassa tattha abyākatā dhammā nirujjhissantīti? Āmantā.

41. ya9.2.2:120.1

    Yassa vā pana yattha abyākatā dhammā nirujjhissanti tassa tattha akusalā dhammā nirujjhissantīti?

42. ya9.2.2:121.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha abyākatā dhammā nirujjhissanti, no ca tesaṁ tattha akusalā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhissanti akusalā ca dhammā nirujjhissanti.

43. ya9.2.2:122.0

    9.2.2.3.4. Paccanīkapuggala

44. ya9.2.2:122.1

    Yassa kusalā dhammā na nirujjhissanti tassa akusalā dhammā na nirujjhissantīti? Āmantā.

45. ya9.2.2:123.1

    Yassa vā pana akusalā dhammā na nirujjhissanti tassa kusalā dhammā na nirujjhissantīti?

46. ya9.2.2:124.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ akusalā dhammā na nirujjhissanti, no ca tesaṁ kusalā dhammā na nirujjhissanti. Aggamaggassa bhaṅgakkhaṇe arahantānaṁ tesaṁ akusalā ca dhammā na nirujjhissanti kusalā ca dhammā na nirujjhissanti.

47. ya9.2.2:125.1

    Yassa kusalā dhammā na nirujjhissanti tassa abyākatā dhammā na nirujjhissantīti?

48. ya9.2.2:126.1

    Aggamaggassa bhaṅgakkhaṇe arahantānaṁ tesaṁ kusalā dhammā na nirujjhissanti, no ca tesaṁ abyākatā dhammā na nirujjhissanti. Pacchimacittassa bhaṅgakkhaṇe tesaṁ kusalā ca dhammā na nirujjhissanti abyākatā ca dhammā na nirujjhissanti.

49. ya9.2.2:127.1

    Yassa vā pana abyākatā dhammā na nirujjhissanti tassa kusalā dhammā na nirujjhissantīti? Āmantā.

50. ya9.2.2:128.1

    Yassa akusalā dhammā na nirujjhissanti tassa abyākatā dhammā na nirujjhissantīti?

51. ya9.2.2:129.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ akusalā dhammā na nirujjhissanti, no ca tesaṁ abyākatā dhammā na nirujjhissanti. Pacchimacittassa bhaṅgakkhaṇe tesaṁ akusalā ca dhammā na nirujjhissanti abyākatā ca dhammā na nirujjhissanti.

52. ya9.2.2:130.1

    Yassa vā pana abyākatā dhammā na nirujjhissanti tassa akusalā dhammā na nirujjhissantīti? Āmantā.

53. ya9.2.2:131.0

    9.2.2.3.5. Paccanīkaokāsa

54. ya9.2.2:131.1

    Yattha kusalā dhammā na nirujjhissanti tattha akusalā dhammā na nirujjhissantīti? …pe….

55. ya9.2.2:132.0

    9.2.2.3.6. Paccanīkapuggalokāsa

56. ya9.2.2:132.1

    Yassa yattha kusalā dhammā na nirujjhissanti tassa tattha akusalā dhammā na nirujjhissantīti? Āmantā.

57. ya9.2.2:133.1

    Yassa vā pana yattha akusalā dhammā na nirujjhissanti tassa tattha kusalā dhammā na nirujjhissantīti?

58. ya9.2.2:134.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ tattha akusalā dhammā na nirujjhissanti, no ca tesaṁ tattha kusalā dhammā na nirujjhissanti. Aggamaggassa bhaṅgakkhaṇe arahantānaṁ asaññasattānaṁ tesaṁ tattha akusalā ca dhammā na nirujjhissanti kusalā ca dhammā na nirujjhissanti.

59. ya9.2.2:135.1

    Yassa yattha kusalā dhammā na nirujjhissanti tassa tattha abyākatā dhammā na nirujjhissantīti?

60. ya9.2.2:136.1

    Aggamaggassa bhaṅgakkhaṇe arahantānaṁ asaññasattānaṁ tesaṁ tattha kusalā dhammā na nirujjhissanti, no ca tesaṁ tattha abyākatā dhammā na nirujjhissanti. Pacchimacittassa bhaṅgakkhaṇe tesaṁ tattha kusalā ca dhammā na nirujjhissanti abyākatā ca dhammā na nirujjhissanti.

61. ya9.2.2:137.1

    Yassa vā pana yattha abyākatā dhammā na nirujjhissanti tassa tattha kusalā dhammā na nirujjhissantīti? Āmantā.

62. ya9.2.2:138.1

    Yassa yattha akusalā dhammā na nirujjhissanti tassa tattha abyākatā dhammā na nirujjhissantīti?

63. ya9.2.2:139.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha akusalā dhammā na nirujjhissanti, no ca tesaṁ tattha abyākatā dhammā na nirujjhissanti. Pacchimacittassa bhaṅgakkhaṇe tesaṁ tattha akusalā ca dhammā na nirujjhissanti abyākatā ca dhammā na nirujjhissanti.

64. ya9.2.2:140.1

    Yassa vā pana yattha abyākatā dhammā na nirujjhissanti tassa tattha akusalā dhammā na nirujjhissantīti? Āmantā.

65. ya9.2.2:141.0.1

    9.2.2.4. Paccuppannātītavāra

66. ya9.2.2:141.0.2

    9.2.2.4.1. Anulomapuggala

67. ya9.2.2:141.1

    Yassa kusalā dhammā nirujjhanti tassa akusalā dhammā nirujjhitthāti? Āmantā.

68. ya9.2.2:142.1

    Yassa vā pana akusalā dhammā nirujjhittha tassa kusalā dhammā nirujjhantīti?

69. ya9.2.2:143.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ akusalā dhammā nirujjhittha, no ca tesaṁ kusalā dhammā nirujjhanti. Kusalānaṁ bhaṅgakkhaṇe tesaṁ akusalā ca dhammā nirujjhittha kusalā ca dhammā nirujjhanti.

70. ya9.2.2:144.1

    Yassa kusalā dhammā nirujjhanti tassa abyākatā dhammā nirujjhitthāti? Āmantā.

71. ya9.2.2:145.1

    Yassa vā pana abyākatā dhammā nirujjhittha tassa kusalā dhammā nirujjhantīti?

72. ya9.2.2:146.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ abyākatā dhammā nirujjhittha, no ca tesaṁ kusalā dhammā nirujjhanti. Kusalānaṁ bhaṅgakkhaṇe tesaṁ abyākatā ca dhammā nirujjhittha kusalā ca dhammā nirujjhanti.

73. ya9.2.2:147.1

    Yassa akusalā dhammā nirujjhanti tassa abyākatā dhammā nirujjhitthāti? Āmantā.

74. ya9.2.2:148.1

    Yassa vā pana abyākatā dhammā nirujjhittha tassa akusalā dhammā nirujjhantīti?

75. ya9.2.2:149.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ abyākatā dhammā nirujjhittha, no ca tesaṁ akusalā dhammā nirujjhanti. Akusalānaṁ bhaṅgakkhaṇe tesaṁ abyākatā ca dhammā nirujjhittha akusalā ca dhammā nirujjhanti.

76. ya9.2.2:150.0

    9.2.2.4.2. Anulomaokāsa

77. ya9.2.2:150.1

    Yattha kusalā dhammā nirujjhanti tattha akusalā dhammā nirujjhitthāti? …pe….

78. ya9.2.2:151.0

    9.2.2.4.3. Anulomapuggalokāsa

79. ya9.2.2:151.1

    Yassa yattha kusalā dhammā nirujjhanti tassa tattha akusalā dhammā nirujjhitthāti? Āmantā.

80. ya9.2.2:152.1

    Yassa vā pana yattha akusalā dhammā nirujjhittha tassa tattha kusalā dhammā nirujjhantīti?

81. ya9.2.2:153.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe tesaṁ tattha akusalā dhammā nirujjhittha, no ca tesaṁ tattha kusalā dhammā nirujjhanti. Kusalānaṁ bhaṅgakkhaṇe tesaṁ tattha akusalā ca dhammā nirujjhittha kusalā ca dhammā nirujjhanti.

82. ya9.2.2:154.1

    Yassa yattha kusalā dhammā nirujjhanti tassa tattha abyākatā dhammā nirujjhitthāti? Āmantā.

83. ya9.2.2:155.1

    Yassa vā pana yattha abyākatā dhammā nirujjhittha tassa tattha kusalā dhammā nirujjhantīti?

84. ya9.2.2:156.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe asaññasattānaṁ tesaṁ tattha abyākatā dhammā nirujjhittha, no ca tesaṁ tattha kusalā dhammā nirujjhanti. Kusalānaṁ bhaṅgakkhaṇe tesaṁ tattha abyākatā ca dhammā nirujjhittha kusalā ca dhammā nirujjhanti.

85. ya9.2.2:157.1

    Yassa yattha akusalā dhammā nirujjhanti tassa tattha abyākatā dhammā nirujjhitthāti? Āmantā.

86. ya9.2.2:158.1

    Yassa vā pana yattha abyākatā dhammā nirujjhittha tassa tattha akusalā dhammā nirujjhantīti?

87. ya9.2.2:159.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe asaññasattānaṁ tesaṁ tattha abyākatā dhammā nirujjhittha, no ca tesaṁ tattha akusalā dhammā nirujjhanti. Akusalānaṁ bhaṅgakkhaṇe tesaṁ tattha abyākatā ca dhammā nirujjhittha akusalā ca dhammā nirujjhanti.

88. ya9.2.2:160.0

    9.2.2.4.4. Paccanīkapuggala

89. ya9.2.2:160.1

    Yassa kusalā dhammā na nirujjhanti tassa akusalā dhammā na nirujjhitthāti? Nirujjhittha.

90. ya9.2.2:161.1

    Yassa vā pana akusalā dhammā na nirujjhittha tassa kusalā dhammā na nirujjhantīti? Natthi.

91. ya9.2.2:162.1

    Yassa kusalā dhammā na nirujjhanti tassa abyākatā dhammā na nirujjhitthāti? Nirujjhittha.

92. ya9.2.2:163.1

    Yassa vā pana abyākatā dhammā na nirujjhittha tassa kusalā dhammā na nirujjhantīti? Natthi.

93. ya9.2.2:164.1

    Yassa akusalā dhammā na nirujjhanti tassa abyākatā dhammā na nirujjhitthāti? Nirujjhittha.

94. ya9.2.2:165.1

    Yassa vā pana abyākatā dhammā na nirujjhittha tassa akusalā dhammā na nirujjhantīti? Natthi.

95. ya9.2.2:166.0

    9.2.2.4.5. Paccanīkaokāsa

96. ya9.2.2:166.1

    Yattha kusalā dhammā na nirujjhanti tattha akusalā dhammā na nirujjhitthāti? …pe….

97. ya9.2.2:167.0

    9.2.2.4.6. Paccanīkapuggalokāsa

98. ya9.2.2:167.1

    Yassa yattha kusalā dhammā na nirujjhanti tassa tattha akusalā dhammā na nirujjhitthāti?

99. ya9.2.2:168.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe tesaṁ tattha kusalā dhammā na nirujjhanti, no ca tesaṁ tattha akusalā dhammā na nirujjhittha. Suddhāvāsānaṁ dutiye citte vattamāne asaññasattānaṁ tesaṁ tattha kusalā ca dhammā na nirujjhanti akusalā ca dhammā na nirujjhittha.

100. ya9.2.2:169.1

     Yassa vā pana yattha akusalā dhammā na nirujjhittha tassa tattha kusalā dhammā na nirujjhantīti? Āmantā.

← Previous · Next → — showing 101–200 of 300

SuttaCentral (suttacentral.net), from the bilara-data and sc-data repositories. Licence: Public Domain. Source.