← Library

9 Dhammayamaka — 9.2 Pavattivāra — 9.2.2. Nirodhavāra

Early Buddhist texts (SuttaCentral): Abhidhamma · abhidhamma · 300 sections

1. ya9.2.2:170.1

   Yassa yattha kusalā dhammā na nirujjhanti tassa tattha abyākatā dhammā na nirujjhitthāti?

2. ya9.2.2:171.1

   Sabbesaṁ cittassa uppādakkhaṇe kusalavippayuttacittassa bhaṅgakkhaṇe asaññasattānaṁ tesaṁ tattha kusalā dhammā na nirujjhanti, no ca tesaṁ tattha abyākatā dhammā na nirujjhittha. Suddhāvāsaṁ upapajjantānaṁ tesaṁ tattha kusalā ca dhammā na nirujjhanti abyākatā ca dhammā na nirujjhittha.

3. ya9.2.2:172.1

   Yassa vā pana yattha abyākatā dhammā na nirujjhittha tassa tattha kusalā dhammā na nirujjhantīti? Āmantā.

4. ya9.2.2:173.1

   Yassa yattha akusalā dhammā na nirujjhanti tassa tattha abyākatā dhammā na nirujjhitthāti?

5. ya9.2.2:174.1

   Sabbesaṁ cittassa uppādakkhaṇe akusalavippayuttacittassa bhaṅgakkhaṇe asaññasattānaṁ tesaṁ tattha akusalā dhammā na nirujjhanti, no ca tesaṁ tattha abyākatā dhammā na nirujjhittha. Suddhāvāsaṁ upapajjantānaṁ tesaṁ tattha akusalā ca dhammā na nirujjhanti abyākatā ca dhammā na nirujjhittha.

6. ya9.2.2:175.1

   Yassa vā pana yattha abyākatā dhammā na nirujjhittha tassa tattha akusalā dhammā na nirujjhantīti? Āmantā.

7. ya9.2.2:176.0.1

   9.2.2.5. Paccuppannānāgatavāra

8. ya9.2.2:176.0.2

   9.2.2.5.1. Anulomapuggala

9. ya9.2.2:176.1

   Yassa kusalā dhammā nirujjhanti tassa akusalā dhammā nirujjhissantīti?

10. ya9.2.2:177.1

    Aggamaggassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ kusalā dhammā nirujjhanti, no ca tesaṁ akusalā dhammā nirujjhissanti. Itaresaṁ kusalānaṁ bhaṅgakkhaṇe tesaṁ kusalā ca dhammā nirujjhanti akusalā ca dhammā nirujjhissanti.

11. ya9.2.2:178.1

    Yassa vā pana akusalā dhammā nirujjhissanti tassa kusalā dhammā nirujjhantīti?

12. ya9.2.2:179.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ akusalā dhammā nirujjhissanti, no ca tesaṁ kusalā dhammā nirujjhanti. Kusalānaṁ bhaṅgakkhaṇe tesaṁ akusalā ca dhammā nirujjhissanti kusalā ca dhammā nirujjhanti.

13. ya9.2.2:180.1

    Yassa kusalā dhammā nirujjhanti tassa abyākatā dhammā nirujjhissantīti? Āmantā.

14. ya9.2.2:181.1

    Yassa vā pana abyākatā dhammā nirujjhissanti tassa kusalā dhammā nirujjhantīti?

15. ya9.2.2:182.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ abyākatā dhammā nirujjhissanti, no ca tesaṁ kusalā dhammā nirujjhanti. Kusalānaṁ bhaṅgakkhaṇe tesaṁ abyākatā ca dhammā nirujjhissanti kusalā ca dhammā nirujjhanti.

16. ya9.2.2:183.1

    Yassa akusalā dhammā nirujjhanti tassa abyākatā dhammā nirujjhissantīti? Āmantā.

17. ya9.2.2:184.1

    Yassa vā pana abyākatā dhammā nirujjhissanti tassa akusalā dhammā nirujjhantīti?

18. ya9.2.2:185.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ abyākatā dhammā nirujjhissanti, no ca tesaṁ akusalā dhammā nirujjhanti. Akusalānaṁ bhaṅgakkhaṇe tesaṁ abyākatā ca dhammā nirujjhissanti akusalā ca dhammā nirujjhanti.

19. ya9.2.2:186.0

    9.2.2.5.2. Anulomaokāsa

20. ya9.2.2:186.1

    Yattha kusalā dhammā nirujjhanti tattha akusalā dhammā nirujjhissantīti? …pe….

21. ya9.2.2:187.0

    9.2.2.5.3. Anulomapuggalokāsa

22. ya9.2.2:187.1

    Yassa yattha kusalā dhammā nirujjhanti tassa tattha akusalā dhammā nirujjhissantīti?

23. ya9.2.2:188.1

    Aggamaggassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ tattha kusalā dhammā nirujjhanti, no ca tesaṁ tattha akusalā dhammā nirujjhissanti. Itaresaṁ kusalānaṁ bhaṅgakkhaṇe tesaṁ tattha kusalā ca dhammā nirujjhanti akusalā ca dhammā nirujjhissanti.

24. ya9.2.2:189.1

    Yassa vā pana yattha akusalā dhammā nirujjhissanti tassa tattha kusalā dhammā nirujjhantīti?

25. ya9.2.2:190.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe tesaṁ tattha akusalā dhammā nirujjhissanti, no ca tesaṁ tattha kusalā dhammā nirujjhanti. Kusalānaṁ bhaṅgakkhaṇe tesaṁ tattha akusalā ca dhammā nirujjhissanti kusalā ca dhammā nirujjhanti.

26. ya9.2.2:191.1

    Yassa yattha kusalā dhammā nirujjhanti tassa tattha abyākatā dhammā nirujjhissantīti? Āmantā.

27. ya9.2.2:192.1

    Yassa vā pana yattha abyākatā dhammā nirujjhissanti tassa tattha kusalā dhammā nirujjhantīti?

28. ya9.2.2:193.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe asaññasattānaṁ tesaṁ tattha abyākatā dhammā nirujjhissanti, no ca tesaṁ tattha kusalā dhammā nirujjhanti. Kusalānaṁ bhaṅgakkhaṇe tesaṁ tattha abyākatā ca dhammā nirujjhissanti kusalā ca dhammā nirujjhanti.

29. ya9.2.2:194.1

    Yassa yattha akusalā dhammā nirujjhanti tassa tattha abyākatā dhammā nirujjhissantīti? Āmantā.

30. ya9.2.2:195.1

    Yassa vā pana yattha abyākatā dhammā nirujjhissanti tassa tattha akusalā dhammā nirujjhantīti?

31. ya9.2.2:196.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe asaññasattānaṁ tesaṁ tattha abyākatā dhammā nirujjhissanti, no ca tesaṁ tattha akusalā dhammā nirujjhanti. Akusalānaṁ bhaṅgakkhaṇe tesaṁ tattha abyākatā ca dhammā nirujjhissanti akusalā ca dhammā nirujjhanti.

32. ya9.2.2:197.0

    9.2.2.5.4. Paccanīkapuggala

33. ya9.2.2:197.1

    Yassa kusalā dhammā na nirujjhanti tassa akusalā dhammā na nirujjhissantīti?

34. ya9.2.2:198.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ kusalā dhammā na nirujjhanti, no ca tesaṁ akusalā dhammā na nirujjhissanti. Aggamaggassa uppādakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ kusalā ca dhammā na nirujjhanti akusalā ca dhammā na nirujjhissanti.

35. ya9.2.2:199.1

    Yassa vā pana akusalā dhammā na nirujjhissanti tassa kusalā dhammā na nirujjhantīti?

36. ya9.2.2:200.1

    Aggamaggassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ akusalā dhammā na nirujjhissanti, no ca tesaṁ kusalā dhammā na nirujjhanti. Aggamaggassa uppādakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ akusalā ca dhammā na nirujjhissanti kusalā ca dhammā na nirujjhanti.

37. ya9.2.2:201.1

    Yassa kusalā dhammā na nirujjhanti tassa abyākatā dhammā na nirujjhissantīti?

38. ya9.2.2:202.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ kusalā dhammā na nirujjhanti, no ca tesaṁ abyākatā dhammā na nirujjhissanti. Pacchimacittassa bhaṅgakkhaṇe tesaṁ kusalā ca dhammā na nirujjhanti abyākatā ca dhammā na nirujjhissanti.

39. ya9.2.2:203.1

    Yassa vā pana abyākatā dhammā na nirujjhissanti tassa kusalā dhammā na nirujjhantīti? Āmantā.

40. ya9.2.2:204.1

    Yassa akusalā dhammā na nirujjhanti tassa abyākatā dhammā na nirujjhissantīti?

41. ya9.2.2:205.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ akusalā dhammā na nirujjhanti, no ca tesaṁ abyākatā dhammā na nirujjhissanti. Pacchimacittassa bhaṅgakkhaṇe tesaṁ akusalā ca dhammā na nirujjhanti abyākatā ca dhammā na nirujjhissanti.

42. ya9.2.2:206.1

    Yassa vā pana abyākatā dhammā na nirujjhissanti tassa akusalā dhammā na nirujjhantīti? Āmantā.

43. ya9.2.2:207.0

    9.2.2.5.5. Paccanīkaokāsa

44. ya9.2.2:207.1

    Yattha kusalā dhammā na nirujjhanti tattha akusalā dhammā na nirujjhissantīti? …pe….

45. ya9.2.2:208.0

    9.2.2.5.6. Paccanīkapuggalokāsa

46. ya9.2.2:208.1

    Yassa yattha kusalā dhammā na nirujjhanti tassa tattha akusalā dhammā na nirujjhissantīti?

47. ya9.2.2:209.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe tesaṁ tattha kusalā dhammā na nirujjhanti, no ca tesaṁ tattha akusalā dhammā na nirujjhissanti. Aggamaggassa uppādakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattānaṁ tesaṁ tattha kusalā ca dhammā na nirujjhanti akusalā ca dhammā na nirujjhissanti.

48. ya9.2.2:210.1

    Yassa vā pana yattha akusalā dhammā na nirujjhissanti tassa tattha kusalā dhammā na nirujjhantīti?

49. ya9.2.2:211.1

    Aggamaggassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ tattha akusalā dhammā na nirujjhissanti, no ca tesaṁ tattha kusalā dhammā na nirujjhanti. Aggamaggassa uppādakkhaṇe arahantānaṁ yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattānaṁ tesaṁ tattha akusalā ca dhammā na nirujjhissanti kusalā ca dhammā na nirujjhanti.

50. ya9.2.2:212.1

    Yassa yattha kusalā dhammā na nirujjhanti tassa tattha abyākatā dhammā na nirujjhissantīti?

51. ya9.2.2:213.1

    Sabbesaṁ cittassa uppādakkhaṇe kusalavippayuttacittassa bhaṅgakkhaṇe asaññasattānaṁ tesaṁ tattha kusalā dhammā na nirujjhanti, no ca tesaṁ tattha abyākatā dhammā na nirujjhissanti. Pacchimacittassa bhaṅgakkhaṇe tesaṁ tattha kusalā ca dhammā na nirujjhanti abyākatā ca dhammā na nirujjhissanti.

52. ya9.2.2:214.1

    Yassa vā pana yattha abyākatā dhammā na nirujjhissanti tassa tattha kusalā dhammā na nirujjhantīti? Āmantā.

53. ya9.2.2:215.1

    Yassa yattha akusalā dhammā na nirujjhanti tassa tattha abyākatā dhammā na nirujjhissantīti?

54. ya9.2.2:216.1

    Sabbesaṁ cittassa uppādakkhaṇe akusalavippayuttacittassa bhaṅgakkhaṇe asaññasattānaṁ tesaṁ tattha akusalā dhammā na nirujjhanti, no ca tesaṁ tattha abyākatā dhammā na nirujjhissanti. Pacchimacittassa bhaṅgakkhaṇe tesaṁ tattha akusalā ca dhammā na nirujjhanti abyākatā ca dhammā na nirujjhissanti.

55. ya9.2.2:217.1

    Yassa vā pana yattha abyākatā dhammā na nirujjhissanti tassa tattha akusalā dhammā na nirujjhantīti? Āmantā.

56. ya9.2.2:218.0.1

    9.2.2.6. Atītānāgatavāra

57. ya9.2.2:218.0.2

    9.2.2.6.1. Anulomapuggala

58. ya9.2.2:218.1

    Yassa kusalā dhammā nirujjhittha tassa akusalā dhammā nirujjhissantīti?

59. ya9.2.2:219.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ kusalā dhammā nirujjhittha, no ca tesaṁ akusalā dhammā nirujjhissanti. Itaresaṁ tesaṁ kusalā ca dhammā nirujjhittha akusalā ca dhammā nirujjhissanti.

60. ya9.2.2:220.1

    Yassa vā pana akusalā dhammā nirujjhissanti tassa kusalā dhammā nirujjhitthāti? Āmantā.

61. ya9.2.2:221.1

    Yassa kusalā dhammā nirujjhittha tassa abyākatā dhammā nirujjhissantīti?

62. ya9.2.2:222.1

    Pacchimacittassa bhaṅgakkhaṇe tesaṁ kusalā dhammā nirujjhittha, no ca tesaṁ abyākatā dhammā nirujjhissanti. Itaresaṁ tesaṁ kusalā ca dhammā nirujjhittha abyākatā ca dhammā nirujjhissanti.

63. ya9.2.2:223.1

    Yassa vā pana abyākatā dhammā nirujjhissanti tassa kusalā dhammā nirujjhitthāti? Āmantā.

64. ya9.2.2:224.1

    Yassa akusalā dhammā nirujjhittha tassa abyākatā dhammā nirujjhissantīti?

65. ya9.2.2:225.1

    Pacchimacittassa bhaṅgakkhaṇe tesaṁ akusalā dhammā nirujjhittha, no ca tesaṁ abyākatā dhammā nirujjhissanti. Itaresaṁ tesaṁ akusalā ca dhammā nirujjhittha abyākatā ca dhammā nirujjhissanti.

66. ya9.2.2:226.1

    Yassa vā pana abyākatā dhammā nirujjhissanti tassa akusalā dhammā nirujjhitthāti? Āmantā.

67. ya9.2.2:227.0

    9.2.2.6.2. Anulomaokāsa

68. ya9.2.2:227.1

    Yattha kusalā dhammā nirujjhittha tattha akusalā dhammā nirujjhissantīti? …pe….

69. ya9.2.2:228.0

    9.2.2.6.3. Anulomapuggalokāsa

70. ya9.2.2:228.1

    Yassa yattha kusalā dhammā nirujjhittha tassa tattha akusalā dhammā nirujjhissantīti?

71. ya9.2.2:229.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ tattha kusalā dhammā nirujjhittha, no ca tesaṁ tattha akusalā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā nirujjhittha akusalā ca dhammā nirujjhissanti.

72. ya9.2.2:230.1

    Yassa vā pana yattha akusalā dhammā nirujjhissanti tassa tattha kusalā dhammā nirujjhitthāti?

73. ya9.2.2:231.1

    Suddhāvāsānaṁ dutiye citte vattamāne tesaṁ tattha akusalā dhammā nirujjhissanti, no ca tesaṁ tattha kusalā dhammā nirujjhittha. Itaresaṁ catuvokārānaṁ pañcavokārānaṁ tesaṁ tattha akusalā ca dhammā nirujjhissanti kusalā ca dhammā nirujjhittha.

74. ya9.2.2:232.1

    Yassa yattha kusalā dhammā nirujjhittha tassa tattha abyākatā dhammā nirujjhissantīti?

75. ya9.2.2:233.1

    Pacchimacittassa bhaṅgakkhaṇe tesaṁ tattha kusalā dhammā nirujjhittha, no ca tesaṁ tattha abyākatā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha kusalā ca dhammā nirujjhittha abyākatā ca dhammā nirujjhissanti.

76. ya9.2.2:234.1

    Yassa vā pana yattha abyākatā dhammā nirujjhissanti tassa tattha kusalā dhammā nirujjhitthāti?

77. ya9.2.2:235.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā nirujjhissanti, no ca tesaṁ tattha kusalā dhammā nirujjhittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhissanti kusalā ca dhammā nirujjhittha.

78. ya9.2.2:236.1

    Yassa yattha akusalā dhammā nirujjhittha tassa tattha abyākatā dhammā nirujjhissantīti?

79. ya9.2.2:237.1

    Pacchimacittassa bhaṅgakkhaṇe tesaṁ tattha akusalā dhammā nirujjhittha, no ca tesaṁ tattha abyākatā dhammā nirujjhissanti. Itaresaṁ catuvokārānaṁ pañcavokārānaṁ tesaṁ tattha akusalā ca dhammā nirujjhittha abyākatā ca dhammā nirujjhissanti.

80. ya9.2.2:238.1

    Yassa vā pana yattha abyākatā dhammā nirujjhissanti tassa tattha akusalā dhammā nirujjhitthāti?

81. ya9.2.2:239.1

    Suddhāvāsānaṁ dutiye citte vattamāne asaññasattānaṁ tesaṁ tattha abyākatā dhammā nirujjhissanti, no ca tesaṁ tattha akusalā dhammā nirujjhittha. Itaresaṁ catuvokārānaṁ pañcavokārānaṁ tesaṁ tattha abyākatā ca dhammā nirujjhissanti akusalā ca dhammā nirujjhittha.

82. ya9.2.2:240.0

    9.2.2.6.4. Paccanīkapuggala

83. ya9.2.2:240.1

    Yassa kusalā dhammā na nirujjhittha tassa akusalā dhammā na nirujjhissantīti? Natthi.

84. ya9.2.2:241.1

    Yassa vā pana akusalā dhammā na nirujjhissanti tassa kusalā dhammā na nirujjhitthāti? Nirujjhittha.

85. ya9.2.2:242.1

    Yassa kusalā dhammā na nirujjhittha tassa abyākatā dhammā na nirujjhissantīti? Natthi.

86. ya9.2.2:243.1

    Yassa vā pana abyākatā dhammā na nirujjhissanti tassa kusalā dhammā na nirujjhitthāti? Nirujjhittha.

87. ya9.2.2:244.1

    Yassa akusalā dhammā na nirujjhittha tassa abyākatā dhammā na nirujjhissantīti? Natthi.

88. ya9.2.2:245.1

    Yassa vā pana abyākatā dhammā na nirujjhissanti tassa akusalā dhammā na nirujjhitthāti? Nirujjhittha.

89. ya9.2.2:246.0

    9.2.2.6.5. Paccanīkaokāsa

90. ya9.2.2:246.1

    Yattha kusalā dhammā na nirujjhittha tattha akusalā dhammā na nirujjhissantīti? …pe….

91. ya9.2.2:247.0

    9.2.2.6.6. Paccanīkapuggalokāsa

92. ya9.2.2:247.1

    Yassa yattha kusalā dhammā na nirujjhittha tassa tattha akusalā dhammā na nirujjhissantīti?

93. ya9.2.2:248.1

    Suddhāvāsānaṁ dutiye citte vattamāne tesaṁ tattha kusalā dhammā na nirujjhittha, no ca tesaṁ tattha akusalā dhammā na nirujjhissanti. Asaññasattānaṁ tesaṁ tattha kusalā ca dhammā na nirujjhittha akusalā ca dhammā na nirujjhissanti.

94. ya9.2.2:249.1

    Yassa vā pana yattha akusalā dhammā na nirujjhissanti tassa tattha kusalā dhammā na nirujjhitthāti?

95. ya9.2.2:250.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ tattha akusalā dhammā na nirujjhissanti, no ca tesaṁ tattha kusalā dhammā na nirujjhittha. Asaññasattānaṁ tesaṁ tattha akusalā ca dhammā na nirujjhissanti kusalā ca dhammā na nirujjhittha.

96. ya9.2.2:251.1

    Yassa yattha kusalā dhammā na nirujjhittha tassa tattha abyākatā dhammā na nirujjhissantīti? Nirujjhissanti.

97. ya9.2.2:252.1

    Yassa vā pana yattha abyākatā dhammā na nirujjhissanti tassa tattha kusalā dhammā na nirujjhitthāti? Nirujjhittha.

98. ya9.2.2:253.1

    Yassa yattha akusalā dhammā na nirujjhittha tassa tattha abyākatā dhammā na nirujjhissantīti? Nirujjhissanti.

99. ya9.2.2:254.1

    Yassa vā pana yattha abyākatā dhammā na nirujjhissanti tassa tattha akusalā dhammā na nirujjhitthāti? Nirujjhittha.

100. ya9.2.2:255.1

     Nirodhavāro.

← Previous — showing 201–300 of 300

SuttaCentral (suttacentral.net), from the bilara-data and sc-data repositories. Licence: Public Domain. Source.