← Library

8 Cittayamaka — 8.2 Niddesa — 8.2.1. Suddhacittasāmañña

Early Buddhist texts (SuttaCentral): Abhidhamma · abhidhamma · 335 sections

1. ya8.2.1:87.1

   Yassa vā pana cittaṁ uppajjittha tassa cittaṁ uppannanti?

2. ya8.2.1:88.1

   Nirodhasamāpannānaṁ asaññasattānaṁ tesaṁ cittaṁ uppajjittha, no ca tesaṁ cittaṁ uppannaṁ. Cittasamaṅgīnaṁ tesaṁ cittaṁ uppajjittha ceva uppannañca.

3. ya8.2.1:89.1

   Yassa cittaṁ na uppannaṁ tassa cittaṁ na uppajjitthāti? Uppajjittha.

4. ya8.2.1:90.1

   Yassa vā pana cittaṁ na uppajjittha tassa cittaṁ na uppannanti? Natthi.

5. ya8.2.1:91.1

   Yassa cittaṁ uppannaṁ tassa cittaṁ uppajjissatīti?

6. ya8.2.1:92.1

   Pacchimacittasamaṅgīnaṁ tesaṁ cittaṁ uppannaṁ, no ca tesaṁ cittaṁ uppajjissati. Itaresaṁ cittasamaṅgīnaṁ tesaṁ cittaṁ uppannañceva uppajjissati ca.

7. ya8.2.1:93.1

   Yassa vā pana cittaṁ uppajjissati tassa cittaṁ uppannanti?

8. ya8.2.1:94.1

   Nirodhasamāpannānaṁ asaññasattānaṁ tesaṁ cittaṁ uppajjissati, no ca tesaṁ cittaṁ uppannaṁ. Cittasamaṅgīnaṁ tesaṁ cittaṁ uppajjissati ceva uppannañca.

9. ya8.2.1:95.1

   Yassa cittaṁ na uppannaṁ tassa cittaṁ na uppajjissatīti? Uppajjissati.

10. ya8.2.1:96.1

    Yassa vā pana cittaṁ na uppajjissati tassa cittaṁ na uppannanti? Uppannaṁ.

11. ya8.2.1:97.0

    8.2.1.1.11. Atītānāgatavāra

12. ya8.2.1:97.1

    Yassa cittaṁ uppajjittha no ca tassa cittaṁ uppannaṁ, tassa cittaṁ uppajjissatīti? Āmantā.

13. ya8.2.1:98.1

    Yassa vā pana cittaṁ uppajjissati no ca tassa cittaṁ uppannaṁ, tassa cittaṁ uppajjitthāti? Āmantā.

14. ya8.2.1:99.1

    Yassa cittaṁ na uppajjittha no ca tassa cittaṁ na uppannaṁ, tassa cittaṁ na uppajjissatīti? Natthi.

15. ya8.2.1:100.1

    Yassa vā pana cittaṁ na uppajjissati no ca tassa cittaṁ na uppannaṁ, tassa cittaṁ na uppajjitthāti? Uppajjittha.

16. ya8.2.1:101.0

    8.2.1.1.12. Uppannuppajjamānavāra

17. ya8.2.1:101.1

    Uppannaṁ uppajjamānanti?

18. ya8.2.1:102.1

    Bhaṅgakkhaṇe uppannaṁ, no ca uppajjamānaṁ. Uppādakkhaṇe uppannañceva uppajjamānañca.

19. ya8.2.1:103.1

    Uppajjamānaṁ uppannanti? Āmantā.

20. ya8.2.1:104.1

    Na uppannaṁ na uppajjamānanti? Āmantā.

21. ya8.2.1:105.1

    Na uppajjamānaṁ na uppannanti?

22. ya8.2.1:106.1

    Bhaṅgakkhaṇe na uppajjamānaṁ, no ca na uppannaṁ. Atītānāgataṁ cittaṁ na ceva uppajjamānaṁ na ca uppannaṁ.

23. ya8.2.1:107.0

    8.2.1.1.13. Niruddhanirujjhamānavāra

24. ya8.2.1:107.1

    Niruddhaṁ nirujjhamānanti? No.

25. ya8.2.1:108.1

    Nirujjhamānaṁ niruddhanti? No.

26. ya8.2.1:109.1

    Na niruddhaṁ na nirujjhamānanti?

27. ya8.2.1:110.1

    Bhaṅgakkhaṇe na niruddhaṁ, no ca na nirujjhamānaṁ. Uppādakkhaṇe anāgatañca cittaṁ na ceva niruddhaṁ na ca nirujjhamānaṁ.

28. ya8.2.1:111.1

    Na nirujjhamānaṁ na niruddhanti?

29. ya8.2.1:112.1

    Atītaṁ cittaṁ na nirujjhamānaṁ, no ca na niruddhaṁ. Uppādakkhaṇe anāgatañca cittaṁ na ceva nirujjhamānaṁ na ca niruddhaṁ.

30. ya8.2.1:113.0

    8.2.1.1.14. Atikkantakālavāra

31. ya8.2.1:113.1

    Yassa cittaṁ uppajjamānaṁ khaṇaṁ khaṇaṁ vītikkantaṁ atikkantakālaṁ, nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

32. ya8.2.1:114.1

    Bhaṅgakkhaṇe cittaṁ uppādakkhaṇaṁ vītikkantaṁ bhaṅgakkhaṇaṁ avītikkantaṁ, atītaṁ cittaṁ uppādakkhaṇañca vītikkantaṁ bhaṅgakkhaṇañca vītikkantaṁ.

33. ya8.2.1:115.1

    Yassa vā pana cittaṁ nirujjhamānaṁ khaṇaṁ khaṇaṁ vītikkantaṁ atikkantakālaṁ, uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

34. ya8.2.1:116.1

    Atītaṁ cittaṁ.

35. ya8.2.1:117.1

    Yassa cittaṁ na uppajjamānaṁ khaṇaṁ khaṇaṁ vītikkantaṁ atikkantakālaṁ, na nirujjhamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

36. ya8.2.1:118.1

    Uppādakkhaṇe anāgataṁ cittaṁ.

37. ya8.2.1:119.1

    Yassa vā pana cittaṁ na nirujjhamānaṁ khaṇaṁ khaṇaṁ vītikkantaṁ atikkantakālaṁ, na uppajjamānaṁ khaṇaṁ khaṇaṁ vītikkantaṁ atikkantakālaṁ tassa cittanti?

38. ya8.2.1:120.1

    Bhaṅgakkhaṇe cittaṁ bhaṅgakkhaṇaṁ avītikkantaṁ no ca uppādakkhaṇaṁ avītikkantaṁ, uppādakkhaṇe anāgatañca cittaṁ bhaṅgakkhaṇañca avītikkantaṁ uppādakkhaṇañca avītikkantaṁ.

39. ya8.2.1:121.0.1

    8.2.1.2. Dhammavāra

40. ya8.2.1:121.0.2

    8.2.1.2.1. Uppādanirodhakālasambhedavāra

41. ya8.2.1:121.1

    Yaṁ cittaṁ uppajjati na nirujjhati taṁ cittaṁ nirujjhissati na uppajjissatīti? Āmantā.

42. ya8.2.1:122.1

    Yaṁ vā pana cittaṁ nirujjhissati na uppajjissati taṁ cittaṁ uppajjati na nirujjhatīti? Āmantā.

43. ya8.2.1:123.1

    Yaṁ cittaṁ na uppajjati nirujjhati taṁ cittaṁ na nirujjhissati uppajjissatīti? No.

44. ya8.2.1:124.1

    Yaṁ vā pana cittaṁ na nirujjhissati uppajjissati taṁ cittaṁ na uppajjati nirujjhatīti? Natthi.

45. ya8.2.1:125.0

    8.2.1.2.2. Uppāduppannavāra

46. ya8.2.1:125.1

    Yaṁ cittaṁ uppajjati taṁ cittaṁ uppannanti? Āmantā.

47. ya8.2.1:126.1

    Yaṁ vā pana cittaṁ uppannaṁ taṁ cittaṁ uppajjatīti?

48. ya8.2.1:127.1

    Bhaṅgakkhaṇe cittaṁ uppannaṁ, no ca taṁ cittaṁ uppajjati. Uppādakkhaṇe cittaṁ uppannañceva uppajjati ca.

49. ya8.2.1:128.1

    Yaṁ cittaṁ na uppajjati taṁ cittaṁ na uppannanti?

50. ya8.2.1:129.1

    Bhaṅgakkhaṇe cittaṁ na uppajjati, no ca taṁ cittaṁ na uppannaṁ. Atītānāgataṁ cittaṁ na ceva uppajjati na ca uppannaṁ.

51. ya8.2.1:130.1

    Yaṁ vā pana cittaṁ na uppannaṁ taṁ cittaṁ na uppajjatīti? Āmantā.

52. ya8.2.1:131.0

    8.2.1.2.3. Nirodhuppannavāra

53. ya8.2.1:131.1

    Yaṁ cittaṁ nirujjhati taṁ cittaṁ uppannanti? Āmantā.

54. ya8.2.1:132.1

    Yaṁ vā pana cittaṁ uppannaṁ taṁ cittaṁ nirujjhatīti?

55. ya8.2.1:133.1

    Uppādakkhaṇe cittaṁ uppannaṁ, no ca taṁ cittaṁ nirujjhati. Bhaṅgakkhaṇe cittaṁ uppannañceva nirujjhati ca.

56. ya8.2.1:134.1

    Yaṁ cittaṁ na nirujjhati taṁ cittaṁ na uppannanti?

57. ya8.2.1:135.1

    Uppādakkhaṇe cittaṁ na nirujjhati, no ca taṁ cittaṁ na uppannaṁ. Atītānāgataṁ cittaṁ na ceva nirujjhati na ca uppannaṁ.

58. ya8.2.1:136.1

    Yaṁ vā pana cittaṁ na uppannaṁ taṁ cittaṁ na nirujjhatīti? Āmantā.

59. ya8.2.1:137.0

    8.2.1.2.4. Uppādavāra

60. ya8.2.1:137.1

    Yaṁ cittaṁ uppajjati taṁ cittaṁ uppajjitthāti? No.

61. ya8.2.1:138.1

    Yaṁ vā pana cittaṁ uppajjittha taṁ cittaṁ uppajjatīti? No.

62. ya8.2.1:139.1

    Yaṁ cittaṁ na uppajjati taṁ cittaṁ na uppajjitthāti?

63. ya8.2.1:140.1

    Atītaṁ cittaṁ na uppajjati, no ca taṁ cittaṁ na uppajjittha. Bhaṅgakkhaṇe anāgatañca cittaṁ na ceva uppajjati na ca uppajjittha.

64. ya8.2.1:141.1

    Yaṁ vā pana cittaṁ na uppajjittha taṁ cittaṁ na uppajjatīti?

65. ya8.2.1:142.1

    Uppādakkhaṇe cittaṁ na uppajjittha, no ca taṁ cittaṁ na uppajjati. Bhaṅgakkhaṇe anāgatañca cittaṁ na ceva uppajjittha na ca uppajjati.

66. ya8.2.1:143.1

    Yaṁ cittaṁ uppajjati taṁ cittaṁ uppajjissatīti? No.

67. ya8.2.1:144.1

    Yaṁ vā pana cittaṁ uppajjissati taṁ cittaṁ uppajjatīti? No.

68. ya8.2.1:145.1

    Yaṁ cittaṁ na uppajjati taṁ cittaṁ na uppajjissatīti?

69. ya8.2.1:146.1

    Anāgataṁ cittaṁ na uppajjati, no ca taṁ cittaṁ na uppajjissati. Bhaṅgakkhaṇe atītañca cittaṁ na ceva uppajjati na ca uppajjissati.

70. ya8.2.1:147.1

    Yaṁ vā pana cittaṁ na uppajjissati taṁ cittaṁ na uppajjatīti?

71. ya8.2.1:148.1

    Uppādakkhaṇe cittaṁ na uppajjissati, no ca taṁ cittaṁ na uppajjati. Bhaṅgakkhaṇe atītañca cittaṁ na ceva uppajjissati na ca uppajjati.

72. ya8.2.1:149.1

    Yaṁ cittaṁ uppajjittha taṁ cittaṁ uppajjissatīti? No.

73. ya8.2.1:150.1

    Yaṁ vā pana cittaṁ uppajjissati taṁ cittaṁ uppajjitthāti? No.

74. ya8.2.1:151.1

    Yaṁ cittaṁ na uppajjittha taṁ cittaṁ na uppajjissatīti?

75. ya8.2.1:152.1

    Anāgataṁ cittaṁ na uppajjittha, no ca taṁ cittaṁ na uppajjissati. Paccuppannaṁ cittaṁ na ceva uppajjittha na ca uppajjissati.

76. ya8.2.1:153.1

    Yaṁ vā pana cittaṁ na uppajjissati taṁ cittaṁ na uppajjitthāti?

77. ya8.2.1:154.1

    Atītaṁ cittaṁ na uppajjissati, no ca taṁ cittaṁ na uppajjittha. Paccuppannaṁ cittaṁ na ceva uppajjissati na ca uppajjittha.

78. ya8.2.1:155.0

    8.2.1.2.5. Nirodhavāra

79. ya8.2.1:155.1

    Yaṁ cittaṁ nirujjhati taṁ cittaṁ nirujjhitthāti? No.

80. ya8.2.1:156.1

    Yaṁ vā pana cittaṁ nirujjhittha taṁ cittaṁ nirujjhatīti? No.

81. ya8.2.1:157.1

    Yaṁ cittaṁ na nirujjhati taṁ cittaṁ na nirujjhitthāti?

82. ya8.2.1:158.1

    Atītaṁ cittaṁ na nirujjhati, no ca taṁ cittaṁ na nirujjhittha. Uppādakkhaṇe anāgatañca cittaṁ na ceva nirujjhati na ca nirujjhittha.

83. ya8.2.1:159.1

    Yaṁ vā pana cittaṁ na nirujjhittha taṁ cittaṁ na nirujjhatīti?

84. ya8.2.1:160.1

    Bhaṅgakkhaṇe cittaṁ na nirujjhittha, no ca taṁ cittaṁ na nirujjhati. Uppādakkhaṇe anāgatañca cittaṁ na ceva nirujjhittha na ca nirujjhati.

85. ya8.2.1:161.1

    Yaṁ cittaṁ nirujjhati taṁ cittaṁ nirujjhissatīti? No.

86. ya8.2.1:162.1

    Yaṁ vā pana cittaṁ nirujjhissati taṁ cittaṁ nirujjhatīti? No.

87. ya8.2.1:163.1

    Yaṁ cittaṁ na nirujjhati taṁ cittaṁ na nirujjhissatīti?

88. ya8.2.1:164.1

    Uppādakkhaṇe anāgatañca cittaṁ na nirujjhati, no ca taṁ cittaṁ na nirujjhissati. Atītaṁ cittaṁ na ceva nirujjhati na ca nirujjhissati.

89. ya8.2.1:165.1

    Yaṁ vā pana cittaṁ na nirujjhissati taṁ cittaṁ na nirujjhatīti?

90. ya8.2.1:166.1

    Bhaṅgakkhaṇe cittaṁ na nirujjhissati, no ca taṁ cittaṁ na nirujjhati. Atītaṁ cittaṁ na ceva nirujjhissati na ca nirujjhati.

91. ya8.2.1:167.1

    Yaṁ cittaṁ nirujjhittha taṁ cittaṁ nirujjhissatīti? No.

92. ya8.2.1:168.1

    Yaṁ vā pana cittaṁ nirujjhissati taṁ cittaṁ nirujjhitthāti? No.

93. ya8.2.1:169.1

    Yaṁ cittaṁ na nirujjhittha taṁ cittaṁ na nirujjhissatīti?

94. ya8.2.1:170.1

    Uppādakkhaṇe anāgatañca cittaṁ na nirujjhittha, no ca taṁ cittaṁ na nirujjhissati. Bhaṅgakkhaṇe cittaṁ na ceva nirujjhittha na ca nirujjhissati.

95. ya8.2.1:171.1

    Yaṁ vā pana cittaṁ na nirujjhissati taṁ cittaṁ na nirujjhitthāti?

96. ya8.2.1:172.1

    Atītaṁ cittaṁ na nirujjhissati, no ca taṁ cittaṁ na nirujjhittha. Bhaṅgakkhaṇe cittaṁ na ceva nirujjhissati na ca nirujjhittha.

97. ya8.2.1:173.0

    8.2.1.2.6. Uppādanirodhavāra

98. ya8.2.1:173.1

    Yaṁ cittaṁ uppajjati taṁ cittaṁ nirujjhitthāti? No.

99. ya8.2.1:174.1

    Yaṁ vā pana cittaṁ nirujjhittha taṁ cittaṁ uppajjatīti? No.

100. ya8.2.1:175.1

     Yaṁ cittaṁ na uppajjati taṁ cittaṁ na nirujjhitthāti?

← Previous · Next → — showing 101–200 of 335

SuttaCentral (suttacentral.net), from the bilara-data and sc-data repositories. Licence: Public Domain. Source.