← Library

8 Cittayamaka — 8.2 Niddesa — 8.2.1. Suddhacittasāmañña

Early Buddhist texts (SuttaCentral): Abhidhamma · abhidhamma · 335 sections

1. ya8.2.1:0.1

   8 Cittayamaka

2. ya8.2.1:0.2

   8.2 Niddesa

3. ya8.2.1:0.3

   8.2.1. Suddhacittasāmañña

4. ya8.2.1:1.0.1

   8.2.1.1. Puggalavāra

5. ya8.2.1:1.0.2

   8.2.1.1.1. Uppādanirodhakālasambhedavāra

6. ya8.2.1:1.1

   Yassa cittaṁ uppajjati na nirujjhati tassa cittaṁ nirujjhissati na uppajjissatīti?

7. ya8.2.1:2.1

   Pacchimacittassa uppādakkhaṇe tesaṁ cittaṁ uppajjati na nirujjhati, nirujjhissati na uppajjissati. Itaresaṁ cittassa uppādakkhaṇe tesaṁ cittaṁ uppajjati na nirujjhati, nirujjhissati ceva uppajjissati ca.

8. ya8.2.1:3.1

   Yassa vā pana cittaṁ nirujjhissati na uppajjissati tassa cittaṁ uppajjati na nirujjhatīti? Āmantā.

9. ya8.2.1:4.1

   Yassa cittaṁ na uppajjati nirujjhati tassa cittaṁ na nirujjhissati uppajjissatīti? No.

10. ya8.2.1:5.1

    Yassa vā pana cittaṁ na nirujjhissati uppajjissati tassa cittaṁ na uppajjati nirujjhatīti? Natthi.

11. ya8.2.1:6.0

    8.2.1.1.2. Uppāduppannavāra

12. ya8.2.1:6.1

    Yassa cittaṁ uppajjati tassa cittaṁ uppannanti? Āmantā.

13. ya8.2.1:7.1

    Yassa vā pana cittaṁ uppannaṁ tassa cittaṁ uppajjatīti?

14. ya8.2.1:8.1

    Cittassa bhaṅgakkhaṇe tesaṁ cittaṁ uppannaṁ, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppannañceva uppajjati ca.

15. ya8.2.1:9.1

    Yassa cittaṁ na uppajjati tassa cittaṁ na uppannanti?

16. ya8.2.1:10.1

    Cittassa bhaṅgakkhaṇe tesaṁ cittaṁ na uppajjati, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva uppajjati na ca uppannaṁ.

17. ya8.2.1:11.1

    Yassa vā pana cittaṁ na uppannaṁ tassa cittaṁ na uppajjatīti? Āmantā.

18. ya8.2.1:12.0

    8.2.1.1.3. Nirodhuppannavāra

19. ya8.2.1:12.1

    Yassa cittaṁ nirujjhati tassa cittaṁ uppannanti? Āmantā.

20. ya8.2.1:13.1

    Yassa vā pana cittaṁ uppannaṁ tassa cittaṁ nirujjhatīti?

21. ya8.2.1:14.1

    Cittassa uppādakkhaṇe tesaṁ cittaṁ uppannaṁ, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ uppannañceva nirujjhati ca.

22. ya8.2.1:15.1

    Yassa cittaṁ na nirujjhati tassa cittaṁ na uppannanti?

23. ya8.2.1:16.1

    Cittassa uppādakkhaṇe tesaṁ cittaṁ na nirujjhati, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva nirujjhati na ca uppannaṁ.

24. ya8.2.1:17.1

    Yassa vā pana cittaṁ na uppannaṁ tassa cittaṁ na nirujjhatīti? Āmantā.

25. ya8.2.1:18.0

    8.2.1.1.4. Uppādavāra

26. ya8.2.1:18.1

    Yassa cittaṁ uppajjati tassa cittaṁ uppajjitthāti? Āmantā.

27. ya8.2.1:19.1

    Yassa vā pana cittaṁ uppajjittha tassa cittaṁ uppajjatīti?

28. ya8.2.1:20.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ uppajjittha, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppajjittha ceva uppajjati ca.

29. ya8.2.1:21.1

    Yassa cittaṁ na uppajjati tassa cittaṁ na uppajjitthāti? Uppajjittha.

30. ya8.2.1:22.1

    Yassa vā pana cittaṁ na uppajjittha tassa cittaṁ na uppajjatīti? Natthi.

31. ya8.2.1:23.1

    Yassa cittaṁ uppajjati tassa cittaṁ uppajjissatīti?

32. ya8.2.1:24.1

    Pacchimacittassa uppādakkhaṇe tesaṁ cittaṁ uppajjati, no ca tesaṁ cittaṁ uppajjissati. Itaresaṁ cittassa uppādakkhaṇe tesaṁ cittaṁ uppajjati ceva uppajjissati ca.

33. ya8.2.1:25.1

    Yassa vā pana cittaṁ uppajjissati tassa cittaṁ uppajjatīti?

34. ya8.2.1:26.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ uppajjissati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ uppajjissati ceva uppajjati ca.

35. ya8.2.1:27.1

    Yassa cittaṁ na uppajjati tassa cittaṁ na uppajjissatīti?

36. ya8.2.1:28.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ na uppajjissati. Pacchimacittassa bhaṅgakkhaṇe tesaṁ cittaṁ na ceva uppajjati na ca uppajjissati.

37. ya8.2.1:29.1

    Yassa vā pana cittaṁ na uppajjissati tassa cittaṁ na uppajjatīti?

38. ya8.2.1:30.1

    Pacchimacittassa uppādakkhaṇe tesaṁ cittaṁ na uppajjissati, no ca tesaṁ cittaṁ na uppajjati. Pacchimacittassa bhaṅgakkhaṇe tesaṁ cittaṁ na ceva uppajjissati na ca uppajjati.

39. ya8.2.1:31.1

    Yassa cittaṁ uppajjittha tassa cittaṁ uppajjissatīti?

40. ya8.2.1:32.1

    Pacchimacittasamaṅgīnaṁ tesaṁ cittaṁ uppajjittha, no ca tesaṁ cittaṁ uppajjissati. Itaresaṁ tesaṁ cittaṁ uppajjittha ceva uppajjissati ca.

41. ya8.2.1:33.1

    Yassa vā pana cittaṁ uppajjissati tassa cittaṁ uppajjitthāti? Āmantā.

42. ya8.2.1:34.1

    Yassa cittaṁ na uppajjittha tassa cittaṁ na uppajjissatīti? Natthi.

43. ya8.2.1:35.1

    Yassa vā pana cittaṁ na uppajjissati tassa cittaṁ na uppajjitthāti? Uppajjittha.

44. ya8.2.1:36.0

    8.2.1.1.5. Nirodhavāra

45. ya8.2.1:36.1

    Yassa cittaṁ nirujjhati tassa cittaṁ nirujjhitthāti? Āmantā.

46. ya8.2.1:37.1

    Yassa vā pana cittaṁ nirujjhittha tassa cittaṁ nirujjhatīti?

47. ya8.2.1:38.1

    Cittassa uppādakkhaṇe nirodhasamāpannānaṁ asaññasattānaṁ tesaṁ cittaṁ nirujjhittha, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ nirujjhittha ceva nirujjhati ca.

48. ya8.2.1:39.1

    Yassa cittaṁ na nirujjhati tassa cittaṁ na nirujjhitthāti? Nirujjhittha.

49. ya8.2.1:40.1

    Yassa vā pana cittaṁ na nirujjhittha tassa cittaṁ na nirujjhatīti? Natthi.

50. ya8.2.1:41.1

    Yassa cittaṁ nirujjhati tassa cittaṁ nirujjhissatīti?

51. ya8.2.1:42.1

    Pacchimacittassa bhaṅgakkhaṇe tesaṁ cittaṁ nirujjhati, no ca tesaṁ cittaṁ nirujjhissati. Itaresaṁ cittassa bhaṅgakkhaṇe tesaṁ cittaṁ nirujjhati ceva nirujjhissati ca.

52. ya8.2.1:43.1

    Yassa vā pana cittaṁ nirujjhissati tassa cittaṁ nirujjhatīti?

53. ya8.2.1:44.1

    Cittassa uppādakkhaṇe nirodhasamāpannānaṁ asaññasattānaṁ tesaṁ cittaṁ nirujjhissati, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ nirujjhissati ceva nirujjhati ca.

54. ya8.2.1:45.1

    Yassa cittaṁ na nirujjhati tassa cittaṁ na nirujjhissatīti? Nirujjhissati.

55. ya8.2.1:46.1

    Yassa vā pana cittaṁ na nirujjhissati tassa cittaṁ na nirujjhatīti? Nirujjhati.

56. ya8.2.1:47.1

    Yassa cittaṁ nirujjhittha tassa cittaṁ nirujjhissatīti?

57. ya8.2.1:48.1

    Pacchimacittassa bhaṅgakkhaṇe tesaṁ cittaṁ nirujjhittha, no ca tesaṁ cittaṁ nirujjhissati. Itaresaṁ tesaṁ cittaṁ nirujjhittha ceva nirujjhissati ca.

58. ya8.2.1:49.1

    Yassa vā pana cittaṁ nirujjhissati tassa cittaṁ nirujjhitthāti? Āmantā.

59. ya8.2.1:50.1

    Yassa cittaṁ na nirujjhittha tassa cittaṁ na nirujjhissatīti? Natthi.

60. ya8.2.1:51.1

    Yassa vā pana cittaṁ na nirujjhissati tassa cittaṁ na nirujjhitthāti? Nirujjhittha.

61. ya8.2.1:52.0

    8.2.1.1.6. Uppādanirodhavāra

62. ya8.2.1:52.1

    Yassa cittaṁ uppajjati tassa cittaṁ nirujjhitthāti? Āmantā.

63. ya8.2.1:53.1

    Yassa vā pana cittaṁ nirujjhittha tassa cittaṁ uppajjatīti?

64. ya8.2.1:54.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ nirujjhittha, no ca tesaṁ cittaṁ uppajjati. Cittassa uppādakkhaṇe tesaṁ cittaṁ nirujjhittha ceva uppajjati ca.

65. ya8.2.1:55.1

    Yassa cittaṁ na uppajjati tassa cittaṁ na nirujjhitthāti? Nirujjhittha.

66. ya8.2.1:56.1

    Yassa vā pana cittaṁ na nirujjhittha tassa cittaṁ na uppajjatīti? Natthi.

67. ya8.2.1:57.1

    Yassa cittaṁ uppajjati tassa cittaṁ nirujjhissatīti? Āmantā.

68. ya8.2.1:58.1

    Yassa vā pana cittaṁ nirujjhissati tassa cittaṁ uppajjatīti?

69. ya8.2.1:59.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ nirujjhissati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ nirujjhissati ceva uppajjati ca.

70. ya8.2.1:60.1

    Yassa cittaṁ na uppajjati tassa cittaṁ na nirujjhissatīti?

71. ya8.2.1:61.1

    Cittassa bhaṅgakkhaṇe nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ na nirujjhissati. Pacchimacittassa bhaṅgakkhaṇe tesaṁ cittaṁ na ceva uppajjati na ca nirujjhissati.

72. ya8.2.1:62.1

    Yassa vā pana cittaṁ na nirujjhissati tassa cittaṁ na uppajjatīti? Āmantā.

73. ya8.2.1:63.1

    Yassa cittaṁ uppajjittha tassa cittaṁ nirujjhissatīti?

74. ya8.2.1:64.1

    Pacchimacittassa bhaṅgakkhaṇe tesaṁ cittaṁ uppajjittha, no ca tesaṁ cittaṁ nirujjhissati. Itaresaṁ tesaṁ cittaṁ uppajjittha ceva nirujjhissati ca.

75. ya8.2.1:65.1

    Yassa vā pana cittaṁ nirujjhissati tassa cittaṁ uppajjitthāti? Āmantā.

76. ya8.2.1:66.1

    Yassa cittaṁ na uppajjittha tassa cittaṁ na nirujjhissatīti? Natthi.

77. ya8.2.1:67.1

    Yassa vā pana cittaṁ na nirujjhissati tassa cittaṁ na uppajjitthāti? Uppajjittha.

78. ya8.2.1:68.0

    8.2.1.1.7. Uppajjamānananirodhavāra

79. ya8.2.1:68.1

    Yassa cittaṁ uppajjati tassa cittaṁ na nirujjhatīti? Āmantā.

80. ya8.2.1:69.1

    Yassa vā pana cittaṁ na nirujjhati tassa cittaṁ uppajjatīti?

81. ya8.2.1:70.1

    Nirodhasamāpannānaṁ asaññasattānaṁ tesaṁ cittaṁ na nirujjhati, no ca tesaṁ cittaṁ uppajjati. Cittassa uppādakkhaṇe tesaṁ cittaṁ na nirujjhati ceva uppajjati ca.

82. ya8.2.1:71.1

    Yassa cittaṁ na uppajjati tassa cittaṁ nirujjhatīti?

83. ya8.2.1:72.1

    Nirodhasamāpannānaṁ asaññasattānaṁ tesaṁ cittaṁ na uppajjati, no ca tesaṁ cittaṁ nirujjhati. Cittassa bhaṅgakkhaṇe tesaṁ cittaṁ na uppajjati ceva nirujjhati ca.

84. ya8.2.1:73.1

    Yassa vā pana cittaṁ nirujjhati tassa cittaṁ na uppajjatīti? Āmantā.

85. ya8.2.1:74.0

    8.2.1.1.8. Uppajjamānuppannavāra

86. ya8.2.1:74.1

    Yassa cittaṁ uppajjamānaṁ tassa cittaṁ uppannanti? Āmantā.

87. ya8.2.1:75.1

    Yassa vā pana cittaṁ uppannaṁ tassa cittaṁ uppajjamānanti?

88. ya8.2.1:76.1

    Cittassa bhaṅgakkhaṇe tesaṁ cittaṁ uppannaṁ, no ca tesaṁ cittaṁ uppajjamānaṁ. Cittassa uppādakkhaṇe tesaṁ cittaṁ uppannañceva uppajjamānañca.

89. ya8.2.1:77.1

    Yassa cittaṁ na uppajjamānaṁ tassa cittaṁ na uppannanti?

90. ya8.2.1:78.1

    Cittassa bhaṅgakkhaṇe tesaṁ cittaṁ na uppajjamānaṁ, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva uppajjamānaṁ na ca uppannaṁ.

91. ya8.2.1:79.1

    Yassa vā pana cittaṁ na uppannaṁ tassa cittaṁ na uppajjamānanti? Āmantā.

92. ya8.2.1:80.0

    8.2.1.1.9. Nirujjhamānuppannavāra

93. ya8.2.1:80.1

    Yassa cittaṁ nirujjhamānaṁ tassa cittaṁ uppannanti? Āmantā.

94. ya8.2.1:81.1

    Yassa vā pana cittaṁ uppannaṁ tassa cittaṁ nirujjhamānanti?

95. ya8.2.1:82.1

    Cittassa uppādakkhaṇe tesaṁ cittaṁ uppannaṁ, no ca tesaṁ cittaṁ nirujjhamānaṁ. Cittassa bhaṅgakkhaṇe tesaṁ cittaṁ uppannañceva nirujjhamānañca.

96. ya8.2.1:83.1

    Yassa cittaṁ na nirujjhamānaṁ tassa cittaṁ na uppannanti?

97. ya8.2.1:84.1

    Cittassa uppādakkhaṇe tesaṁ cittaṁ na nirujjhamānaṁ, no ca tesaṁ cittaṁ na uppannaṁ. Nirodhasamāpannānaṁ asaññasattānaṁ tesaṁ cittaṁ na ceva nirujjhamānaṁ na ca uppannaṁ.

98. ya8.2.1:85.1

    Yassa vā pana cittaṁ na uppannaṁ tassa cittaṁ na nirujjhamānanti? Āmantā.

99. ya8.2.1:86.0

    8.2.1.1.10. Uppannuppādavāra

100. ya8.2.1:86.1

     Yassa cittaṁ uppannaṁ tassa cittaṁ uppajjitthāti? Āmantā.

Next → — showing 1–100 of 335

SuttaCentral (suttacentral.net), from the bilara-data and sc-data repositories. Licence: Public Domain. Source.