← Library

5 Saccayamaka — 5.2 Pavattivāra — 5.2.2. Nirodhavāra

Early Buddhist texts (SuttaCentral): Abhidhamma · abhidhamma · 240 sections

1. ya5.2.2:78.1

   Yassa yattha dukkhasaccaṁ nirujjhati tassa tattha samudayasaccaṁ nirujjhitthāti?

2. ya5.2.2:79.1

   Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha dukkhasaccaṁ nirujjhati, no ca tesaṁ tattha samudayasaccaṁ nirujjhittha. Itaresaṁ catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha dukkhasaccañca nirujjhati samudayasaccañca nirujjhittha.

3. ya5.2.2:80.1

   Yassa vā pana yattha samudayasaccaṁ nirujjhittha tassa tattha dukkhasaccaṁ nirujjhatīti?

4. ya5.2.2:81.1

   Catuvokāraṁ pañcavokāraṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha samudayasaccaṁ nirujjhittha, no ca tesaṁ tattha dukkhasaccaṁ nirujjhati. Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha samudayasaccañca nirujjhittha dukkhasaccañca nirujjhati.

5. ya5.2.2:82.1

   Yassa yattha dukkhasaccaṁ nirujjhati tassa tattha maggasaccaṁ nirujjhitthāti?

6. ya5.2.2:83.1

   Suddhāvāsānaṁ upapatticittassa bhaṅgakkhaṇe anabhisametāvīnaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha dukkhasaccaṁ nirujjhati, no ca tesaṁ tattha maggasaccaṁ nirujjhittha. Abhisametāvīnaṁ cavantānaṁ pavatte cittassa bhaṅgakkhaṇe tesaṁ tattha dukkhasaccañca nirujjhati maggasaccañca nirujjhittha.

7. ya5.2.2:84.1

   Yassa vā pana yattha maggasaccaṁ nirujjhittha tassa tattha dukkhasaccaṁ nirujjhatīti?

8. ya5.2.2:85.1

   Abhisametāvīnaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha maggasaccaṁ nirujjhittha, no ca tesaṁ tattha dukkhasaccaṁ nirujjhati. Abhisametāvīnaṁ cavantānaṁ pavatte cittassa bhaṅgakkhaṇe tesaṁ tattha maggasaccañca nirujjhittha dukkhasaccañca nirujjhati.

9. ya5.2.2:86.1

   Yassa yattha samudayasaccaṁ nirujjhati tassa tattha maggasaccaṁ nirujjhitthāti?

10. ya5.2.2:87.1

    Anabhisametāvīnaṁ taṇhāya bhaṅgakkhaṇe tesaṁ tattha samudayasaccaṁ nirujjhati, no ca tesaṁ tattha maggasaccaṁ nirujjhittha. Abhisametāvīnaṁ taṇhāya bhaṅgakkhaṇe tesaṁ tattha samudayasaccañca nirujjhati maggasaccañca nirujjhittha.

11. ya5.2.2:88.1

    Yassa vā pana yattha maggasaccaṁ nirujjhittha tassa tattha samudayasaccaṁ nirujjhatīti?

12. ya5.2.2:89.1

    Abhisametāvīnaṁ taṇhāya uppādakkhaṇe taṇhāvippayuttacitte vattamāne tesaṁ tattha maggasaccaṁ nirujjhittha, no ca tesaṁ tattha samudayasaccaṁ nirujjhati. Abhisametāvīnaṁ taṇhāya bhaṅgakkhaṇe tesaṁ tattha maggasaccañca nirujjhittha samudayasaccañca nirujjhati.

13. ya5.2.2:90.0

    5.2.2.4.4. Paccanīkapuggala

14. ya5.2.2:90.1

    Yassa dukkhasaccaṁ na nirujjhati tassa samudayasaccaṁ na nirujjhitthāti? Nirujjhittha.

15. ya5.2.2:91.1

    Yassa vā pana samudayasaccaṁ na nirujjhittha tassa dukkhasaccaṁ na nirujjhatīti? Natthi.

16. ya5.2.2:92.1

    Yassa dukkhasaccaṁ na nirujjhati tassa maggasaccaṁ na nirujjhitthāti?

17. ya5.2.2:93.1

    Abhisametāvīnaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ dukkhasaccaṁ na nirujjhati, no ca tesaṁ maggasaccaṁ na nirujjhittha. Anabhisametāvīnaṁ upapajjantānaṁ pavatte cittassa uppādakkhaṇe tesaṁ dukkhasaccañca na nirujjhati maggasaccañca na nirujjhittha.

18. ya5.2.2:94.1

    Yassa vā pana maggasaccaṁ na nirujjhittha tassa dukkhasaccaṁ na nirujjhatīti?

19. ya5.2.2:95.1

    Anabhisametāvīnaṁ cavantānaṁ pavatte cittassa bhaṅgakkhaṇe tesaṁ maggasaccaṁ na nirujjhittha, no ca tesaṁ dukkhasaccaṁ na nirujjhati. Anabhisametāvīnaṁ upapajjantānaṁ pavatte cittassa uppādakkhaṇe tesaṁ maggasaccañca na nirujjhittha dukkhasaccañca na nirujjhati.

20. ya5.2.2:96.1

    Yassa samudayasaccaṁ na nirujjhati tassa maggasaccaṁ na nirujjhitthāti?

21. ya5.2.2:97.1

    Abhisametāvīnaṁ taṇhāya uppādakkhaṇe taṇhāvippayuttacitte vattamāne nirodhasamāpannānaṁ tesaṁ samudayasaccaṁ na nirujjhati, no ca tesaṁ maggasaccaṁ na nirujjhittha. Anabhisametāvīnaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ samudayasaccañca na nirujjhati maggasaccañca na nirujjhittha.

22. ya5.2.2:98.1

    Yassa vā pana maggasaccaṁ na nirujjhittha tassa samudayasaccaṁ na nirujjhatīti?

23. ya5.2.2:99.1

    Anabhisametāvīnaṁ taṇhāya bhaṅgakkhaṇe tesaṁ maggasaccaṁ na nirujjhittha, no ca tesaṁ samudayasaccaṁ na nirujjhati. Anabhisametāvīnaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ maggasaccañca na nirujjhittha samudayasaccañca na nirujjhati.

24. ya5.2.2:100.0

    5.2.2.4.5. Paccanīkaokāsa

25. ya5.2.2:100.1

    Yattha dukkhasaccaṁ na nirujjhati …pe….

26. ya5.2.2:101.0

    5.2.2.4.6. Paccanīkapuggalokāsa

27. ya5.2.2:101.1

    Yassa yattha dukkhasaccaṁ na nirujjhati tassa tattha samudayasaccaṁ na nirujjhitthāti?

28. ya5.2.2:102.1

    Catuvokāraṁ pañcavokāraṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha samudayasaccaṁ na nirujjhittha. Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha dukkhasaccañca na nirujjhati samudayasaccañca na nirujjhittha.

29. ya5.2.2:103.1

    Yassa vā pana yattha samudayasaccaṁ na nirujjhittha tassa tattha dukkhasaccaṁ na nirujjhatīti?

30. ya5.2.2:104.1

    Suddhāvāsānaṁ upapatticittassa bhaṅgakkhaṇe asaññasattā cavantānaṁ tesaṁ tattha samudayasaccaṁ na nirujjhittha, no ca tesaṁ tattha dukkhasaccaṁ na nirujjhati. Suddhāvāsānaṁ upapatticittassa uppādakkhaṇe asaññasattaṁ upapajjantānaṁ tesaṁ tattha samudayasaccañca na nirujjhittha dukkhasaccañca na nirujjhati.

31. ya5.2.2:105.1

    Yassa yattha dukkhasaccaṁ na nirujjhati tassa tattha maggasaccaṁ na nirujjhitthāti?

32. ya5.2.2:106.1

    Abhisametāvīnaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha maggasaccaṁ na nirujjhittha. Suddhāvāsānaṁ upapatticittassa uppādakkhaṇe anabhisametāvīnaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha dukkhasaccañca na nirujjhati maggasaccañca na nirujjhittha.

33. ya5.2.2:107.1

    Yassa vā pana yattha maggasaccaṁ na nirujjhittha tassa tattha dukkhasaccaṁ na nirujjhatīti?

34. ya5.2.2:108.1

    Suddhāvāsānaṁ upapatticittassa bhaṅgakkhaṇe anabhisametāvīnaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha maggasaccaṁ na nirujjhittha, no ca tesaṁ tattha dukkhasaccaṁ na nirujjhati. Suddhāvāsānaṁ upapatticittassa uppādakkhaṇe anabhisametāvīnaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha maggasaccañca na nirujjhittha dukkhasaccañca na nirujjhati.

35. ya5.2.2:109.1

    Yassa yattha samudayasaccaṁ na nirujjhati tassa tattha maggasaccaṁ na nirujjhitthāti?

36. ya5.2.2:110.1

    Abhisametāvīnaṁ taṇhāya uppādakkhaṇe taṇhāvippayuttacitte vattamāne tesaṁ tattha samudayasaccaṁ na nirujjhati, no ca tesaṁ tattha maggasaccaṁ na nirujjhittha. Suddhāvāsānaṁ dutiye citte vattamāne anabhisametāvīnaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca na nirujjhati maggasaccañca na nirujjhittha.

37. ya5.2.2:111.1

    Yassa vā pana yattha maggasaccaṁ na nirujjhittha tassa tattha samudayasaccaṁ na nirujjhatīti?

38. ya5.2.2:112.1

    Anabhisametāvīnaṁ taṇhāya bhaṅgakkhaṇe tesaṁ tattha maggasaccaṁ na nirujjhittha, no ca tesaṁ tattha samudayasaccaṁ na nirujjhati. Suddhāvāsānaṁ dutiye citte vattamāne anabhisametāvīnaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca na nirujjhittha samudayasaccañca na nirujjhati.

39. ya5.2.2:113.0.1

    5.2.2.5. Paccuppannānāgatavāra

40. ya5.2.2:113.0.2

    5.2.2.5.1. Anulomapuggala

41. ya5.2.2:113.1

    Yassa dukkhasaccaṁ nirujjhati tassa samudayasaccaṁ nirujjhissatīti?

42. ya5.2.2:114.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ dukkhasaccaṁ nirujjhati, no ca tesaṁ samudayasaccaṁ nirujjhissati. Itaresaṁ cavantānaṁ pavatte cittassa bhaṅgakkhaṇe tesaṁ dukkhasaccañca nirujjhati samudayasaccañca nirujjhissati.

43. ya5.2.2:115.1

    Yassa vā pana samudayasaccaṁ nirujjhissati tassa dukkhasaccaṁ nirujjhatīti?

44. ya5.2.2:116.1

    Sabbesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ samudayasaccaṁ nirujjhissati, no ca tesaṁ dukkhasaccaṁ nirujjhati. Sabbesaṁ cavantānaṁ pavatte cittassa bhaṅgakkhaṇe tesaṁ samudayasaccañca nirujjhissati dukkhasaccañca nirujjhati.

45. ya5.2.2:117.1

    Yassa dukkhasaccaṁ nirujjhati tassa maggasaccaṁ nirujjhissatīti?

46. ya5.2.2:118.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ dukkhasaccaṁ nirujjhati, no ca tesaṁ maggasaccaṁ nirujjhissati. Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ dukkhasaccañca nirujjhati maggasaccañca nirujjhissati.

47. ya5.2.2:119.1

    Yassa vā pana maggasaccaṁ nirujjhissati tassa dukkhasaccaṁ nirujjhatīti?

48. ya5.2.2:120.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ maggasaccaṁ nirujjhissati, no ca tesaṁ dukkhasaccaṁ nirujjhati. Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ maggasaccañca nirujjhissati dukkhasaccañca nirujjhati.

49. ya5.2.2:121.1

    Yassa samudayasaccaṁ nirujjhati tassa maggasaccaṁ nirujjhissatīti?

50. ya5.2.2:122.1

    Ye puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ samudayasaccaṁ nirujjhati, no ca tesaṁ maggasaccaṁ nirujjhissati. Ye maggaṁ paṭilabhissanti tesaṁ taṇhāya bhaṅgakkhaṇe tesaṁ samudayasaccañca nirujjhati maggasaccañca nirujjhissati.

51. ya5.2.2:123.1

    Yassa vā pana maggasaccaṁ nirujjhissati tassa samudayasaccaṁ nirujjhatīti?

52. ya5.2.2:124.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ maggasaccaṁ nirujjhissati, no ca tesaṁ samudayasaccaṁ nirujjhati. Ye maggaṁ paṭilabhissanti tesaṁ taṇhāya bhaṅgakkhaṇe tesaṁ maggasaccañca nirujjhissati samudayasaccañca nirujjhati.

53. ya5.2.2:125.0

    5.2.2.5.2. Anulomaokāsa

54. ya5.2.2:125.1

    Yattha dukkhasaccaṁ nirujjhati …pe….

55. ya5.2.2:126.0

    5.2.2.5.3. Anulomapuggalokāsa

56. ya5.2.2:126.1

    Yassa yattha dukkhasaccaṁ nirujjhati tassa tattha samudayasaccaṁ nirujjhissatīti?

57. ya5.2.2:127.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattā cavantānaṁ tesaṁ tattha dukkhasaccaṁ nirujjhati, no ca tesaṁ tattha samudayasaccaṁ nirujjhissati. Itaresaṁ catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha dukkhasaccañca nirujjhati samudayasaccañca nirujjhissati.

58. ya5.2.2:128.1

    Yassa vā pana yattha samudayasaccaṁ nirujjhissati tassa tattha dukkhasaccaṁ nirujjhatīti?

59. ya5.2.2:129.1

    Catuvokāraṁ pañcavokāraṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha samudayasaccaṁ nirujjhissati, no ca tesaṁ tattha dukkhasaccaṁ nirujjhati. Catuvokārā pañcavokārā cavantānaṁ pavatte cittassa bhaṅgakkhaṇe tesaṁ tattha samudayasaccañca nirujjhissati dukkhasaccañca nirujjhati.

60. ya5.2.2:130.1

    Yassa yattha dukkhasaccaṁ nirujjhati tassa tattha maggasaccaṁ nirujjhissatīti?

61. ya5.2.2:131.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha dukkhasaccaṁ nirujjhati, no ca tesaṁ tattha maggasaccaṁ nirujjhissati. Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ tattha dukkhasaccañca nirujjhati maggasaccañca nirujjhissati.

62. ya5.2.2:132.1

    Yassa vā pana yattha maggasaccaṁ nirujjhissati tassa tattha dukkhasaccaṁ nirujjhatīti?

63. ya5.2.2:133.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha maggasaccaṁ nirujjhissati, no ca tesaṁ tattha dukkhasaccaṁ nirujjhati. Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ tattha maggasaccañca nirujjhissati dukkhasaccañca nirujjhati.

64. ya5.2.2:134.1

    Yassa yattha samudayasaccaṁ nirujjhati tassa tattha maggasaccaṁ nirujjhissatīti?

65. ya5.2.2:135.1

    Āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ tattha samudayasaccaṁ nirujjhati, no ca tesaṁ tattha maggasaccaṁ nirujjhissati. Ye maggaṁ paṭilabhissanti tesaṁ taṇhāya bhaṅgakkhaṇe tesaṁ tattha samudayasaccañca nirujjhati maggasaccañca nirujjhissati.

66. ya5.2.2:136.1

    Yassa vā pana yattha maggasaccaṁ nirujjhissati tassa tattha samudayasaccaṁ nirujjhatīti?

67. ya5.2.2:137.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ tattha maggasaccaṁ nirujjhissati, no ca tesaṁ tattha samudayasaccaṁ nirujjhati. Ye maggaṁ paṭilabhissanti tesaṁ taṇhāya bhaṅgakkhaṇe tesaṁ tattha maggasaccañca nirujjhissati samudayasaccañca nirujjhati.

68. ya5.2.2:138.0

    5.2.2.5.4. Paccanīkapuggala

69. ya5.2.2:138.1

    Yassa dukkhasaccaṁ na nirujjhati tassa samudayasaccaṁ na nirujjhissatīti?

70. ya5.2.2:139.1

    Sabbesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ dukkhasaccaṁ na nirujjhati, no ca tesaṁ samudayasaccaṁ na nirujjhissati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ dukkhasaccañca na nirujjhati samudayasaccañca na nirujjhissati.

71. ya5.2.2:140.1

    Yassa vā pana samudayasaccaṁ na nirujjhissati tassa dukkhasaccaṁ na nirujjhatīti?

72. ya5.2.2:141.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe tesaṁ samudayasaccaṁ na nirujjhissati, no ca tesaṁ dukkhasaccaṁ na nirujjhati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ samudayasaccañca na nirujjhissati dukkhasaccañca na nirujjhati.

73. ya5.2.2:142.1

    Yassa dukkhasaccaṁ na nirujjhati tassa maggasaccaṁ na nirujjhissatīti?

74. ya5.2.2:143.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ dukkhasaccaṁ na nirujjhati, no ca tesaṁ maggasaccaṁ na nirujjhissati. Arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ dukkhasaccañca na nirujjhati maggasaccañca na nirujjhissati.

75. ya5.2.2:144.1

    Yassa vā pana maggasaccaṁ na nirujjhissati tassa dukkhasaccaṁ na nirujjhatīti?

76. ya5.2.2:145.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe tesaṁ maggasaccaṁ na nirujjhissati, no ca tesaṁ dukkhasaccaṁ na nirujjhati. Arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe tesaṁ maggasaccañca na nirujjhissati dukkhasaccañca na nirujjhati.

77. ya5.2.2:146.1

    Yassa samudayasaccaṁ na nirujjhati tassa maggasaccaṁ na nirujjhissatīti?

78. ya5.2.2:147.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ samudayasaccaṁ na nirujjhati, no ca tesaṁ maggasaccaṁ na nirujjhissati. Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ samudayasaccañca na nirujjhati maggasaccañca na nirujjhissati.

79. ya5.2.2:148.1

    Yassa vā pana maggasaccaṁ na nirujjhissati tassa samudayasaccaṁ na nirujjhatīti?

80. ya5.2.2:149.1

    Ye puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ maggasaccaṁ na nirujjhissati, no ca tesaṁ samudayasaccaṁ na nirujjhati. Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ maggasaccañca na nirujjhissati samudayasaccañca na nirujjhati.

81. ya5.2.2:150.0

    5.2.2.5.5. Paccanīkaokāsa

82. ya5.2.2:150.1

    Yattha dukkhasaccaṁ na nirujjhati …pe….

83. ya5.2.2:151.0

    5.2.2.5.6. Paccanīkapuggalokāsa

84. ya5.2.2:151.1

    Yassa yattha dukkhasaccaṁ na nirujjhati tassa tattha samudayasaccaṁ na nirujjhissatīti?

85. ya5.2.2:152.1

    Catuvokāraṁ pañcavokāraṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha samudayasaccaṁ na nirujjhissati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ arūpe aggamaggassa ca phalassa ca bhaṅgakkhaṇe tesaṁ tattha dukkhasaccañca na nirujjhati samudayasaccañca na nirujjhissati.

86. ya5.2.2:153.1

    Yassa vā pana yattha samudayasaccaṁ na nirujjhissati tassa tattha dukkhasaccaṁ na nirujjhatīti?

87. ya5.2.2:154.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattā cavantānaṁ tesaṁ tattha samudayasaccaṁ na nirujjhissati, no ca tesaṁ tattha dukkhasaccaṁ na nirujjhati. Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe arūpe aggamaggassa ca phalassa ca bhaṅgakkhaṇe asaññasattaṁ upapajjantānaṁ tesaṁ tattha samudayasaccañca na nirujjhissati dukkhasaccañca na nirujjhati.

88. ya5.2.2:155.1

    Yassa yattha dukkhasaccaṁ na nirujjhati tassa tattha maggasaccaṁ na nirujjhissatīti?

89. ya5.2.2:156.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ tattha dukkhasaccaṁ na nirujjhati, no ca tesaṁ tattha maggasaccaṁ na nirujjhissati. Arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ arūpe aggamaggassa ca phalassa ca bhaṅgakkhaṇe tesaṁ tattha dukkhasaccañca na nirujjhati maggasaccañca na nirujjhissati.

90. ya5.2.2:157.1

    Yassa vā pana yattha maggasaccaṁ na nirujjhissati tassa tattha dukkhasaccaṁ na nirujjhatīti?

91. ya5.2.2:158.1

    Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe asaññasattā cavantānaṁ tesaṁ tattha maggasaccaṁ na nirujjhissati, no ca tesaṁ tattha dukkhasaccaṁ na nirujjhati. Arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe arūpe aggamaggassa ca phalassa ca bhaṅgakkhaṇe asaññasattaṁ upapajjantānaṁ tesaṁ tattha maggasaccañca na nirujjhissati dukkhasaccañca na nirujjhati.

92. ya5.2.2:159.1

    Yassa yattha samudayasaccaṁ na nirujjhati tassa tattha maggasaccaṁ na nirujjhissatīti?

93. ya5.2.2:160.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya uppādakkhaṇe taṇhāvippayuttacitte vattamāne tesaṁ tattha samudayasaccaṁ na nirujjhati, no ca tesaṁ tattha maggasaccaṁ na nirujjhissati. Aggamaggassa bhaṅgakkhaṇe arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca na nirujjhati maggasaccañca na nirujjhissati.

94. ya5.2.2:161.1

    Yassa vā pana yattha maggasaccaṁ na nirujjhissati tassa tattha samudayasaccaṁ na nirujjhatīti?

95. ya5.2.2:162.1

    Āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe tesaṁ tattha maggasaccaṁ na nirujjhissati, no ca tesaṁ tattha samudayasaccaṁ na nirujjhati. Aggamaggassa bhaṅgakkhaṇe arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca na nirujjhissati samudayasaccañca na nirujjhati.

96. ya5.2.2:163.0.1

    5.2.2.6. Atītānāgatavāra

97. ya5.2.2:163.0.2

    5.2.2.6.1. Anulomapuggala

98. ya5.2.2:163.1

    Yassa dukkhasaccaṁ nirujjhittha tassa samudayasaccaṁ nirujjhissatīti?

99. ya5.2.2:164.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ nirujjhittha, no ca tesaṁ samudayasaccaṁ nirujjhissati. Itaresaṁ tesaṁ dukkhasaccañca nirujjhittha samudayasaccañca nirujjhissati.

100. ya5.2.2:165.1

     Yassa vā pana …pe… ? Āmantā.

← Previous · Next → — showing 101–200 of 240

SuttaCentral (suttacentral.net), from the bilara-data and sc-data repositories. Licence: Public Domain. Source.