← Library

5 Saccayamaka — 5.2 Pavattivāra — 5.2.2. Nirodhavāra

Early Buddhist texts (SuttaCentral): Abhidhamma · abhidhamma · 240 sections

1. ya5.2.2:0.1

   5 Saccayamaka

2. ya5.2.2:0.2

   5.2 Pavattivāra

3. ya5.2.2:0.3

   5.2.2. Nirodhavāra

4. ya5.2.2:1.0.1

   5.2.2.1 Paccuppannavāra

5. ya5.2.2:1.0.2

   5.2.2.1.1. Anulomapuggala

6. ya5.2.2:1.1

   Yassa dukkhasaccaṁ nirujjhati tassa samudayasaccaṁ nirujjhatīti?

7. ya5.2.2:2.1

   Sabbesaṁ cavantānaṁ pavatte taṇhāvippayuttacittassa bhaṅgakkhaṇe tesaṁ dukkhasaccaṁ nirujjhati, no ca tesaṁ samudayasaccaṁ nirujjhati. Taṇhāya bhaṅgakkhaṇe tesaṁ dukkhasaccañca nirujjhati samudayasaccañca nirujjhati.

8. ya5.2.2:3.1

   Yassa vā pana samudayasaccaṁ nirujjhati tassa dukkhasaccaṁ nirujjhatīti? Āmantā.

9. ya5.2.2:4.1

   Yassa dukkhasaccaṁ nirujjhati tassa maggasaccaṁ nirujjhatīti?

10. ya5.2.2:5.1

    Sabbesaṁ cavantānaṁ pavatte maggavippayuttacittassa bhaṅgakkhaṇe tesaṁ dukkhasaccaṁ nirujjhati, no ca tesaṁ maggasaccaṁ nirujjhati. Pañcavokāre maggassa bhaṅgakkhaṇe tesaṁ dukkhasaccañca nirujjhati maggasaccañca nirujjhati.

11. ya5.2.2:6.1

    Yassa vā pana maggasaccaṁ nirujjhati tassa dukkhasaccaṁ nirujjhatīti?

12. ya5.2.2:7.1

    Arūpe maggassa bhaṅgakkhaṇe tesaṁ maggasaccaṁ nirujjhati, no ca tesaṁ dukkhasaccaṁ nirujjhati. Pañcavokāre maggassa bhaṅgakkhaṇe tesaṁ maggasaccañca nirujjhati dukkhasaccañca nirujjhati.

13. ya5.2.2:8.1

    Yassa samudayasaccaṁ nirujjhati tassa maggasaccaṁ nirujjhatīti? No.

14. ya5.2.2:9.1

    Yassa vā pana maggasaccaṁ nirujjhati tassa samudayasaccaṁ nirujjhatīti? No.

15. ya5.2.2:10.0

    5.2.2.1.2. Anulomaokāsa

16. ya5.2.2:10.1

    Yattha dukkhasaccaṁ nirujjhati tattha samudayasaccaṁ nirujjhatīti?

17. ya5.2.2:11.1

    Asaññasatte tattha dukkhasaccaṁ nirujjhati …pe….

18. ya5.2.2:12.1

    (Yatthakaṁ uppādepi nirodhepi uppādanirodhepi sadisaṁ, natthi nānākaraṇaṁ.)

19. ya5.2.2:13.0

    5.2.2.1.3. Anulomapuggalokāsa

20. ya5.2.2:13.1

    Yassa yattha dukkhasaccaṁ nirujjhati …pe….

21. ya5.2.2:14.1

    (Yassayatthakampi sadisaṁ vitthāretabbaṁ.)

22. ya5.2.2:15.0

    5.2.2.1.4. Paccanīkapuggala

23. ya5.2.2:15.1

    Yassa dukkhasaccaṁ na nirujjhati tassa samudayasaccaṁ na nirujjhatīti? Āmantā.

24. ya5.2.2:16.1

    Yassa vā pana samudayasaccaṁ na nirujjhati tassa dukkhasaccaṁ na nirujjhatīti?

25. ya5.2.2:17.1

    Sabbesaṁ cavantānaṁ pavatte taṇhāvippayuttacittassa bhaṅgakkhaṇe tesaṁ samudayasaccaṁ na nirujjhati, no ca tesaṁ dukkhasaccaṁ na nirujjhati. Sabbesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ samudayasaccañca na nirujjhati dukkhasaccañca na nirujjhati.

26. ya5.2.2:18.1

    Yassa dukkhasaccaṁ na nirujjhati tassa maggasaccaṁ na nirujjhatīti?

27. ya5.2.2:19.1

    Arūpe maggassa bhaṅgakkhaṇe tesaṁ dukkhasaccaṁ na nirujjhati, no ca tesaṁ maggasaccaṁ na nirujjhati. Sabbesaṁ upapajjantānaṁ pavatte cittassa uppādakkhaṇe arūpe phalassa bhaṅgakkhaṇe tesaṁ dukkhasaccañca na nirujjhati maggasaccañca na nirujjhati.

28. ya5.2.2:20.1

    Yassa vā pana maggasaccaṁ na nirujjhati tassa dukkhasaccaṁ na nirujjhatīti?

29. ya5.2.2:21.1

    Sabbesaṁ cavantānaṁ pavatte maggavippayuttacittassa bhaṅgakkhaṇe tesaṁ maggasaccaṁ na nirujjhati, no ca tesaṁ dukkhasaccaṁ na nirujjhati. Sabbesaṁ upapajjantānaṁ pavatte cittassa uppādakkhaṇe arūpe phalassa bhaṅgakkhaṇe tesaṁ maggasaccañca na nirujjhati dukkhasaccañca na nirujjhati.

30. ya5.2.2:22.1

    Yassa samudayasaccaṁ na nirujjhati tassa maggasaccaṁ na nirujjhatīti?

31. ya5.2.2:23.1

    Maggassa bhaṅgakkhaṇe tesaṁ samudayasaccaṁ na nirujjhati, no ca tesaṁ maggasaccaṁ na nirujjhati. Sabbesaṁ cittassa uppādakkhaṇe taṇhāvippayuttamaggavippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ samudayasaccañca na nirujjhati maggasaccañca na nirujjhati.

32. ya5.2.2:24.1

    Yassa vā pana maggasaccaṁ na nirujjhati tassa samudayasaccaṁ na nirujjhatīti?

33. ya5.2.2:25.1

    Taṇhāya bhaṅgakkhaṇe tesaṁ maggasaccaṁ na nirujjhati, no ca tesaṁ samudayasaccaṁ na nirujjhati. Sabbesaṁ cittassa uppādakkhaṇe maggavippayuttataṇhāvippayuttacittassa bhaṅgakkhaṇe nirodhasamāpannānaṁ asaññasattānaṁ tesaṁ maggasaccañca na nirujjhati samudayasaccañca na nirujjhati.

34. ya5.2.2:26.0

    5.2.2.1.5. Paccanīkaokāsa

35. ya5.2.2:26.1

    Yattha dukkhasaccaṁ na nirujjhati …pe….

36. ya5.2.2:27.0

    5.2.2.1.6. Paccanīkapuggalokāsa

37. ya5.2.2:27.1

    Yassa yattha dukkhasaccaṁ na nirujjhati …pe….

38. ya5.2.2:28.1

    (Yassakampi yassayatthakampi sadisaṁ, yassayatthakepi nirodhasamāpannānanti cetaṁ na kātabbaṁ.)

39. ya5.2.2:29.0.1

    5.2.2.2. Atītavāra

40. ya5.2.2:29.0.2

    5.2.2.2.1. Anulomapuggala

41. ya5.2.2:29.1

    Yassa dukkhasaccaṁ nirujjhittha tassa samudayasaccaṁ nirujjhitthāti? Āmantā.

42. ya5.2.2:30.1

    (Yathā uppādavāre atītā pucchā anulomampi paccanīkampi vibhattā evaṁ nirodhepi vibhajitabbā, natthi nānākaraṇaṁ.)

43. ya5.2.2:31.0.1

    5.2.2.3. Anāgatavāra

44. ya5.2.2:31.0.2

    5.2.2.3.1. Anulomapuggala

45. ya5.2.2:31.1

    Yassa dukkhasaccaṁ nirujjhissati tassa samudayasaccaṁ nirujjhissatīti?

46. ya5.2.2:32.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ nirujjhissati, no ca tesaṁ samudayasaccaṁ nirujjhissati. Itaresaṁ tesaṁ dukkhasaccañca nirujjhissati samudayasaccañca nirujjhissati.

47. ya5.2.2:33.1

    Yassa vā pana …pe… ? Āmantā.

48. ya5.2.2:34.1

    Yassa dukkhasaccaṁ nirujjhissati tassa maggasaccaṁ nirujjhissatīti?

49. ya5.2.2:35.1

    Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ dukkhasaccaṁ nirujjhissati, no ca tesaṁ maggasaccaṁ nirujjhissati. Aggamaggassa uppādakkhaṇe yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ dukkhasaccañca nirujjhissati maggasaccañca nirujjhissati.

50. ya5.2.2:36.1

    Yassa vā pana …pe…. Āmantā.

51. ya5.2.2:37.1

    Yassa samudayasaccaṁ nirujjhissati tassa maggasaccaṁ nirujjhissatīti?

52. ya5.2.2:38.1

    Ye puthujjanā maggaṁ na paṭilabhissanti tesaṁ samudayasaccaṁ nirujjhissati, no ca tesaṁ maggasaccaṁ nirujjhissati. Ye maggaṁ paṭilabhissanti tesaṁ samudayasaccañca nirujjhissati maggasaccañca nirujjhissati.

53. ya5.2.2:39.1

    Yassa vā pana maggasaccaṁ nirujjhissati tassa samudayasaccaṁ nirujjhissatīti?

54. ya5.2.2:40.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ maggasaccaṁ nirujjhissati, no ca tesaṁ samudayasaccaṁ nirujjhissati. Ye maggaṁ paṭilabhissanti tesaṁ maggasaccañca nirujjhissati samudayasaccañca nirujjhissati.

55. ya5.2.2:41.0

    5.2.2.3.2. Anulomaokāsa

56. ya5.2.2:41.1

    Yattha dukkhasaccaṁ nirujjhissati …pe….

57. ya5.2.2:42.0

    5.2.2.3.3. Anulomapuggalokāsa

58. ya5.2.2:42.1

    Yassa yattha dukkhasaccaṁ nirujjhissati tassa tattha samudayasaccaṁ nirujjhissatīti?

59. ya5.2.2:43.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha dukkhasaccaṁ nirujjhissati, no ca tesaṁ tattha samudayasaccaṁ nirujjhissati. Itaresaṁ catuvokārānaṁ pañcavokārānaṁ tesaṁ tattha dukkhasaccañca nirujjhissati samudayasaccañca nirujjhissati …pe….

60. ya5.2.2:44.1

    (Yassakampi yassayatthakampi sadisaṁ.)

61. ya5.2.2:45.0

    5.2.2.3.4. Paccanīkapuggala

62. ya5.2.2:45.1

    Yassa dukkhasaccaṁ na nirujjhissati tassa samudayasaccaṁ na nirujjhissatīti? Āmantā.

63. ya5.2.2:46.1

    Yassa vā pana samudayasaccaṁ na nirujjhissati tassa dukkhasaccaṁ na nirujjhissatīti?

64. ya5.2.2:47.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ samudayasaccaṁ na nirujjhissati, no ca tesaṁ dukkhasaccaṁ na nirujjhissati. Pacchimacittassa bhaṅgakkhaṇe tesaṁ samudayasaccañca na nirujjhissati dukkhasaccañca na nirujjhissati.

65. ya5.2.2:48.1

    Yassa dukkhasaccaṁ na nirujjhissati tassa maggasaccaṁ na nirujjhissatīti? Āmantā.

66. ya5.2.2:49.1

    Yassa vā pana maggasaccaṁ na nirujjhissati tassa dukkhasaccaṁ na nirujjhissatīti?

67. ya5.2.2:50.1

    Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti tesaṁ maggasaccaṁ na nirujjhissati, no ca tesaṁ dukkhasaccaṁ na nirujjhissati. Pacchimacittassa bhaṅgakkhaṇe tesaṁ maggasaccañca na nirujjhissati dukkhasaccañca na nirujjhissati.

68. ya5.2.2:51.1

    Yassa samudayasaccaṁ na nirujjhissati tassa maggasaccaṁ na nirujjhissatīti?

69. ya5.2.2:52.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ samudayasaccaṁ na nirujjhissati, no ca tesaṁ maggasaccaṁ na nirujjhissati. Aggamaggassa bhaṅgakkhaṇe arahantānaṁ tesaṁ samudayasaccañca na nirujjhissati maggasaccañca na nirujjhissati.

70. ya5.2.2:53.1

    Yassa vā pana maggasaccaṁ na nirujjhissati tassa samudayasaccaṁ na nirujjhissatīti?

71. ya5.2.2:54.1

    Ye puthujjanā maggaṁ na paṭilabhissanti tesaṁ maggasaccaṁ na nirujjhissati, no ca tesaṁ samudayasaccaṁ na nirujjhissati. Aggamaggassa bhaṅgakkhaṇe arahantānaṁ tesaṁ maggasaccañca na nirujjhissati samudayasaccañca na nirujjhissati.

72. ya5.2.2:55.0

    5.2.2.3.5. Paccanīkaokāsa

73. ya5.2.2:55.1

    Yattha dukkhasaccaṁ na nirujjhissati …pe….

74. ya5.2.2:56.0

    5.2.2.3.6. Paccanīkapuggalokāsa

75. ya5.2.2:56.1

    Yassa yattha dukkhasaccaṁ na nirujjhissati tassa tattha samudayasaccaṁ na nirujjhissatīti? Āmantā.

76. ya5.2.2:57.1

    Yassa vā pana yattha samudayasaccaṁ na nirujjhissati tassa tattha dukkhasaccaṁ na nirujjhissatīti?

77. ya5.2.2:58.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha samudayasaccaṁ na nirujjhissati, no ca tesaṁ tattha dukkhasaccaṁ na nirujjhissati. Pacchimacittassa bhaṅgakkhaṇe tesaṁ tattha samudayasaccañca na nirujjhissati dukkhasaccañca na nirujjhissati.

78. ya5.2.2:59.1

    Yassa yattha dukkhasaccaṁ na nirujjhissati tassa tattha maggasaccaṁ na nirujjhissatīti? Āmantā.

79. ya5.2.2:60.1

    Yassa vā pana yattha maggasaccaṁ na nirujjhissati tassa tattha dukkhasaccaṁ na nirujjhissatīti?

80. ya5.2.2:61.1

    Aggamaggassa bhaṅgakkhaṇe arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha maggasaccaṁ na nirujjhissati, no ca tesaṁ tattha dukkhasaccaṁ na nirujjhissati. Pacchimacittassa bhaṅgakkhaṇe tesaṁ tattha maggasaccañca na nirujjhissati dukkhasaccañca na nirujjhissati.

81. ya5.2.2:62.1

    Yassa yattha samudayasaccaṁ na nirujjhissati tassa tattha maggasaccaṁ na nirujjhissatīti?

82. ya5.2.2:63.1

    Aggamaggassa uppādakkhaṇe yassa cittassa anantarā aggamaggaṁ paṭilabhissanti tesaṁ tattha samudayasaccaṁ na nirujjhissati, no ca tesaṁ tattha maggasaccaṁ na nirujjhissati. Aggamaggassa bhaṅgakkhaṇe arahantānaṁ asaññasattānaṁ tesaṁ tattha samudayasaccañca na nirujjhissati maggasaccañca na nirujjhissati.

83. ya5.2.2:64.1

    Yassa vā pana yattha maggasaccaṁ na nirujjhissati tassa tattha samudayasaccaṁ na nirujjhissatīti?

84. ya5.2.2:65.1

    Āpāyikānaṁ ye ca puthujjanā maggaṁ na paṭilabhissanti tesaṁ tattha maggasaccaṁ na nirujjhissati, no ca tesaṁ tattha samudayasaccaṁ na nirujjhissati. Aggamaggassa bhaṅgakkhaṇe arahantānaṁ asaññasattānaṁ tesaṁ tattha maggasaccañca na nirujjhissati samudayasaccañca na nirujjhissati.

85. ya5.2.2:66.0.1

    5.2.2.4. Paccuppannātītavāra

86. ya5.2.2:66.0.2

    5.2.2.4.1. Anulomapuggala

87. ya5.2.2:66.1

    Yassa dukkhasaccaṁ nirujjhati tassa samudayasaccaṁ nirujjhitthāti? Āmantā.

88. ya5.2.2:67.1

    Yassa vā pana samudayasaccaṁ nirujjhittha tassa dukkhasaccaṁ nirujjhatīti?

89. ya5.2.2:68.1

    Sabbesaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ samudayasaccaṁ nirujjhittha, no ca tesaṁ dukkhasaccaṁ nirujjhati. Sabbesaṁ cavantānaṁ pavatte cittassa bhaṅgakkhaṇe tesaṁ samudayasaccañca nirujjhittha dukkhasaccañca nirujjhati.

90. ya5.2.2:69.1

    Yassa dukkhasaccaṁ nirujjhati tassa maggasaccaṁ nirujjhitthāti?

91. ya5.2.2:70.1

    Anabhisametāvīnaṁ cavantānaṁ pavatte cittassa bhaṅgakkhaṇe tesaṁ dukkhasaccaṁ nirujjhati, no ca tesaṁ maggasaccaṁ nirujjhittha. Abhisametāvīnaṁ cavantānaṁ pavatte cittassa bhaṅgakkhaṇe tesaṁ dukkhasaccañca nirujjhati maggasaccañca nirujjhittha.

92. ya5.2.2:71.1

    Yassa vā pana maggasaccaṁ nirujjhittha tassa dukkhasaccaṁ nirujjhatīti?

93. ya5.2.2:72.1

    Abhisametāvīnaṁ upapajjantānaṁ pavatte cittassa uppādakkhaṇe arūpe maggassa ca phalassa ca bhaṅgakkhaṇe tesaṁ maggasaccaṁ nirujjhittha, no ca tesaṁ dukkhasaccaṁ nirujjhati. Abhisametāvīnaṁ cavantānaṁ pavatte cittassa bhaṅgakkhaṇe tesaṁ maggasaccañca nirujjhittha dukkhasaccañca nirujjhati.

94. ya5.2.2:73.1

    Yassa samudayasaccaṁ nirujjhati tassa maggasaccaṁ nirujjhitthāti?

95. ya5.2.2:74.1

    Anabhisametāvīnaṁ taṇhāya bhaṅgakkhaṇe tesaṁ samudayasaccaṁ nirujjhati, no ca tesaṁ maggasaccaṁ nirujjhittha. Abhisametāvīnaṁ taṇhāya bhaṅgakkhaṇe tesaṁ samudayasaccañca nirujjhati maggasaccañca nirujjhittha.

96. ya5.2.2:75.1

    Yassa vā pana maggasaccaṁ nirujjhittha tassa samudayasaccaṁ nirujjhatīti?

97. ya5.2.2:76.1

    Abhisametāvīnaṁ taṇhāya uppādakkhaṇe taṇhāvippayuttacitte vattamāne nirodhasamāpannānaṁ tesaṁ maggasaccaṁ nirujjhittha, no ca tesaṁ samudayasaccaṁ nirujjhati. Abhisametāvīnaṁ taṇhāya bhaṅgakkhaṇe tesaṁ maggasaccañca nirujjhittha samudayasaccañca nirujjhati.

98. ya5.2.2:77.0

    5.2.2.4.2. Anulomaokāsa

99. ya5.2.2:77.1

    Yattha dukkhasaccaṁ nirujjhati …pe….

100. ya5.2.2:78.0

     5.2.2.4.3. Anulomapuggalokāsa

Next → — showing 1–100 of 240

SuttaCentral (suttacentral.net), from the bilara-data and sc-data repositories. Licence: Public Domain. Source.