← Library

5 Saccayamaka — 5.2 Pavattivāra — 5.2.1. Uppādavāra

Early Buddhist texts (SuttaCentral): Abhidhamma · abhidhamma · 306 sections

1. ya5.2.1:170.1

   Yassa yattha samudayasaccaṁ nuppajjati tassa tattha maggasaccaṁ nuppajjitthāti?

2. ya5.2.1:171.1

   Abhisametāvīnaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjittha. Suddhāvāsānaṁ dutiye citte vattamāne anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca nuppajjati maggasaccañca nuppajjittha.

3. ya5.2.1:172.1

   Yassa vā pana yattha maggasaccaṁ nuppajjittha tassa tattha samudayasaccaṁ nuppajjatīti?

4. ya5.2.1:173.1

   Anabhisametāvīnaṁ taṇhāya uppādakkhaṇe tesaṁ tattha maggasaccaṁ nuppajjittha, no ca tesaṁ tattha samudayasaccaṁ nuppajjati. Suddhāvāsānaṁ dutiye citte vattamāne anabhisametāvīnaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca nuppajjittha samudayasaccañca nuppajjati.

5. ya5.2.1:174.0.1

   5.2.1.5. Paccuppannānāgatavāra

6. ya5.2.1:174.0.2

   5.2.1.5.1. Anulomapuggala

7. ya5.2.1:174.1

   Yassa dukkhasaccaṁ uppajjati tassa samudayasaccaṁ uppajjissatīti?

8. ya5.2.1:175.1

   Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ dukkhasaccaṁ uppajjati, no ca tesaṁ samudayasaccaṁ uppajjissati. Itaresaṁ upapajjantānaṁ pavatte cittassa uppādakkhaṇe tesaṁ dukkhasaccañca uppajjati samudayasaccañca uppajjissati.

9. ya5.2.1:176.1

   Yassa vā pana samudayasaccaṁ uppajjissati tassa dukkhasaccaṁ uppajjatīti?

10. ya5.2.1:177.1

    Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ samudayasaccaṁ uppajjissati, no ca tesaṁ dukkhasaccaṁ uppajjati. Sabbesaṁ upapajjantānaṁ pavatte cittassa uppādakkhaṇe tesaṁ samudayasaccañca uppajjissati dukkhasaccañca uppajjati.

11. ya5.2.1:178.1

    Yassa dukkhasaccaṁ uppajjati tassa maggasaccaṁ uppajjissatīti?

12. ya5.2.1:179.1

    Aggamaggassa uppādakkhaṇe arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe tesaṁ dukkhasaccaṁ uppajjati, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ dukkhasaccañca uppajjati maggasaccañca uppajjissati.

13. ya5.2.1:180.1

    Yassa vā pana maggasaccaṁ uppajjissati tassa dukkhasaccaṁ uppajjatīti?

14. ya5.2.1:181.1

    Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ maggasaccaṁ uppajjissati, no ca tesaṁ dukkhasaccaṁ uppajjati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ maggasaccañca uppajjissati dukkhasaccañca uppajjati.

15. ya5.2.1:182.1

    Yassa samudayasaccaṁ uppajjati tassa maggasaccaṁ uppajjissatīti?

16. ya5.2.1:183.1

    Ye puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ samudayasaccaṁ uppajjati, no ca tesaṁ maggasaccaṁ uppajjissati. Ye maggaṁ paṭilabhissanti tesaṁ taṇhāya uppādakkhaṇe tesaṁ samudayasaccañca uppajjati maggasaccañca uppajjissati.

17. ya5.2.1:184.1

    Yassa vā pana maggasaccaṁ uppajjissati tassa samudayasaccaṁ uppajjatīti?

18. ya5.2.1:185.1

    Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ maggasaccaṁ uppajjissati, no ca tesaṁ samudayasaccaṁ uppajjati. Ye maggaṁ paṭilabhissanti tesaṁ taṇhāya uppādakkhaṇe tesaṁ maggasaccañca uppajjissati samudayasaccañca uppajjati.

19. ya5.2.1:186.0

    5.2.1.5.2. Anulomaokāsa

20. ya5.2.1:186.1

    Yattha dukkhasaccaṁ uppajjati …pe…

21. ya5.2.1:187.1

    (Yatthakampi yassayatthakasadisaṁ kātabbaṁ.)

22. ya5.2.1:188.0

    5.2.1.5.3. Anulomapuggalokāsa

23. ya5.2.1:188.1

    Yassa yattha dukkhasaccaṁ uppajjati tassa tattha samudayasaccaṁ uppajjissatīti?

24. ya5.2.1:189.1

    Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha samudayasaccaṁ uppajjissati. Itaresaṁ catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati samudayasaccañca uppajjissati.

25. ya5.2.1:190.1

    Yassa vā pana yattha samudayasaccaṁ uppajjissati tassa tattha dukkhasaccaṁ uppajjatīti?

26. ya5.2.1:191.1

    Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha samudayasaccaṁ uppajjissati, no ca tesaṁ tattha dukkhasaccaṁ uppajjati. Catuvokāraṁ pañcavokāraṁ upapajjantānaṁ pavatte cittassa uppādakkhaṇe tesaṁ tattha samudayasaccañca uppajjissati dukkhasaccañca uppajjati.

27. ya5.2.1:192.1

    Yassa yattha dukkhasaccaṁ uppajjati tassa tattha maggasaccaṁ uppajjissatīti?

28. ya5.2.1:193.1

    Aggamaggassa uppādakkhaṇe arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha dukkhasaccaṁ uppajjati, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ tattha dukkhasaccañca uppajjati maggasaccañca uppajjissati.

29. ya5.2.1:194.1

    Yassa vā pana yattha maggasaccaṁ uppajjissati tassa tattha dukkhasaccaṁ uppajjatīti?

30. ya5.2.1:195.1

    Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha maggasaccaṁ uppajjissati, no ca tesaṁ tattha dukkhasaccaṁ uppajjati. Yassa cittassa anantarā aggamaggaṁ paṭilabhissanti tassa cittassa uppādakkhaṇe ye caññe maggaṁ paṭilabhissanti tesaṁ upapajjantānaṁ pavatte cittassa uppādakkhaṇe tesaṁ tattha maggasaccañca uppajjissati dukkhasaccañca uppajjati.

31. ya5.2.1:196.1

    Yassa yattha samudayasaccaṁ uppajjati tassa tattha maggasaccaṁ uppajjissatīti?

32. ya5.2.1:197.1

    Āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ tattha samudayasaccaṁ uppajjati, no ca tesaṁ tattha maggasaccaṁ uppajjissati. Ye maggaṁ paṭilabhissanti tesaṁ taṇhāya uppādakkhaṇe tesaṁ tattha samudayasaccañca uppajjati maggasaccañca uppajjissati.

33. ya5.2.1:198.1

    Yassa vā pana yattha maggasaccaṁ uppajjissati tassa tattha samudayasaccaṁ uppajjatīti?

34. ya5.2.1:199.1

    Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha maggasaccaṁ uppajjissati, no ca tesaṁ tattha samudayasaccaṁ uppajjati. Ye maggaṁ paṭilabhissanti tesaṁ taṇhāya uppādakkhaṇe tesaṁ tattha maggasaccañca uppajjissati samudayasaccañca uppajjati.

35. ya5.2.1:200.0

    5.2.1.5.4. Paccanīkapuggala

36. ya5.2.1:200.1

    Yassa dukkhasaccaṁ nuppajjati tassa samudayasaccaṁ nuppajjissatīti?

37. ya5.2.1:201.1

    Sabbesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccaṁ nuppajjati, no ca tesaṁ samudayasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ dukkhasaccañca nuppajjati samudayasaccañca nuppajjissati.

38. ya5.2.1:202.1

    Yassa vā pana samudayasaccaṁ nuppajjissati tassa dukkhasaccaṁ nuppajjatīti?

39. ya5.2.1:203.1

    Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe tesaṁ samudayasaccaṁ nuppajjissati, no ca tesaṁ dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ samudayasaccañca nuppajjissati dukkhasaccañca nuppajjati.

40. ya5.2.1:204.1

    Yassa dukkhasaccaṁ nuppajjati tassa maggasaccaṁ nuppajjissatīti?

41. ya5.2.1:205.1

    Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ dukkhasaccaṁ nuppajjati, no ca tesaṁ maggasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ dukkhasaccañca nuppajjati maggasaccañca nuppajjissati.

42. ya5.2.1:206.1

    Yassa vā pana maggasaccaṁ nuppajjissati tassa dukkhasaccaṁ nuppajjatīti?

43. ya5.2.1:207.1

    Aggamaggassa uppādakkhaṇe arahantānaṁ cittassa uppādakkhaṇe ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe tesaṁ maggasaccaṁ nuppajjissati, no ca tesaṁ dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe tesaṁ maggasaccañca nuppajjissati dukkhasaccañca nuppajjati.

44. ya5.2.1:208.1

    Yassa samudayasaccaṁ nuppajjati tassa maggasaccaṁ nuppajjissatīti?

45. ya5.2.1:209.1

    Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne nirodhasamāpannānaṁ asaññasattānaṁ tesaṁ samudayasaccaṁ nuppajjati, no ca tesaṁ maggasaccaṁ nuppajjissati. Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ samudayasaccañca nuppajjati maggasaccañca nuppajjissati.

46. ya5.2.1:210.1

    Yassa vā pana maggasaccaṁ nuppajjissati tassa samudayasaccaṁ nuppajjatīti?

47. ya5.2.1:211.1

    Ye puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ maggasaccaṁ nuppajjissati, no ca tesaṁ samudayasaccaṁ nuppajjati. Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ maggasaccañca nuppajjissati samudayasaccañca nuppajjati.

48. ya5.2.1:212.0

    5.2.1.5.5. Paccanīkaokāsa

49. ya5.2.1:212.1

    Yattha dukkhasaccaṁ nuppajjati …pe….

50. ya5.2.1:213.0

    5.2.1.5.6. Paccanīkapuggalokāsa

51. ya5.2.1:213.1

    Yassa yattha dukkhasaccaṁ nuppajjati tassa tattha samudayasaccaṁ nuppajjissatīti?

52. ya5.2.1:214.1

    Catuvokārā pañcavokārā cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha samudayasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe asaññasattā cavantānaṁ arūpe aggamaggassa ca phalassa ca uppādakkhaṇe tesaṁ tattha dukkhasaccañca nuppajjati samudayasaccañca nuppajjissati.

53. ya5.2.1:215.1

    Yassa vā pana yattha samudayasaccaṁ nuppajjissati tassa tattha dukkhasaccaṁ nuppajjatīti?

54. ya5.2.1:216.1

    Aggamaggassa uppādakkhaṇe arahantānaṁ cittassa uppādakkhaṇe yassa cittassa anantarā aggamaggaṁ paṭilabhissanti tassa cittassa uppādakkhaṇe asaññasattaṁ upapajjantānaṁ tesaṁ tattha samudayasaccaṁ nuppajjissati, no ca tesaṁ tattha dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe yassa cittassa anantarā aggamaggaṁ paṭilabhissanti tassa cittassa bhaṅgakkhaṇe arūpe aggamaggassa ca phalassa ca uppādakkhaṇe asaññasattā cavantānaṁ tesaṁ tattha samudayasaccañca nuppajjissati dukkhasaccañca nuppajjati.

55. ya5.2.1:217.1

    Yassa yattha dukkhasaccaṁ nuppajjati tassa tattha maggasaccaṁ nuppajjissatīti?

56. ya5.2.1:218.1

    Yassa cittassa anantarā aggamaggaṁ paṭilabhissanti tassa cittassa bhaṅgakkhaṇe ye caññe maggaṁ paṭilabhissanti tesaṁ cavantānaṁ pavatte cittassa bhaṅgakkhaṇe arūpe maggassa ca phalassa ca uppādakkhaṇe tesaṁ tattha dukkhasaccaṁ nuppajjati, no ca tesaṁ tattha maggasaccaṁ nuppajjissati. Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe asaññasattā cavantānaṁ arūpe aggamaggassa ca phalassa ca uppādakkhaṇe tesaṁ tattha dukkhasaccañca nuppajjati maggasaccañca nuppajjissati.

57. ya5.2.1:219.1

    Yassa vā pana yattha maggasaccaṁ nuppajjissati tassa tattha dukkhasaccaṁ nuppajjatīti?

58. ya5.2.1:220.1

    Aggamaggassa uppādakkhaṇe arahantānaṁ cittassa uppādakkhaṇe āpāyikānaṁ ye ca puthujjanā maggaṁ na paṭilabhissanti tesaṁ upapajjantānaṁ pavatte cittassa uppādakkhaṇe asaññasattaṁ upapajjantānaṁ tesaṁ tattha maggasaccaṁ nuppajjissati, no ca tesaṁ tattha dukkhasaccaṁ nuppajjati. Aggamaggassa bhaṅgakkhaṇe arahantānaṁ cittassa bhaṅgakkhaṇe āpāyikānaṁ ye ca puthujjanā maggaṁ na paṭilabhissanti tesaṁ cavantānaṁ pavatte cittassa bhaṅgakkhaṇe arūpe aggamaggassa ca phalassa ca uppādakkhaṇe asaññasattā cavantānaṁ tesaṁ tattha maggasaccañca nuppajjissati dukkhasaccañca nuppajjati.

59. ya5.2.1:221.1

    Yassa yattha samudayasaccaṁ nuppajjati tassa tattha maggasaccaṁ nuppajjissatīti?

60. ya5.2.1:222.1

    Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne tesaṁ tattha samudayasaccaṁ nuppajjati, no ca tesaṁ tattha maggasaccaṁ nuppajjissati. Aggamaggasamaṅgīnaṁ arahantānaṁ, āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha samudayasaccañca nuppajjati maggasaccañca nuppajjissati.

61. ya5.2.1:223.1

    Yassa vā pana yattha maggasaccaṁ nuppajjissati tassa tattha samudayasaccaṁ nuppajjatīti?

62. ya5.2.1:224.1

    Āpāyikānaṁ ye ca puthujjanā maggaṁ na paṭilabhissanti tesaṁ taṇhāya uppādakkhaṇe tesaṁ tattha maggasaccaṁ nuppajjissati, no ca tesaṁ tattha samudayasaccaṁ nuppajjati. Aggamaggasamaṅgīnaṁ arahantānaṁ āpāyikānaṁ ye ca puthujjanā maggaṁ na paṭilabhissanti tesaṁ taṇhāya bhaṅgakkhaṇe taṇhāvippayuttacitte vattamāne asaññasattānaṁ tesaṁ tattha maggasaccañca nuppajjissati samudayasaccañca nuppajjati.

63. ya5.2.1:225.0.1

    5.2.1.6. Atītānāgatavāra

64. ya5.2.1:225.0.2

    5.2.1.6.1. Anulomapuggala

65. ya5.2.1:225.1

    Yassa dukkhasaccaṁ uppajjittha tassa samudayasaccaṁ uppajjissatīti?

66. ya5.2.1:226.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti tesaṁ dukkhasaccaṁ uppajjittha, no ca tesaṁ samudayasaccaṁ uppajjissati. Itaresaṁ tesaṁ dukkhasaccañca uppajjittha samudayasaccañca uppajjissati.

67. ya5.2.1:227.1

    Yassa vā pana samudayasaccaṁ uppajjissati tassa dukkhasaccaṁ uppajjitthāti? Āmantā.

68. ya5.2.1:228.1

    Yassa dukkhasaccaṁ uppajjittha tassa maggasaccaṁ uppajjissatīti?

69. ya5.2.1:229.1

    Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ dukkhasaccaṁ uppajjittha, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ dukkhasaccañca uppajjittha maggasaccañca uppajjissati.

70. ya5.2.1:230.1

    Yassa vā pana …pe… ? Āmantā.

71. ya5.2.1:231.1

    Yassa samudayasaccaṁ uppajjittha tassa maggasaccaṁ uppajjissatīti? Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti tesaṁ samudayasaccaṁ uppajjittha, no ca tesaṁ maggasaccaṁ uppajjissati. Yassa cittassa anantarā aggamaggaṁ paṭilabhissanti, ye caññe maggaṁ paṭilabhissanti tesaṁ samudayasaccañca uppajjittha maggasaccañca uppajjissati.

72. ya5.2.1:232.1

    Yassa vā pana …pe… ? Āmantā.

73. ya5.2.1:233.0

    5.2.1.6.2. Anulomaokāsa

74. ya5.2.1:233.1

    Yattha dukkhasaccaṁ uppajjittha …pe….

75. ya5.2.1:234.0

    5.2.1.6.3. Anulomapuggalokāsa

76. ya5.2.1:234.1

    Yassa yattha dukkhasaccaṁ uppajjittha tassa tattha samudayasaccaṁ uppajjissatīti?

77. ya5.2.1:235.1

    Aggamaggasamaṅgīnaṁ arahantānaṁ yassa cittassa anantarā aggamaggaṁ paṭilabhissanti asaññasattānaṁ tesaṁ tattha dukkhasaccaṁ uppajjittha, no ca tesaṁ tattha samudayasaccaṁ uppajjissati. Itaresaṁ catuvokārānaṁ pañcavokārānaṁ tesaṁ tattha dukkhasaccañca uppajjittha samudayasaccañca uppajjissati.

78. ya5.2.1:236.1

    Yassa vā pana yattha samudayasaccaṁ uppajjissati tassa tattha dukkhasaccaṁ uppajjitthāti?

79. ya5.2.1:237.1

    Suddhāvāsaṁ upapajjantānaṁ tesaṁ tattha samudayasaccaṁ uppajjissati, no ca tesaṁ tattha dukkhasaccaṁ uppajjittha. Itaresaṁ catuvokārānaṁ pañcavokārānaṁ tesaṁ tattha samudayasaccañca uppajjissati dukkhasaccañca uppajjittha.

80. ya5.2.1:238.1

    Yassa yattha dukkhasaccaṁ uppajjittha tassa tattha maggasaccaṁ uppajjissatīti?

81. ya5.2.1:239.1

    Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ asaññasattānaṁ tesaṁ tattha dukkhasaccaṁ uppajjittha, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha dukkhasaccañca uppajjittha maggasaccañca uppajjissati.

82. ya5.2.1:240.1

    Yassa vā pana yattha maggasaccaṁ uppajjissati tassa tattha dukkhasaccaṁ uppajjitthāti?

83. ya5.2.1:241.1

    Suddhāvāsaṁ upapajjantānaṁ tesaṁ tattha maggasaccaṁ uppajjissati, no ca tesaṁ tattha dukkhasaccaṁ uppajjittha. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca uppajjissati dukkhasaccañca uppajjittha.

84. ya5.2.1:242.1

    Yassa yattha samudayasaccaṁ uppajjittha tassa tattha maggasaccaṁ uppajjissatīti?

85. ya5.2.1:243.1

    Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha samudayasaccaṁ uppajjittha, no ca tesaṁ tattha maggasaccaṁ uppajjissati. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha samudayasaccañca uppajjittha maggasaccañca uppajjissati.

86. ya5.2.1:244.1

    Yassa vā pana yattha maggasaccaṁ uppajjissati tassa tattha samudayasaccaṁ uppajjitthāti?

87. ya5.2.1:245.1

    Suddhāvāsānaṁ dutiye citte vattamāne tesaṁ tattha maggasaccaṁ uppajjissati, no ca tesaṁ tattha samudayasaccaṁ uppajjittha. Yassa cittassa anantarā aggamaggaṁ paṭilabhissanti ye caññe maggaṁ paṭilabhissanti tesaṁ tattha maggasaccañca uppajjissati samudayasaccañca uppajjittha.

88. ya5.2.1:246.0

    5.2.1.6.4. Paccanīkapuggala

89. ya5.2.1:246.1

    Yassa dukkhasaccaṁ nuppajjittha tassa samudayasaccaṁ nuppajjissatīti? Natthi.

90. ya5.2.1:247.1

    Yassa vā pana samudayasaccaṁ nuppajjissati tassa dukkhasaccaṁ nuppajjitthāti? Uppajjittha.

91. ya5.2.1:248.1

    Yassa dukkhasaccaṁ nuppajjittha tassa maggasaccaṁ nuppajjissatīti? Natthi.

92. ya5.2.1:249.1

    Yassa vā pana maggasaccaṁ nuppajjissati tassa dukkhasaccaṁ nuppajjitthāti? Uppajjittha.

93. ya5.2.1:250.1

    Yassa samudayasaccaṁ nuppajjittha tassa maggasaccaṁ nuppajjissatīti? Natthi.

94. ya5.2.1:251.1

    Yassa vā pana maggasaccaṁ nuppajjissati tassa samudayasaccaṁ nuppajjitthāti? Uppajjittha.

95. ya5.2.1:252.0

    5.2.1.6.5. Paccanīkaokāsa

96. ya5.2.1:252.1

    Yattha dukkhasaccaṁ nuppajjittha …pe….

97. ya5.2.1:253.0

    5.2.1.6.6. Paccanīkapuggalokāsa

98. ya5.2.1:253.1

    Yassa yattha dukkhasaccaṁ nuppajjittha tassa tattha samudayasaccaṁ nuppajjissatīti? Uppajjissati.

99. ya5.2.1:254.1

    Yassa vā pana yattha samudayasaccaṁ nuppajjissati tassa tattha dukkhasaccaṁ nuppajjitthāti? Uppajjittha.

100. ya5.2.1:255.1

     Yassa yattha dukkhasaccaṁ nuppajjittha tassa tattha maggasaccaṁ nuppajjissatīti? Uppajjissati.

← Previous · Next → — showing 201–300 of 306

SuttaCentral (suttacentral.net), from the bilara-data and sc-data repositories. Licence: Public Domain. Source.