← Library

5 Saccayamaka — 5.2 Pavattivāra — 5.2.1. Uppādavāra

Early Buddhist texts (SuttaCentral): Abhidhamma · abhidhamma · 306 sections

1. ya5.2.1:256.1

   Yassa vā pana yattha maggasaccaṁ nuppajjissati tassa tattha dukkhasaccaṁ nuppajjitthāti? Uppajjittha.

2. ya5.2.1:257.1

   Yassa yattha samudayasaccaṁ nuppajjittha tassa tattha maggasaccaṁ nuppajjissatīti?

3. ya5.2.1:258.1

   Suddhāvāsānaṁ dutiye citte vattamāne tesaṁ tattha samudayasaccaṁ nuppajjittha, no ca tesaṁ tattha maggasaccaṁ nuppajjissati. Asaññasattānaṁ tesaṁ tattha samudayasaccañca nuppajjittha maggasaccañca nuppajjissati.

4. ya5.2.1:259.1

   Yassa vā pana yattha maggasaccaṁ nuppajjissati tassa tattha samudayasaccaṁ nuppajjitthāti?

5. ya5.2.1:260.1

   Aggamaggasamaṅgīnaṁ arahantānaṁ ye ca puthujjanā maggaṁ na paṭilabhissanti āpāyikānaṁ tesaṁ tattha maggasaccaṁ nuppajjissati, no ca tesaṁ tattha samudayasaccaṁ nuppajjittha. Asaññasattānaṁ tesaṁ tattha maggasaccañca nuppajjissati samudayasaccañca nuppajjittha.

6. ya5.2.1:261.1

   Uppādavāro.

← Previous — showing 301–306 of 306

SuttaCentral (suttacentral.net), from the bilara-data and sc-data repositories. Licence: Public Domain. Source.