← Library

3 Āyatanayamaka — 3.2 Pavattivāra — 3.2.1. Uppādavāra

Early Buddhist texts (SuttaCentral): Abhidhamma · abhidhamma · 763 sections

1. ya3.2.1:468.1

   Yassa rūpāyatanaṁ uppajjati tassa manāyatanaṁ uppajjissatīti?

2. ya3.2.1:469.1

   Pacchimabhavikānaṁ pañcavokāraṁ upapajjantānaṁ tesaṁ rūpāyatanaṁ uppajjati, no ca tesaṁ manāyatanaṁ uppajjissati. Itaresaṁ sarūpakānaṁ upapajjantānaṁ tesaṁ rūpāyatanañca uppajjati manāyatanañca uppajjissati.

3. ya3.2.1:470.1

   Yassa vā pana manāyatanaṁ uppajjissati tassa rūpāyatanaṁ uppajjatīti?

4. ya3.2.1:471.1

   Sabbesaṁ cavantānaṁ arūpakānaṁ upapajjantānaṁ tesaṁ manāyatanaṁ uppajjissati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ manāyatanañca uppajjissati rūpāyatanañca uppajjati.

5. ya3.2.1:472.1

   Yassa rūpāyatanaṁ uppajjati tassa dhammāyatanaṁ uppajjissatīti?

6. ya3.2.1:473.1

   Pacchimabhavikānaṁ pañcavokāraṁ upapajjantānaṁ tesaṁ rūpāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sarūpakānaṁ upapajjantānaṁ tesaṁ rūpāyatanañca uppajjati dhammāyatanañca uppajjissati.

7. ya3.2.1:474.1

   Yassa vā pana dhammāyatanaṁ uppajjissati tassa rūpāyatanaṁ uppajjatīti?

8. ya3.2.1:475.1

   Sabbesaṁ cavantānaṁ arūpakānaṁ upapajjantānaṁ tesaṁ dhammāyatanaṁ uppajjissati, no ca tesaṁ rūpāyatanaṁ uppajjati. Sarūpakānaṁ upapajjantānaṁ tesaṁ dhammāyatanañca uppajjissati rūpāyatanañca uppajjati. (Rūpāyatanamūlakaṁ.)

9. ya3.2.1:476.1

   Yassa manāyatanaṁ uppajjati tassa dhammāyatanaṁ uppajjissatīti?

10. ya3.2.1:477.1

    Pacchimabhavikānaṁ upapajjantānaṁ tesaṁ manāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sacittakānaṁ upapajjantānaṁ tesaṁ manāyatanañca uppajjati, dhammāyatanañca uppajjissati.

11. ya3.2.1:478.1

    Yassa vā pana dhammāyatanaṁ uppajjissati tassa manāyatanaṁ uppajjatīti?

12. ya3.2.1:479.1

    Sabbesaṁ cavantānaṁ acittakānaṁ upapajjantānaṁ tesaṁ dhammāyatanaṁ uppajjissati, no ca tesaṁ manāyatanaṁ uppajjati. Sacittakānaṁ upapajjantānaṁ tesaṁ dhammāyatanañca uppajjissati manāyatanañca uppajjati. (…)

13. ya3.2.1:480.0

    3.2.1.5.2. Anulomaokāsa

14. ya3.2.1:480.1

    Yattha cakkhāyatanaṁ uppajjati …pe….

15. ya3.2.1:481.0

    3.2.1.5.3. Anulomapuggalokāsa

16. ya3.2.1:481.1

    Yassa yattha cakkhāyatanaṁ uppajjati tassa tattha sotāyatanaṁ uppajjissatīti?

17. ya3.2.1:482.1

    Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha sotāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati sotāyatanañca uppajjissati.

18. ya3.2.1:483.1

    Yassa vā pana yattha sotāyatanaṁ uppajjissati tassa tattha cakkhāyatanaṁ uppajjatīti?

19. ya3.2.1:484.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha sotāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha sotāyatanañca uppajjissati cakkhāyatanañca uppajjati.

20. ya3.2.1:485.1

    Yassa yattha cakkhāyatanaṁ uppajjati tassa tattha ghānāyatanaṁ uppajjissatīti?

21. ya3.2.1:486.1

    Pacchimabhavikānaṁ kāmāvacaraṁ upapajjantānaṁ rūpāvacaraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha ghānāyatanaṁ uppajjissati. Itaresaṁ sacakkhukānaṁ kāmāvacaraṁ upapajjantānaṁ tesaṁ tattha cakkhāyatanañca uppajjati ghānāyatanañca uppajjissati.

22. ya3.2.1:487.1

    Yassa vā pana yattha ghānāyatanaṁ uppajjissati tassa tattha cakkhāyatanaṁ uppajjatīti?

23. ya3.2.1:488.1

    Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ kāmāvacaraṁ upapajjantānaṁ tesaṁ tattha ghānāyatanañca uppajjissati cakkhāyatanañca uppajjati.

24. ya3.2.1:489.1

    Yassa yattha cakkhāyatanaṁ uppajjati tassa tattha rūpāyatanaṁ uppajjissatīti?

25. ya3.2.1:490.1

    Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha rūpāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati rūpāyatanañca uppajjissati.

26. ya3.2.1:491.1

    Yassa vā pana yattha rūpāyatanaṁ uppajjissati tassa tattha cakkhāyatanaṁ uppajjatīti?

27. ya3.2.1:492.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha rūpāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha rūpāyatanañca uppajjissati cakkhāyatanañca uppajjati.

28. ya3.2.1:493.1

    Yassa yattha cakkhāyatanaṁ uppajjati tassa tattha manāyatanaṁ uppajjissatīti?

29. ya3.2.1:494.1

    Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati manāyatanañca uppajjissati.

30. ya3.2.1:495.1

    Yassa vā pana yattha manāyatanaṁ uppajjissati tassa tattha cakkhāyatanaṁ uppajjatīti?

31. ya3.2.1:496.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha manāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha manāyatanañca uppajjissati cakkhāyatanañca uppajjati.

32. ya3.2.1:497.1

    Yassa yattha cakkhāyatanaṁ uppajjati tassa tattha dhammāyatanaṁ uppajjissatīti?

33. ya3.2.1:498.1

    Pacchimabhavikānaṁ pañcavokāraṁ upapajjantānaṁ tesaṁ tattha cakkhāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ tattha cakkhāyatanañca uppajjati dhammāyatanañca uppajjissati.

34. ya3.2.1:499.1

    Yassa vā pana yattha dhammāyatanaṁ uppajjissati tassa tattha cakkhāyatanaṁ uppajjatīti?

35. ya3.2.1:500.1

    Sabbesaṁ cavantānaṁ acakkhukānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha cakkhāyatanaṁ uppajjati. Sacakkhukānaṁ upapajjantānaṁ tesaṁ tattha dhammāyatanañca uppajjissati cakkhāyatanañca uppajjati. (Cakkhāyatanamūlakaṁ.)

36. ya3.2.1:501.1

    Yassa yattha ghānāyatanaṁ uppajjati tassa tattha rūpāyatanaṁ uppajjissatīti?

37. ya3.2.1:502.1

    Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha rūpāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati rūpāyatanañca uppajjissati.

38. ya3.2.1:503.1

    Yassa vā pana yattha rūpāyatanaṁ uppajjissati tassa tattha ghānāyatanaṁ uppajjatīti?

39. ya3.2.1:504.1

    Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha rūpāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha rūpāyatanañca uppajjissati ghānāyatanañca uppajjati.

40. ya3.2.1:505.1

    Yassa yattha ghānāyatanaṁ uppajjati tassa tattha manāyatanaṁ uppajjissatīti?

41. ya3.2.1:506.1

    Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati manāyatanañca uppajjissati.

42. ya3.2.1:507.1

    Yassa vā pana yattha manāyatanaṁ uppajjissati tassa tattha ghānāyatanaṁ uppajjatīti?

43. ya3.2.1:508.1

    Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha manāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha manāyatanañca uppajjissati ghānāyatanañca uppajjati.

44. ya3.2.1:509.1

    Yassa yattha ghānāyatanaṁ uppajjati tassa tattha dhammāyatanaṁ uppajjissatīti?

45. ya3.2.1:510.1

    Pacchimabhavikānaṁ kāmāvacaraṁ upapajjantānaṁ tesaṁ tattha ghānāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ saghānakānaṁ upapajjantānaṁ tesaṁ tattha ghānāyatanañca uppajjati dhammāyatanañca uppajjissati.

46. ya3.2.1:511.1

    Yassa vā pana yattha dhammāyatanaṁ uppajjissati tassa tattha ghānāyatanaṁ uppajjatīti?

47. ya3.2.1:512.1

    Sabbesaṁ cavantānaṁ aghānakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha dhammāyatanañca uppajjissati ghānāyatanañca uppajjati. (Ghānāyatanamūlakaṁ.)

48. ya3.2.1:513.1

    Yassa yattha rūpāyatanaṁ uppajjati tassa tattha manāyatanaṁ uppajjissatīti?

49. ya3.2.1:514.1

    Pacchimabhavikānaṁ pañcavokāraṁ upapajjantānaṁ asaññasattaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha manāyatanaṁ uppajjissati. Itaresaṁ pañcavokāraṁ upapajjantānaṁ tesaṁ tattha rūpāyatanañca uppajjati manāyatanañca uppajjissati.

50. ya3.2.1:515.1

    Yassa vā pana yattha manāyatanaṁ uppajjissati tassa tattha rūpāyatanaṁ uppajjatīti?

51. ya3.2.1:516.1

    Pañcavokārā cavantānaṁ arūpānaṁ tesaṁ tattha manāyatanaṁ uppajjissati, no ca tesaṁ tattha rūpāyatanaṁ uppajjati. Pañcavokāraṁ upapajjantānaṁ tesaṁ tattha manāyatanañca uppajjissati rūpāyatanañca uppajjati.

52. ya3.2.1:517.1

    Yassa yattha rūpāyatanaṁ uppajjati tassa tattha dhammāyatanaṁ uppajjissatīti?

53. ya3.2.1:518.1

    Pacchimabhavikānaṁ pañcavokāraṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sarūpakānaṁ upapajjantānaṁ tesaṁ tattha rūpāyatanañca uppajjati dhammāyatanañca uppajjissati.

54. ya3.2.1:519.1

    Yassa vā pana yattha dhammāyatanaṁ uppajjissati tassa tattha rūpāyatanaṁ uppajjatīti?

55. ya3.2.1:520.1

    Sabbesaṁ cavantānaṁ arūpakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha rūpāyatanaṁ uppajjati. Sarūpakānaṁ upapajjantānaṁ tesaṁ tattha dhammāyatanañca uppajjissati rūpāyatanañca uppajjati. (Rūpāyatanamūlakaṁ.)

56. ya3.2.1:521.1

    Yassa yattha manāyatanaṁ uppajjati tassa tattha dhammāyatanaṁ uppajjissatīti?

57. ya3.2.1:522.1

    Pacchimabhavikānaṁ upapajjantānaṁ tesaṁ tattha manāyatanaṁ uppajjati, no ca tesaṁ tattha dhammāyatanaṁ uppajjissati. Itaresaṁ sacittakānaṁ upapajjantānaṁ tesaṁ tattha manāyatanañca uppajjati dhammāyatanañca uppajjissati.

58. ya3.2.1:523.1

    Yassa vā pana yattha dhammāyatanaṁ uppajjissati tassa tattha manāyatanaṁ uppajjatīti?

59. ya3.2.1:524.1

    Sabbesaṁ cavantānaṁ acittakānaṁ upapajjantānaṁ tesaṁ tattha dhammāyatanaṁ uppajjissati, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjissati manāyatanañca uppajjati. (Manāyatanamūlakaṁ.)

60. ya3.2.1:525.0

    3.2.1.5.4. Paccanīkapuggala

61. ya3.2.1:525.1

    Yassa cakkhāyatanaṁ nuppajjati tassa sotāyatanaṁ nuppajjissatīti?

62. ya3.2.1:526.1

    Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ sotāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati sotāyatanañca nuppajjissati.

63. ya3.2.1:527.1

    Yassa vā pana sotāyatanaṁ nuppajjissati tassa cakkhāyatanaṁ nuppajjatīti?

64. ya3.2.1:528.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ sotāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ sotāyatanañca nuppajjissati cakkhāyatanañca nuppajjati.

65. ya3.2.1:529.1

    Yassa cakkhāyatanaṁ nuppajjati tassa ghānāyatanaṁ nuppajjissatīti?

66. ya3.2.1:530.1

    Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ ghānāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati ghānāyatanañca nuppajjissati.

67. ya3.2.1:531.1

    Yassa vā pana ghānāyatanaṁ nuppajjissati tassa cakkhāyatanaṁ nuppajjatīti?

68. ya3.2.1:532.1

    Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ ghānāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ cavantānaṁ tesaṁ ghānāyatanañca nuppajjissati cakkhāyatanañca nuppajjati.

69. ya3.2.1:533.1

    Yassa cakkhāyatanaṁ nuppajjati tassa rūpāyatanaṁ nuppajjissatīti?

70. ya3.2.1:534.1

    Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ rūpāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ cakkhāyatanañca nuppajjati rūpāyatanañca nuppajjissati.

71. ya3.2.1:535.1

    Yassa vā pana rūpāyatanaṁ nuppajjissati tassa cakkhāyatanaṁ nuppajjatīti?

72. ya3.2.1:536.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ rūpāyatanañca nuppajjissati cakkhāyatanañca nuppajjati.

73. ya3.2.1:537.1

    Yassa cakkhāyatanaṁ nuppajjati tassa manāyatanaṁ nuppajjissatīti?

74. ya3.2.1:538.1

    Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ manāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ cakkhāyatanañca nuppajjati manāyatanañca nuppajjissati.

75. ya3.2.1:539.1

    Yassa vā pana manāyatanaṁ nuppajjissati tassa cakkhāyatanaṁ nuppajjatīti?

76. ya3.2.1:540.1

    Pacchimabhavikānaṁ pañcavokāraṁ upapajjantānaṁ tesaṁ manāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ manāyatanañca nuppajjissati cakkhāyatanañca nuppajjati.

77. ya3.2.1:541.1

    Yassa cakkhāyatanaṁ nuppajjati tassa dhammāyatanaṁ nuppajjissatīti?

78. ya3.2.1:542.1

    Sabbesaṁ cavantānaṁ acakkhukānaṁ upapajjantānaṁ tesaṁ cakkhāyatanaṁ nuppajjati, no ca tesaṁ dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ cakkhāyatanañca nuppajjati dhammāyatanañca nuppajjissati.

79. ya3.2.1:543.1

    Yassa vā pana dhammāyatanaṁ nuppajjissati tassa cakkhāyatanaṁ nuppajjatīti?

80. ya3.2.1:544.1

    Pacchimabhavikānaṁ pañcavokāraṁ upapajjantānaṁ tesaṁ dhammāyatanaṁ nuppajjissati, no ca tesaṁ cakkhāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ dhammāyatanañca nuppajjissati cakkhāyatanañca nuppajjati. (Cakkhāyatanamūlakaṁ.)

81. ya3.2.1:545.1

    Yassa ghānāyatanaṁ nuppajjati tassa rūpāyatanaṁ nuppajjissatīti?

82. ya3.2.1:546.1

    Sabbesaṁ cavantānaṁ aghānakānaṁ upapajjantānaṁ tesaṁ ghānāyatanaṁ nuppajjati, no ca tesaṁ rūpāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ ghānāyatanañca nuppajjati rūpāyatanañca nuppajjissati.

83. ya3.2.1:547.1

    Yassa vā pana rūpāyatanaṁ nuppajjissati tassa ghānāyatanaṁ nuppajjatīti?

84. ya3.2.1:548.1

    Pacchimabhavikānaṁ kāmāvacaraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ rūpāyatanaṁ nuppajjissati, no ca tesaṁ ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ ye ca arūpaṁ upapajjitvā parinibbāyissanti tesaṁ cavantānaṁ tesaṁ rūpāyatanañca nuppajjissati ghānāyatanañca nuppajjati.

85. ya3.2.1:549.1

    Yassa ghānāyatanaṁ nuppajjati tassa manāyatanaṁ …pe… dhammāyatanaṁ nuppajjissatīti?

86. ya3.2.1:550.1

    Sabbesaṁ cavantānaṁ aghānakānaṁ upapajjantānaṁ tesaṁ ghānāyatanaṁ nuppajjati, no ca tesaṁ dhammāyatanaṁ nuppajjissati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ ghānāyatanañca nuppajjati dhammāyatanañca nuppajjissati.

87. ya3.2.1:551.1

    Yassa vā pana dhammāyatanaṁ nuppajjissati tassa ghānāyatanaṁ nuppajjatīti?

88. ya3.2.1:552.1

    Pacchimabhavikānaṁ kāmāvacaraṁ upapajjantānaṁ tesaṁ dhammāyatanaṁ nuppajjissati, no ca tesaṁ ghānāyatanaṁ nuppajjati. Kāmāvacare parinibbantānaṁ rūpāvacare arūpāvacare pacchimabhavikānaṁ tesaṁ dhammāyatanañca nuppajjissati ghānāyatanañca nuppajjati. (Ghānāyatanamūlakaṁ.)

89. ya3.2.1:553.1

    Yassa rūpāyatanaṁ nuppajjati tassa manāyatanaṁ …pe… dhammāyatanaṁ nuppajjissatīti?

90. ya3.2.1:554.1

    Sabbesaṁ cavantānaṁ arūpakānaṁ upapajjantānaṁ tesaṁ rūpāyatanaṁ nuppajjati, no ca tesaṁ dhammāyatanaṁ nuppajjissati. Pañcavokāre parinibbantānaṁ arūpe pacchimabhavikānaṁ tesaṁ rūpāyatanañca nuppajjati dhammāyatanañca nuppajjissati.

91. ya3.2.1:555.1

    Yassa vā pana dhammāyatanaṁ nuppajjissati tassa rūpāyatanaṁ nuppajjatīti?

92. ya3.2.1:556.1

    Pacchimabhavikānaṁ pañcavokāraṁ upapajjantānaṁ tesaṁ dhammāyatanaṁ nuppajjissati, no ca tesaṁ rūpāyatanaṁ nuppajjati. Pañcavokāre parinibbantānaṁ arūpe pacchimabhavikānaṁ tesaṁ dhammāyatanañca nuppajjissati rūpāyatanañca nuppajjati. (Rūpāyatanamūlakaṁ.)

93. ya3.2.1:557.1

    Yassa manāyatanaṁ nuppajjati tassa dhammāyatanaṁ nuppajjissatīti?

94. ya3.2.1:558.1

    Sabbesaṁ cavantānaṁ acittakānaṁ upapajjantānaṁ tesaṁ manāyatanaṁ nuppajjati, no ca tesaṁ dhammāyatanaṁ nuppajjissati. Parinibbantānaṁ tesaṁ manāyatanañca nuppajjati dhammāyatanañca nuppajjissati.

95. ya3.2.1:559.1

    Yassa vā pana dhammāyatanaṁ nuppajjissati tassa manāyatanaṁ nuppajjatīti?

96. ya3.2.1:560.1

    Pacchimabhavikānaṁ upapajjantānaṁ tesaṁ dhammāyatanaṁ nuppajjissati, no ca tesaṁ manāyatanaṁ nuppajjati. Parinibbantānaṁ tesaṁ dhammāyatanañca nuppajjissati manāyatanañca nuppajjati. (Manāyatanamūlakaṁ.)

97. ya3.2.1:561.0

    3.2.1.5.5. Paccanīkaokāsa

98. ya3.2.1:561.1

    Yattha cakkhāyatanaṁ nuppajjati …pe….

99. ya3.2.1:562.0

    3.2.1.5.6. Paccanīkapuggalokāsa

100. ya3.2.1:562.1

     Yassa yattha cakkhāyatanaṁ nuppajjati tassa tattha sotāyatanaṁ nuppajjissatīti?

← Previous · Next → — showing 501–600 of 763

SuttaCentral (suttacentral.net), from the bilara-data and sc-data repositories. Licence: Public Domain. Source.