← Library

3 Āyatanayamaka — 3.2 Pavattivāra — 3.2.1. Uppādavāra

Early Buddhist texts (SuttaCentral): Abhidhamma · abhidhamma · 763 sections

1. ya3.2.1:373.1

   Yassa yattha ghānāyatanaṁ uppajjati tassa tattha dhammāyatanaṁ uppajjitthāti? Āmantā.

2. ya3.2.1:374.1

   Yassa vā pana yattha dhammāyatanaṁ uppajjittha tassa tattha ghānāyatanaṁ uppajjatīti?

3. ya3.2.1:375.1

   Sabbesaṁ cavantānaṁ aghānakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha ghānāyatanaṁ uppajjati. Saghānakānaṁ upapajjantānaṁ tesaṁ tattha dhammāyatanañca uppajjittha ghānāyatanañca uppajjati. (Ghānāyatanamūlakaṁ.)

4. ya3.2.1:376.1

   Yassa yattha rūpāyatanaṁ uppajjati tassa tattha manāyatanaṁ uppajjitthāti?

5. ya3.2.1:377.1

   Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha manāyatanaṁ uppajjittha. Itaresaṁ pañcavokāraṁ upapajjantānaṁ tesaṁ tattha rūpāyatanañca uppajjati manāyatanañca uppajjittha.

6. ya3.2.1:378.1

   Yassa vā pana yattha manāyatanaṁ uppajjittha tassa tattha rūpāyatanaṁ uppajjatīti?

7. ya3.2.1:379.1

   Pañcavokārā cavantānaṁ arūpānaṁ tesaṁ tattha manāyatanaṁ uppajjittha, no ca tesaṁ tattha rūpāyatanaṁ uppajjati. Pañcavokāraṁ upapajjantānaṁ tesaṁ tattha manāyatanañca uppajjittha rūpāyatanañca uppajjati.

8. ya3.2.1:380.1

   Yassa yattha rūpāyatanaṁ uppajjati tassa tattha dhammāyatanaṁ uppajjitthāti?

9. ya3.2.1:381.1

   Suddhāvāsaṁ upapajjantānaṁ tesaṁ tattha rūpāyatanaṁ uppajjati, no ca tesaṁ tattha dhammāyatanaṁ uppajjittha. Itaresaṁ sarūpakānaṁ upapajjantānaṁ tesaṁ tattha rūpāyatanañca uppajjati dhammāyatanañca uppajjittha.

10. ya3.2.1:382.1

    Yassa vā pana yattha dhammāyatanaṁ uppajjittha tassa tattha rūpāyatanaṁ uppajjatīti?

11. ya3.2.1:383.1

    Sabbesaṁ cavantānaṁ arūpakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha rūpāyatanaṁ uppajjati. Sarūpakānaṁ upapajjantānaṁ tesaṁ tattha dhammāyatanañca uppajjittha rūpāyatanañca uppajjati. (Rūpāyatanamūlakaṁ.)

12. ya3.2.1:384.1

    Yassa yattha manāyatanaṁ uppajjati tassa tattha dhammāyatanaṁ uppajjitthāti?

13. ya3.2.1:385.1

    Suddhāvāsaṁ upapajjantānaṁ tesaṁ tattha manāyatanaṁ uppajjati, no ca tesaṁ tattha dhammāyatanaṁ uppajjittha. Itaresaṁ sacittakānaṁ upapajjantānaṁ tesaṁ tattha manāyatanañca uppajjati dhammāyatanañca uppajjittha.

14. ya3.2.1:386.1

    Yassa vā pana yattha dhammāyatanaṁ uppajjittha tassa tattha manāyatanaṁ uppajjatīti?

15. ya3.2.1:387.1

    Sabbesaṁ cavantānaṁ acittakānaṁ upapajjantānaṁ tesaṁ tattha dhammāyatanaṁ uppajjittha, no ca tesaṁ tattha manāyatanaṁ uppajjati. Sacittakānaṁ upapajjantānaṁ tesaṁ tattha dhammāyatanañca uppajjittha manāyatanañca uppajjati. (Manāyatanamūlakaṁ.)

16. ya3.2.1:388.0

    3.2.1.4.4. Paccanīkapuggala

17. ya3.2.1:388.1

    Yassa cakkhāyatanaṁ nuppajjati tassa sotāyatanaṁ nuppajjitthāti? Uppajjittha.

18. ya3.2.1:389.1

    Yassa vā pana sotāyatanaṁ nuppajjittha tassa cakkhāyatanaṁ nuppajjatīti? Natthi.

19. ya3.2.1:390.1

    Yassa cakkhāyatanaṁ nuppajjati tassa ghānāyatanaṁ …pe… rūpāyatanaṁ … manāyatanaṁ … dhammāyatanaṁ nuppajjitthāti? Uppajjittha.

20. ya3.2.1:391.1

    Yassa vā pana dhammāyatanaṁ nuppajjittha tassa cakkhāyatanaṁ nuppajjatīti? Natthi.

21. ya3.2.1:392.1

    Yassa ghānāyatanaṁ …pe… rūpāyatanaṁ … manāyatanaṁ nuppajjati tassa dhammāyatanaṁ nuppajjitthāti? Uppajjittha.

22. ya3.2.1:393.1

    Yassa vā pana dhammāyatanaṁ nuppajjittha tassa manāyatanaṁ nuppajjatīti? Natthi.

23. ya3.2.1:394.0

    3.2.1.4.5. Paccanīkaokāsa

24. ya3.2.1:394.1

    Yattha cakkhāyatanaṁ nuppajjati …pe….

25. ya3.2.1:395.0

    3.2.1.4.6. Paccanīkapuggalokāsa

26. ya3.2.1:395.1

    Yassa yattha cakkhāyatanaṁ nuppajjati tassa tattha sotāyatanaṁ nuppajjitthāti?

27. ya3.2.1:396.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha sotāyatanaṁ nuppajjittha. Suddhāvāse parinibbantānaṁ asaññasattānaṁ arūpānaṁ tesaṁ tattha cakkhāyatanañca nuppajjati sotāyatanañca nuppajjittha.

28. ya3.2.1:397.1

    Yassa vā pana yattha sotāyatanaṁ nuppajjittha tassa tattha cakkhāyatanaṁ nuppajjatīti?

29. ya3.2.1:398.1

    Suddhāvāsaṁ upapajjantānaṁ tesaṁ tattha sotāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ asaññasattānaṁ arūpānaṁ tesaṁ tattha sotāyatanañca nuppajjittha cakkhāyatanañca nuppajjati.

30. ya3.2.1:399.1

    Yassa yattha cakkhāyatanaṁ nuppajjati tassa tattha ghānāyatanaṁ nuppajjitthāti?

31. ya3.2.1:400.1

    Kāmāvacarā cavantānaṁ acakkhukānaṁ kāmāvacaraṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha ghānāyatanaṁ nuppajjittha. Rūpāvacarā cavantānaṁ asaññasattānaṁ arūpānaṁ tesaṁ tattha cakkhāyatanañca nuppajjati ghānāyatanañca nuppajjittha.

32. ya3.2.1:401.1

    Yassa vā pana yattha ghānāyatanaṁ nuppajjittha tassa tattha cakkhāyatanaṁ nuppajjatīti?

33. ya3.2.1:402.1

    Rūpāvacaraṁ upapajjantānaṁ tesaṁ tattha ghānāyatanaṁ nuppajjittha, no ca tesaṁ tattha cakkhāyatanaṁ nuppajjati. Rūpāvacarā cavantānaṁ asaññasattānaṁ arūpānaṁ tesaṁ tattha ghānāyatanañca nuppajjittha cakkhāyatanañca nuppajjati.

34. ya3.2.1:403.1

    Yassa yattha cakkhāyatanaṁ nuppajjati tassa tattha rūpāyatanaṁ nuppajjitthāti?

35. ya3.2.1:404.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ asaññasattānaṁ tesaṁ tattha cakkhāyatanaṁ nuppajjati, no ca tesaṁ tattha rūpāyatanaṁ nuppajjittha. Suddhāvāse parinibbantānaṁ arūpānaṁ tesaṁ tattha cakkhāyatanañca nuppajjati rūpāyatanañca nuppajjittha.

36. ya3.2.1:405.1

    Yassa vā pana yattha rūpāyatanaṁ nuppajjittha tassa tattha cakkhāyatanaṁ nuppajjatīti?

37. ya3.2.1:406.1

    Suddhāvāsaṁ upapajjantānaṁ tesaṁ tattha rūpāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ arūpānaṁ tesaṁ tattha rūpāyatanañca nuppajjittha cakkhāyatanañca nuppajjati.

38. ya3.2.1:407.1

    Yassa yattha cakkhāyatanaṁ nuppajjati tassa tattha manāyatanaṁ nuppajjitthāti?

39. ya3.2.1:408.1

    Pañcavokārā cavantānaṁ acakkhukānaṁ kāmāvacaraṁ upapajjantānaṁ arūpānaṁ tesaṁ tattha cakkhāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāse parinibbantānaṁ asaññasattānaṁ tesaṁ tattha cakkhāyatanañca nuppajjati manāyatanañca nuppajjittha.

40. ya3.2.1:409.1

    Yassa vā pana yattha manāyatanaṁ nuppajjittha tassa tattha cakkhāyatanaṁ nuppajjatīti?

41. ya3.2.1:410.1

    Suddhāvāsaṁ upapajjantānaṁ tesaṁ tattha manāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ asaññasattānaṁ tesaṁ tattha manāyatanañca nuppajjittha cakkhāyatanañca nuppajjati.

42. ya3.2.1:411.1

    Yassa yattha cakkhāyatanaṁ nuppajjati tassa tattha dhammāyatanaṁ nuppajjitthāti?

43. ya3.2.1:412.1

    Sabbesaṁ cavantānaṁ acakkhukānaṁ upapajjantānaṁ tesaṁ tattha cakkhāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha cakkhāyatanañca nuppajjati dhammāyatanañca nuppajjittha.

44. ya3.2.1:413.1

    Yassa vā pana yattha dhammāyatanaṁ nuppajjittha tassa tattha cakkhāyatanaṁ nuppajjatīti?

45. ya3.2.1:414.1

    Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha cakkhāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha cakkhāyatanañca nuppajjati. (Cakkhāyatanamūlakaṁ.)

46. ya3.2.1:415.1

    Yassa yattha ghānāyatanaṁ nuppajjati tassa tattha rūpāyatanaṁ nuppajjitthāti?

47. ya3.2.1:416.1

    Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha rūpāyatanaṁ nuppajjittha. Suddhāvāsānaṁ arūpānaṁ tesaṁ tattha ghānāyatanañca nuppajjati rūpāyatanañca nuppajjittha.

48. ya3.2.1:417.1

    Yassa vā pana yattha rūpāyatanaṁ nuppajjittha tassa tattha ghānāyatanaṁ nuppajjatīti? Āmantā.

49. ya3.2.1:418.1

    Yassa yattha ghānāyatanaṁ nuppajjati tassa tattha manāyatanaṁ nuppajjitthāti?

50. ya3.2.1:419.1

    Kāmāvacarā cavantānaṁ aghānakānaṁ kāmāvacaraṁ upapajjantānaṁ rūpāvacarānaṁ arūpāvacarānaṁ tesaṁ tattha ghānāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāsānaṁ asaññasattānaṁ tesaṁ tattha ghānāyatanañca nuppajjati manāyatanañca nuppajjittha.

51. ya3.2.1:420.1

    Yassa vā pana yattha manāyatanaṁ nuppajjittha tassa tattha ghānāyatanaṁ nuppajjatīti? Āmantā.

52. ya3.2.1:421.1

    Yassa yattha ghānāyatanaṁ nuppajjati tassa tattha dhammāyatanaṁ nuppajjitthāti?

53. ya3.2.1:422.1

    Sabbesaṁ cavantānaṁ aghānakānaṁ upapajjantānaṁ tesaṁ tattha ghānāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāsānaṁ tesaṁ tattha ghānāyatanañca nuppajjati dhammāyatanañca nuppajjittha.

54. ya3.2.1:423.1

    Yassa vā pana yattha dhammāyatanaṁ nuppajjittha tassa tattha ghānāyatanaṁ nuppajjatīti? Āmantā. (Ghānāyatanamūlakaṁ.)

55. ya3.2.1:424.1

    Yassa yattha rūpāyatanaṁ nuppajjati tassa tattha manāyatanaṁ nuppajjitthāti?

56. ya3.2.1:425.1

    Pañcavokārā cavantānaṁ arūpānaṁ tesaṁ tattha rūpāyatanaṁ nuppajjati, no ca tesaṁ tattha manāyatanaṁ nuppajjittha. Suddhāvāse parinibbantānaṁ asaññasattā cavantānaṁ tesaṁ tattha rūpāyatanañca nuppajjati manāyatanañca nuppajjittha.

57. ya3.2.1:426.1

    Yassa vā pana yattha manāyatanaṁ nuppajjittha tassa tattha rūpāyatanaṁ nuppajjatīti?

58. ya3.2.1:427.1

    Suddhāvāsaṁ upapajjantānaṁ asaññasattaṁ upapajjantānaṁ tesaṁ tattha manāyatanaṁ nuppajjittha, no ca tesaṁ tattha rūpāyatanaṁ nuppajjati. Suddhāvāse parinibbantānaṁ asaññasattā cavantānaṁ tesaṁ tattha manāyatanañca nuppajjittha rūpāyatanañca nuppajjati.

59. ya3.2.1:428.1

    Yassa yattha rūpāyatanaṁ nuppajjati tassa tattha dhammāyatanaṁ nuppajjitthāti?

60. ya3.2.1:429.1

    Sabbesaṁ cavantānaṁ arūpakānaṁ upapajjantānaṁ tesaṁ tattha rūpāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha rūpāyatanañca nuppajjati dhammāyatanañca nuppajjittha.

61. ya3.2.1:430.1

    Yassa vā pana yattha dhammāyatanaṁ nuppajjittha tassa tattha rūpāyatanaṁ nuppajjatīti?

62. ya3.2.1:431.1

    Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha rūpāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha rūpāyatanañca nuppajjati. (Rūpāyatanamūlakaṁ.)

63. ya3.2.1:432.1

    Yassa yattha manāyatanaṁ nuppajjati tassa tattha dhammāyatanaṁ nuppajjitthāti?

64. ya3.2.1:433.1

    Sabbesaṁ cavantānaṁ acittakānaṁ upapajjantānaṁ tesaṁ tattha manāyatanaṁ nuppajjati, no ca tesaṁ tattha dhammāyatanaṁ nuppajjittha. Suddhāvāse parinibbantānaṁ tesaṁ tattha manāyatanañca nuppajjati dhammāyatanañca nuppajjittha.

65. ya3.2.1:434.1

    Yassa vā pana yattha dhammāyatanaṁ nuppajjittha tassa tattha manāyatanaṁ nuppajjatīti?

66. ya3.2.1:435.1

    Suddhāvāsaṁ upapajjantānaṁ tesaṁ tattha dhammāyatanaṁ nuppajjittha, no ca tesaṁ tattha manāyatanaṁ nuppajjati. Suddhāvāse parinibbantānaṁ tesaṁ tattha dhammāyatanañca nuppajjittha manāyatanañca nuppajjati. (Manāyatanamūlakaṁ.)

67. ya3.2.1:436.0.1

    3.2.1.5. Paccuppannānāgatavāra

68. ya3.2.1:436.0.2

    3.2.1.5.1. Anulomapuggala

69. ya3.2.1:436.1

    Yassa cakkhāyatanaṁ uppajjati tassa sotāyatanaṁ uppajjissatīti?

70. ya3.2.1:437.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ sotāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati sotāyatanañca uppajjissati.

71. ya3.2.1:438.1

    Yassa vā pana sotāyatanaṁ uppajjissati tassa cakkhāyatanaṁ uppajjatīti?

72. ya3.2.1:439.1

    Sabbesaṁ cavantānaṁ acakkhukānaṁ upapajjantānaṁ tesaṁ sotāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ sotāyatanañca uppajjissati cakkhāyatanañca uppajjati.

73. ya3.2.1:440.1

    Yassa cakkhāyatanaṁ uppajjati tassa ghānāyatanaṁ uppajjissatīti?

74. ya3.2.1:441.1

    Pacchimabhavikānaṁ pañcavokāraṁ upapajjantānaṁ ye ca rūpāvacaraṁ arūpāvacaraṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ ghānāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati ghānāyatanañca uppajjissati.

75. ya3.2.1:442.1

    Yassa vā pana ghānāyatanaṁ uppajjissati tassa cakkhāyatanaṁ uppajjatīti?

76. ya3.2.1:443.1

    Sabbesaṁ cavantānaṁ acakkhukānaṁ upapajjantānaṁ tesaṁ ghānāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ ghānāyatanañca uppajjissati cakkhāyatanañca uppajjati.

77. ya3.2.1:444.1

    Yassa cakkhāyatanaṁ uppajjati tassa rūpāyatanaṁ uppajjissatīti?

78. ya3.2.1:445.1

    Pacchimabhavikānaṁ pañcavokāraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ cakkhāyatanaṁ uppajjati, no ca tesaṁ rūpāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati rūpāyatanañca uppajjissati.

79. ya3.2.1:446.1

    Yassa vā pana rūpāyatanaṁ uppajjissati tassa cakkhāyatanaṁ uppajjatīti?

80. ya3.2.1:447.1

    Sabbesaṁ cavantānaṁ acakkhukānaṁ upapajjantānaṁ tesaṁ rūpāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ rūpāyatanañca uppajjissati cakkhāyatanañca uppajjati.

81. ya3.2.1:448.1

    Yassa cakkhāyatanaṁ uppajjati tassa manāyatanaṁ uppajjissatīti?

82. ya3.2.1:449.1

    Pacchimabhavikānaṁ pañcavokāraṁ upapajjantānaṁ tesaṁ cakkhāyatanaṁ uppajjati, no ca tesaṁ manāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati manāyatanañca uppajjissati.

83. ya3.2.1:450.1

    Yassa vā pana manāyatanaṁ uppajjissati tassa cakkhāyatanaṁ uppajjatīti?

84. ya3.2.1:451.1

    Sabbesaṁ cavantānaṁ acakkhukānaṁ upapajjantānaṁ tesaṁ manāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ manāyatanañca uppajjissati cakkhāyatanañca uppajjati.

85. ya3.2.1:452.1

    Yassa cakkhāyatanaṁ uppajjati tassa dhammāyatanaṁ uppajjissatīti?

86. ya3.2.1:453.1

    Pacchimabhavikānaṁ pañcavokāraṁ upapajjantānaṁ tesaṁ cakkhāyatanaṁ uppajjati, no ca tesaṁ dhammāyatanaṁ uppajjissati. Itaresaṁ sacakkhukānaṁ upapajjantānaṁ tesaṁ cakkhāyatanañca uppajjati dhammāyatanañca uppajjissati.

87. ya3.2.1:454.1

    Yassa vā pana dhammāyatanaṁ uppajjissati tassa cakkhāyatanaṁ uppajjatīti?

88. ya3.2.1:455.1

    Sabbesaṁ cavantānaṁ acakkhukānaṁ upapajjantānaṁ tesaṁ dhammāyatanaṁ uppajjissati, no ca tesaṁ cakkhāyatanaṁ uppajjati. Sacakkhukānaṁ upapajjantānaṁ tesaṁ dhammāyatanañca uppajjissati cakkhāyatanañca uppajjati. (Cakkhāyatanamūlakaṁ.)

89. ya3.2.1:456.1

    Yassa ghānāyatanaṁ uppajjati tassa rūpāyatanaṁ uppajjissatīti?

90. ya3.2.1:457.1

    Pacchimabhavikānaṁ kāmāvacaraṁ upapajjantānaṁ ye ca arūpaṁ upapajjitvā parinibbāyissanti tesaṁ upapajjantānaṁ tesaṁ ghānāyatanaṁ uppajjati, no ca tesaṁ rūpāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati rūpāyatanañca uppajjissati.

91. ya3.2.1:458.1

    Yassa vā pana rūpāyatanaṁ uppajjissati tassa ghānāyatanaṁ uppajjatīti?

92. ya3.2.1:459.1

    Sabbesaṁ cavantānaṁ aghānakānaṁ upapajjantānaṁ tesaṁ rūpāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ rūpāyatanañca uppajjissati ghānāyatanañca uppajjati.

93. ya3.2.1:460.1

    Yassa ghānāyatanaṁ uppajjati tassa manāyatanaṁ uppajjissatīti?

94. ya3.2.1:461.1

    Pacchimabhavikānaṁ kāmāvacaraṁ upapajjantānaṁ tesaṁ ghānāyatanaṁ uppajjati, no ca tesaṁ manāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati manāyatanañca uppajjissati.

95. ya3.2.1:462.1

    Yassa vā pana manāyatanaṁ uppajjissati tassa ghānāyatanaṁ uppajjatīti?

96. ya3.2.1:463.1

    Sabbesaṁ cavantānaṁ aghānakānaṁ upapajjantānaṁ tesaṁ manāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ manāyatanañca uppajjissati ghānāyatanañca uppajjati.

97. ya3.2.1:464.1

    Yassa ghānāyatanaṁ uppajjati tassa dhammāyatanaṁ uppajjissatīti?

98. ya3.2.1:465.1

    Pacchimabhavikānaṁ kāmāvacaraṁ upapajjantānaṁ tesaṁ ghānāyatanaṁ uppajjati, no ca tesaṁ dhammāyatanaṁ uppajjissati. Itaresaṁ saghānakānaṁ upapajjantānaṁ tesaṁ ghānāyatanañca uppajjati dhammāyatanañca uppajjissati.

99. ya3.2.1:466.1

    Yassa vā pana dhammāyatanaṁ uppajjissati tassa ghānāyatanaṁ uppajjatīti?

100. ya3.2.1:467.1

     Sabbesaṁ cavantānaṁ aghānakānaṁ upapajjantānaṁ tesaṁ dhammāyatanaṁ uppajjissati, no ca tesaṁ ghānāyatanaṁ uppajjati. Saghānakānaṁ upapajjantānaṁ tesaṁ dhammāyatanañca uppajjissati ghānāyatanañca uppajjati. (Ghānāyatanamūlakaṁ.)

← Previous · Next → — showing 401–500 of 763

SuttaCentral (suttacentral.net), from the bilara-data and sc-data repositories. Licence: Public Domain. Source.