← Library

Parivāra — 17. Upālipañcaka — 1. Anissitavagga

Early Buddhist texts (SuttaCentral): Vinaya · Bhikkhu Brahmali · vinaya · 1,109 sections

1. pli-tv-pvr17:97.4

   codakenupāli, bhikkhunā paraṁ codetukāmena ime pañca dhamme ajjhattaṁ manasi karitvā paro codetabbo”ti.

2. pli-tv-pvr17:98.1

   “Katihi nu kho, bhante, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātun”ti?

   “What sort of monk is unqualified to ask for permission to correct someone?”

3. pli-tv-pvr17:99.1

   “Pañcahupāli, aṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.

   “One who has five qualities:

4. pli-tv-pvr17:99.2

   Katamehi pañcahi?

5. pli-tv-pvr17:99.3

   Aparisuddhakāyasamācāro hoti, aparisuddhavacīsamācāro hoti, aparisuddhājīvo hoti, bālo hoti abyatto, na paṭibalo anuyuñjiyamāno anuyogaṁ dātuṁ—

   (1) he’s impure in bodily conduct; (2) he’s impure in verbal conduct; (3) he’s impure in livelihood; (4) he’s ignorant and incompetent; (5) he’s incapable of answering properly when questioned.”

6. pli-tv-pvr17:99.4

   imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa nālaṁ okāsakammaṁ kātuṁ.

7. pli-tv-pvr17:100.1

   Pañcahupāli, aṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātuṁ.

   But a monk who has five qualities is qualified to ask for permission to correct someone:

8. pli-tv-pvr17:100.2

   Katamehi pañcahi?

9. pli-tv-pvr17:100.3

   Parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto paṭibalo anuyuñjiyamāno anuyogaṁ dātuṁ—

   (1) he’s pure in bodily conduct; (2) he’s pure in verbal conduct; (3) he’s pure in livelihood; (4) he’s knowledgeable and competent; (5) he’s capable of answering properly when questioned.”

10. pli-tv-pvr17:100.4

    imehi kho, upāli, pañcahaṅgehi samannāgatassa bhikkhuno okāsakammaṁ kārāpentassa alaṁ okāsakammaṁ kātun”ti.

11. pli-tv-pvr17:101.1

    “Attādānaṁ ādātukāmena, bhante, bhikkhunā katihaṅgehi samannāgataṁ attādānaṁ ādātabban”ti?

    “Sir, if a monk wishes to raise an issue, what factors should be fulfilled?”

12. pli-tv-pvr17:102.1

    “Attādānaṁ ādātukāmenupāli, bhikkhunā pañcaṅgasamannāgataṁ attādānaṁ ādātabbaṁ.

    “Five factors should be fulfilled:

13. pli-tv-pvr17:102.2

    Katame pañca?

14. pli-tv-pvr17:102.3

    Attādānaṁ ādātukāmena, upāli, bhikkhunā evaṁ paccavekkhitabbaṁ—

    He should reflect

15. pli-tv-pvr17:102.4

    ‘yaṁ kho ahaṁ imaṁ attādānaṁ ādātukāmo, kālo nu kho imaṁ attādānaṁ ādātuṁ udāhu no’ti.

    whether it’s the right time to raise it.

16. pli-tv-pvr17:102.5

    Sace, upāli, bhikkhu paccavekkhamāno evaṁ jānāti—

    If he knows

17. pli-tv-pvr17:102.6

    ‘akālo imaṁ attādānaṁ ādātuṁ no kālo’ti, na taṁ, upāli, attādānaṁ ādātabbaṁ.

    it’s the wrong time, he shouldn’t raise it.

18. pli-tv-pvr17:103.1

    Sace panupāli, bhikkhu paccavekkhamāno evaṁ jānāti—

    (1) But if he knows

19. pli-tv-pvr17:103.2

    ‘kālo imaṁ attādānaṁ ādātuṁ no akālo’ti, tenupāli, bhikkhunā uttari paccavekkhitabbaṁ—

    it’s the right time, he should reflect further

20. pli-tv-pvr17:103.3

    ‘yaṁ kho ahaṁ imaṁ attādānaṁ ādātukāmo bhūtaṁ nu kho idaṁ attādānaṁ udāhu no’ti.

    whether it’s a real issue.

21. pli-tv-pvr17:103.4

    Sace, upāli, bhikkhu paccavekkhamāno evaṁ jānāti—

    If he knows

22. pli-tv-pvr17:103.5

    ‘abhūtaṁ idaṁ attādānaṁ no bhūtan’ti, na taṁ, upāli, attādānaṁ ādātabbaṁ.

    it’s not, he shouldn’t raise it.

23. pli-tv-pvr17:104.1

    Sace panupāli, bhikkhu paccavekkhamāno evaṁ jānāti—

    (2) But if he knows

24. pli-tv-pvr17:104.2

    ‘bhūtaṁ idaṁ attādānaṁ no abhūtan’ti, tenupāli, bhikkhunā uttari paccavekkhitabbaṁ—

    it is, he should reflect further

25. pli-tv-pvr17:104.3

    ‘yaṁ kho ahaṁ imaṁ attādānaṁ ādātukāmo, atthasaṁhitaṁ nu kho idaṁ attādānaṁ udāhu no’ti.

    whether raising the issue will be beneficial.

26. pli-tv-pvr17:104.4

    Sace, upāli, bhikkhu paccavekkhamāno evaṁ jānāti—

    If he knows

27. pli-tv-pvr17:104.5

    ‘anatthasaṁhitaṁ idaṁ attādānaṁ no atthasaṁhitan’ti, na taṁ, upāli, attādānaṁ ādātabbaṁ.

    it won’t, he shouldn’t raise it.

28. pli-tv-pvr17:105.1

    Sace panupāli, bhikkhu paccavekkhamāno evaṁ jānāti—

    (3) But if he knows

29. pli-tv-pvr17:105.2

    ‘atthasaṁhitaṁ idaṁ attādānaṁ no anatthasaṁhitan’ti, tenupāli, bhikkhunā uttari paccavekkhitabbaṁ—

    it will, he should reflect further

30. pli-tv-pvr17:105.3

    ‘imaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe udāhu no’ti.

    whether the monks who are on the side of the Teaching and the Monastic Law will support him.

31. pli-tv-pvr17:105.4

    Sace, upāli, bhikkhu paccavekkhamāno evaṁ jānāti—

    If he knows

32. pli-tv-pvr17:105.5

    ‘imaṁ kho ahaṁ attādānaṁ ādiyamāno na labhissāmi sandiṭṭhe sambhatte bhikkhū dhammato vinayato pakkhe’ti, na taṁ, upāli, attādānaṁ ādātabbaṁ.

    that they won’t, he shouldn’t raise it.

33. pli-tv-pvr17:106.1

    Sace panupāli, bhikkhu paccavekkhamāno evaṁ jānāti—

    (4) But if he knows

34. pli-tv-pvr17:106.2

    ‘idaṁ kho ahaṁ attādānaṁ ādiyamāno labhissāmi sandiṭṭhe sambhatte bhikkhū dhammato vinayato pakkhe’ti, tenupāli, bhikkhunā uttari paccavekkhitabbaṁ—

    that they will, he should reflect further

35. pli-tv-pvr17:106.3

    ‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇaṁ udāhu no’ti.

    whether raising the issue will lead to arguments and disputes, to fracture and schism in the Sangha.

36. pli-tv-pvr17:106.4

    Sace, upāli, bhikkhu paccavekkhamāno evaṁ jānāti—

    If he knows

37. pli-tv-pvr17:106.5

    ‘imaṁ kho me attādānaṁ ādiyato bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, na taṁ, upāli, attādānaṁ ādātabbaṁ.

    it will, he shouldn’t raise it.

38. pli-tv-pvr17:107.1

    Sace panupāli, bhikkhu paccavekkhamāno evaṁ jānāti—

    (5) But if he knows

39. pli-tv-pvr17:107.2

    ‘imaṁ kho me attādānaṁ ādiyato na bhavissati saṅghassa tatonidānaṁ bhaṇḍanaṁ kalaho viggaho vivādo saṅghabhedo saṅgharāji saṅghavavatthānaṁ saṅghanānākaraṇan’ti, taṁ ādātabbaṁ, upāli, attādānaṁ.

    it won’t, he may raise it.

40. pli-tv-pvr17:107.3

    Evaṁ pañcaṅgasamannāgataṁ kho, upāli, attādānaṁ ādinnaṁ pacchāpi avippaṭisārakaraṁ bhavissatī”ti.

    In this way, when five factors are fulfilled, he won’t regret raising that issue.”

41. pli-tv-pvr17:108.1

    “Katihi nu kho, bhante, aṅgehi samannāgato bhikkhu adhikaraṇajātānaṁ bhikkhūnaṁ bahūpakāro hotī”ti?

    “What sort of monk is of great help to monks involved in a legal issue?”

42. pli-tv-pvr17:109.1

    “Pañcahupāli, aṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

    “One who has five qualities:

43. pli-tv-pvr17:109.2

    Katamehi pañcahi?

44. pli-tv-pvr17:109.3

    Sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu;

    (1) He’s virtuous and restrained by the Monastic Code. His conduct is good, he associates with the right people, and he sees danger in minor faults. He undertakes and trains in the training rules.

45. pli-tv-pvr17:109.4

    bahussuto hoti sutadharo sutasannicayo;

    (2) He has learned much, and he retains and accumulates what he has learned.

46. pli-tv-pvr17:109.5

    ye te dhammā ādikalyāṇā majjhekalyāṇā pariyosānakalyāṇā sātthaṁ sabyañjanaṁ kevalaparipuṇṇaṁ parisuddhaṁ brahmacariyaṁ abhivadanti tathārūpassa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā, ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso;

    (3) Those teachings that are good in the beginning, good in the middle, and good in the end, that have a true goal and are well articulated, and that set out the perfectly complete and pure spiritual life—he has learned many such teachings, retained them in mind, recited them verbally, mentally investigated them, and penetrated them well by view.

47. pli-tv-pvr17:109.6

    vinaye kho pana ṭhito hoti asaṁhīro;

    (4) He’s firmly committed to the Monastic Law.

48. pli-tv-pvr17:109.7

    paṭibalo hoti ubho atthapaccatthike assāsetuṁ saññāpetuṁ nijjhāpetuṁ pekkhetuṁ pasādetuṁ—

    (5) He’s capable of making both sides relax, of persuading them, of convincing them, of making them see, of reconciling them.

49. pli-tv-pvr17:109.8

    imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

50. pli-tv-pvr17:110.1

    Aparehipi, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

    A monk who has five other qualities is also of great help to monks involved in a legal issue:

51. pli-tv-pvr17:110.2

    Katamehi pañcahi?

52. pli-tv-pvr17:110.3

    Parisuddhakāyasamācāro hoti, parisuddhavacīsamācāro hoti, parisuddhājīvo hoti, paṇḍito hoti byatto, paṭibalo anuyuñjiyamāno anuyogaṁ dātuṁ—

    he’s pure in bodily conduct; he’s pure in verbal conduct; he’s pure in livelihood; he’s knowledgeable and competent; he’s capable of answering properly when questioned.

53. pli-tv-pvr17:110.4

    imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

54. pli-tv-pvr17:111.1

    Aparehipi, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hoti.

    A monk who has five other qualities is also of great help to monks involved in a legal issue:

55. pli-tv-pvr17:111.2

    Katamehi pañcahi?

56. pli-tv-pvr17:111.3

    Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—

    he knows the actions that are the bases for offenses; he knows the origin stories; he knows the rules; he knows the right order of words; he knows the sequence of statements.”

57. pli-tv-pvr17:111.4

    imehi kho, upāli, pañcahaṅgehi samannāgato bhikkhu adhikaraṇajātānaṁ bhikkhūnaṁ bahūpakāro hotī”ti.

58. pli-tv-pvr17:112.1

    “Katihi nu kho, bhante, aṅgehi samannāgatena bhikkhunā nānuyuñjitabban”ti?

    “Sir, what sort of monk shouldn’t be examined?”

59. pli-tv-pvr17:113.1

    “Pañcahupāli, aṅgehi samannāgatena bhikkhunā nānuyuñjitabbaṁ.

    “One who has five qualities:

60. pli-tv-pvr17:113.2

    Katamehi pañcahi?

61. pli-tv-pvr17:113.3

    Suttaṁ na jānāti, suttānulomaṁ na jānāti, vinayaṁ na jānāti, vinayānulomaṁ na jānāti, na ca ṭhānāṭhānakusalo hoti—

    (1) he doesn’t know the Monastic Code; (2) he doesn’t know what is in accordance with the Monastic Code; (3) he doesn’t know the Monastic Law; (4) he doesn’t know what’s in accordance with the Monastic Law; (5) he’s not skilled in what is and is not possible.

62. pli-tv-pvr17:113.4

    imehi kho, upāli, pañcahaṅgehi samannāgatena bhikkhunā nānuyuñjitabbaṁ.

63. pli-tv-pvr17:114.1

    Pañcahupāli, aṅgehi samannāgatena bhikkhunā anuyuñjitabbaṁ.

    But a monk who has five qualities may be examined:

64. pli-tv-pvr17:114.2

    Katamehi pañcahi?

65. pli-tv-pvr17:114.3

    Suttaṁ jānāti, suttānulomaṁ jānāti, vinayaṁ jānāti, vinayānulomaṁ jānāti, ṭhānāṭhānakusalo ca hoti—

    (1) he knows the Monastic Code; (2) he knows what’s in accordance with the Monastic Code; (3) he knows the Monastic Law; (4) he knows what’s in accordance with the Monastic Law; (5) he’s skilled in what is and is not possible.

66. pli-tv-pvr17:114.4

    imehi kho, upāli, pañcahaṅgehi samannāgatena bhikkhunā anuyuñjitabbaṁ.

67. pli-tv-pvr17:115.1

    Aparehipi, upāli, pañcahaṅgehi samannāgatena bhikkhunā nānuyuñjitabbaṁ.

    A monk who has five other qualities also shouldn’t be examined:

68. pli-tv-pvr17:115.2

    Katamehi pañcahi?

69. pli-tv-pvr17:115.3

    Dhammaṁ na jānāti, dhammānulomaṁ na jānāti, vinayaṁ na jānāti, vinayānulomaṁ na jānāti, na ca pubbāparakusalo hoti—

    (1) he doesn’t know the Teaching; (2) he doesn’t know what’s in accordance with the Teaching; (3) he doesn’t know the Monastic Law; (4) he doesn’t know what’s in accordance with the Monastic Law; (5) he’s not skilled in the right order.

70. pli-tv-pvr17:115.4

    imehi kho, upāli, pañcahaṅgehi samannāgatena bhikkhunā nānuyuñjitabbaṁ.

71. pli-tv-pvr17:116.1

    Pañcahupāli, aṅgehi samannāgatena bhikkhunā anuyuñjitabbaṁ.

    But a monk who has five qualities may be examined:

72. pli-tv-pvr17:116.2

    Katamehi pañcahi?

73. pli-tv-pvr17:116.3

    Dhammaṁ jānāti, dhammānulomaṁ jānāti, vinayaṁ jānāti, vinayānulomaṁ jānāti, pubbāparakusalo ca hoti—

    (1) he knows the Teaching; (2) he knows what’s in accordance with the Teaching; (3) he knows the Monastic Law; (4) he knows what’s in accordance with the Monastic Law; (5) he’s skilled in the right order.

74. pli-tv-pvr17:116.4

    imehi kho, upāli, pañcahaṅgehi samannāgatena bhikkhunā anuyuñjitabbaṁ.

75. pli-tv-pvr17:117.1

    Aparehipi, upāli, pañcahaṅgehi samannāgatena bhikkhunā nānuyuñjitabbaṁ.

    A monk who has five other qualities also shouldn’t be examined:

76. pli-tv-pvr17:117.2

    Katamehi pañcahi?

77. pli-tv-pvr17:117.3

    Vatthuṁ na jānāti, nidānaṁ na jānāti, paññattiṁ na jānāti, padapaccābhaṭṭhaṁ na jānāti, anusandhivacanapathaṁ na jānāti—

    (1) he doesn’t know the actions that are the bases for offenses; (2) he doesn’t know the origin stories; (3) he doesn’t know the rules; (4) he doesn’t know the right order of words; (5) he doesn’t know the sequence of statements.

78. pli-tv-pvr17:117.4

    imehi kho, upāli, pañcahaṅgehi samannāgatena bhikkhunā nānuyuñjitabbaṁ.

79. pli-tv-pvr17:118.1

    Pañcahupāli, aṅgehi samannāgatena bhikkhunā anuyuñjitabbaṁ.

    But a monk who has five qualities may be examined:

80. pli-tv-pvr17:118.2

    Katamehi pañcahi?

81. pli-tv-pvr17:118.3

    Vatthuṁ jānāti, nidānaṁ jānāti, paññattiṁ jānāti, padapaccābhaṭṭhaṁ jānāti, anusandhivacanapathaṁ jānāti—

    (1) he knows the actions that are the bases for offenses; (2) he knows the origin stories; (3) he knows the rules; (4) he knows the right order of words; (5) he knows the sequence of statements.

82. pli-tv-pvr17:118.4

    imehi kho, upāli, pañcahaṅgehi samannāgatena bhikkhunā anuyuñjitabbaṁ.

83. pli-tv-pvr17:119.1

    Aparehipi, upāli, pañcahaṅgehi samannāgatena bhikkhunā nānuyuñjitabbaṁ.

    A monk who has five other qualities also shouldn’t be examined:

84. pli-tv-pvr17:119.2

    Katamehi pañcahi?

85. pli-tv-pvr17:119.3

    Āpattiṁ na jānāti, āpattisamuṭṭhānaṁ na jānāti, āpattiyā payogaṁ na jānāti, āpattiyā vūpasamaṁ na jānāti, āpattiyā na vinicchayakusalo hoti—

    (1) he doesn’t know the offenses; (2) he doesn’t know the origination of the offenses; (3) he doesn’t know the kind of effort required to commit the offenses; (4) he doesn’t know the settling of offenses; (5) he’s not skilled in deciding on offenses.

86. pli-tv-pvr17:119.4

    imehi kho, upāli, pañcahaṅgehi samannāgatena bhikkhunā nānuyuñjitabbaṁ.

87. pli-tv-pvr17:120.1

    Pañcahupāli, aṅgehi samannāgatena bhikkhunā anuyuñjitabbaṁ.

    But a monk who has five qualities may be examined:

88. pli-tv-pvr17:120.2

    Katamehi pañcahi?

89. pli-tv-pvr17:120.3

    Āpattiṁ jānāti, āpattisamuṭṭhānaṁ jānāti, āpattiyā payogaṁ jānāti, āpattiyā vūpasamaṁ jānāti, āpattiyā vinicchayakusalo hoti—

    (1) he knows the offenses; (2) he knows the origination of the offenses; (3) he knows the kind of effort required to commit the offenses; (4) he knows the settling of offenses; (5) he’s skilled in deciding on offenses.

90. pli-tv-pvr17:120.4

    imehi kho, upāli, pañcahaṅgehi samannāgatena bhikkhunā anuyuñjitabbaṁ.

91. pli-tv-pvr17:121.1

    Aparehipi, upāli, pañcahaṅgehi samannāgatena bhikkhunā nānuyuñjitabbaṁ.

    A monk who has five other qualities also shouldn’t be examined:

92. pli-tv-pvr17:121.2

    Katamehi pañcahi?

93. pli-tv-pvr17:121.3

    Adhikaraṇaṁ na jānāti, adhikaraṇasamuṭṭhānaṁ na jānāti, adhikaraṇassa payogaṁ na jānāti, adhikaraṇassa vūpasamaṁ na jānāti, adhikaraṇassa na vinicchayakusalo hoti—

    (1) he doesn’t know the legal issues; (2) he doesn’t know the origination of the legal issues; (3) he doesn’t know the kind of effort that’s the source of the legal issues; (4) he doesn’t know the settling of legal issues; (5) he’s not skilled in deciding legal issues.

94. pli-tv-pvr17:121.4

    imehi kho, upāli, pañcahaṅgehi samannāgatena bhikkhunā nānuyuñjitabbaṁ.

95. pli-tv-pvr17:122.1

    Pañcahupāli, aṅgehi samannāgatena bhikkhunā anuyuñjitabbaṁ.

    But a monk who has five qualities may be examined:

96. pli-tv-pvr17:122.2

    Katamehi pañcahi?

97. pli-tv-pvr17:122.3

    Adhikaraṇaṁ jānāti, adhikaraṇasamuṭṭhānaṁ jānāti, adhikaraṇassa payogaṁ jānāti, adhikaraṇassa vūpasamaṁ jānāti, adhikaraṇassa vinicchayakusalo hoti—

    (1) he knows the legal issues; (2) he knows the origination of the legal issues; (3) he knows the kind of effort that’s the source of the legal issues; (4) he knows the settling of legal issues; (5) he’s skilled in deciding legal issues.”

98. pli-tv-pvr17:122.4

    imehi kho, upāli, pañcahaṅgehi samannāgatena bhikkhunā anuyuñjitabban”ti.

99. pli-tv-pvr17:123.1

    Attādānavaggo niṭṭhito pañcamo.

    The fifth subchapter on raising an issue is finished.

100. pli-tv-pvr17:124.1

     Tassuddānaṁ

     This is the summary:

← Previous · Next → — showing 401–500 of 1,109

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.