Theravāda Vinaya — Mahāvibhaṅga — Saṅghādisesakaṇḍa

Early Buddhist texts (SuttaCentral): Vinaya · Bhikkhu Brahmali · vinaya · 525 sections

pli-tv-bu-vb-ss6:1.4.4
Atha kho, bhikkhave, so bhikkhu tassa sakuṇasaṅghassa saddena ubbāḷho yenāhaṁ tenupasaṅkami; upasaṅkamitvā maṁ abhivādetvā ekamantaṁ nisīdi.
The monk was disturbed by the noise of the flocking birds, and so he came to see me. He bowed, sat down,
pli-tv-bu-vb-ss6:1.4.5
Ekamantaṁ nisinnaṁ kho ahaṁ, bhikkhave, taṁ bhikkhuṁ etadavoca—
and I said to him,
pli-tv-bu-vb-ss6:1.4.6
‘kacci, bhikkhu, khamanīyaṁ kacci yāpanīyaṁ
‘I hope you’re keeping well, monk, I hope you’re getting by?
pli-tv-bu-vb-ss6:1.4.7
kaccisi appakilamathena addhānaṁ āgato?
I hope you’re not tired from traveling?
pli-tv-bu-vb-ss6:1.4.8
Kuto ca tvaṁ, bhikkhu, āgacchasī’ti?
And where have you come from?’
pli-tv-bu-vb-ss6:1.4.9
‘Khamanīyaṁ, bhagavā, yāpanīyaṁ, bhagavā.
‘I’m keeping well, sir, I’m getting by.
pli-tv-bu-vb-ss6:1.4.10
Appakilamathena cāhaṁ, bhante, addhānaṁ āgato.
I’m not tired from traveling.’
pli-tv-bu-vb-ss6:1.4.11
Atthi, bhante, himavantapasse mahāvanasaṇḍo.
He then explained where he had come from, adding,
pli-tv-bu-vb-ss6:1.4.12
Tassa kho pana, bhante, vanasaṇḍassa avidūre mahantaṁ ninnaṁ pallalaṁ.
pli-tv-bu-vb-ss6:1.4.13
Atha kho, bhante, mahāsakuṇasaṅgho tasmiṁ pallale divasaṁ gocaraṁ caritvā sāyaṁ taṁ vanasaṇḍaṁ vāsāya upagacchati.
pli-tv-bu-vb-ss6:1.4.14
Tato ahaṁ, bhagavā, āgacchāmi—
‘That’s where I’ve come from, sir.
pli-tv-bu-vb-ss6:1.4.15
tassa sakuṇasaṅghassa saddena ubbāḷho’ti.
I left because I was disturbed by the noise of that flock of birds.’
pli-tv-bu-vb-ss6:1.4.16
‘Icchasi pana tvaṁ, bhikkhu, tassa sakuṇasaṅghassa anāgamanan’ti?
‘Do you want that flock of birds to stay away?’
pli-tv-bu-vb-ss6:1.4.17
‘Icchāmahaṁ, bhagavā, tassa sakuṇasaṅghassa anāgamanan’ti.
‘Yes, sir.’
pli-tv-bu-vb-ss6:1.4.18
‘Tena hi tvaṁ, bhikkhu, tattha gantvā taṁ vanasaṇḍaṁ ajjhogāhetvā rattiyā paṭhamaṁ yāmaṁ tikkhattuṁ saddamanussāvehi—
‘Well then, go back to that forest grove. In the first part of the night, call out three times and say,
pli-tv-bu-vb-ss6:1.4.19
suṇantu me, bhonto sakuṇā,
“Listen to me, good birds.
pli-tv-bu-vb-ss6:1.4.20
yāvatikā imasmiṁ vanasaṇḍe vāsaṁ upagatā, pattena me attho.
I want a feather from anyone roosting in this forest grove.
pli-tv-bu-vb-ss6:1.4.21
Ekekaṁ me, bhonto, pattaṁ dadantū’ti.
Each one of you must give me a feather.”
pli-tv-bu-vb-ss6:1.4.22
Rattiyā majjhimaṁ yāmaṁ …
And in the middle
pli-tv-bu-vb-ss6:1.4.23
rattiyā pacchimaṁ yāmaṁ tikkhattuṁ saddamanussāvehi—
and last part of the night do the same thing.’
pli-tv-bu-vb-ss6:1.4.24
‘suṇantu me, bhonto sakuṇā,
pli-tv-bu-vb-ss6:1.4.25
yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.26
Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.27
Atha kho, bhikkhave, so bhikkhu tattha gantvā taṁ vanasaṇḍaṁ ajjhogāhetvā rattiyā paṭhamaṁ yāmaṁ tikkhattuṁ saddamanussāvesi—
The monk returned to that forest grove and did as instructed.
pli-tv-bu-vb-ss6:1.4.28
‘suṇantu me, bhonto sakuṇā,
pli-tv-bu-vb-ss6:1.4.29
yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.30
Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.31
Rattiyā majjhimaṁ yāmaṁ …
pli-tv-bu-vb-ss6:1.4.32
rattiyā pacchimaṁ yāmaṁ tikkhattuṁ saddamanussāvesi—
pli-tv-bu-vb-ss6:1.4.33
‘suṇantu me, bhonto sakuṇā,
pli-tv-bu-vb-ss6:1.4.34
yāvatikā imasmiṁ vanasaṇḍe vāsaṁ upagatā, pattena me attho.
pli-tv-bu-vb-ss6:1.4.35
Ekekaṁ me, bhonto, pattaṁ dadantū’ti.
pli-tv-bu-vb-ss6:1.4.36
Atha kho, bhikkhave, so sakuṇasaṅgho—
That flock of birds thought,
pli-tv-bu-vb-ss6:1.4.37
‘bhikkhu pattaṁ yācati bhikkhussa pattena attho’ti
‘The monk is asking for a feather; he wants a feather,’
pli-tv-bu-vb-ss6:1.4.38
tamhā vanasaṇḍā pakkāmi.
and they left that grove
pli-tv-bu-vb-ss6:1.4.39
Tathā pakkantova ahosi na puna paccāgañchi.
and never returned.
pli-tv-bu-vb-ss6:1.4.40
Tesañhi nāma, bhikkhave, tiracchānagatānaṁ pāṇānaṁ amanāpā bhavissati yācanā amanāpā viññatti.
One will be disliked even by animals, monks, for begging and asking,
pli-tv-bu-vb-ss6:1.4.41
Kimaṅgaṁ pana manussabhūtānaṁ.
let alone by human beings.
pli-tv-bu-vb-ss6:1.5.1
Bhūtapubbaṁ, bhikkhave, raṭṭhapālassa kulaputtassa pitā raṭṭhapālaṁ kulaputtaṁ gāthāya ajjhabhāsi—
“Raṭṭhapāla’s father, monks, once spoke to his son with this verse:
pli-tv-bu-vb-ss6:1.5.2
‘Apāhaṁ te na jānāmi,
‘All these people, Raṭṭhāpāla,
pli-tv-bu-vb-ss6:1.5.3
raṭṭhapāla bahū janā;
Who come to me and beg—
pli-tv-bu-vb-ss6:1.5.4
Te maṁ saṅgamma yācanti,
I don’t even know them.
pli-tv-bu-vb-ss6:1.5.5
kasmā maṁ tvaṁ na yācasī’ti.
So why don’t you beg from me?’
pli-tv-bu-vb-ss6:1.5.6
‘Yācako appiyo hoti,
‘The beggar is disliked,
pli-tv-bu-vb-ss6:1.5.7
yācaṁ adadamappiyo;
And so is one who doesn’t give when asked.
pli-tv-bu-vb-ss6:1.5.8
Tasmāhaṁ taṁ na yācāmi,
That’s why I do not beg from you;
pli-tv-bu-vb-ss6:1.5.9
mā me videssanā ahū’ti.
Please don’t hate me for this.’
pli-tv-bu-vb-ss6:1.5.10
So hi nāma, bhikkhave, raṭṭhapālo kulaputto sakaṁ pitaraṁ evaṁ vakkhati.
If the gentleman Raṭṭhapāla could say this to his own father,
pli-tv-bu-vb-ss6:1.5.11
Kimaṅgaṁ pana jano janaṁ.
how much more can one person to another.
pli-tv-bu-vb-ss6:1.6.1
Gihīnaṁ, bhikkhave, dussaṁharāni bhogāni sambhatānipi durakkhiyāni.
It’s hard, monks, for householders to acquire and protect their possessions.
pli-tv-bu-vb-ss6:1.6.2
Tattha nāma tumhe, moghapurisā, evaṁ dussaṁharesu bhogesu sambhatesupi durakkhiyesu yācanabahulā viññattibahulā viharissatha—
And still, foolish men, you kept on begging and asking
pli-tv-bu-vb-ss6:1.6.3
‘purisaṁ detha, purisatthakaraṁ detha, goṇaṁ detha, sakaṭaṁ detha, vāsiṁ detha, parasuṁ detha, kuṭhāriṁ detha, kudālaṁ detha, nikhādanaṁ detha, valliṁ detha, veḷuṁ detha, muñjaṁ detha, pabbajaṁ detha, tiṇaṁ detha, mattikaṁ dethā’ti.
for all sorts of things.
pli-tv-bu-vb-ss6:1.6.4
Netaṁ, moghapurisā, appasannānaṁ vā pasādāya …pe…
This will affect people’s confidence …” …
pli-tv-bu-vb-ss6:1.6.5
evañca pana, bhikkhave, imaṁ sikkhāpadaṁ uddiseyyātha—
“And, monks, this training rule should be recited like this:
pli-tv-bu-vb-ss6:1.6.6.1
“Saññācikāya pana bhikkhunā kuṭiṁ kārayamānena assāmikaṁ attuddesaṁ pamāṇikā kāretabbā. Tatridaṁ pamāṇaṁ—dīghaso dvādasa vidatthiyo, sugatavidatthiyā; tiriyaṁ sattantarā.
‘When a monk, by means of begging, builds a hut without a sponsoring owner and intended for himself, it is to be no more than twelve standard handspans long and seven wide inside.
pli-tv-bu-vb-ss6:1.6.7
Bhikkhū abhinetabbā vatthudesanāya. Tehi bhikkhūhi vatthu desetabbaṁ— anārambhaṁ saparikkamanaṁ.
He must have monks approve a site where no harm will be done and which has space on all sides.
pli-tv-bu-vb-ss6:1.6.8
Sārambhe ce bhikkhu vatthusmiṁ aparikkamane saññācikāya kuṭiṁ kāreyya, bhikkhū vā anabhineyya vatthudesanāya, pamāṇaṁ vā atikkāmeyya, saṅghādiseso”ti.
If a monk, by means of begging, builds a hut on a site where harm will be done and which lacks space on all sides, or he does not have monks approve the site, or he exceeds the right size, he commits an offense entailing suspension.’”
pli-tv-bu-vb-ss6:2.1.1
Saññācikā nāma
By means of begging:
pli-tv-bu-vb-ss6:2.1.2
sayaṁ yācitvā purisampi purisatthakarampi goṇampi sakaṭampi vāsimpi parasumpi kuṭhārimpi kudālampi nikhādanampi vallimpi veḷumpi muñjampi pabbajampi tiṇampi mattikampi.
having himself begged for a man, a servant, an ox, a cart, a machete, a hatchet, an ax, a spade, a chisel; creepers, bamboo, reed, grass, clay.
pli-tv-bu-vb-ss6:2.1.3
Kuṭi nāma
A hut:
pli-tv-bu-vb-ss6:2.1.4
ullittā vā hoti avalittā vā ullittāvalittā vā.
plastered inside or plastered outside or plastered both inside and outside.
pli-tv-bu-vb-ss6:2.1.5
Kārayamānenāti
Builds:
pli-tv-bu-vb-ss6:2.1.6
karonto vā kārāpento vā.
building it himself or having it built.
pli-tv-bu-vb-ss6:2.1.7
Assāmikanti
Without a sponsoring owner:
pli-tv-bu-vb-ss6:2.1.8
na añño koci sāmiko hoti, itthī vā puriso vā gahaṭṭho vā pabbajito vā.
there is no other owner, either a woman or a man, either a householder or a monastic.
pli-tv-bu-vb-ss6:2.1.9
Attuddesanti
Intended for himself:
pli-tv-bu-vb-ss6:2.1.10
attano atthāya.
for his own use.
pli-tv-bu-vb-ss6:2.1.11
Pamāṇikā kāretabbā.
pli-tv-bu-vb-ss6:2.1.12
Tatridaṁ pamāṇaṁ—dīghaso dvādasa vidatthiyo, sugatavidatthiyāti
It is to be no more than twelve standard handspans long:
pli-tv-bu-vb-ss6:2.1.13
bāhirimena mānena.
measured outside.
pli-tv-bu-vb-ss6:2.1.14
Tiriyaṁ sattantarāti
And seven wide inside:
pli-tv-bu-vb-ss6:2.1.15
abbhantarimena mānena.
measured inside.
pli-tv-bu-vb-ss6:2.2.1
Bhikkhū abhinetabbā vatthudesanāyāti
He must have monks approve a site:
pli-tv-bu-vb-ss6:2.2.2
tena kuṭikārakena bhikkhunā kuṭivatthuṁ sodhetvā saṅghaṁ upasaṅkamitvā ekaṁsaṁ uttarāsaṅgaṁ karitvā vuḍḍhānaṁ bhikkhūnaṁ pāde vanditvā ukkuṭikaṁ nisīditvā añjaliṁ paggahetvā evamassa vacanīyo—
the monk who wants to build a hut should clear a site. He should then approach the Sangha, arrange his upper robe over one shoulder, pay respect at the feet of the senior monks, squat on his heels, raise his joined palms, and say:
pli-tv-bu-vb-ss6:2.2.3
“ahaṁ, bhante, saññācikāya kuṭiṁ kattukāmo assāmikaṁ attuddesaṁ.
“Venerables, I want to build a hut by means of begging, without a sponsoring owner and intended for myself.
pli-tv-bu-vb-ss6:2.2.4
Sohaṁ, bhante, saṅghaṁ kuṭivatthuolokanaṁ yācāmī”ti.
I request the Sangha to inspect the site for that hut.”
pli-tv-bu-vb-ss6:2.2.5
Dutiyampi yācitabbā.
He should make his request a second
pli-tv-bu-vb-ss6:2.2.6
Tatiyampi yācitabbā.
and a third time.
pli-tv-bu-vb-ss6:2.2.7
Sace sabbo saṅgho ussahati kuṭivatthuṁ oloketuṁ, sabbena saṅghena oloketabbaṁ.
If the whole Sangha is able to inspect the site, they should all go.
pli-tv-bu-vb-ss6:2.2.8
No ce sabbo saṅgho ussahati kuṭivatthuṁ oloketuṁ, ye tattha honti bhikkhū byattā paṭibalā sārambhaṁ anārambhaṁ saparikkamanaṁ aparikkamanaṁ jānituṁ te yācitvā sammannitabbā.
If the whole Sangha is unable to inspect the site, then those monks there who are competent and capable—who know where harm will be done and where no harm will be done, who know what is meant by space on all sides and a lack of space on all sides—should be asked and then appointed.
pli-tv-bu-vb-ss6:2.2.9
“Evañca pana, bhikkhave, sammannitabbā.
“And, monks, they should be appointed like this.
pli-tv-bu-vb-ss6:2.2.10
Byattena bhikkhunā paṭibalena saṅgho ñāpetabbo—
A competent and capable monk should inform the Sangha:
pli-tv-bu-vb-ss6:2.2.11
‘Suṇātu me, bhante, saṅgho.
‘Please, venerables, I ask the Sangha to listen.
pli-tv-bu-vb-ss6:2.2.12
Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
Monk so-and-so wants to build a hut by means of begging, without a sponsoring owner and intended for himself.
pli-tv-bu-vb-ss6:2.2.13
So saṅghaṁ kuṭivatthuolokanaṁ yācati.
He is requesting the Sangha to inspect the site for that hut.
pli-tv-bu-vb-ss6:2.2.14
Yadi saṅghassa pattakallaṁ, saṅgho itthannāmañca itthannāmañca bhikkhū sammanneyya itthannāmassa bhikkhuno kuṭivatthuṁ oloketuṁ.
If the Sangha is ready, it should appoint monks so-and-so and so-and-so to inspect the site for the hut of monk so-and-so.
pli-tv-bu-vb-ss6:2.2.15
Esā ñatti.
This is the motion.
pli-tv-bu-vb-ss6:2.2.16
Suṇātu me, bhante, saṅgho.
Please, venerables, I ask the Sangha to listen.
pli-tv-bu-vb-ss6:2.2.17
Ayaṁ itthannāmo bhikkhu saññācikāya kuṭiṁ kattukāmo assāmikaṁ attuddesaṁ.
Monk so-and-so wants to build a hut by means of begging, without a sponsoring owner and intended for himself.
pli-tv-bu-vb-ss6:2.2.18
So saṅghaṁ kuṭivatthuolokanaṁ yācati.
He is requesting the Sangha to inspect the site for that hut.
pli-tv-bu-vb-ss6:2.2.19
Saṅgho itthannāmañca itthannāmañca bhikkhū sammannati itthannāmassa bhikkhuno kuṭivatthuṁ oloketuṁ.
The Sangha appoints monks so-and-so and so-and-so to inspect the site for the hut of monk so-and-so.
pli-tv-bu-vb-ss6:2.2.20
Yassāyasmato khamati itthannāmassa ca itthannāmassa ca bhikkhūnaṁ sammuti itthannāmassa bhikkhuno kuṭivatthuṁ oloketuṁ, so tuṇhassa;
Any monk who approves of appointing monks so-and-so and so-and-so to inspect the site for the hut of monk so-and-so should remain silent.
pli-tv-bu-vb-ss6:2.2.21
yassa nakkhamati, so bhāseyya.
Any monk who doesn’t approve should speak up.
pli-tv-bu-vb-ss6:2.2.22
Sammatā saṅghena itthannāmo ca itthannāmo ca bhikkhū itthannāmassa bhikkhuno kuṭivatthuṁ oloketuṁ.
The Sangha has appointed monks so-and-so and so-and-so to inspect the site for the hut of monk so-and-so.
pli-tv-bu-vb-ss6:2.2.23
Khamati saṅghassa, tasmā tuṇhī,
The Sangha approves and is therefore silent.
pli-tv-bu-vb-ss6:2.2.24
evametaṁ dhārayāmī’”ti.
I will remember it thus.’
pli-tv-bu-vb-ss6:2.2.25
Tehi sammatehi bhikkhūhi tattha gantvā kuṭivatthu oloketabbaṁ, sārambhaṁ anārambhaṁ saparikkamanaṁ aparikkamanaṁ jānitabbaṁ.
The appointed monks should go and inspect the site for the hut to find out if any harm will be done and if it has space on all sides.
pli-tv-bu-vb-ss6:2.2.26
Sace sārambhaṁ hoti aparikkamanaṁ, “mā idha karī”ti vattabbo.
If harm will be done or it lacks space on all sides, they should say, ‘Don’t build here.’
pli-tv-bu-vb-ss6:2.2.27
Sace anārambhaṁ hoti saparikkamanaṁ, saṅghassa ārocetabbaṁ—
If no harm will be done and it has space on all sides, they should inform the Sangha:
pli-tv-bu-vb-ss6:2.2.28
“anārambhaṁ saparikkamanan”ti.
‘No harm will be done and it has space on all sides.’

SuttaCentral (suttacentral.net), from the bilara-data and sc-data repositories. Licence: Public Domain (root); CC0 1.0 (translation). Source.