← All works

Kathāvatthu — Mahāpaṇṇāsaka — Sattamavagga

Early Buddhist texts (SuttaCentral): Abhidhamma · abhidhamma · 121 sections

1. kv7.5:12.9

   senāsanaṁ paribhuñjamāno …pe…

2. kv7.5:12.10

   gilānapaccayabhesajjaparikkhāraṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.

3. kv7.5:12.11

   Ime kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṁvattanikā iṭṭhāya kantāya manāpāya hitāya sukhāya saṁvattantī”ti.

4. kv7.5:12.12

   Attheva suttantoti?

5. kv7.5:12.13

   Āmantā.

6. kv7.5:12.14

   Tena hi paribhogamayaṁ puññaṁ vaḍḍhatīti.

7. kv7.5:13.1

   Paribhogamayaṁ puññaṁ vaḍḍhatīti?

8. kv7.5:13.2

   Āmantā.

9. kv7.5:13.3

   Dāyako dānaṁ deti, paṭiggāhako paṭiggahetvā na paribhuñjati chaḍḍeti vissajjeti, hoti puññanti?

10. kv7.5:13.4

    Āmantā.

11. kv7.5:13.5

    Hañci dāyako dānaṁ deti, paṭiggāhako paṭiggahetvā na paribhuñjati chaḍḍeti vissajjeti, hoti puññaṁ;

12. kv7.5:13.6

    no ca vata re vattabbe—

13. kv7.5:13.7

    “paribhogamayaṁ puññaṁ vaḍḍhatī”ti.

14. kv7.5:14.1

    Paribhogamayaṁ puññaṁ vaḍḍhatīti?

15. kv7.5:14.2

    Āmantā.

16. kv7.5:14.3

    Dāyako dānaṁ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṁ vā vahati, appiyā vā dāyādā haranti, hoti puññanti?

17. kv7.5:14.4

    Āmantā.

18. kv7.5:14.5

    Hañci dāyako dānaṁ deti, paṭiggāhake paṭiggahite rājāno vā haranti, corā vā haranti, aggi vā dahati, udakaṁ vā vahati, appiyā vā dāyādā haranti, hoti puññaṁ;

19. kv7.5:14.6

    no ca vata re vattabbe—

20. kv7.5:14.7

    “paribhogamayaṁ puññaṁ vaḍḍhatī”ti.

21. kv7.5:14.8

    Paribhogamayapuññakathā niṭṭhitā.

← Previous — showing 101–121 of 121

SuttaCentral (suttacentral.net), from the bilara-data and sc-data repositories. Licence: Public Domain. Source.