← Library

Kathāvatthu — Mahāpaṇṇāsaka — Sattamavagga

Early Buddhist texts (SuttaCentral): Abhidhamma · abhidhamma · 121 sections

1. kv7.5:0.1

   Kathāvatthu

2. kv7.5:0.2

   Mahāpaṇṇāsaka

3. kv7.5:0.3

   Sattamavagga

4. kv7.5:0.4

   Paribhogamayapuññakathā

5. kv7.5:1.1

   Paribhogamayaṁ puññaṁ vaḍḍhatīti?

6. kv7.5:1.2

   Āmantā.

7. kv7.5:1.3

   Paribhogamayo phasso vaḍḍhati, vedanā vaḍḍhati, saññā vaḍḍhati, cetanā vaḍḍhati, cittaṁ vaḍḍhati, saddhā vaḍḍhati, vīriyaṁ vaḍḍhati, sati vaḍḍhati, samādhi vaḍḍhati, paññā vaḍḍhatīti?

8. kv7.5:1.4

   Na hevaṁ vattabbe …pe….

9. kv7.5:2.1

   Paribhogamayaṁ puññaṁ vaḍḍhatīti?

10. kv7.5:2.2

    Āmantā.

11. kv7.5:2.3

    Latā viya vaḍḍhati, māluvā viya vaḍḍhati, rukkho viya vaḍḍhati, tiṇaṁ viya vaḍḍhati, muñjapuñjo viya vaḍḍhatīti?

12. kv7.5:2.4

    Na hevaṁ vattabbe …pe….

13. kv7.5:3.1

    Paribhogamayaṁ puññaṁ vaḍḍhatīti?

14. kv7.5:3.2

    Āmantā.

15. kv7.5:3.3

    Dāyako dānaṁ datvā na samannāharati, hoti puññanti?

16. kv7.5:3.4

    Āmantā.

17. kv7.5:3.5

    Anāvaṭṭentassa hoti …

18. kv7.5:3.6

    anābhogassa hoti …

19. kv7.5:3.7

    asamannāharantassa hoti …

20. kv7.5:3.8

    amanasikarontassa hoti …

21. kv7.5:3.9

    acetayantassa hoti …

22. kv7.5:3.10

    apatthayantassa hoti … appaṇidahantassa hotīti?

23. kv7.5:3.11

    Na hevaṁ vattabbe …pe…

24. kv7.5:3.12

    nanu āvaṭṭentassa hoti …

25. kv7.5:3.13

    ābhogassa hoti …

26. kv7.5:3.14

    samannāharantassa hoti …

27. kv7.5:3.15

    manasikarontassa hoti …

28. kv7.5:3.16

    cetayantassa hoti …

29. kv7.5:3.17

    patthayantassa hoti … paṇidahantassa hotīti?

30. kv7.5:3.18

    Āmantā.

31. kv7.5:3.19

    Hañci āvaṭṭentassa hoti …

32. kv7.5:3.20

    ābhogassa hoti …

33. kv7.5:3.21

    samannāharantassa hoti …

34. kv7.5:3.22

    manasikarontassa hoti …

35. kv7.5:3.23

    cetayantassa hoti …

36. kv7.5:3.24

    patthayantassa hoti … paṇidahantassa hoti, no ca vata re vattabbe—

37. kv7.5:3.25

    “paribhogamayaṁ puññaṁ vaḍḍhatī”ti.

38. kv7.5:4.1

    Paribhogamayaṁ puññaṁ vaḍḍhatīti?

39. kv7.5:4.2

    Āmantā.

40. kv7.5:4.3

    Dāyako dānaṁ datvā kāmavitakkaṁ vitakketi, byāpādavitakkaṁ vitakketi, vihiṁsāvitakkaṁ vitakketi, hoti puññanti?

41. kv7.5:4.4

    Āmantā.

42. kv7.5:4.5

    Dvinnaṁ phassānaṁ …pe…

43. kv7.5:4.6

    dvinnaṁ cittānaṁ samodhānaṁ hotīti?

44. kv7.5:4.7

    Na hevaṁ vattabbe …pe…

45. kv7.5:4.8

    dvinnaṁ phassānaṁ …pe…

46. kv7.5:4.9

    dvinnaṁ cittānaṁ samodhānaṁ hotīti?

47. kv7.5:4.10

    Āmantā.

48. kv7.5:4.11

    Kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?

49. kv7.5:4.12

    Na hevaṁ vattabbe …pe…

50. kv7.5:4.13

    kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantīti?

51. kv7.5:4.14

    Āmantā.

52. kv7.5:4.15

    Nanu vuttaṁ bhagavatā—

53. kv7.5:4.16

    “cattārimāni, bhikkhave, suvidūravidūrāni.

54. kv7.5:4.17

    Katamāni cattāri?

55. kv7.5:4.18

    Nabhañca, bhikkhave, pathavī ca—

56. kv7.5:4.19

    idaṁ paṭhamaṁ suvidūravidūraṁ.

57. kv7.5:4.20

    Orimañca, bhikkhave, tīraṁ samuddassa pārimañca tīraṁ—

58. kv7.5:4.21

    idaṁ dutiyaṁ suvidūravidūraṁ.

59. kv7.5:4.22

    Yato ca, bhikkhave, verocano abbhudeti yattha ca atthameti—

60. kv7.5:4.23

    idaṁ tatiyaṁ suvidūravidūraṁ.

61. kv7.5:4.24

    Satañca, bhikkhave, dhammo asatañca dhammo—

62. kv7.5:4.25

    idaṁ catutthaṁ suvidūravidūraṁ.

63. kv7.5:4.26

    Imāni kho, bhikkhave, cattāri suvidūravidūrānīti.

64. kv7.5:5.1

    Nabhañca dūre pathavī ca dūre,

65. kv7.5:5.2

    Pāraṁ samuddassa tadāhu dūre;

66. kv7.5:5.3

    Yato ca verocano abbhudeti,

67. kv7.5:5.4

    Pabhaṅkaro yattha ca atthameti;

68. kv7.5:5.5

    Tato have dūrataraṁ vadanti,

69. kv7.5:5.6

    Satañca dhammaṁ asatañca dhammaṁ.

70. kv7.5:6.1

    Abyāyiko hoti sataṁ samāgamo,

71. kv7.5:6.2

    Yāvampi tiṭṭheyya tatheva hoti;

72. kv7.5:6.3

    Khippañhi veti asataṁ samāgamo,

73. kv7.5:6.4

    Tasmā sataṁ dhammo asabbhi ārakā”ti.

74. kv7.5:7.1

    Attheva suttantoti?

75. kv7.5:7.2

    Āmantā.

76. kv7.5:7.3

    Tena hi na vattabbaṁ—

77. kv7.5:7.4

    “kusalākusalā sāvajjānavajjā hīnapaṇītā kaṇhasukkasappaṭibhāgā dhammā sammukhībhāvaṁ āgacchantī”ti.

78. kv7.5:8.1

    Na vattabbaṁ—

79. kv7.5:8.2

    “paribhogamayaṁ puññaṁ vaḍḍhatī”ti?

80. kv7.5:8.3

    Āmantā.

81. kv7.5:8.4

    Nanu vuttaṁ bhagavatā—

82. kv7.5:9.1

    “Ārāmaropā vanaropā,

83. kv7.5:9.2

    ye janā setukārakā;

84. kv7.5:9.3

    Papañca udapānañca,

85. kv7.5:9.4

    ye dadanti upassayaṁ.

86. kv7.5:10.1

    Tesaṁ divā ca ratto ca,

87. kv7.5:10.2

    sadā puññaṁ pavaḍḍhati;

88. kv7.5:10.3

    Dhammaṭṭhā sīlasampannā,

89. kv7.5:10.4

    te janā saggagāmino”ti.

90. kv7.5:11.1

    Attheva suttantoti?

91. kv7.5:11.2

    Āmantā.

92. kv7.5:11.3

    Tena hi paribhogamayaṁ puññaṁ vaḍḍhatīti.

93. kv7.5:12.1

    Na vattabbaṁ—

94. kv7.5:12.2

    “paribhogamayaṁ puññaṁ vaḍḍhatī”ti?

95. kv7.5:12.3

    Āmantā.

96. kv7.5:12.4

    Nanu vuttaṁ bhagavatā—

97. kv7.5:12.5

    “cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṁvattanikā iṭṭhāya kantāya manāpāya hitāya sukhāya saṁvattanti.

98. kv7.5:12.6

    Katame cattāro?

99. kv7.5:12.7

    Yassa, bhikkhave, bhikkhu cīvaraṁ paribhuñjamāno appamāṇaṁ cetosamādhiṁ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṁvattaniko iṭṭhāya kantāya manāpāya hitāya sukhāya saṁvattati.

100. kv7.5:12.8

     Yassa, bhikkhave, bhikkhu piṇḍapātaṁ paribhuñjamāno …pe…

Next → — showing 1–100 of 121

SuttaCentral (suttacentral.net), from the bilara-data and sc-data repositories. Licence: Public Domain. Source.