Kathāvatthu — Mahāpaṇṇāsaka — Paṭhamavagga
- kv1.2:99.2
anottappaṁ pahīnaṁ, parihāyati samayavimutto arahā arahattāti?
- kv1.2:99.3
Āmantā.
- kv1.2:99.4
Asamayavimuttassa arahato anottappaṁ pahīnaṁ, parihāyati asamayavimutto arahā arahattāti?
- kv1.2:99.5
Na hevaṁ vattabbe.
- kv1.2:100.1
Samayavimuttassa arahato rāgappahānāya maggo bhāvito, parihāyati samayavimutto arahā arahattāti?
- kv1.2:100.2
Āmantā.
- kv1.2:100.3
Asamayavimuttassa arahato rāgappahānāya maggo bhāvito, parihāyati asamayavimutto arahā arahattāti?
- kv1.2:100.4
Na hevaṁ vattabbe.
- kv1.2:101.1
Samayavimuttassa arahato rāgappahānāya satipaṭṭhānā bhāvitā …pe…
- kv1.2:101.2
sammappadhānā bhāvitā…
- kv1.2:101.3
iddhipādā bhāvitā…
- kv1.2:101.4
indriyā bhāvitā…
- kv1.2:101.5
balā bhāvitā…
- kv1.2:101.6
bojjhaṅgā bhāvitā, parihāyati samayavimutto arahā arahattāti?
- kv1.2:101.7
Āmantā.
- kv1.2:101.8
Asamayavimuttassa arahato rāgappahānāya satipaṭṭhānā bhāvitā …pe…
- kv1.2:101.9
bojjhaṅgā bhāvitā, parihāyati asamayavimutto arahā arahattāti?
- kv1.2:101.10
Na hevaṁ vattabbe.
- kv1.2:102.1
Samayavimuttassa arahato dosappahānāya …pe…
- kv1.2:102.2
anottappapahānāya maggo bhāvito …pe…
- kv1.2:102.3
bojjhaṅgā bhāvitā, parihāyati samayavimutto arahā arahattāti?
- kv1.2:102.4
Āmantā.
- kv1.2:102.5
Asamayavimuttassa arahato anottappaṁ pahānāya maggo bhāvito …pe…
- kv1.2:102.6
bojjhaṅgā bhāvitā, parihāyati asamayavimutto arahā arahattāti?
- kv1.2:102.7
Na hevaṁ vattabbe …pe….
- kv1.2:103.1
Samayavimutto arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo, dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ, sacchikātabbaṁ sacchikataṁ, parihāyati samayavimutto arahā arahattāti?
- kv1.2:103.2
Āmantā.
- kv1.2:103.3
Asamayavimutto arahā vītarāgo vītadoso vītamoho …pe…
- kv1.2:103.4
sacchikātabbaṁ sacchikataṁ, parihāyati asamayavimutto arahā arahattāti?
- kv1.2:103.5
Na hevaṁ vattabbe.
- kv1.2:104.1
Asamayavimuttassa arahato rāgo pahīno, na parihāyati asamayavimutto arahā arahattāti?
- kv1.2:104.2
Āmantā.
- kv1.2:104.3
Samayavimuttassa arahato rāgo pahīno, na parihāyati samayavimutto arahā arahattāti?
- kv1.2:104.4
Na hevaṁ vattabbe.
- kv1.2:105.1
Asamayavimuttassa arahato doso pahīno …pe…
- kv1.2:105.2
anottappaṁ pahīnaṁ, na parihāyati asamayavimutto arahā arahattāti?
- kv1.2:105.3
Āmantā.
- kv1.2:105.4
Samayavimuttassa arahato anottappaṁ pahīnaṁ, na parihāyati samayavimutto arahā arahattāti?
- kv1.2:105.5
Na hevaṁ vattabbe.
- kv1.2:106.1
Asamayavimuttassa arahato rāgappahānāya maggo bhāvito …pe…
- kv1.2:106.2
bojjhaṅgā bhāvitā, na parihāyati asamayavimutto arahā arahattāti?
- kv1.2:106.3
Āmantā.
- kv1.2:106.4
Samayavimuttassa arahato rāgappahānāya maggo bhāvito …pe…
- kv1.2:106.5
bojjhaṅgā bhāvitā, na parihāyati samayavimutto arahā arahattāti?
- kv1.2:106.6
Na hevaṁ vattabbe.
- kv1.2:107.1
Asamayavimuttassa arahato dosappahānāya …pe…
- kv1.2:107.2
anottappapahānāya maggo bhāvito …pe…
- kv1.2:107.3
bojjhaṅgā bhāvitā, na parihāyati asamayavimutto arahā arahattāti?
- kv1.2:107.4
Āmantā.
- kv1.2:107.5
Samayavimuttassa arahato anottappapahānāya maggo bhāvito …pe…
- kv1.2:107.6
bojjhaṅgā bhāvitā, na parihāyati samayavimutto arahā arahattāti?
- kv1.2:107.7
Na hevaṁ vattabbe.
- kv1.2:108.1
Asamayavimutto arahā vītarāgo vītadoso vītamoho …pe…
- kv1.2:108.2
sacchikātabbaṁ sacchikataṁ, na parihāyati asamayavimutto arahā arahattāti?
- kv1.2:108.3
Āmantā.
- kv1.2:108.4
Samayavimutto arahā vītarāgo vītadoso vītamoho …pe…
- kv1.2:108.5
sacchikātabbaṁ sacchikataṁ, na parihāyati samayavimutto arahā arahattāti?
- kv1.2:108.6
Na hevaṁ vattabbe …pe….
- kv1.2:109.1
Parihāyati arahā arahattāti?
- kv1.2:109.2
Āmantā.
- kv1.2:109.3
Sāriputto thero parihāyittha arahattāti?
- kv1.2:109.4
Na hevaṁ vattabbe.
- kv1.2:109.5
Mahāmoggallāno thero …
- kv1.2:109.6
mahākassapo thero …
- kv1.2:109.7
mahākaccāyano thero …
- kv1.2:109.8
mahākoṭṭhiko thero …
- kv1.2:109.9
mahāpanthako thero parihāyittha arahattāti?
- kv1.2:109.10
Na hevaṁ vattabbe.
- kv1.2:110.1
Sāriputto thero na parihāyittha arahattāti?
- kv1.2:110.2
Āmantā.
- kv1.2:110.3
Hañci sāriputto thero na parihāyittha arahattā, no ca vata re vattabbe—
- kv1.2:110.4
“parihāyati arahā arahattā”ti.
- kv1.2:111.1
Mahāmoggallāno thero …
- kv1.2:111.2
mahākassapo thero …
- kv1.2:111.3
mahākaccāyano thero …
- kv1.2:111.4
mahākoṭṭhiko thero …
- kv1.2:111.5
mahāpanthako thero na parihāyittha arahattāti?
- kv1.2:111.6
Āmantā.
- kv1.2:111.7
Hañci mahāpanthako thero na parihāyittha arahattā, no ca vata re vattabbe—
- kv1.2:111.8
“parihāyati arahā arahattā”ti.
- kv1.2:111.9
Ariyapuggalasaṁsandanaṁ.
- kv1.2:112.0
Suttasādhanaparihāni
- kv1.2:112.1
Parihāyati arahā arahattāti?
- kv1.2:112.2
Āmantā.
- kv1.2:112.3
Nanu vuttaṁ bhagavatā—
- kv1.2:113.1
“Uccāvacā hi paṭipadā,
- kv1.2:113.2
Samaṇena pakāsitā;
- kv1.2:113.3
Na pāraṁ diguṇaṁ yanti,
- kv1.2:113.4
Nayidaṁ ekaguṇaṁ mutan”ti.
- kv1.2:114.1
Attheva suttantoti?
- kv1.2:114.2
Āmantā.
- kv1.2:114.3
Tena hi na vattabbaṁ—
- kv1.2:114.4
“parihāyati arahā arahattā”ti.
- kv1.2:115.1
Parihāyati arahā arahattāti?
- kv1.2:115.2
Āmantā.
- kv1.2:115.3
Atthi chinnassa chediyanti?
- kv1.2:115.4
Na hevaṁ vattabbe.
- kv1.2:116.1
Atthi chinnassa chediyanti?
- kv1.2:116.2
Āmantā.
- kv1.2:116.3
Nanu vuttaṁ bhagavatā—
← Previous · Next → — showing 601–700 of 821
SuttaCentral (suttacentral.net), from the bilara-data and sc-data repositories. Licence: Public Domain. Source.