← All works

Kathāvatthu — Mahāpaṇṇāsaka — Paṭhamavagga

Early Buddhist texts (SuttaCentral): Abhidhamma · abhidhamma · 821 sections

1. kv1.2:84.1

   Sotāpannassa sakkāyadiṭṭhi pahīnā, na parihāyati sotāpanno sotāpattiphalāti?

2. kv1.2:84.2

   Āmantā.

3. kv1.2:84.3

   Anāgāmissa sakkāyadiṭṭhi pahīnā … aṇusahagato byāpādo pahīno, na parihāyati anāgāmī anāgāmiphalāti?

4. kv1.2:84.4

   Na hevaṁ vattabbe.

5. kv1.2:85.1

   Sotāpannassa vicikicchā pahīnā …pe…

6. kv1.2:85.2

   apāyagamanīyo moho pahīno, na parihāyati sotāpanno sotāpattiphalāti?

7. kv1.2:85.3

   Āmantā.

8. kv1.2:85.4

   Anāgāmissa sakkāyadiṭṭhi pahīnā …pe…

9. kv1.2:85.5

   aṇusahagato byāpādo pahīno, na parihāyati anāgāmī anāgāmiphalāti?

10. kv1.2:85.6

    Na hevaṁ vattabbe.

11. kv1.2:86.1

    Sakadāgāmissa sakkāyadiṭṭhi pahīnā, na parihāyati sakadāgāmī sakadāgāmiphalāti?

12. kv1.2:86.2

    Āmantā.

13. kv1.2:86.3

    Anāgāmissa sakkāyadiṭṭhi pahīnā …pe…

14. kv1.2:86.4

    aṇusahagato byāpādo pahīno, na parihāyati anāgāmī anāgāmiphalāti?

15. kv1.2:86.5

    Na hevaṁ vattabbe.

16. kv1.2:87.1

    Sakadāgāmissa vicikicchā pahīnā …pe…

17. kv1.2:87.2

    oḷāriko byāpādo pahīno, na parihāyati sakadāgāmī sakadāgāmiphalāti?

18. kv1.2:87.3

    Āmantā.

19. kv1.2:87.4

    Anāgāmissa sakkāyadiṭṭhi pahīnā …pe…

20. kv1.2:87.5

    aṇusahagato byāpādo pahīno, na parihāyati anāgāmī anāgāmiphalāti?

21. kv1.2:87.6

    Na hevaṁ vattabbe.

22. kv1.2:88.1

    Sotāpannassa sakkāyadiṭṭhi pahīnā, na parihāyati sotāpanno sotāpattiphalāti?

23. kv1.2:88.2

    Āmantā.

24. kv1.2:88.3

    Sakadāgāmissa sakkāyadiṭṭhi pahīnā …pe…

25. kv1.2:88.4

    oḷāriko byāpādo pahīno, na parihāyati sakadāgāmī sakadāgāmiphalāti?

26. kv1.2:88.5

    Na hevaṁ vattabbe.

27. kv1.2:89.1

    Sotāpannassa vicikicchā pahīnā …pe…

28. kv1.2:89.2

    apāyagamanīyo moho pahīno, na parihāyati sotāpanno sotāpattiphalāti?

29. kv1.2:89.3

    Āmantā.

30. kv1.2:89.4

    Sakadāgāmissa sakkāyadiṭṭhi pahīnā …pe…

31. kv1.2:89.5

    oḷāriko byāpādo pahīno, na parihāyati sakadāgāmī sakadāgāmiphalāti?

32. kv1.2:89.6

    Na hevaṁ vattabbe.

33. kv1.2:90.1

    Parihāyati arahā arahattāti?

34. kv1.2:90.2

    Āmantā.

35. kv1.2:90.3

    Nanu arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammoti?

36. kv1.2:90.4

    Āmantā.

37. kv1.2:90.5

    Hañci arahato rāgo pahīno ucchinnamūlo tālāvatthukato anabhāvaṅkato āyatiṁ anuppādadhammo, no ca vata re vattabbe—

38. kv1.2:90.6

    “parihāyati arahā arahattā”ti.

39. kv1.2:91.1

    Parihāyati arahā arahattāti?

40. kv1.2:91.2

    Āmantā.

41. kv1.2:91.3

    Nanu arahato doso pahīno …pe…

42. kv1.2:91.4

    moho pahīno…

43. kv1.2:91.5

    māno pahīno…

44. kv1.2:91.6

    diṭṭhi pahīnā…

45. kv1.2:91.7

    vicikicchā pahīnā…

46. kv1.2:91.8

    thinaṁ pahīnaṁ…

47. kv1.2:91.9

    uddhaccaṁ pahīnaṁ…

48. kv1.2:91.10

    ahirikaṁ pahīnaṁ…

49. kv1.2:91.11

    anottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammanti?

50. kv1.2:91.12

    Āmantā.

51. kv1.2:91.13

    Hañci arahato anottappaṁ pahīnaṁ ucchinnamūlaṁ tālāvatthukataṁ anabhāvaṅkataṁ āyatiṁ anuppādadhammaṁ, no ca vata re vattabbe—

52. kv1.2:91.14

    “parihāyati arahā arahattā”ti.

53. kv1.2:92.1

    Parihāyati arahā arahattāti?

54. kv1.2:92.2

    Āmantā.

55. kv1.2:92.3

    Nanu arahato rāgappahānāya maggo bhāvitoti?

56. kv1.2:92.4

    Āmantā.

57. kv1.2:92.5

    Hañci arahato rāgappahānāya maggo bhāvito, no ca vata re vattabbe—

58. kv1.2:92.6

    “parihāyati arahā arahattā”ti.

59. kv1.2:93.1

    Parihāyati arahā arahattāti?

60. kv1.2:93.2

    Āmantā.

61. kv1.2:93.3

    Nanu arahato rāgappahānāya satipaṭṭhānā bhāvitā …pe…

62. kv1.2:93.4

    sammappadhānā bhāvitā…

63. kv1.2:93.5

    iddhipādā bhāvitā…

64. kv1.2:93.6

    indriyā bhāvitā…

65. kv1.2:93.7

    balā bhāvitā…

66. kv1.2:93.8

    bojjhaṅgā bhāvitāti?

67. kv1.2:93.9

    Āmantā.

68. kv1.2:93.10

    Hañci arahato rāgappahānāya bojjhaṅgā bhāvitā, no ca vata re vattabbe—

69. kv1.2:93.11

    “parihāyati arahā arahattā”ti.

70. kv1.2:94.1

    Parihāyati arahā arahattāti?

71. kv1.2:94.2

    Āmantā.

72. kv1.2:94.3

    Nanu arahato dosappahānāya …pe…

73. kv1.2:94.4

    anottappapahānāya maggo bhāvito …pe…

74. kv1.2:94.5

    bojjhaṅgā bhāvitāti?

75. kv1.2:94.6

    Āmantā.

76. kv1.2:94.7

    Hañci arahato anottappapahānāya bojjhaṅgā bhāvitā, no ca vata re vattabbe—

77. kv1.2:94.8

    “parihāyati arahā arahattā”ti.

78. kv1.2:95.1

    Parihāyati arahā arahattāti?

79. kv1.2:95.2

    Āmantā.

80. kv1.2:95.3

    Nanu arahā vītarāgo vītadoso vītamoho katakaraṇīyo ohitabhāro anuppattasadattho parikkhīṇabhavasaṁyojano sammadaññāvimutto ukkhittapaligho saṅkiṇṇaparikho abbūḷhesiko niraggaḷo ariyo pannaddhajo pannabhāro visaññutto suvijitavijayo;

81. kv1.2:95.4

    dukkhaṁ tassa pariññātaṁ, samudayo pahīno, nirodho sacchikato, maggo bhāvito, abhiññeyyaṁ abhiññātaṁ, pariññeyyaṁ pariññātaṁ, pahātabbaṁ pahīnaṁ, bhāvetabbaṁ bhāvitaṁ, sacchikātabbaṁ sacchikatanti?

82. kv1.2:95.5

    Āmantā.

83. kv1.2:95.6

    Hañci arahā vītarāgo vītadoso vītamoho …pe…

84. kv1.2:95.7

    sacchikātabbaṁ sacchikataṁ, no ca vata re vattabbe—

85. kv1.2:95.8

    “parihāyati arahā arahattā”ti.

86. kv1.2:96.1

    Parihāyati arahā arahattāti?

87. kv1.2:96.2

    (…) Samayavimutto arahā arahattā parihāyati, asamayavimutto arahā arahattā na parihāyatīti.

88. kv1.2:96.3

    Samayavimutto arahā arahattā parihāyatīti?

89. kv1.2:96.4

    Āmantā.

90. kv1.2:96.5

    Asamayavimutto arahā arahattā parihāyatīti?

91. kv1.2:96.6

    Na hevaṁ vattabbe.

92. kv1.2:97.1

    Asamayavimutto arahā arahattā na parihāyatīti?

93. kv1.2:97.2

    Āmantā.

94. kv1.2:97.3

    Samayavimutto arahā arahattā na parihāyatīti?

95. kv1.2:97.4

    Na hevaṁ vattabbe.

96. kv1.2:98.1

    Samayavimuttassa arahato rāgo pahīno, parihāyati samayavimutto arahā arahattāti?

97. kv1.2:98.2

    Āmantā.

98. kv1.2:98.3

    Asamayavimuttassa arahato rāgo pahīno, parihāyati asamayavimutto arahā arahattāti?

99. kv1.2:98.4

    Na hevaṁ vattabbe.

100. kv1.2:99.1

     Samayavimuttassa arahato doso pahīno …pe…

← Previous · Next → — showing 501–600 of 821

SuttaCentral (suttacentral.net), from the bilara-data and sc-data repositories. Licence: Public Domain. Source.