← All works

Dhātukathā — 2 Niddesa — 2.1. Paṭhamanaya saṅgahāsaṅgahapadaniddesa

Early Buddhist texts (SuttaCentral): Abhidhamma · abhidhamma · 576 sections

1. dt2.1:159.1

   Ajjhattikā dhammā dvīhi khandhehi chahāyatanehi dvādasahi dhātūhi saṅgahitā.

2. dt2.1:159.2

   Katihi asaṅgahitā?

3. dt2.1:159.3

   Tīhi khandhehi chahāyatanehi chahi dhātūhi asaṅgahitā.

4. dt2.1:160.1

   Bāhirā dhammā asaṅkhataṁ khandhato ṭhapetvā catūhi khandhehi chahāyatanehi chahi dhātūhi saṅgahitā.

5. dt2.1:160.2

   Katihi asaṅgahitā?

6. dt2.1:160.3

   Ekena khandhena chahāyatanehi dvādasahi dhātūhi asaṅgahitā.

7. dt2.1:161.1

   Upādā dhammā ekena khandhena dasahāyatanehi dasahi dhātūhi saṅgahitā.

8. dt2.1:161.2

   Katihi asaṅgahitā?

9. dt2.1:161.3

   Catūhi khandhehi dvīhāyatanehi aṭṭhahi dhātūhi asaṅgahitā.

10. dt2.1:162.1

    No upādā dhammā asaṅkhataṁ khandhato ṭhapetvā pañcahi khandhehi tīhāyatanehi navahi dhātūhi saṅgahitā.

11. dt2.1:162.2

    Katihi asaṅgahitā?

12. dt2.1:162.3

    Na kehici khandhehi navahāyatanehi navahi dhātūhi asaṅgahitā.

13. dt2.1:163.1

    Upādinnā dhammā pañcahi khandhehi ekādasahāyatanehi sattarasahi dhātūhi saṅgahitā.

14. dt2.1:163.2

    Katihi asaṅgahitā?

15. dt2.1:163.3

    Na kehici khandhehi ekenāyatanena ekāya dhātuyā asaṅgahitā.

16. dt2.1:164.1

    Anupādinnā dhammā asaṅkhataṁ khandhato ṭhapetvā pañcahi khandhehi sattahāyatanehi aṭṭhahi dhātūhi saṅgahitā.

17. dt2.1:164.2

    Katihi asaṅgahitā?

18. dt2.1:164.3

    Na kehici khandhehi pañcahāyatanehi dasahi dhātūhi asaṅgahitā.

19. dt2.1:165.0

    2.1.8.11–12. Upādānagocchakādi

20. dt2.1:165.1

    Upādānā dhammā … kilesā dhammā … kilesā ceva saṅkilesikā ca dhammā … kilesā ceva saṅkiliṭṭhā ca dhammā … kilesā ceva kilesasampayuttā ca dhammā ekena khandhena ekenāyatanena ekāya dhātuyā saṅgahitā.

21. dt2.1:165.2

    Katihi asaṅgahitā?

22. dt2.1:165.3

    Catūhi khandhehi ekādasahāyatanehi sattarasahi dhātūhi asaṅgahitā.

23. dt2.1:166.1

    No kilesā dhammā … asaṅkiliṭṭhā dhammā … kilesavippayuttā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

24. dt2.1:166.2

    Katihi asaṅgahitā?

25. dt2.1:166.3

    Na kehici khandhehi na kehici āyatanehi na kāhici dhātūhi asaṅgahitā.

26. dt2.1:167.1

    Saṅkilesikā dhammā … saṅkilesikā ceva no ca kilesā dhammā … kilesavippayuttā saṅkilesikā dhammā pañcahi khandhehi dvādasahāyatanehi aṭṭhārasahi dhātūhi saṅgahitā.

27. dt2.1:167.2

    Katihi asaṅgahitā?

28. dt2.1:167.3

    Na kehici khandhehi na kehici āyatanehi na kāhici dhātūhi asaṅgahitā.

29. dt2.1:168.1

    Asaṅkilesikā dhammā … kilesavippayuttā asaṅkilesikā dhammā asaṅkhataṁ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā.

30. dt2.1:168.2

    Katihi asaṅgahitā?

31. dt2.1:168.3

    Ekena khandhena dasahāyatanehi soḷasahi dhātūhi asaṅgahitā.

32. dt2.1:169.1

    Saṅkiliṭṭhā dhammā … kilesasampayuttā dhammā … saṅkiliṭṭhā ceva no ca kilesā dhammā … kilesasampayuttā ceva no ca kilesā dhammā catūhi khandhehi dvīhāyatanehi dvīhi dhātūhi saṅgahitā.

33. dt2.1:169.2

    Katihi asaṅgahitā?

34. dt2.1:169.3

    Ekena khandhena dasahāyatanehi soḷasahi dhātūhi asaṅgahitā.

35. dt2.1:170.0

    2.1.8.13. Piṭṭhiduka

36. dt2.1:170.1

    Dassanena pahātabbā dhammā … bhāvanāya pahātabbā dhammā … dassanena pahātabbahetukā dhammā … bhāvanāya pahātabbahetukā dhammā catūhi khandhehi dvīhāyatanehi dvīhi dhātūhi saṅgahitā.

37. dt2.1:170.2

    Katihi asaṅgahitā?

38. dt2.1:170.3

    Ekena khandhena dasahāyatanehi soḷasahi dhātūhi asaṅgahitā.

39. dt2.1:171.1

    Na dassanena pahātabbā dhammā … na bhāvanāya pahātabbā dhammā … na dassanena pahātabbahetukā dhammā … na bhāvanāya pahātabbahetukā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

40. dt2.1:171.2

    Katihi asaṅgahitā?

41. dt2.1:171.3

    Na kehici khandhehi na kehici āyatanehi na kāhici dhātūhi asaṅgahitā.

42. dt2.1:172.1

    Savitakkā dhammā … savicārā dhammā catūhi khandhehi dvīhāyatanehi tīhi dhātūhi saṅgahitā.

43. dt2.1:172.2

    Katihi asaṅgahitā?

44. dt2.1:172.3

    Ekena khandhena dasahāyatanehi pannarasahi dhātūhi asaṅgahitā.

45. dt2.1:173.1

    Avitakkā dhammā … avicārā dhammā asaṅkhataṁ khandhato ṭhapetvā pañcahi khandhehi dvādasahāyatanehi sattarasahi dhātūhi saṅgahitā.

46. dt2.1:173.2

    Katihi asaṅgahitā?

47. dt2.1:173.3

    Na kehici khandhehi na kehici āyatanehi ekāya dhātuyā asaṅgahitā.

48. dt2.1:174.1

    Sappītikā dhammā … pītisahagatā dhammā catūhi khandhehi dvīhāyatanehi dvīhi dhātūhi saṅgahitā.

49. dt2.1:174.2

    Katihi asaṅgahitā?

50. dt2.1:174.3

    Ekena khandhena dasahāyatanehi soḷasahi dhātūhi asaṅgahitā.

51. dt2.1:175.1

    Appītikā dhammā … na pītisahagatā dhammā … na sukhasahagatā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

52. dt2.1:175.2

    Katihi asaṅgahitā?

53. dt2.1:175.3

    Na kehici khandhehi na kehici āyatanehi na kāhici dhātūhi asaṅgahitā.

54. dt2.1:176.1

    Sukhasahagatā dhammā tīhi khandhehi dvīhāyatanehi tīhi dhātūhi saṅgahitā.

55. dt2.1:176.2

    Katihi asaṅgahitā?

56. dt2.1:176.3

    Dvīhi khandhehi dasahāyatanehi pannarasahi dhātūhi asaṅgahitā.

57. dt2.1:177.1

    Upekkhāsahagatā dhammā tīhi khandhehi dvīhāyatanehi sattahi dhātūhi saṅgahitā.

58. dt2.1:177.2

    Katihi asaṅgahitā?

59. dt2.1:177.3

    Dvīhi khandhehi dasahāyatanehi ekādasahi dhātūhi asaṅgahitā.

60. dt2.1:178.1

    Na upekkhāsahagatā dhammā asaṅkhataṁ khandhato ṭhapetvā pañcahi khandhehi dvādasahāyatanehi terasahi dhātūhi saṅgahitā.

61. dt2.1:178.2

    Katihi asaṅgahitā?

62. dt2.1:178.3

    Na kehici khandhehi na kehici āyatanehi pañcahi dhātūhi asaṅgahitā.

63. dt2.1:179.1

    Kāmāvacarā dhammā … pariyāpannā dhammā … sauttarā dhammā pañcahi khandhehi dvādasahāyatanehi aṭṭhārasahi dhātūhi saṅgahitā.

64. dt2.1:179.2

    Katihi asaṅgahitā?

65. dt2.1:179.3

    Na kehici khandhehi na kehici āyatanehi na kāhici dhātūhi asaṅgahitā.

66. dt2.1:180.1

    Na kāmāvacarā dhammā … apariyāpannā dhammā … anuttarā dhammā asaṅkhataṁ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā.

67. dt2.1:180.2

    Katihi asaṅgahitā?

68. dt2.1:180.3

    Ekena khandhena dasahāyatanehi soḷasahi dhātūhi asaṅgahitā.

69. dt2.1:181.1

    Rūpāvacarā dhammā … arūpāvacarā dhammā … niyyānikā dhammā … niyatā dhammā … saraṇā dhammā catūhi khandhehi dvīhāyatanehi dvīhi dhātūhi saṅgahitā.

70. dt2.1:181.2

    Katihi asaṅgahitā?

71. dt2.1:181.3

    Ekena khandhena dasahāyatanehi soḷasahi dhātūhi asaṅgahitā.

72. dt2.1:182.1

    Na rūpāvacarā dhammā … na arūpāvacarā dhammā … aniyyānikā dhammā … aniyatā dhammā … araṇā dhammā katihi khandhehi katihāyatanehi katihi dhātūhi saṅgahitā?

73. dt2.1:182.2

    Araṇā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

74. dt2.1:182.3

    Katihi asaṅgahitā?

75. dt2.1:182.4

    Na kehici khandhehi na kehici āyatanehi na kāhici dhātūhi asaṅgahitā.

76. dt2.1:183.1

    Saṅgahāsaṅgahapadaniddeso paṭhamo.

← Previous — showing 501–576 of 576

SuttaCentral (suttacentral.net), from the bilara-data and sc-data repositories. Licence: Public Domain. Source.