← Library

Dhātukathā — 2 Niddesa — 2.1. Paṭhamanaya saṅgahāsaṅgahapadaniddesa

Early Buddhist texts (SuttaCentral): Abhidhamma · abhidhamma · 576 sections

1. dt2.1:126.3

   Na kehici khandhehi na kehici āyatanehi na kāhici dhātūhi asaṅgahitā.

2. dt2.1:127.1

   Appaccayā dhammā … asaṅkhatā dhammā na kehici khandhehi ekenāyatanena ekāya dhātuyā saṅgahitā.

3. dt2.1:127.2

   Katihi asaṅgahitā?

4. dt2.1:127.3

   Pañcahi khandhehi ekādasahāyatanehi sattarasahi dhātūhi asaṅgahitā.

5. dt2.1:128.1

   Sanidassanā dhammā ekena khandhena ekenāyatanena ekāya dhātuyā saṅgahitā.

6. dt2.1:128.2

   Katihi asaṅgahitā?

7. dt2.1:128.3

   Catūhi khandhehi ekādasahāyatanehi sattarasahi dhātūhi asaṅgahitā.

8. dt2.1:129.1

   Anidassanā dhammā asaṅkhataṁ khandhato ṭhapetvā pañcahi khandhehi ekādasahāyatanehi sattarasahi dhātūhi saṅgahitā.

9. dt2.1:129.2

   Katihi asaṅgahitā?

10. dt2.1:129.3

    Na kehici khandhehi, ekenāyatanena ekāya dhātuyā asaṅgahitā.

11. dt2.1:130.1

    Sappaṭighā dhammā ekena khandhena dasahāyatanehi dasahi dhātūhi saṅgahitā.

12. dt2.1:130.2

    Katihi asaṅgahitā?

13. dt2.1:130.3

    Catūhi khandhehi dvīhāyatanehi aṭṭhahi dhātūhi asaṅgahitā.

14. dt2.1:131.1

    Appaṭighā dhammā asaṅkhataṁ khandhato ṭhapetvā pañcahi khandhehi dvīhāyatanehi aṭṭhahi dhātūhi saṅgahitā.

15. dt2.1:131.2

    Katihi asaṅgahitā?

16. dt2.1:131.3

    Na kehici khandhehi, dasahāyatanehi dasahi dhātūhi asaṅgahitā.

17. dt2.1:132.1

    Rūpino dhammā ekena khandhena ekādasahāyatanehi ekādasahi dhātūhi saṅgahitā.

18. dt2.1:132.2

    Katihi asaṅgahitā?

19. dt2.1:132.3

    Catūhi khandhehi ekenāyatanena sattahi dhātūhi asaṅgahitā.

20. dt2.1:133.1

    Arūpino dhammā asaṅkhataṁ khandhato ṭhapetvā catūhi khandhehi dvīhāyatanehi aṭṭhahi dhātūhi saṅgahitā.

21. dt2.1:133.2

    Katihi asaṅgahitā?

22. dt2.1:133.3

    Ekena khandhena dasahāyatanehi dasahi dhātūhi asaṅgahitā.

23. dt2.1:134.1

    Lokiyā dhammā pañcahi khandhehi dvādasahāyatanehi aṭṭhārasahi dhātūhi saṅgahitā.

24. dt2.1:134.2

    Katihi asaṅgahitā?

25. dt2.1:134.3

    Na kehici khandhehi na kehici āyatanehi na kāhici dhātūhi asaṅgahitā.

26. dt2.1:135.1

    Lokuttarā dhammā asaṅkhataṁ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā.

27. dt2.1:135.2

    Katihi asaṅgahitā?

28. dt2.1:135.3

    Ekena khandhena dasahāyatanehi soḷasahi dhātūhi asaṅgahitā.

29. dt2.1:136.1

    Kenaci viññeyyā dhammā … kenaci na viññeyyā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

30. dt2.1:136.2

    Katihi asaṅgahitā?

31. dt2.1:136.3

    Na kehici khandhehi na kehici āyatanehi na kāhici dhātūhi asaṅgahitā.

32. dt2.1:137.0

    2.1.8.3. Āsavagocchaka

33. dt2.1:137.1

    Āsavā dhammā … āsavā ceva sāsavā ca dhammā … āsavā ceva āsavasampayuttā ca dhammā ekena khandhena ekenāyatanena ekāya dhātuyā saṅgahitā.

34. dt2.1:137.2

    Katihi asaṅgahitā?

35. dt2.1:137.3

    Catūhi khandhehi ekādasahāyatanehi sattarasahi dhātūhi asaṅgahitā.

36. dt2.1:138.1

    No āsavā dhammā … āsavavippayuttā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

37. dt2.1:138.2

    Katihi asaṅgahitā?

38. dt2.1:138.3

    Na kehici khandhehi na kehici āyatanehi na kāhici dhātūhi asaṅgahitā.

39. dt2.1:139.1

    Sāsavā dhammā … sāsavā ceva no ca āsavā dhammā … āsavavippayuttā sāsavā dhammā pañcahi khandhehi dvādasahāyatanehi aṭṭhārasahi dhātūhi saṅgahitā.

40. dt2.1:139.2

    Katihi asaṅgahitā?

41. dt2.1:139.3

    Na kehici khandhehi na kehici āyatanehi na kāhici dhātūhi asaṅgahitā.

42. dt2.1:140.1

    Anāsavā dhammā … āsavavippayuttā anāsavā dhammā asaṅkhataṁ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā.

43. dt2.1:140.2

    Katihi asaṅgahitā?

44. dt2.1:140.3

    Ekena khandhena dasahāyatanehi soḷasahi dhātūhi asaṅgahitā.

45. dt2.1:141.1

    Āsavasampayuttā dhammā … āsavasampayuttā ceva no ca āsavā dhammā catūhi khandhehi dvīhāyatanehi dvīhi dhātūhi saṅgahitā.

46. dt2.1:141.2

    Katihi asaṅgahitā?

47. dt2.1:141.3

    Ekena khandhena dasahāyatanehi soḷasahi dhātūhi asaṅgahitā.

48. dt2.1:142.0

    2.1.8.4–9. Saṁyojanagocchakādi

49. dt2.1:142.1

    Saṁyojanā dhammā … ganthā dhammā … oghā dhammā … yogā dhammā … nīvaraṇā dhammā … parāmāsā dhammā … parāmāsā ceva parāmaṭṭhā ca dhammā ekena khandhena ekenāyatanena ekāya dhātuyā saṅgahitā.

50. dt2.1:142.2

    Katihi asaṅgahitā?

51. dt2.1:142.3

    Catūhi khandhehi ekādasahāyatanehi sattarasahi dhātūhi asaṅgahitā.

52. dt2.1:143.1

    No parāmāsā dhammā … parāmāsavippayuttā dhammā asaṅkhataṁ khandhato ṭhapetvā pañcahi khandhehi dvādasahāyatanehi aṭṭhārasahi dhātūhi saṅgahitā.

53. dt2.1:143.2

    Katihi asaṅgahitā?

54. dt2.1:143.3

    Na kehici khandhehi na kehici āyatanehi na kāhici dhātūhi asaṅgahitā.

55. dt2.1:144.1

    Parāmaṭṭhā dhammā … parāmaṭṭhā ceva no ca parāmāsā dhammā … parāmāsavippayuttā parāmaṭṭhā dhammā pañcahi khandhehi dvādasahāyatanehi aṭṭhārasahi dhātūhi saṅgahitā.

56. dt2.1:144.2

    Katihi asaṅgahitā?

57. dt2.1:144.3

    Na kehici khandhehi na kehici āyatanehi na kāhici dhātūhi asaṅgahitā.

58. dt2.1:145.1

    Aparāmaṭṭhā dhammā … parāmāsavippayuttā aparāmaṭṭhā dhammā asaṅkhataṁ khandhato ṭhapetvā catūhi khandhehi dvīhāyatanehi dvīhi dhātūhi saṅgahitā.

59. dt2.1:145.2

    Katihi asaṅgahitā?

60. dt2.1:145.3

    Ekena khandhena dasahāyatanehi soḷasahi dhātūhi asaṅgahitā.

61. dt2.1:146.1

    Parāmāsasampayuttā dhammā catūhi khandhehi dvīhāyatanehi dvīhi dhātūhi saṅgahitā.

62. dt2.1:146.2

    Katihi asaṅgahitā?

63. dt2.1:146.3

    Ekena khandhena dasahāyatanehi soḷasahi dhātūhi asaṅgahitā.

64. dt2.1:147.0

    2.1.8.10. Mahantaraduka

65. dt2.1:147.1

    Sārammaṇā dhammā catūhi khandhehi dvīhāyatanehi aṭṭhahi dhātūhi saṅgahitā.

66. dt2.1:147.2

    Katihi asaṅgahitā?

67. dt2.1:147.3

    Ekena khandhena dasahāyatanehi dasahi dhātūhi asaṅgahitā.

68. dt2.1:148.1

    Anārammaṇā dhammā asaṅkhataṁ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā.

69. dt2.1:148.2

    Katihi asaṅgahitā?

70. dt2.1:148.3

    Catūhi khandhehi ekenāyatanena sattahi dhātūhi asaṅgahitā.

71. dt2.1:149.1

    Cittā dhammā ekena khandhena ekenāyatanena sattahi dhātūhi saṅgahitā.

72. dt2.1:149.2

    Katihi asaṅgahitā?

73. dt2.1:149.3

    Catūhi khandhehi ekādasahāyatanehi ekādasahi dhātūhi asaṅgahitā.

74. dt2.1:150.1

    No cittā dhammā asaṅkhataṁ khandhato ṭhapetvā catūhi khandhehi ekādasahāyatanehi ekādasahi dhātūhi saṅgahitā.

75. dt2.1:150.2

    Katihi asaṅgahitā?

76. dt2.1:150.3

    Ekena khandhena ekenāyatanena sattahi dhātūhi asaṅgahitā.

77. dt2.1:151.1

    Cetasikā dhammā … cittasampayuttā dhammā … cittasaṁsaṭṭhā dhammā tīhi khandhehi ekenāyatanena ekāya dhātuyā saṅgahitā.

78. dt2.1:151.2

    Katihi asaṅgahitā?

79. dt2.1:151.3

    Dvīhi khandhehi ekādasahāyatanehi sattarasahi dhātūhi asaṅgahitā.

80. dt2.1:152.1

    Acetasikā dhammā asaṅkhataṁ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā.

81. dt2.1:152.2

    Katihi asaṅgahitā?

82. dt2.1:152.3

    Tīhi khandhehi na kehici āyatanehi na kāhici dhātūhi asaṅgahitā.

83. dt2.1:153.1

    Cittavippayuttā dhammā … cittavisaṁsaṭṭhā dhammā asaṅkhataṁ khandhato ṭhapetvā ekena khandhena ekādasahāyatanehi ekādasahi dhātūhi saṅgahitā.

84. dt2.1:153.2

    Katihi asaṅgahitā?

85. dt2.1:153.3

    Catūhi khandhehi ekenāyatanena sattahi dhātūhi asaṅgahitā.

86. dt2.1:154.1

    Cittasamuṭṭhānā dhammā catūhi khandhehi chahāyatanehi chahi dhātūhi saṅgahitā.

87. dt2.1:154.2

    Katihi asaṅgahitā?

88. dt2.1:154.3

    Ekena khandhena chahāyatanehi dvādasahi dhātūhi asaṅgahitā.

89. dt2.1:155.1

    No cittasamuṭṭhānā dhammā … no cittasahabhuno dhammā … no cittānuparivattino dhammā asaṅkhataṁ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā.

90. dt2.1:155.2

    Katihi asaṅgahitā?

91. dt2.1:155.3

    Tīhi khandhehi na kehici āyatanehi na kāhici dhātūhi asaṅgahitā.

92. dt2.1:156.1

    Cittasahabhuno dhammā … cittānuparivattino dhammā catūhi khandhehi ekenāyatanena ekāya dhātuyā saṅgahitā.

93. dt2.1:156.2

    Katihi asaṅgahitā?

94. dt2.1:156.3

    Ekena khandhena ekādasahāyatanehi sattarasahi dhātūhi asaṅgahitā.

95. dt2.1:157.1

    Cittasaṁsaṭṭhasamuṭṭhānā dhammā … cittasaṁsaṭṭhasamuṭṭhānasahabhuno dhammā … cittasaṁsaṭṭhasamuṭṭhānānuparivattino dhammā tīhi khandhehi ekenāyatanena ekāya dhātuyā saṅgahitā.

96. dt2.1:157.2

    Katihi asaṅgahitā?

97. dt2.1:157.3

    Dvīhi khandhehi ekādasahāyatanehi sattarasahi dhātūhi asaṅgahitā.

98. dt2.1:158.1

    No cittasaṁsaṭṭhasamuṭṭhānā dhammā … no cittasaṁsaṭṭhasamuṭṭhānasahabhuno dhammā … no cittasaṁsaṭṭhasamuṭṭhānānuparivattino dhammā asaṅkhataṁ khandhato ṭhapetvā dvīhi khandhehi dvādasahāyatanehi aṭṭhārasahi dhātūhi saṅgahitā.

99. dt2.1:158.2

    Katihi asaṅgahitā?

100. dt2.1:158.3

     Tīhi khandhehi na kehici āyatanehi na kāhici dhātūhi asaṅgahitā.

← Previous · Next → — showing 401–500 of 576

SuttaCentral (suttacentral.net), from the bilara-data and sc-data repositories. Licence: Public Domain. Source.