← Library

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

1. ds2.4.2:26.2

   Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

2. ds2.4.2:26.3

   ime dhammā lokiyā.

3. ds2.4.2:27.1

   Katame dhammā lokuttarā?

4. ds2.4.2:27.2

   Cattāro maggā apariyāpannā, cattāri ca sāmaññaphalāni, nibbānañca—

5. ds2.4.2:27.3

   ime dhammā lokuttarā.

6. ds2.4.2:28.0

   2.4.2.2.7. Kenaciviññeyyaduka

7. ds2.4.2:28.1

   Sabbe dhammā kenaci viññeyyā, kenaci na viññeyyā.

8. ds2.4.2:29.0.1

   2.4.2.3. Āsavagocchaka

9. ds2.4.2:29.0.2

   2.4.2.3.1. Āsavaduka

10. ds2.4.2:29.1

    Katame dhammā āsavā?

11. ds2.4.2:29.2

    Cattāro āsavā—

12. ds2.4.2:29.3

    kāmāsavo, bhavāsavo, diṭṭhāsavo, avijjāsavo.

13. ds2.4.2:29.4

    Kāmāsavo aṭṭhasu lobhasahagatesu cittuppādesu uppajjati bhavāsavo catūsu diṭṭhigatavippayuttalobhasahagatesu cittuppādesu uppajjati diṭṭhāsavo catūsu diṭṭhigatasampayuttesu cittuppādesu uppajjati.

14. ds2.4.2:29.5

    Avijjāsavo sabbākusalesu uppajjati—

15. ds2.4.2:29.6

    ime dhammā āsavā.

16. ds2.4.2:30.1

    Katame dhammā no āsavā?

17. ds2.4.2:30.2

    Ṭhapetvā āsave avasesaṁ akusalaṁ, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

18. ds2.4.2:30.3

    ime dhammā no āsavā.

19. ds2.4.2:31.0

    2.4.2.3.2. Sāsavaduka

20. ds2.4.2:31.1

    Katame dhammā sāsavā?

21. ds2.4.2:31.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

22. ds2.4.2:31.3

    ime dhammā sāsavā.

23. ds2.4.2:32.1

    Katame dhammā anāsavā?

24. ds2.4.2:32.2

    Cattāro maggā apariyāpannā, cattāri ca sāmaññaphalāni, nibbānañca—

25. ds2.4.2:32.3

    ime dhammā anāsavā.

26. ds2.4.2:33.0

    2.4.2.3.3. Āsavasampayuttaduka

27. ds2.4.2:33.1

    Katame dhammā āsavasampayuttā?

28. ds2.4.2:33.2

    Dve domanassasahagatacittuppādā etthuppannaṁ mohaṁ ṭhapetvā, vicikicchāsahagataṁ uddhaccasahagataṁ mohaṁ ṭhapetvā, avasesaṁ akusalaṁ—

29. ds2.4.2:33.3

    ime dhammā āsavasampayuttā.

30. ds2.4.2:34.1

    Katame dhammā āsavavippayuttā?

31. ds2.4.2:34.2

    Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

32. ds2.4.2:34.3

    ime dhammā āsavavippayuttā.

33. ds2.4.2:35.0

    2.4.2.3.4. Āsavasāsavaduka

34. ds2.4.2:35.1

    Katame dhammā āsavā ceva sāsavā ca?

35. ds2.4.2:35.2

    Teva āsavā āsavā ceva sāsavā ca.

36. ds2.4.2:36.1

    Katame dhammā sāsavā ceva no ca āsavā?

37. ds2.4.2:36.2

    Ṭhapetvā āsave, avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

38. ds2.4.2:36.3

    ime dhammā sāsavā ceva no ca āsavā.

39. ds2.4.2:36.4

    Anāsavā dhammā na vattabbā—

40. ds2.4.2:36.5

    āsavā ceva sāsavā cātipi, sāsavā ceva no ca āsavātipi.

41. ds2.4.2:37.0

    2.4.2.3.5. Āsavaāsavasampayuttaduka

42. ds2.4.2:37.1

    Katame dhammā āsavā ceva āsavasampayuttā ca?

43. ds2.4.2:37.2

    Yattha dve tayo āsavā ekato uppajjanti—

44. ds2.4.2:37.3

    ime dhammā āsavā ceva āsavasampayuttā ca.

45. ds2.4.2:38.1

    Katame dhammā āsavasampayuttā ceva no ca āsavā?

46. ds2.4.2:38.2

    Ṭhapetvā āsave, avasesaṁ akusalaṁ—

47. ds2.4.2:38.3

    ime dhammā āsavasampayuttā ceva no ca āsavā.

48. ds2.4.2:38.4

    Āsavavippayuttā dhammā na vattabbā—

49. ds2.4.2:38.5

    āsavā ceva āsavasampayuttā cātipi, āsavasampayuttā ceva no ca āsavātipi.

50. ds2.4.2:39.0

    2.4.2.3.6. Āsavavippayuttasāsavaduka

51. ds2.4.2:39.1

    Katame dhammā āsavavippayuttā sāsavā?

52. ds2.4.2:39.2

    Dvīsu domanassasahagatesu cittuppādesu uppanno moho, vicikicchāsahagato moho, uddhaccasahagato moho, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

53. ds2.4.2:39.3

    ime dhammā āsavavippayuttā sāsavā.

54. ds2.4.2:40.1

    Katame dhammā āsavavippayuttā anāsavā?

55. ds2.4.2:40.2

    Cattāro maggā apariyāpannā, cattāri ca sāmaññaphalāni, nibbānañca—

56. ds2.4.2:40.3

    ime dhammā āsavavippayuttā anāsavā.

57. ds2.4.2:40.4

    Āsavasampayuttā dhammā na vattabbā—

58. ds2.4.2:40.5

    āsavavippayuttā sāsavātipi, āsavavippayuttā anāsavātipi.

59. ds2.4.2:41.0.1

    2.4.2.4. Saññojanagocchaka

60. ds2.4.2:41.0.2

    2.4.2.4.1. Saññojanaduka

61. ds2.4.2:41.1

    Katame dhammā saññojanā?

62. ds2.4.2:41.2

    Dasa saññojanāni—

63. ds2.4.2:41.3

    kāmarāgasaññojanaṁ, paṭighasaññojanaṁ, mānasaññojanaṁ, diṭṭhisaññojanaṁ, vicikicchāsaññojanaṁ, sīlabbataparāmāsasaññojanaṁ, bhavarāgasaññojanaṁ, issāsaññojanaṁ, macchariyasaññojanaṁ, avijjāsaññojanaṁ.

64. ds2.4.2:41.4

    Kāmarāgasaññojanaṁ aṭṭhasu lobhasahagatesu cittuppādesu uppajjati.

65. ds2.4.2:41.5

    Paṭighasaññojanaṁ dvīsu domanassasahagatesu cittuppādesu uppajjati.

66. ds2.4.2:41.6

    Mānasaññojanaṁ catūsu diṭṭhigatavippayuttalobhasahagatesu cittuppādesu uppajjati.

67. ds2.4.2:41.7

    Diṭṭhisaññojanaṁ catūsu diṭṭhigatasampayuttesu cittuppādesu uppajjati.

68. ds2.4.2:41.8

    Vicikicchāsaññojanaṁ vicikicchāsahagatesu cittuppādesu uppajjati.

69. ds2.4.2:41.9

    Sīlabbataparāmāsasaññojanaṁ catūsu diṭṭhigatasampayuttesu cittuppādesu uppajjati.

70. ds2.4.2:41.10

    Bhavarāgasaññojanaṁ catūsu diṭṭhigatavippayuttalobhasahagatesu cittuppādesu uppajjati.

71. ds2.4.2:41.11

    Issāsaññojanañca macchariyasaññojanañca dvīsu domanassasahagatesu cittuppādesu uppajjanti.

72. ds2.4.2:41.12

    Avijjāsaññojanaṁ sabbākusalesu uppajjati—

73. ds2.4.2:41.13

    ime dhammā saññojanā.

74. ds2.4.2:42.1

    Katame dhammā no saññojanā.

75. ds2.4.2:42.2

    Ṭhapetvā saññojane avasesaṁ akusalaṁ, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

76. ds2.4.2:42.3

    ime dhammā no saññojanā.

77. ds2.4.2:43.0

    2.4.2.4.2. Saññojaniyaduka

78. ds2.4.2:43.1

    Katame dhammā saññojaniyā?

79. ds2.4.2:43.2

    Tīsu bhūmīsu kusalaṁ, akusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

80. ds2.4.2:43.3

    ime dhammā saññojaniyā.

81. ds2.4.2:44.1

    Katame dhammā asaññojaniyā?

82. ds2.4.2:44.2

    Cattāro maggā apariyāpannā, cattāri ca sāmaññaphalāni, nibbānañca—

83. ds2.4.2:44.3

    ime dhammā asaññojaniyā.

84. ds2.4.2:45.0

    2.4.2.4.3. Saññojanasampayuttaduka

85. ds2.4.2:45.1

    Katame dhammā saññojanasampayuttā?

86. ds2.4.2:45.2

    Uddhaccasahagataṁ mohaṁ ṭhapetvā avasesaṁ akusalaṁ—

87. ds2.4.2:45.3

    ime dhammā saññojanasampayuttā.

88. ds2.4.2:46.1

    Katame dhammā saññojanavippayuttā?

89. ds2.4.2:46.2

    Uddhaccasahagato moho, catūsu bhūmīsu kusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

90. ds2.4.2:46.3

    ime dhammā saññojanavippayuttā.

91. ds2.4.2:47.0

    2.4.2.4.4. Saññojanasaññojaniyaduka

92. ds2.4.2:47.1

    Katame dhammā saññojanā ceva saññojaniyā ca?

93. ds2.4.2:47.2

    Tāneva saññojanāni saññojanā ceva saññojaniyā ca.

94. ds2.4.2:48.1

    Katame dhammā saññojaniyā ceva no ca saññojanā?

95. ds2.4.2:48.2

    Ṭhapetvā saññojane avasesaṁ akusalaṁ, tīsu bhūmīsu kusalaṁ, tīsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

96. ds2.4.2:48.3

    ime dhammā saññojaniyā ceva no ca saññojanā.

97. ds2.4.2:48.4

    Asaññojaniyā dhammā na vattabbā—

98. ds2.4.2:48.5

    saññojanā ceva saññojaniyā cātipi, saññojaniyā ceva no ca saññojanātipi.

99. ds2.4.2:49.0

    2.4.2.4.5. Saññojanasaññojanasampayuttaduka

100. ds2.4.2:49.1

     Katame dhammā saññojanā ceva saññojanasampayuttā ca?

← Previous · Next → — showing 101–200 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.