Ancient Texts

← Library

Dhammasaṅgaṇī — 2 Niddesa — 2.4 Aṭṭhakathākaṇḍa

Early Buddhist texts (SuttaCentral): Abhidhamma · abhidhamma · 729 sections

  1. ds2.4.2:0.1

    Dhammasaṅgaṇī

  2. ds2.4.2:0.2

    2 Niddesa

  3. ds2.4.2:0.3

    2.4 Aṭṭhakathākaṇḍa

  4. ds2.4.2:0.4

    2.4.2. Dukaatthuddhāra

  5. ds2.4.2:1.0.1

    2.4.2.1. Hetugocchaka

  6. ds2.4.2:1.0.2

    2.4.2.1.1. Hetuduka

  7. ds2.4.2:1.1

    Katame dhammā hetū?

  8. ds2.4.2:1.2

    Tayo kusalahetū, tayo akusalahetū, tayo abyākatahetū.

  9. ds2.4.2:1.3

    Alobho kusalahetu, adoso kusalahetu, catūsu bhūmīsu kusalesu uppajjanti.

  10. ds2.4.2:1.4

    Amoho kusalahetu, kāmāvacarakusalato cattāro ñāṇavippayutte cittuppāde ṭhapetvā, catūsu bhūmīsu kusalesu uppajjati.

  11. ds2.4.2:2.1

    Lobho aṭṭhasu lobhasahagatesu cittuppādesu uppajjati.

  12. ds2.4.2:2.2

    Doso dvīsu domanassasahagatesu cittuppādesu uppajjati.

  13. ds2.4.2:2.3

    Moho sabbākusalesu uppajjati.

  14. ds2.4.2:3.1

    Alobho vipākahetu adoso vipākahetu, kāmāvacarassa vipākato ahetuke cittuppāde ṭhapetvā, catūsu bhūmīsu vipākesu uppajjanti.

  15. ds2.4.2:3.2

    Amoho vipākahetu, kāmāvacarassa vipākato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, catūsu bhūmīsu vipākesu uppajjati.

  16. ds2.4.2:4.1

    Alobho kiriyahetu adoso kiriyahetu, kāmāvacarakiriyato ahetuke cittuppāde ṭhapetvā, tīsu bhūmīsu kiriyesu uppajjanti.

  17. ds2.4.2:4.2

    Amoho kiriyahetu, kāmāvacarakiriyato ahetuke cittuppāde ṭhapetvā, cattāro ñāṇavippayutte cittuppāde ṭhapetvā, tīsu bhūmīsu kiriyesu uppajjati—

  18. ds2.4.2:4.3

    ime dhammā hetū.

  19. ds2.4.2:5.1

    Katame dhammā na hetū?

  20. ds2.4.2:5.2

    Ṭhapetvā hetū, catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, rūpañca, nibbānañca—

  21. ds2.4.2:5.3

    ime dhammā na hetū.

  22. ds2.4.2:6.0

    2.4.2.1.2. Sahetukaduka

  23. ds2.4.2:6.1

    Katame dhammā sahetukā?

  24. ds2.4.2:6.2

    Vicikicchāsahagataṁ uddhaccasahagataṁ mohaṁ ṭhapetvā avasesaṁ akusalaṁ, catūsu bhūmīsu kusalaṁ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṁ—

  25. ds2.4.2:6.3

    ime dhammā sahetukā.

  26. ds2.4.2:7.1

    Katame dhammā ahetukā?

  27. ds2.4.2:7.2

    Vicikicchāsahagato moho, uddhaccasahagato moho, dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca—

  28. ds2.4.2:7.3

    ime dhammā ahetukā.

  29. ds2.4.2:8.0

    2.4.2.1.3. Hetusampayuttaduka

  30. ds2.4.2:8.1

    Katame dhammā hetusampayuttā?

  31. ds2.4.2:8.2

    Vicikicchāsahagataṁ uddhaccasahagataṁ mohaṁ ṭhapetvā avasesaṁ akusalaṁ, catūsu bhūmīsu kusalaṁ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṁ—

  32. ds2.4.2:8.3

    ime dhammā hetusampayuttā.

  33. ds2.4.2:9.1

    Katame dhammā hetuvippayuttā?

  34. ds2.4.2:9.2

    Vicikicchāsahagato moho, uddhaccasahagato moho, dvepañcaviññāṇāni tisso ca manodhātuyo pañca ca ahetukamanoviññāṇadhātuyo, rūpañca, nibbānañca—

  35. ds2.4.2:9.3

    ime dhammā hetuvippayuttā.

  36. ds2.4.2:10.0

    2.4.2.1.4. Hetusahetukaduka

  37. ds2.4.2:10.1

    Katame dhammā hetū ceva sahetukā ca?

  38. ds2.4.2:10.2

    Yattha dve tayo hetū ekato uppajjanti—

  39. ds2.4.2:10.3

    ime dhammā hetū ceva sahetukā ca.

  40. ds2.4.2:11.1

    Katame dhammā sahetukā ceva na ca hetū?

  41. ds2.4.2:11.2

    Catūsu bhūmīsu kusalaṁ, akusalaṁ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṁ, etthuppanne hetū ṭhapetvā—

  42. ds2.4.2:11.3

    ime dhammā sahetukā ceva na ca hetū.

  43. ds2.4.2:11.4

    Ahetukā dhammā na vattabbā—

  44. ds2.4.2:11.5

    hetū ceva sahetukā cātipi, sahetukā ceva na ca hetūtipi.

  45. ds2.4.2:12.0

    2.4.2.1.5. Hetuhetusampayuttaduka

  46. ds2.4.2:12.1

    Katame dhammā hetū ceva hetusampayuttā ca?

  47. ds2.4.2:12.2

    Yattha dve tayo hetū ekato uppajjanti—

  48. ds2.4.2:12.3

    ime dhammā hetū ceva hetusampayuttā ca.

  49. ds2.4.2:13.1

    Katame dhammā hetusampayuttā ceva na ca hetū?

  50. ds2.4.2:13.2

    Catūsu bhūmīsu kusalaṁ, akusalaṁ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṁ, etthuppanne hetū ṭhapetvā—

  51. ds2.4.2:13.3

    ime dhammā hetusampayuttā ceva na ca hetū.

  52. ds2.4.2:13.4

    Hetuvippayuttā dhammā na vattabbā—

  53. ds2.4.2:13.5

    hetū ceva hetusampayuttā cātipi, hetusampayuttā ceva na ca hetūtipi.

  54. ds2.4.2:14.0

    2.4.2.1.6. Nahetusahetukaduka

  55. ds2.4.2:14.1

    Katame dhammā na hetū sahetukā?

  56. ds2.4.2:14.2

    Catūsu bhūmīsu kusalaṁ, akusalaṁ, kāmāvacarassa vipākato ahetuke cittuppāde ṭhapetvā catūsu bhūmīsu vipāko, kāmāvacarakiriyato ahetuke cittuppāde ṭhapetvā tīsu bhūmīsu kiriyābyākataṁ, etthuppanne hetū ṭhapetvā—

  57. ds2.4.2:14.3

    ime dhammā na hetū sahetukā.

  58. ds2.4.2:15.1

    Katame dhammā na hetū ahetukā?

  59. ds2.4.2:15.2

    Dvepañcaviññāṇāni, tisso ca manodhātuyo, pañca ca ahetukamanoviññāṇadhātuyo, rūpañca, nibbānañca—

  60. ds2.4.2:15.3

    ime dhammā na hetū ahetukā.

  61. ds2.4.2:15.4

    Hetū dhammā na vattabbā—

  62. ds2.4.2:15.5

    na hetū sahetukātipi, na hetū ahetukātipi.

  63. ds2.4.2:16.0.1

    2.4.2.2. Cūḷantaraduka

  64. ds2.4.2:16.0.2

    2.4.2.2.1. Sappaccayaduka

  65. ds2.4.2:16.1

    Katame dhammā sappaccayā?

  66. ds2.4.2:16.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  67. ds2.4.2:16.3

    ime dhammā sappaccayā.

  68. ds2.4.2:17.1

    Katame dhammā appaccayā?

  69. ds2.4.2:17.2

    Nibbānaṁ—

  70. ds2.4.2:17.3

    ime dhammā appaccayā.

  71. ds2.4.2:18.0

    2.4.2.2.2. Saṅkhataduka

  72. ds2.4.2:18.1

    Katame dhammā saṅkhatā?

  73. ds2.4.2:18.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, sabbañca rūpaṁ—

  74. ds2.4.2:18.3

    ime dhammā saṅkhatā.

  75. ds2.4.2:19.1

    Katame dhammā asaṅkhatā?

  76. ds2.4.2:19.2

    Nibbānaṁ—

  77. ds2.4.2:19.3

    ime dhammā asaṅkhatā.

  78. ds2.4.2:20.0

    2.4.2.2.3. Sanidassanaduka

  79. ds2.4.2:20.1

    Katame dhammā sanidassanā?

  80. ds2.4.2:20.2

    Rūpāyatanaṁ—

  81. ds2.4.2:20.3

    ime dhammā sanidassanā.

  82. ds2.4.2:21.1

    Katame dhammā anidassanā?

  83. ds2.4.2:21.2

    Cakkhāyatanaṁ …pe… phoṭṭhabbāyatanaṁ, catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, yañca rūpaṁ anidassanaṁ appaṭighaṁ dhammāyatanapariyāpannaṁ, nibbānañca—

  84. ds2.4.2:21.3

    ime dhammā anidassanā.

  85. ds2.4.2:22.0

    2.4.2.2.4. Sappaṭighaduka

  86. ds2.4.2:22.1

    Katame dhammā sappaṭighā?

  87. ds2.4.2:22.2

    Cakkhāyatanaṁ …pe… phoṭṭhabbāyatanaṁ—

  88. ds2.4.2:22.3

    ime dhammā sappaṭighā.

  89. ds2.4.2:23.1

    Katame dhammā appaṭighā?

  90. ds2.4.2:23.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, yañca rūpaṁ anidassanaṁ appaṭighaṁ dhammāyatanapariyāpannaṁ, nibbānañca—

  91. ds2.4.2:23.3

    ime dhammā appaṭighā.

  92. ds2.4.2:24.0

    2.4.2.2.5. Rūpīduka

  93. ds2.4.2:24.1

    Katame dhammā rūpino?

  94. ds2.4.2:24.2

    Cattāro ca mahābhūtā, catunnañca mahābhūtānaṁ upādāya rūpaṁ—

  95. ds2.4.2:24.3

    ime dhammā rūpino.

  96. ds2.4.2:25.1

    Katame dhammā arūpino?

  97. ds2.4.2:25.2

    Catūsu bhūmīsu kusalaṁ, akusalaṁ, catūsu bhūmīsu vipāko, tīsu bhūmīsu kiriyābyākataṁ, nibbānañca—

  98. ds2.4.2:25.3

    ime dhammā arūpino.

  99. ds2.4.2:26.0

    2.4.2.2.6. Lokiyaduka

  100. ds2.4.2:26.1

    Katame dhammā lokiyā?

Next → — showing 1–100 of 729

SuttaCentral (suttacentral.net), from the bilara-data and sc-data repositories. Licence: Public Domain. Source.