← Library

Dhammasaṅgaṇī — 2 Niddesa — 2.1 Cittuppādakaṇḍa

Early Buddhist texts (SuttaCentral): Abhidhamma · abhidhamma · 530 sections

1. ds2.1.1:139.1

   Katamā tasmiṁ samaye dhātuyo honti?

2. ds2.1.1:139.2

   Manoviññāṇadhātu, dhammadhātu—

3. ds2.1.1:139.3

   imā tasmiṁ samaye dhātuyo honti.

4. ds2.1.1:140.1

   Katame tasmiṁ samaye āhārā honti?

5. ds2.1.1:140.2

   Phassāhāro, manosañcetanāhāro, viññāṇāhāro—

6. ds2.1.1:140.3

   ime tasmiṁ samaye āhārā honti.

7. ds2.1.1:141.1

   Katamāni tasmiṁ samaye indriyāni honti?

8. ds2.1.1:141.2

   Saddhindriyaṁ, vīriyindriyaṁ, satindriyaṁ, samādhindriyaṁ, paññindriyaṁ, manindriyaṁ, somanassindriyaṁ, jīvitindriyaṁ—

9. ds2.1.1:141.3

   imāni tasmiṁ samaye indriyāni honti.

10. ds2.1.1:142.1

    Katamaṁ tasmiṁ samaye jhānaṁ hoti?

11. ds2.1.1:142.2

    Vitakko, vicāro, pīti, sukhaṁ, cittassekaggatā—

12. ds2.1.1:142.3

    idaṁ tasmiṁ samaye jhānaṁ hoti.

13. ds2.1.1:143.1

    Katamo tasmiṁ samaye maggo hoti?

14. ds2.1.1:143.2

    Sammādiṭṭhi, sammāsaṅkappo, sammāvāyāmo, sammāsati, sammāsamādhi—

15. ds2.1.1:143.3

    ayaṁ tasmiṁ samaye maggo hoti.

16. ds2.1.1:144.1

    Katamāni tasmiṁ samaye balāni honti?

17. ds2.1.1:144.2

    Saddhābalaṁ, vīriyabalaṁ, satibalaṁ, samādhibalaṁ, paññābalaṁ, hiribalaṁ, ottappabalaṁ—

18. ds2.1.1:144.3

    imāni tasmiṁ samaye balāni honti.

19. ds2.1.1:145.1

    Katame tasmiṁ samaye hetū honti?

20. ds2.1.1:145.2

    Alobho, adoso, amoho—

21. ds2.1.1:145.3

    ime tasmiṁ samaye hetū honti.

22. ds2.1.1:146.1

    Katamo tasmiṁ samaye phasso hoti …pe…

23. ds2.1.1:146.2

    ayaṁ tasmiṁ samaye phasso hoti.

24. ds2.1.1:147.1

    Katamā tasmiṁ samaye vedanā hoti …pe…

25. ds2.1.1:147.2

    ayaṁ tasmiṁ samaye vedanā hoti.

26. ds2.1.1:148.1

    Katamā tasmiṁ samaye saññā hoti …pe…

27. ds2.1.1:148.2

    ayaṁ tasmiṁ samaye saññā hoti.

28. ds2.1.1:149.1

    Katamā tasmiṁ samaye cetanā hoti …pe…

29. ds2.1.1:149.2

    ayaṁ tasmiṁ samaye cetanā hoti.

30. ds2.1.1:150.1

    Katamaṁ tasmiṁ samaye cittaṁ hoti …pe…

31. ds2.1.1:150.2

    idaṁ tasmiṁ samaye cittaṁ hoti.

32. ds2.1.1:151.1

    Katamo tasmiṁ samaye vedanākkhandho hoti …pe…

33. ds2.1.1:151.2

    ayaṁ tasmiṁ samaye vedanākkhandho hoti.

34. ds2.1.1:152.1

    Katamo tasmiṁ samaye saññākkhandho hoti …pe…

35. ds2.1.1:152.2

    ayaṁ tasmiṁ samaye saññākkhandho hoti.

36. ds2.1.1:153.1

    Katamo tasmiṁ samaye saṅkhārakkhandho hoti …pe…

37. ds2.1.1:153.2

    ayaṁ tasmiṁ samaye saṅkhārakkhandho hoti.

38. ds2.1.1:154.1

    Katamo tasmiṁ samaye viññāṇakkhandho hoti …pe…

39. ds2.1.1:154.2

    ayaṁ tasmiṁ samaye viññāṇakkhandho hoti.

40. ds2.1.1:155.1

    Katamaṁ tasmiṁ samaye manāyatanaṁ hoti …pe…

41. ds2.1.1:155.2

    idaṁ tasmiṁ samaye manāyatanaṁ hoti.

42. ds2.1.1:156.1

    Katamaṁ tasmiṁ samaye manindriyaṁ hoti …pe…

43. ds2.1.1:156.2

    idaṁ tasmiṁ samaye manindriyaṁ hoti.

44. ds2.1.1:157.1

    Katamā tasmiṁ samaye manoviññāṇadhātu hoti …pe…

45. ds2.1.1:157.2

    ayaṁ tasmiṁ samaye manoviññāṇadhātu hoti.

46. ds2.1.1:158.1

    Katamaṁ tasmiṁ samaye dhammāyatanaṁ hoti?

47. ds2.1.1:158.2

    Vedanākkhandho, saññākkhandho, saṅkhārakkhandho—

48. ds2.1.1:158.3

    idaṁ tasmiṁ samaye dhammāyatanaṁ hoti.

49. ds2.1.1:159.1

    Katamā tasmiṁ samaye dhammadhātu hoti?

50. ds2.1.1:159.2

    Vedanākkhandho, saññākkhandho, saṅkhārakkhandho—

51. ds2.1.1:159.3

    ayaṁ tasmiṁ samaye dhammadhātu hoti.

52. ds2.1.1:160.1

    Ye vā pana tasmiṁ samaye aññepi atthi paṭiccasamuppannā arūpino dhammā—

53. ds2.1.1:160.2

    ime dhammā kusalā.

54. ds2.1.1:160.3

    Suññatavāro.

55. ds2.1.1:160.4

    Paṭhamaṁ cittaṁ.

56. ds2.1.1:161.1

    Katame dhammā kusalā?

57. ds2.1.1:161.2

    Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇasampayuttaṁ sasaṅkhārena rūpārammaṇaṁ vā …pe…

58. ds2.1.1:161.3

    dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…

59. ds2.1.1:161.4

    ime dhammā kusalā.

60. ds2.1.1:161.5

    Dutiyaṁ cittaṁ.

61. ds2.1.1:162.1

    Katame dhammā kusalā?

62. ds2.1.1:162.2

    Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇavippayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, pīti hoti, sukhaṁ hoti, cittassekaggatā hoti, saddhindriyaṁ hoti, vīriyindriyaṁ hoti, satindriyaṁ hoti, samādhindriyaṁ hoti, manindriyaṁ hoti, somanassindriyaṁ hoti, jīvitindriyaṁ hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṁ hoti, vīriyabalaṁ hoti, satibalaṁ hoti, samādhibalaṁ hoti, hiribalaṁ hoti, ottappabalaṁ hoti, alobho hoti, adoso hoti, anabhijjhā hoti, abyāpādo hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti, kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, samatho hoti, paggāho hoti, avikkhepo hoti;

63. ds2.1.1:162.3

    ye vā pana tasmiṁ samaye aññepi atthi paṭiccasamuppannā arūpino dhammā—

64. ds2.1.1:162.4

    ime dhammā kusalā …pe….

65. ds2.1.1:163.1

    Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, sattindriyāni honti, pañcaṅgikaṁ jhānaṁ hoti, caturaṅgiko maggo hoti, cha balāni honti, dve hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;

66. ds2.1.1:163.2

    ye vā pana tasmiṁ samaye aññepi atthi paṭiccasamuppannā arūpino dhammā—

67. ds2.1.1:163.3

    ime dhammā kusalā …pe….

68. ds2.1.1:164.1

    Katamo tasmiṁ samaye saṅkhārakkhandho hoti?

69. ds2.1.1:164.2

    Phasso cetanā vitakko vicāro pīti cittassekaggatā saddhindriyaṁ vīriyindriyaṁ satindriyaṁ samādhindriyaṁ jīvitindriyaṁ sammāsaṅkappo sammāvāyāmo sammāsati sammāsamādhi saddhābalaṁ vīriyabalaṁ satibalaṁ samādhibalaṁ hiribalaṁ ottappabalaṁ alobho adoso anabhijjhā abyāpādo hirī ottappaṁ kāyapassaddhi cittapassaddhi kāyalahutā cittalahutā kāyamudutā cittamudutā kāyakammaññatā cittakammaññatā kāyapāguññatā cittapāguññatā kāyujukatā cittujukatā sati samatho paggāho avikkhepo;

70. ds2.1.1:164.3

    ye vā pana tasmiṁ samaye aññepi atthi paṭiccasamuppannā arūpino dhammā ṭhapetvā vedanākkhandhaṁ ṭhapetvā saññākkhandhaṁ ṭhapetvā viññāṇakkhandhaṁ—

71. ds2.1.1:164.4

    ayaṁ tasmiṁ samaye saṅkhārakkhandho hoti …pe…

72. ds2.1.1:164.5

    ime dhammā kusalā.

73. ds2.1.1:164.6

    Tatiyaṁ cittaṁ.

74. ds2.1.1:165.1

    Katame dhammā kusalā?

75. ds2.1.1:165.2

    Yasmiṁ samaye kāmāvacaraṁ kusalaṁ cittaṁ uppannaṁ hoti somanassasahagataṁ ñāṇavippayuttaṁ sasaṅkhārena rūpārammaṇaṁ vā …pe…

76. ds2.1.1:165.3

    dhammārammaṇaṁ vā yaṁ yaṁ vā panārabbha, tasmiṁ samaye phasso hoti …pe… avikkhepo hoti …pe…

77. ds2.1.1:165.4

    ime dhammā kusalā.

78. ds2.1.1:165.5

    Catutthaṁ cittaṁ.

79. ds2.1.1:166.1

    Katame dhammā kusalā?

80. ds2.1.1:166.2

    Yasmiṁ samaye kāmāvacaraṁ kusalaṁ cittaṁ uppannaṁ hoti upekkhāsahagataṁ ñāṇasampayuttaṁ rūpārammaṇaṁ vā saddārammaṇaṁ vā gandhārammaṇaṁ vā rasārammaṇaṁ vā phoṭṭhabbārammaṇaṁ vā dhammārammaṇaṁ vā yaṁ yaṁ vā panārabbha, tasmiṁ samaye phasso hoti, vedanā hoti, saññā hoti, cetanā hoti, cittaṁ hoti, vitakko hoti, vicāro hoti, upekkhā hoti, cittassekaggatā hoti, saddhindriyaṁ hoti, vīriyindriyaṁ hoti, satindriyaṁ hoti, samādhindriyaṁ hoti, paññindriyaṁ hoti, manindriyaṁ hoti, upekkhindriyaṁ hoti, jīvitindriyaṁ hoti, sammādiṭṭhi hoti, sammāsaṅkappo hoti, sammāvāyāmo hoti, sammāsati hoti, sammāsamādhi hoti, saddhābalaṁ hoti, vīriyabalaṁ hoti, satibalaṁ hoti, samādhibalaṁ hoti, paññābalaṁ hoti, hiribalaṁ hoti, ottappabalaṁ hoti, alobho hoti, adoso hoti, amoho hoti, anabhijjhā hoti, abyāpādo hoti, sammādiṭṭhi hoti, hirī hoti, ottappaṁ hoti, kāyapassaddhi hoti, cittapassaddhi hoti, kāyalahutā hoti, cittalahutā hoti, kāyamudutā hoti, cittamudutā hoti, kāyakammaññatā hoti, cittakammaññatā hoti kāyapāguññatā hoti, cittapāguññatā hoti, kāyujukatā hoti, cittujukatā hoti, sati hoti, sampajaññaṁ hoti, samatho hoti, vipassanā hoti, paggāho hoti, avikkhepo hoti;

81. ds2.1.1:166.3

    ye vā pana tasmiṁ samaye aññepi atthi paṭiccasamuppannā arūpino dhammā—

82. ds2.1.1:166.4

    ime dhammā kusalā.

83. ds2.1.1:167.1

    Katamo tasmiṁ samaye phasso hoti?

84. ds2.1.1:167.2

    Yo tasmiṁ samaye phasso phusanā samphusanā samphusitattaṁ—

85. ds2.1.1:167.3

    ayaṁ tasmiṁ samaye phasso hoti.

86. ds2.1.1:168.1

    Katamā tasmiṁ samaye vedanā hoti?

87. ds2.1.1:168.2

    Yaṁ tasmiṁ samaye tajjāmanoviññāṇadhātusamphassajaṁ cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

88. ds2.1.1:168.3

    ayaṁ tasmiṁ samaye vedanā hoti …pe….

89. ds2.1.1:169.1

    Katamā tasmiṁ samaye upekkhā hoti?

90. ds2.1.1:169.2

    Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

91. ds2.1.1:169.3

    ayaṁ tasmiṁ samaye upekkhā hoti …pe….

92. ds2.1.1:170.1

    Katamaṁ tasmiṁ samaye upekkhindriyaṁ hoti?

93. ds2.1.1:170.2

    Yaṁ tasmiṁ samaye cetasikaṁ neva sātaṁ nāsātaṁ cetosamphassajaṁ adukkhamasukhaṁ vedayitaṁ cetosamphassajā adukkhamasukhā vedanā—

94. ds2.1.1:170.3

    idaṁ tasmiṁ samaye upekkhindriyaṁ hoti …pe…

95. ds2.1.1:170.4

    ye vā pana tasmiṁ samaye aññepi atthi paṭiccasamuppannā arūpino dhammā—

96. ds2.1.1:170.5

    ime dhammā kusalā …pe….

97. ds2.1.1:171.1

    Tasmiṁ kho pana samaye cattāro khandhā honti, dvāyatanāni honti, dve dhātuyo honti, tayo āhārā honti, aṭṭhindriyāni honti, caturaṅgikaṁ jhānaṁ hoti, pañcaṅgiko maggo hoti, satta balāni honti, tayo hetū honti, eko phasso hoti …pe… ekaṁ dhammāyatanaṁ hoti, ekā dhammadhātu hoti;

98. ds2.1.1:171.2

    ye vā pana tasmiṁ samaye aññepi atthi paṭiccasamuppannā arūpino dhammā—

99. ds2.1.1:171.3

    ime dhammā kusalā …pe….

100. ds2.1.1:172.1

     Katamo tasmiṁ samaye saṅkhārakkhandho hoti?

← Previous · Next → — showing 401–500 of 530

SuttaCentral (suttacentral.net), from the bilara-data and sc-data repositories. Licence: Public Domain. Source.