← All works
Peshitta Esdras 4 Peshitta (Syriac Old Testament) · 714 sections
Single column Two columns
Esdras 4 14:35 ܕܝ̣ܢܐ ܓܝܪ ܐ̇ܬܐ ܡܢ ܒܬܪ ܡܘܬܐ ܐܡܬܝ ܕܬܘܒ ܚܝܝܢ ܚܢܢ . ܘܗܝ̇ܕܝܢ ܫܡܐ ܕܙܕܝܩ̈ܐ ܢܬܓܠܐ . ܘܥ̇ܒ̈ܕܝܗܘܢ ܕܪ̈ܫܝܥܐ ܢܬܚܙܘܢ
Esdras 4 14:36 ܠܘܬܝ ܕܝܢ ܐܢܫ ܠܐ ܢܬܩܪܒ . ܘܠܐ ܬܒܥܘܢܢܝ ܥܕܡܐ ܠܐܪܒܥܝܢ ܝܘܡ̈ܝܢ ܀
Esdras 4 14:37 ܐܢܐ ܕܝܢ ܕܒ̇ܪܬ ܠܗܠܝܢ ܚܡܫܐ ܓܒܪ̈ܝܢ ܐܝܟ ܕܦܩܕܢܝ . ܘܐܙ̇ܠܬ ܠܦܩܥܬܐ . ܘܟܬܪܢ ܬܡܢ ܐܝ̇ܟܢܐ ܕܐܡ̣ܪ ܠܝ ܀
Esdras 4 14:38 ܘܗ̣ܘܐ ܠܝܘܡܐ ܕܡܚܪ̣ . ܘܗܐ ܩܠܐ ܩ̇ܪܐ ܠܝ ܘܐܡ̣ܪ . ܥܙܪܐ ܥܙܪܐ . ܦܬ̣ܚ ܦܘܡܟ ܘܐܫܬܝ ܡܕܡ ܕܡܫܩܐ ܐܢܐ ܠܟ
Esdras 4 14:39 ܘܦܬ̇ܚܬ ܦܘܡܝ ܘܚ̇ܙܝܬ ̇ — ̇ — ܗܘܐ ܠܝ ܟܣܐ ܕܡ̣ܠܐ . ܡܠ̣ܐ ܗܘܐ ܕܝܢ ܐܝܟ ܡ̈ܝܐ . ܘܕܡܘܬܗ ܕܡ̇ܝܐ ܗܘܬ ܠܢܘܪܐ
Esdras 4 14:40 ܘܢܣ̇ܒܬ ܘܐܫ̇ܬܝܬ . ܘܗ̣ܘܐ ܕܟܕ ܫܬ̇ܐ ܗ̇ܘܝܬ ܠܗ ܗܐ ܠܒܝ ܡܒܥ ܗܘܐ ܒܘܝܢܐ . ܘܚܕܝ ܕܝܢ ܓܣܐ ܗܘܐ ܚܟܡܬܐ . ܘܪܘܚܝ ܢܛ̇ܪܐ ܗܘܬ ܥܘܗܕܢܐ
Esdras 4 14:41 Esdras 4 14:42 ܡܪܝܡܐ ܕܝܢ ܝܗ̣ܒ ܣܘܟܠܐ ܠܗ̇ܢܘܢ ܚܡܫܐ ܓܒܪ̈ܝܢ . ܘܟܬ̇ܒܝܢ ܗܘܘ ܐܝܠܝܢ ܕܡܬܡ̈ܠܠܢ ܗ̈ܘܝ ܒܝܘܒܠܐ̣ ܒܟܬ̈ܝܒܬܐ ܕܐܬ̈ܘܬܐ ܐܝܠܝܢ ܕܠܐ ܝܕ̇ܥܝܢ ܗܘܘ ܘܝܬ̇ܒܬ ܬܡܢ ܐܪܒܥܝܢ ܝܘܡ̈ܝܢ . ܗ̣ܢܘܢ ܕܝܢ ܒܐܝܡܡܐ ܟܬ̇ܒܝܢ ܗܘܘ
Esdras 4 14:43 ܘܒܠܠܝܐ ܐ̇ܟܠܝܢ ܗܘܘ ܠܚܡܐ ܒܠܚܘܕ . ܐܢܐ ܕܝܢ ܒܐܝܡܡܐ ܡܡܠܠ ܗ̇ܘܝܬ . ܘܒܠܠܝܐ ܠܐ ܫ̇ܠܐ ܗ̇ܘܝܬ ܀
Esdras 4 14:44 ܐܬܟܬܒܘ ܕܝܢ ܒܗ̇ܢܘܢ ܐܪܒܥܝܢ ܝܘܡ̈ܝܢ̣ . ܬܫܥܝܢ ܘܐܪܒܥܐ ܟܬ̈ܒܝܢ ܀ • •
Esdras 4 14:45 ܘܗ̣ܘܐ ܕܟܕ ܫܠܡܘ ܐܪ̈ܒܥܝܢ ܝܘܡ̈ܝܢ̣ . ܡܠܠ ܥܡܝ ܡܪܝܡܐ ܘܐܡ̣ܪ ܠܝ . ܗܠܝܢ ܥܣܪܝܢ ܘܐܪܒܥܐ ܟܬܒ̈ܝܢ ܕܟܬ̣ܒܬܘܢ ܩܕܡܝ̣ . ܣܝ̣ܡ ܒܓܠܝܐ . ܘܢܩܪܘܢ ܒܗܘܢ ܐܝܠܝܢ ܕܫ̇ܘܝܢ ܘܐܝܠܝܢ ܕܠܐ ܫ̇ܘܝܢ ܡܢ ܥܡܐ
Esdras 4 14:46 ܗܠܝܢ ܕܝܢ ܫܒܥܝܢ ܬܛܪ . ܘܬܫܠܡ ܐܢܘܢ ܠܚܟܝ̈ܡܘܗܝ ܕܥܡܟ
Esdras 4 14:47 ܒܗܘܢ ܐܢܘܢ ܓܝܪ ܫܪ̈ܝܢܐ ܕܣܟܘܠܬܢܘܬܐ . ܘܡܒܘ̈ܥܐ ܕܚܟܡܬܐ . ܘܢܘܗܪܐ ܕܝܕܥܬܐ ܀ ܀
Esdras 4 14:48 ܘܥܒ̇ܕܬ ܗܟܢܐ̣ . ܒܫܢܬ ܫܒܥ ܒܫܒܘܥܐ ܫܬܝܬܝܐ ܡܢ ܒܬܪ ܚܡܫܐ ܐ̈ܠܦܝܢ ܫ̈ܢܝܢ ܕܒ̣ܪܝܬܐ̇ . ܘܝܪ̈ܚܐ ܬܠܬܐ ܘܝܘܡ̈ܬܐ ܬܪܥܣܪ . ܘܒܗܘܢ ܐܬܚܛܦ ܥܙܪܐ ܘܐܬܕܒܪ ܠܐܬܪܐ ܕܐܝܠܝܢ ܕܕܡ̇ܝܢ ܠܗ . ܡܢ ܒܬܪ ܕܟܬ̣ܒ ܗܠܝܢ ܟܘܠܗܝܢ . ܗ̣ܘ ܕܝܢ ܐܬܩܪܝ ܣ̇ܦܪܐ ܕܝܕܥܬܗ ܕܡܪܝܡܐ ܥܕܡܐ ܠܥܠܡ ܥܠܡܝܢ ܫ̣ܠܡ ܡܐܡܪܐ ܩܕܡܝܐ ܕܥܙܪܐ
Electronic Peshitta Text, Peshitta Institute Amsterdam and the Eep Talstra Centre for Bible and Computer (ETCBC), via github.com/ETCBC/peshitta. Prepared by Constantijn Sikkel, Geert Jan Veldman and Willem van Peursen; Text-Fabric conversion by Dirk Roorda. Licensed CC BY-NC 4.0 as stated in the repository's docs/about.md; the ETCBC asks that commercial use be arranged with them or with Brill. The text follows the Vetus Testamentum Syriace where published and Codex Ambrosianus otherwise. Licence: CC BY-NC 4.0. Source .