← All works

De compositione medicamentorum per genera

First Thousand Years of Greek · First Thousand Years of Greek · 861 sections

1. 6.12.90

   Ἐνθέντα ἔριον οἰσυπηρὸν δαψιλὲς,

2. 6.12.91

   Τὸ σῶμα προχρίσαντ’ ἢ γύψῳ ἢ κόνει,

3. 6.12.92

   Ἢ γῇ κεραμικῇ, μεθ’ ὕδατος μεμιγμένη

4. 6.12.93

   Ἐν πυρὶ λάβρῳ καίοντα, ὅταν ᾖ ῥάδιον,

5. 6.12.94

   Κόψαντα σῆσαι. τό γε δοκεῖν καλῶς ἔχειν,

6. 6.12.95

   Καίειν δ’ ὁμοίως αὐτὰ κᾀν τοῖς κριβάνοις,

7. 6.12.96

   Κᾀν τοῖς ἴπνοις τοῖς ἄγαν πεπυρωμένοις,

8. 6.12.97

   Οὕτως τε λειῶν, λάμβανε ὃν δεῖ σταθμόν.

9. 6.12.98

   Ἑψεῖν δὲ κελεύει λειοτάτην λιθάργυρον,

10. 6.12.99

    Καὶ πᾶν κίκινον καὶ μίξαντ’ ἐν καινῇ χύτρᾳ,

11. 6.12.100

    Μέλιτός γε πάχος γενομένου τοῦ φαρμάκου,

12. 6.12.101

    Λεπίδα παραπάσσειν καὶ συνεψεῖν ἐφ’ ἱκανὸν,

13. 6.12.102

    Ἕως ἂν γένηται ἀμόλυντον, βάλλειν τότε

14. 6.12.103

    Τερμινθίνην καὶ κηρὸν, εἶθ’ ἡνωμένοις

15. 6.12.104

    Ἀμμωνιακὸν μαλαχθὲν ὑπὸ τῶν δακτύλων.

16. 6.12.105

    Μέλλοντα δ’ αἴρειν τὴν χύτραν ἀπὸ τοῦ πυρὸς,

17. 6.12.106

    Λεῖον προσεμπάττειν λίβανον, ἐμβάλλειν τε

18. 6.12.107

    Καὶ τῶν οἰσυπηρῶν τὴν κόνιν παρ’ ἐσχάτην,

19. 6.12.108

    Πρὸ τοῦ λιβανωτοῦ δὲ μικρὸν ὕστερον.

20. 6.12.109

    Τινὲς δὲ βουλόμενοι τοῦτο τὸ φάρμακον

21. 6.12.110

    Ἴδιον λέγεσθαι, βαστάσαντες τὴν μίαν

22. 6.12.111

    Λεπίδος μιᾶς βάλλουσι τὰς ἑκκαίδεκα,

23. 6.12.112

    Χρῶνται δὲ χαλκοῦ λεπίδος, οὐ στομώματος.

24. 6.12.113

    Ἄλλη.

25. 6.12.114

    Οὐδέν τι χεῖρον τῆς προτέρας Αἰγυπτίας,

26. 6.12.115

    Ποιοῦσα ταὐτὰ, ποτὲ δὲ καὶ κρεῖττον, παχὺ

27. 6.12.116

    Ἂν σκευάσῃ τις ἐπιμελῶς τὸ φάρμακον,

28. 6.12.117

    Χρήσηται αὐτῷ μὴ παρέργως πρὸς ταὐτά.

29. 6.12.118

    Ἔχει δ’ ἐλαίου ε΄. λίτρας, κικίνου ἴσας,

30. 6.12.119

    Λιθαργύρου δὲ τέσσαρας χρυσίτιδος,

31. 6.12.120

    Λεπίδος δὲ χαλκοῦ μή. δραχμὰς,

32. 6.12.121

    Τερμινθίνης τε τῆς καλῆς τρὶς ιβ΄.

33. 6.12.122

    Μάννης, λιβάνου τε ταὐτὸ τῇ τερμινθίνῃ,

34. 6.12.123

    Ἀμμωνιακοῦ δὲ τοῦ καθαροῦ λίτρας β΄.

35. 6.12.124

    Κηροῦ δὲ λευκοῦ Ποντικοῦ λίτρας β΄ S".

36. 6.12.125

    Ἕψε δ’ ἔλαιον, λεπίδα, τὴν λιθάργυρον,

37. 6.12.126

    Ἕως συνέλθῃ καὶ γένητ’ εὔχρουν ἄγαν,

38. 6.12.127

    Σκληρά θ’ ἱκανῶς ἔμπλαστρος, εἶθ’ οὕτως βαλεῖν

39. 6.12.128

    Τερμινθίνην καὶ κηρὸν, εἶτα δακτύλοις

40. 6.12.129

    Ἀμμωνιακὸν μαλαχθὲν, εἶτα τὴν χύτραν

41. 6.12.130

    Ἀπὸ τοῦ πυρὸς ζέουσαν ἄρας, τότε βαλεῖς

42. 6.12.131

    Τὴν μάνναν, ἤδη ψυχομένου φαρμάκου.

43. 6.12.132

    Ἐποίησα ταύτην πολλάκις λιθαργύρου

44. 6.12.133

    Χωρὶς, μολυβδαίνης ἐμβαλὼν καλῆς ἴσον,

45. 6.12.134

    Ἥδιστά τ’ ἐχρησάμην πρὸς ἃ προείπομεν.

46. 6.12.135

    Πεποιημένην τε χρώματος βελτίονος.

47. 6.13.1

    [Περὶ τῶν διαφορητικῶν καὶ ἐπισπαστικῶν ἐμπλάστρων.] Οἱ τὰς τῶν συνθέτων φαρμάκων δυνάμεις γράψαντες ἐκάλεσάν τινας τῶν ἐμπλάστρων ἐπισπαστικὰς, ὥσπερ ἑτέρας διαφορητικάς. ἐνίαις δ’ αὐτῶν ἑκάτερον ἐμαρτύρησαν ἐπισπᾶσθαί τε καὶ διαφορεῖν. καὶ γὰρ πλησίον ἀλλήλων εἰσὶν αἱ δυνάμεις, ἥ θ’ ἑλκτικὴ τῶν ἐκ τοῦ βάθους, ἥ τε διαφορητικὴ τῶν ἑλχθέντων. αἵ τε γὰρ ἕλκουσαι καὶ διαφοροῦσί τι πάντως, αἵ τε διαφοροῦσαι καὶ ἕλκουσιν. ἀλλ’ ἐπικρατεῖ κατὰ μὲν τὰ διαφορητικὰ τῶν φαρμάκων ἡ διαφορητικὴ δύναμις, κατὰ δὲ τὰ ἑλκτικὰ ἡ ἑλκτική. σύγκεινται μὲν οὖν ἑλκτικαὶ διὰ τῶν ἁπλῶν φαρμάκων, ὅσαι  δύναμιν ἔχουσιν, ἐκ τοῦ βάθους ἐπὶ τὸ δέρμα τὰς περιουσίας τῶν ὑγρῶν ἐπισπᾶσθαι, αἱ διαφορητικαὶ δὲ ἐκ τῶν διαφορεῖν τὸ ἑλχθὲν πεφυκυιῶν. ἵνα δὲ ἔμπλαστρος γένηται, καθάπερ ἐν τοῖς ἔμπροσθεν ἐῤῥέθη, τῷ μὲν γὰρ λιθαργύρου μίγνυται, τῷ δὲ ῥητίνης, τῷ δὲ κηροῦ, τῷ δὲ ἐλαίου, τῷ δὲ πίττης, οὔτε διαφορητικὴν δύναμιν ἀξιόλογον οὔθ’ ἑλκτικὴν ἐχόντων τῶν τοιούτων, ὥσπερ ἢ πρόπολις ἢ τίτανος ἢ μυελὸς ἢ χαλβάνη ἢ τὸ τῆς Ἀσίας πέτρας ἄνθος ἢ ἀφρὸς νίτρου ἢ ἀφρόνιτρον ἢ ὄξος ἢ κονία στακτὴ, πέπερί τε καὶ νᾶπυ καὶ στρουθίον, οἵ τ’ ἐδώδιμοι τῶν ἁλῶν, οἵ τε ἀμμωνιακοὶ καὶ πρὸς τούτοις ἄλλα πολλὰ, περὶ ὧν τῆς δυνάμεως ἐν τῇ τῶν ἁπλῶν φαρμάκων πραγματείᾳ λέλεκται. νυνὶ δὲ τὰς πεῖραν ἱκανὴν ἤδη δεδωκυίας ἐμπλάστρους ἐρῶ, τοσοῦτον ἔτι περὶ αὐτῶν εἰπὼν, ὡς ἔνιοι καὶ τῶν στυφόντων φαρμάκων τοῖς ἐπισπαστικοῖς προσέμιξαν εὐλαβούμενοι τὸ γιγνόμενον, ἐφ’ ὧν ἔσται περιουσία χυμῶν. ἕλκουσι γὰρ ἐνίοτε πλέον ἢ προσῆκεν, ὡς μὴ μόνον ἐκ τῶν κατὰ τὸ θεραπευόμενον μέρος ἐν βάθει τὴν ὁλκὴν, ἀλλὰ κᾀκ τῶν πέριξ ἁπάντων ποιεῖσθαι. λέλεκται δέ μοι καὶ πρόσθεν ἐν τῷ τῶν σαρκωτικῶν δυνάμεων λόγῳ τὰς ἐπισπαστικάς τε καὶ διαφορητικὰς, ὥσπερ γε καὶ τὰς ἐπὶ μᾶλλον ἢ χρὴ ῥυπτούσας ἁπάσας, γίγνεσθαι σαρκωτικὰς μίξει κηρωτῆς, ἐφ’ ὧν μὲν ἡ δύναμις ἰσχυρὰ πλέονος, ἐφ’ ὧν δὲ ἀσθενὴς ἐλάττονος. ἐὰν δὲ φθάσῃ τὸ σύνθετον ἐπισπαστικὸν ἢ διαφορητικὸν φάρμακον ἔχειν τι καὶ στυπτικὸν, οὐ χρὴ τῷ τοιούτῳ φαρμάκῳ χρῆσθαι σαρκωτικῷ, διὰ τὸ τὰς στυπτικὰς δυνάμεις εἰς μὲν τὰς κολλήσεις τῶν τραυμάτων τε καὶ κόλπων καὶ τὰς ἐπουλώσεις τῶν ἑλκῶν εἶναι χρησίμους, εἰς δὲ τὰς σαρκώσεις ἀχρήστους. εἴρηται γὰρ ἱκανῶς ἡμῖν ἤδη περὶ τούτου.

48. 6.14.1

    [Αἱ ὑπ’ Ἀνδρομάχου γεγραμμέναι διαφορητικαί τε καὶ ἐπισπαστικαί. ἁλυκὴ πρὸς πολλά.] ♃ Ἁλῶν κοινῶν λίτρας δ΄. λεπίδος χαλκοῦ γο δ΄. μάγματος λίτρας S". μάννης λίτραν α΄. κηροῦ λίτρας ιδ΄. κυπρίνου ἐλαίου λίτρας ιστ΄. ὄξος. ἄλλη Θευδᾶ σαρκοφάγου πρὸς κακοήθη, σύριγγας, τερηδόνας, χοιράδας. ♃ ῥητίνης τερμινθίνης γο δ΄. λιβάνου γο δ΄. κηροῦ γο δ΄. λιθαργύρου γο α΄. οἱ δὲ ἀρσενικοῦ ἴσον ἀντὶ τῆς λιθαργύρου, λεπίδος ἐρυθρᾶς γο δ΄. ἰοῦ ξυστοῦ γο η΄. ἁλὸς ἀμμωνιακοῦ γο στ΄. ὄξους κοτύλην α΄. ἐγὼ πλέον ἐλαίου κοτύλην α΄. οἴνου κοτύλην α΄. ὄξους σκιλλητικοῦ κοτύλην. ἄλλη διαφορητικὴ Κανδίδου ᾗ χρῶμαι. ♃ τερμινθίνης λίτρας γ΄. κηροῦ λίτραν ν΄. χαλβάνης οὐγγίας β΄. νίτρου οὐγγίας β΄. Ἀσίου οὐγγίας β΄. λιβάνου λίτρας δ΄. μυελοῦ ἐλαφείου γο δ΄. ἀμμωνιακοῦ θυμιάματος λίτρας S". προπόλεως οὐγγίας γ΄. ἐλαίου δαφνείου οὐγγίας στ΄. στέατος ταυρείου λίτρας ἥμισυ, τὰ ξηρὰ κατὰ τῶν τηκτῶν. ἄλλη πρὸς χοιράδας παρὰ Νυμφοδότου. ♃ Ἀσίου λίθου δραχ. η΄. ἀφρονίτρου δραχ. η΄. ἀσβέστου δραχ. ιστ΄. στέατος μοσχείου δραχ. ιστ΄. κηροῦ δραχ. κδ΄. τερμινθίνης δραχ. λβ΄. ἄλλη διαφορητικὴ βρογχοκήλων, ᾗ Κλήμης Σερτώριος ἐθεραπεύθη καὶ πρὸς σκληρίας. ♃ λιθαργύρου δραχ. ν΄. πιτυΐνης ῥητίνης δραχ. μ΄. ἐλαίου παλαιοῦ κοτύλας ι΄. χαλβάνης δραχ. δ΄. ἐν ἄλλῳ γο α΄. χαλκοῦ κεκαυμένου δραχ. κ΄. ἀμμωνιακοῦ θυμιάματος δραχ.μ΄. σχιστῆς δραχ. δ΄. μάννης λιβάνου δραχ. δ΄. κηροῦ δραχ. ν΄. ἐσχάτην τὴν χαλβάνην καὶ τὴν μάνναν. ἄλλη ἡ διὰ τῶν ἀσπίδων διαφορητικὴ χοιράδων καὶ πρὸς ποδάγρας. ♃ τερμινθίνης, λίθου Ἀσίου, ἀσφάλτου ἀνὰ δραχ. τξ΄. ἀφρονίτρου, μοσχείου, κηροῦ, δαφνίδων, ἀμμωνιακοῦ θυμιάματος ἀνὰ δραχ. τμ΄. λίθου πυρίτου δραχ. π΄. ἀσβέστου δραχ. ρη΄. ἄλλως μνᾶν α΄. ἀσπίδων σποδοῦ δραχ. ρμ΄. ἐλαίου παλαιοῦ κοτύλας β΄. ἐσχάτην τὴν σποδὸν, ψυγέντος τοῦ φαρμάκου, εἰ δὲ μὴ, ἀπόλλυται. ἄλλη ἐπισπαστικὴ ἡ τοῦ Σαρκευθίτου. ♃ τερμινθίνης μνᾶν α΄. κηροῦ μνᾶν α΄. νίτρου μνᾶς β΄. βδελλίου δραχ. λβ΄. ἀμμωνιακοῦ θυμιάματος δραχ. λβ΄. ἐλαίου κοτύλας β΄. θαλάσσης ἢ ἅλμης κοτύλας β΄. μίλτου δραχ. λβ΄. ἄλλη ἡ Κτησιφῶντος, ἃ μὲν διαλύων, τὰ δὲ συνάγων καὶ ῥύπτων. ♃ ἀφρονίτρου λίτραν α΄. μάννης λιβάνου λίτραν α΄. κονίας στακτῆς λίτραν α΄. τινὲς καὶ ὄξους λίτραν α΄. ἄλλη δι’ ἁλῶν ἐπισπαστική. ♃ ἁλῶν κοινῶν δραχ. π΄. ψιμυθίου δραχ. π΄. ἐλαίου παλαιοῦ κοτύλας μ΄. ἄλλως γ΄. χαλκάνθου δραχ. κδ΄. ὄξους κοτύλης ἥμισυ. ἄλλο ἡ δι’ ἁλῶν ἄλλως. ♃ ψιμυθίου δραχ. η΄. ἁλῶν κοινῶν δραχ. ν΄. ἐλαίου παλαιοῦ κοτύλας η΄. ἄλλως β΄. ἀριστολοχίας δραχ. η΄. προπόλεως δραχ. ι΄. ταύτην Σίλων ἐπῄνει. ἄλλη ἡ διὰ πελαγίας γῆς διαφορητική. ♃ λιθαργύρου μνᾶς δ΄. γῆς πελαγίας τέταρτον, ἁλὸς ἀμμωνιακοῦ τέταρτον, ψιμυθίου τέταρτον, κηροῦ τέταρτον, ὄξους κοτύλην α΄. ἐλαίου κοτύλας δ΄. ἄλλη ἡ τοῦ Κυρτοῦ ἐπισπαστική. ♃ ἴρεως Ἰλλυρικῆς δραχ. ν΄. μάννης δραχ. ν΄. τερμινθίνης δραχ. ν΄. ἀφρονίτρου δραχ. ν΄. κισσήρεως δραχ. ν΄, ἀμμωνιακοῦ θυμιάματος δραχ. κε΄. χαλβάνης δραχ. ιστ΄. ἄλλως στ΄. κάγχρυος δραχ. ιβ΄. ἥμισυ, κηροῦ δραχ. ρ΄. οἱ δὲ η΄. ἐλαίου κοτύλην α΄. ἄλλη ἡ διὰ δαφνίδων. ♃ ῥητίνης, νίτρου πυῤῥοῦ, κηροῦ νέου, δαφνίδων, κολοφωνίας, στέατος μοσχείου, ἀμμωνιακοῦ θυμιάματος ἀνὰ δραχ. ο΄ κυπρίνου κοτύλης ἑκκαιδέκατον, τινὲς δὲ ἰξοῦ δραχ. ν΄. ἄλλη ἐπισπαστικὴ Ἁρπάλου. ♃ ἀμμωνιακοῦ θυμιάματος δραχ. η΄. κηροῦ δραχ. δ΄. ἴρεως δραχ. δ΄. μάννης δραχ. δ΄. πεπέρεως δραχ. δ΄. θείου ἀπύρου δραχ. δ΄. κισσήρεως δραχ. δ΄.  τερμινθίνης δραχ. η΄. ἐλαίου ὀλίγον. ἄλλη ἐπισπαστικὴ Ἁρπάλου. ♃ τερμινθίνης μνᾶς η΄. κισσήρεως δραχ. ιε΄. νίτρου δραχ. ιστ΄. ἀμμωνιακοῦ θυμιάματος δραχ. ιστ΄. κηροῦ δραχ. δ΄. ἐλαίου βραχὺ, μίλτου, ὥστε χρῶσαι τὰ ξηρὰ σὺν ὄξει. ἄλλη. ♃ σινάπεως δραχ. δ΄. νίτρου δραχ. δ΄. κηροῦ δραχ. η΄. τερμινθίνης δραχ. λ΄. δαφνίδων δραχ. δ΄. ἀσβέστου δραχ. δ΄. ἐλαίου κοτύλας ἑκκαιδέκατον, κυπρίνου δραχ. η΄. ἄλλη πῦον διαφοροῦσα. ♃ κηροῦ, τερμινθίνης ῥητίνης, πίσσης ξηρᾶς, στέατος μοσχείου, νίτρου πυῤῥοῦ, δαφνίδων, ἀσβέστου, κισσήρεως, ἀμμωνιακοῦ θυμιάματος, ἑκάστου ἴσον. ἄλλη Κοδάμου ἢ Νικοδήμου βασιλέως. ♃ κηροῦ δραχ. ρ΄. νίτρου πυῤῥοῦ δραχ. ρ΄. ῥητίνης φρυκτῆς δραχ. ρ΄. ἀμμωνιακοῦ θυμιάματος δραχ. κε΄. προπόλεως δραχ. κε΄. ἰξοῦ δρυΐνου δραχ. ιβ΄. ἥμισυ, ἐλαίου ξέστην α΄. κονίας στακτῆς ξέστην α΄. ἄλλη διαφορητικὴ μελικηρίδων. ♃ ἐλαίου παλαιοῦ δραχ. ρ΄. λιθαργύρου δραχ. ??α΄. ἀμμωνιακοῦ θυμιάματος, χαλβάνης ἀνὰ δραχ. ιθ΄. ἄλλη. ♃ λιθαργύρου δραχ. ρ΄. ἁλῶν κοινῶν δραχ. ξ΄. ἐλαίου παλαιοῦ κοτύλας στ΄. ἄλλως α΄. ἄλλη ἐπισπαστικὴ καὶ διαφορητικὴ πολύχρηστος. ♃ λιθαργύρου λίτραν α΄. ψιμυθίου λίτραν α΄. χαλβάνης λίτραν α΄. ἁλὸς ὀρυκτοῦ λίτρας S". ἰοῦ ξυστοῦ λίτρας ἥμισυ, ἐλαίου ξέστας γ΄. χαλκάνθου γο β΄. ἄλλη διαφορητικὴ ἡ διὰ τοῦ στρουθίου. ♃ λιθαργύρου λίτρας β΄. ἐλαίου λίτρας γ΄. ψιμυθίου γο δ΄. πίσσης γο δ΄. τερμινθίνης γο δ΄. κηροῦ γο β΄. μάννης γο γ΄. ἀριστολοχίας γο β΄. στρουθίου γο β΄. κηκίδων γο γ΄. οἴνου καλοῦ κοτύλας γ΄. οἶνον ἔσχατον κατάῤῥαινε. ἄλλη διαφορητικὴ, ὡς Σκριβώνιος. ♃ λιθαργύρου λίτρας ε΄. ἐλαίου λίτρας ε΄. πιτυΐνης ξηρᾶς λίτρας ε΄. προπόλεως λίτρας η΄. τῆς δρυΐνης γο γ΄. ἄλλη ἐπισπαστικὴ καὶ διαφορητική. ♃ κηροῦ νέου δραχ. ρ΄. ῥητίνης πιτυΐνης ξηρᾶς δραχ. ρ΄. νίτρου δραχ. ρ΄. ἐλαίου κοτύλας γ΄. τινὲς λιβάνου δραχ. ρ΄. κονίας στακτῆς κοτύλας γ΄. πρὸς σκληρίας δὲ μίσγεται ἀμμωνιακοῦ θυμιάματος δραχ. ιβ΄. χαλβάνης ἴσον, ἰοῦ ξυστοῦ, προπόλεως, δρυΐνης ἴσον. ἄλλη πρὸς χοιράδας Μινουκιανοῦ, ᾗ χρῶμαι κατὰ κόρας. ♃ τερμινθίνης λίτραν α΄. κηροῦ λίτρας η΄. προπόλεως λίτραν α΄. χαλβάνης λίτρας η΄. ἰξοῦ δρυΐνου λίτρας η΄. τήξας ταῦτα, ἔμπασσε τρυγὸς κεκαυμένης γο β΄. ἀφρονίτρου λίτρας η΄. εἶτα θεὶς ἀπ’ ἀνθρακιᾶς, πρόσβαλε ἐλαίου κοτύλας γ΄. εἶτα καθελὼν ἔμπασσε σικύου ἀγρίου ῥίζης γο α΄. ξιφίου ῥίζης γο δ΄. Ἀσίου ἄνθους γο δ΄. ἄλλη Ἀντιπάτρου. ♃ νίτρου λίτραν α΄. τερμινθίνης λίτραν α΄. ἐλαίου παλαιοῦ λίτραν α΄. ὕδατος ξέστην α΄. καὶ πλεῖον, ὅταν ἑψόμενον μὴ πομφολύξῃ, πρόσβαλε ἀμμωνιακοῦ θυμιάματος γο β΄. χαλβάνης γο α΄. βδελλίου γο α΄. λιβάνου γο β΄. σανδαράχης γο β΄. λίθου Ἀσίου γο β΄. ὁ Ἄσιος καὶ ἡ σανδαράχη σὺν ἐλαίῳ ὀλίγῳ λεαίνεται, τὰ τηκτὰ ἀναξύεται καὶ μίσγεται τοῖς ξηροῖς. ἄλλη διαφορητικὴ Ἀντιπάτρου. ♃ μολυβδαίνης δραχ. τ΄. κηροῦ δραχ. ρν΄. τερμινθίνης δραχ. λ΄. χαλκίτεως δραχ. στ΄. χαλβάνης δραχ. η΄. σμύρνης δραχ. η΄. μάννης δραχ. η΄. ἐλαίου χειμῶνος κοτύλας δ΄. θερείας κοτύλας γ΄. ἄλλη Ξενοκράτους ἀνώδυνος, διαφορητικὴ, ὡς Κάστος, ἡ Πολυστόμου πρὸς ποδάγρας. ♃ ψιμυθίου δραχ. ρν΄. κηροῦ λίτρας γ΄. τερμινθίνης δραχ. λ΄. ἀφρονίτρου δραχ. λ΄. ἐλαίου παλαιοῦ κοτύλας γ΄. ἄλλη διαφορητικὴ μελικηρίδων, Ἀλεξάνδρου. ♃ ἁλὸς Σπανοῦ λίτραν α΄. λιθαργύρου λίτραν α΄. ψιμυθίου λίτραν α΄. κηροῦ γο α΄. τερμινθίνης γο α΄. χαλβάνης ἢ καὶ ὀποπάνακος γο β΄. σινάπεως γο στ΄. ἐλαίου παλαιοῦ λίτρας γ΄. ὄξους ξέστας η΄. ἄλλη, Ὑγεία διαφορητικὴ καὶ ἐπισπαστικὴ πρὸς μαστοὺς διὰ ἰξοῦ. ♃ λιθαργύρου λίτρας β΄. ἐλαίου λίτρας β΄. ἰξοῦ δρυΐνου γο δ΄. κηκίδων γο δ΄. ἄλλη κενωτικὴ πύων, ὡς Ἀσκληπιάδης χωρὶς συῤῥήξεως. ♃ ῥητίνης λίτρας β΄. κηροῦ λίτρας β΄. νίτρου λίτρας η΄. βουτύρου λίτραν α΄. στέατος λεοντείου λίτρας στ΄. ἐλαίου παλαιοῦ λίτραν α΄. τῆκε ὁμοῦ, καθ’ ἡμέραν χρῶ ἐμπλάσσων τοῦ φαρμάκου. ἄλλη ἐξιπωτικὴ ὑγρῶν καὶ ἀποστημάτων, μάλιστα ἐν γόνασι καὶ ἄρθροις, ἄτερ τομῆς ἕλκουσα, ἀφλέγμαντος καὶ τραυματική. ♃ μολύβδου σκωρίας δραχ. ρ΄. τερμινθίνης δραχ. ρ΄. ἐλαίου παλαιοῦ κοτύλας β΄. ἐσχάτην ῥητίνην. ἄλλη διαφορητικὴ καὶ συῤῥήσσουσα καὶ ἐπουλωτικὴ, προκλητικὴ, ᾗ χρῶμαι. ♃ ἰξοῦ δρυΐνου δραχ. ξ΄. πίσσης δραχ. ν΄. ἀμμωνιακοῦ θυμιάματος δραχ. ρ΄. κηροῦ δραχ. ν΄. ῥητίνης φρυκτῆς δραχ. ιε΄. λίθου πυρίτου δραχ. ι΄. χαλβάνης δραχ. η΄. μάννης δραχ. δ΄. ἴρεως Ἰλλυρικῆς δραχ. δ΄. κάγχρυος δραχ. δ΄. κόπρου περιστερῶν δραχ. δ΄. ἔν τισι καὶ μέλιτος κοτύλας δ΄. ἔν τισι καὶ προπόλεως δραχ. κ΄. τὰ τηκτὰ τήξας, ἔμπασσε τοῖς ξηροῖς.

49. 6.15.1

    [Αἱ ὑπ’ Ἀσκληπιάδου γεγραμμέναι ἐπισπαστικαί.] Λευκὴ ἐπισπαστική. ποιεῖ πρὸς χοιράδας καὶ παρωτίδας καὶ τὰ κατὰ μέρος ἀποστήματα, ποιεῖ πρὸς σύριγγας καὶ αἰγίλωπας, ὥστε χωρὶς τομῆς ἀπαλλάττειν, ποιεῖ πρὸς τὰ ῥευματικὰ καὶ δυσαλθῆ, ποιεῖ ὑδρωπικοῖς. ♃ λιθαργύρου δραχ. π΄. ψιμυθίου δραχ. π΄. ἁλῶν δραχ. π΄. ἐλαίου παλαιοῦ ξέστην α΄. τρῖβε ἅλας, ψιμύθιον, λιθάργυρον, ἐπιβάλλων τούτοις τὸ ἔλαιον, ἔπειτα μίξας ἐπιμελῶς καὶ βαλὼν εἰς ἄγγος κεραμοῦν, ἕψε κινῶν συνεχῶς μέχρις ἀμολύντου, καὶ εἰς θυείαν ἐξεράσας καὶ ἀνακόψας ἀνελόμενος χρῶ. ἄλλη. ♃ λιθαργύρου δραχ. ρ΄. ψιμυθίου δραχ. ι΄. ἁλῶν δραχ. ν΄. ἐλαίου κοτύλας γ΄. κηροῦ δραχ. ν΄. τερμινθίνης δραχ. ιβ΄. σκεύαζε κατὰ  τρόπον. ἄλλη. ♃ μάννης δραχ. ιστ΄. στυπτηρίας σχιστῆς δραχ. η΄. ἐλαίου παλαιοῦ κοτύλας β΄. ἄλλη. ♃ λιθαργύρου λίτραν α΄. ψιμυθίου λίτραν α΄. ἁλῶν ὀρυκτῶν λίτραν α΄. κηροῦ δραχ. ν΄. τερμινθίνης δραχ. κε΄. μάννης δραχ. ιστ΄. στυπτηρίας σχιστῆς δραχ. η΄. ἐλαίου παλαιοῦ κοτύλην α΄ S". ἄλλη Λευκίου πρὸς τὰς προειρημένας διαθέσεις, φάρμακον ἐπιτετευγμένον. ποιεῖ πρὸς τὰ ῥευματικὰ τῶν ἑλκῶν καὶ τὰ χρόνια καὶ δυσαλθῆ. ♃ λιθαργύρου δραχ. ρ΄. ψιμυθίου δραχμὰς ρ΄. ἁλὸς ἀμμωνιακοῦ δραχ. ρ΄. χαλκάνθου δραχ. ρ΄. πιτυΐνης δραχ. ρ΄. ἐλαίου παλαιοῦ ξέστας γ΄. ὄξους ξέστην α΄. κηροῦ δραχ. ν΄. σκεύαζε κατὰ τρόπον. ἄλλη Ὑγιεινὴ, φάρμακον ἐπιτετευγμένον πρὸς τὰς προειρημένας διαθέσεις. ♃ λιθαργύρου δραχ. ρ΄. ψιμυθίου δραχ. ρ΄. ἁλῶν δραχ. ρ΄. στυπτηρίας ὑγρᾶς δραχ. ρ΄. ἐλαίου παλαιοῦ ξέστας ι΄. ὄξους ξέστην α΄. κηροῦ λίτρας S". ῥητίνης τερμινθίνης λίτρας S". σκεύαζε κατὰ τρόπον. ἄλλη μέλαινα ἐπίσπαστικὴ, πρὸς χοιράδας ποιεῖ, παρωτίδας καὶ τὰ κατὰ μέρος ἀποστήματα, διαλύει πᾶσαν σκληρίαν. ἔστι δὲ καὶ μάλαγμα ἀγαθὸν, ὡς ἐχρήσατο Ἀντώνιος ὁ ῥιζοτόμος. ποιεῖ πρὸς τὰς περὶ ἄρθρων διαθέσεις. ♃ ἁλῶν ὀρυκτῶν λίτραν α΄. λιθαργύρου λίτραν α΄. γλοιοῦ καθαρωτάτου λίτρας τέσσαρας καὶ χαλβάνης δραχ. ν΄. τρῖβε ἅλας, λιθάργυρον, εἶτα ἐπιβαλὼν τὸν γλοιὸν ἀνάκοπτε φιλοπόνως, καὶ βαλὼν εἰς ἄγγος κεραμοῦν καὶ θεὶς ἐπὶ τὸ πῦρ ἕψε κινῶν συνεχῶς, καὶ ὅταν ἀμόλυντον γένηται, ἄρας ἀπὸ τοῦ πυρὸς, ἐπίβαλλε τὴν χαλβάνην, κοπεῖσαν ὑπέρῳ ξυλίνῳ καὶ ὅταν διαλυθῇ, κατεράσας εἰς θυείαν καὶ ἀνακόψας χρῶ. ἄλλη, ᾗ ἐχρήσατο Ἀνδρόμαχος, ποιεῖ πρὸς χοιράδας, παρωτίδας καὶ τὰς ἐπὶ τῶν μασθῶν σκληρίας καὶ τὰ κατὰ μέρος ἀποστήματα, τὸ περικείμενον ὑγρὸν ἐπισπᾶται καὶ κόλπους παρακολλᾷ. ποιεῖ πρὸς σύριγγας, αἰγίλωπας, ποιεῖ πρὸς ῥευματικὰ τῶν ἑλκῶν χρόνια καὶ δυσαλθῆ. ♃ ψιμυθίου δραχ. π΄. ἁλῶν ὀρυκτῶν δραχ. π΄. χαλκάνθου δραχ. ιβ΄. ἐλαίου παλαιοῦ κοτύλας γ΄. ὄξους κοτύλας δ΄. ἕψε λειοτάτως ἅλας, ψιμύθιον μετὰ τοῦ ἐλαίου καὶ κίνει μέχρις ἀμολύντου καὶ ὅταν εὖ ἔχῃ, ἄρας ἀπὸ τοῦ πυρὸς, ἐπίβαλλε τήν χάλκανθον λειανθεῖσαν μετὰ ὄξους καὶ μικρὸν ἐπιῤῥαίνων συνεχῶς καὶ προσέχων μὴ ἀναζέσῃ, ἔπειτα εἰς θυείαν ἐξεράσας καὶ ἀνακόψας, ἀνελόμενος χρῶ.

50. 6.16.1

    [Αἱ ὑπ’ Ἀσκληπιάδου γεγραμμέναι διαφορητικαὶ κατὰ τὴν ἐκείνου λέξιν.] Τῶν δὲ ὄγκων διαλυθέντων καὶ εἰς ὑγρὸν ἀναδοθέντων χρηστέον ταῖς ὑπογεγραμμέναις σκευασίαις. κηρίνη Κτησιφῶντος πρὸς χοιράδας, γαγγλία, παρωτίδας καὶ τὰς ἐπὶ τῶν μασθῶν ἀποστάσεις ὡς οὐδὲν ἄλλο τῶν φαρμάκων τούς τε ὄγκους διαλύει, τό τε παρακείμενον πᾶν ὑγρὸν κομίζεται διὰ τῶν ἀραιωμάτων καὶ τοὺς κόλπους παρακολλᾷ. ποιεῖ πρὸς σύριγγας, αἰγίλωπας, ὥστε χωρὶς τομῆς ἀπαλλάττειν. ἔστι δὲ καὶ μάλαγμα ἀγαθὸν, ἰσχιαδικοῖς, ποδαγρικοῖς, ἀρθριτικοῖς μετὰ τοὺς παροξυσμοὺς ἐπιτιθέμενον, τῆς ὅλης διαθέσεως ἀπαλλάττειν, τὰ δὲ τῆς σκευασίας ἔχει οὕτως. ♃ κηροῦ λίτραν α΄. τερμινθίνης λι. α΄. νίτρου λίτραν α΄. ἐλαίου παλαιοῦ λίτραν α΄. ὕδατος κο. α΄. τρῖβε νίτρον καὶ ὕδωρ, ὥστε παντελῶς διαλυθῆναι καὶ βαλὼν εἰς ἄγγος κεραμοῦν καὶ θεὶς ἐπὶ τὸ πῦρ ἕψε πωμάσας τὸ ἄγγος καὶ ἐκ διαλειμμάτων κινῶν. ὅταν δὲ ὁ πολὺς ψόφος ἀπολήξῃ, ἐπίβαλλε τὰ τηκτὰ, κινῶν συνεχῶς μέχρις ἀμολύντου, εἰς θυείαν ἐξεράσας καὶ ἀνακόψας ἀνελόμενος χρῶ ἢ σκεύαζε κατὰ τρόπον τοῦτον. τὰ τηκνὰ τήκεται καὶ ὅταν διαλυθῇ, ἐπιβάλλομεν τούτοις τὸ νίτρον λεανθὲν μετὰ τοῦ ὕδατος καὶ κατὰ μικρὸν ἐπιβάλλοντες καὶ κινοῦντες συνεχῶς καὶ προσέχοντες μὴ ἀναζέσῃ. ἄλλη, ᾗ ἐχρήσατο Μενεκράτης, ἰδίως ἐπὶ τῶν χοιράδων καὶ ταῖς ἐπὶ τῶν μασθῶν σκληρίαις, κατατίτρησι γὰρ αὐτὰς καὶ τὸ περικείμενον ὑγρὸν ἐκκρίνει καὶ τοὺς κόλπους παρακολλᾷ καὶ εἰς οὐλὴν ἄγει. ♃ κηροῦ λίτραν α΄. ῥητίνης τερμινθίνης λίτραν α΄. ῥητίνης ξυλώδους λίτραν α΄. χαλβάνης λίτραν α΄. ἐλαίου παλαιοῦ λίτραν α΄. ἀφρονίτρου λίτραν α΄. σμύρνης τέφρας ξε. α΄. ὃς ἄγγει γο γ΄. τὰς ῥητίνας βαλὼν εἰς ἄγγος χαλκοῦν ἢ κεραμοῦν καὶ θεὶς ἐπὶ τὸ πῦρ τῆκε καὶ διαλύσας ἐκ τούτων, ὅσον ἐξαρκεῖ διαλῦσαι τὴν χαλβάνην, ἔπειτα ὁμοῦ τὰ τηκτὰ μίξας ἕψε μέχρις ἀμολύντου, εἶτα ἄρας ἀπὸ τοῦ πυρὸς, ἔα ψυγῆναι καὶ τούτοις ἐπίβαλλε ἀφρόνιτρον καὶ κινῶν συνεχῶς καὶ ἀνακόψας ἐπίβαλλε ταῖς τεφραῖς λειοτάταις, καὶ ἀναμίξας ἀνελόμενος χρῶ, λύων διὰ ε΄. εἶτα διὰ τρίτης, ἕως κατατρηθῇ τὰ περὶ τοὺς ὄγκους, εἶτα καθ’ ἡμέραν λύων θεράπευε. ἄλλη, ἡ διὰ τοῦ ἀφρονίτρου, ὑπὸ τινῶν δὲ Διονυσία λεγομένη, φάρμακον ἐπιτετευγμένον πρὸς τὰς προειρημένας διαθέσεις, ᾗ ἐχρήσατο Λάργος. ♃ κηροῦ λίτραν α΄. τερμινθίνης λίτραν α΄. μάννης λίτραν α΄. ἀφρονίτρου λίτραν α΄. ἐλαίου ξε. α΄. ὕδατος πηλοποιϊκοῦ ξε. α΄. μίσυος ὠμοῦ γο β΄. συντίθει καὶ τρόπον. ἄλλη ἡ διὰ τοῦ Ἀσίου, φάρμακον ἐπιτετευγμένον πρὸς τὰς προειρημένας διαθέσεις. ♃ κηροῦ λίτραν α΄. τερμινθίνης λίτραν α΄. νίτρου λίτραν α΄. λιβάνου ἡμίλιτρον, λίθου Ἀσίου ἄνθους ἡμίλιτρον, ἐλαίου κυπρίνου ἡμίλιτρον, ὕδατος πηλοποιϊκοῦ τὸ αὔταρκες, τὰ ξηρὰ διαλύεται πηλοποιϊκῷ, ὥστε γλοιοῦ ἔχειν τὸ πάχος καὶ λεαίνεται φιλοπόνως. τὰ δὲ τηκτὰ τήκεται καὶ ψύχεται καὶ τοῖς λεανθεῖσιν ἐπιβάλλεται, ἀνακόψαντες καὶ ἀνελόμενοι χρώμεθα. ἄλλη Ἀσιανὴ τοῦ Νεαπολίτου, ποιεῖ πρὸς τὰς προειρημένας διαθέσεις. ♃ κηροῦ λι. α΄ S". νίτρου ἐρυθροῦ λίτραν α΄. λίθου Ἀσίου ἄνθους λίτραν α΄ S". μάννης ἡμίλιτρον, σμύρνης γο γ΄. ἐλαίου παλαιοῦ λίτραν α΄. ὕδατος πηλοποιϊκοῦ κο. α΄. σκεύαζε κατὰ τρόπον. ἄλλη, ποιεῖ πρὸς τὰς προειρημένας διαθέσεις. ♃ κηροῦ δραχ.ρ΄. τερμινθίνης δραχ. ρ΄. νίτρου ἀφροῦ λίτραν α΄. ἐλαίου παλαιοῦ λίτραν α΄. μάννης λιβάνου λίτραν α΄. λίθου Ἀσίου ἄνθους ἡμίλιτρον, χαλβάνης δραχ. ιβ΄. προπόλεως δραχ. ιβ΄. ἀμμωνιακοῦ θυμιάματος δραχ. ιβ΄. ὕδατος πηλοποιϊκοῦ τὸ αὔταρκες. ἄλλη κιῤῥὰ ἐκ τῶν Δαμοκράτους, ποιεῖ πρὸς τὰς προειρημένας διαθέσεις. ♃ λιθαργύρου λίτραν α΄. ψιμυθίου λίτραν α΄. ἁλὸς ὀρυκτοῦ λίτραν α΄. μίλτου σινωπίδος ἡμίλιτρον, κηροῦ γο β΄. χαλβάνης γο β΄. τερμινθίνης γο β΄. ἐλαίου παλαιοῦ κο. γ΄. ὄξους, ὥστε τὴν Σινωπίδα λῦσαι, σκεύαζε κατὰ τρόπον. ἄλλη, ποιεῖ πρὸς τὰς προειρημένας διαθέσεις. ♃ λιθαργύρου λίτραν α΄. ψιμυθίου λίτραν α΄. ἁλὸς ὀρυκτοῦ λίτραν α΄. μίλτου Σινωπίδος ἡμίλιτρον, κηροῦ γο δ΄. χαλβάνης γο β΄. ῥητίνης τερμινθίνης γο β΄. ἐλαίου παλαιοῦ κο. γ΄. ὄξους, ὥστε τὴν Σινωπίδα διαλῦσαι, σκεύαζε κατὰ  τρόπον. ἄλλη ἡ διὰ τῆς μαστίχης, ποιεῖ πρὸς τὰς προειρημένας διαθέσεις. ♃ κηροῦ λίτραν α΄. μαστίχης, μάννης λιβάνου, Σινωπίδος, ἀφρονίτρου ἀνὰ ἡμίλιτρον, ἐλαίου μυρσίνου γο γ΄. θαλάσσης κο. γ΄. ἄλλη ἡ τοῦ Νεαπολίτου, ποιεῖ πρὸς τὰς προειρημένας διαθέσεις. ♃ λιθαργύρου λίτραν α΄. ψιμυθίου λίτραν α΄. ἁλῶν ὀρυκτῶν λίτραν α΄. μίλτου Σινωπίδος ἡμίλιτρον, κηροῦ ἡμίλιτρον, πιτυΐνης ἡμίλιτρον, χαλβάνης γο β΄. ἐλαίου κο. γ΄. ὄξους τὸ ἱκανόν.

51. 6.17.1

    [Αἱ ὑπὸ Δαμοκράτους γεγραμμέναι διαφορητικαί.]

52. 6.17.2

    Ἔμπλαστρος ἀγαθὴ διαφοροῦσα, μηλίνη,

53. 6.17.3

    Τὰς μὴ παλαιὰς χοιράδας τῶν παιδίων,

54. 6.17.4

    Τὰς περὶ μύας τε καὶ τὸ δέρμα σκληρίας

55. 6.17.5

    Καὶ τὰς μενούσας φλεγμονὰς πλέω χρόνον,

56. 6.17.6

    Πληροῖ τε σάρκα καὶ εἰς ἐπούλωσιν ἄγει.

57. 6.17.7

    Σκευάζεται δ’ οὕτως· καλῆς λιθαργύρου

58. 6.17.8

    Τὸ πολὺ λίτραν, ψιμυθίου ἡμίλιτρον,

59. 6.17.9

    Τούτοις παραδίδωσι λίτραν νέου

60. 6.17.10

    Ἐλαίου λιπαροῦ, τὴν λιθάργυρον βαλὼν,

61. 6.17.11

    Ἕψε μετ’ ἐλαίου καὶ ῥυπῶδες τῷ πάχει

62. 6.17.12

    Ποιῶν, προσαπόδος ψιμυθίου λεῖον τότε.

63. 6.17.13

    Ὅταν δ’ ἴδῃς ἀμόλυντον, εὔκρατόν τ’ ἄγαν,

64. 6.17.14

    Μικρῷ γε μᾶλλον σκληροτέραν, προσέμβαλε

65. 6.17.15

    Κηροῦ, πιτυΐνης, ὧν τακέντων, τὴν χύτραν

66. 6.17.16

    Ἀπὸ τοῦ πυρὸς ζέουσαν ἄρας, τότε

67. 6.17.17

    Βάλλ’ ἀμμωνιακὸν, χερσὶ καὶ τοῖς δακτύλοις

68. 6.17.18

    Πλατυνθεὶς, ὡς εἴωθε, κηρὸς παρὰ πυρὶ,

69. 6.17.19

    Ἔπειτα κινῶν τῇ σπάθῃ τὸ φάρμακον,

70. 6.17.20

    Καὶ πάλιν μαλάσσων χερσίν· οὕτως ἀποτίθου.

71. 6.17.21

    Ἄλλη.

72. 6.17.22

    Ἄλλη πρὸς πάντα ταῦτα. τὰς δὲ χοιράδας

73. 6.17.23

    Μᾶλλον διαφορεῖ, τοὺς πονοῦντας δ’ ὠφελεῖ,

74. 6.17.24

    Ἔχοντας εὐλάβειαν εἰς ἀπόστασιν

75. 6.17.25

    Ὑποχονδρίου μετά τινος ὄγκου καὶ φόβου.

76. 6.17.26

    Μέλαινα δ’ οὖσα, σκευασίαν ταύτην ἔχει,

77. 6.17.27

    Πίσσης διῢγρου καὶ ξηρᾶς λίτρας β΄.

78. 6.17.28

    Πυκνῆς τε ὑελώδους πρόσβαλ’ ἀσφάλτου β΄.

79. 6.17.29

    Φρυκτῆς πιτυΐνης δ΄. κηροῦ δὲ γ΄.

80. 6.17.30

    Λιβάνου δὲ λίτραν α΄. καὶ μέρος τρίτον,

81. 6.17.31

    Χαλκοῦ δὲ λεπίδος οὐγγίας δὶς δ΄.

82. 6.17.32

    Κοινοῦ ἐλαίου προσφάτου ε΄. οὐγγίας,

83. 6.17.33

    Λεῖε λίβανόν τε καὶ λεπίδα, παρεγχέων

84. 6.17.34

    Ὄξους τὸ μέτριον καὶ λεάνας ἐπιμελῶς

85. 6.17.35

    Πάχος ποιήσας μέλιτος, ἕψησον τότε

86. 6.17.36

    Κηρόν τε καὶ τὰ λοιπὰ μετ’ ἐλαίου νέου,

87. 6.17.37

    Οὕτως τε κατάχει θερμὰ τῶν λελεασμένων,

88. 6.17.38

    Μίξας τ’ ἐπιμελῶς πάντα χερσὶν εὐτόνως,

89. 6.17.39

    Ἀποτίθου, φυλάττων δέρματι σκεπασμένην,

90. 6.17.40

    Ποιεῖ γὰρ ἐπίπαγόν τε καὶ τραχύνεται.

91. 6.17.41

    Αἱ δι’ ἁλῶν διαφορητικαὶ Δαμοκράτους.

92. 6.17.42

    Σκεύαζε καὶ τοῦτ’, ὡς κράτιστον φάρμακον.

93. 6.17.43

    Καλοῦ ψιμυθίου καὶ καλῆς λιθαργύρου,

94. 6.17.44

    Λίτρας ἑκάστης καὶ ἁλῶν δέκ’ οὐγγίας.

95. 6.17.45

    Ἅλας δέ ἐστι πᾶν τὸ λευκὸν εἰς φάρμακον

96. 6.17.46

    Ἱκανῶς εὔχρηστον, ἀλλὰ βέλτιον πολὺ

97. 6.17.47

    Ἀμμωνιακόν τε καὶ καθαρὸν θαλάσσιον,

98. 6.17.48

    Καὶ τρὶς ἐλαίου πολυετοῦς λίτρας σταθμόν.

99. 6.17.49

    Ἕψε δὲ ἔλαιον καὶ τὰ λοιπὰ ὁμοίως λεῖα,

100. 6.17.50

     Ἕως γένηται σκληρότερα μαλάγματος,

← Previous · Next → — showing 301–400 of 861

First Thousand Years of Greek. CTS URN tlg0057.tlg077.1st1K-grc1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.