Cento

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 709 sections

1.286
alter in alterius I praelato inuidit honore —
1.287
horresco referens —: I consanguinitate propinquum
1.288
excipit incautum patriasque obtruncat ad aras
1.289
sanguine foedantem quos ipse sacrauerat ignis.
1.290
tum genitor I uirus serpentibus addidit atris
1.291
mellaque decussit foliis ignemque remouit -
1.292
praedarique lupos iussit pontumque moueri
1.293
et passim riuis currentia uina repressit.
1.294
mox et frumentis labor additus, ut mala culmos
1.295
esset robigo I et uictum seges aegra negaret.
1.296
tum laqueis captare feras et fallere uisco
1.297
\'inuentum, et I duris urgens in rebus egestas
1.298
mouit agros, curis acuens mortalia corda,
1.299
deterior donec paulatim ac decolor aetas,
1.300
ferrea progenies, duris caput extulit aruis
1.301
et belli rabies et amor successit habendi.
1.302
Iustitia excedens terris uestigia fecit.
1.303
nec longum in medio tempus: I furor iraque mentem
1.304
praecipitant: I gaudent perfusi sanguine fratrum.
1.305
condit opes alius defossoque incubat auro
1.306
nec doluit miserans inopem I dextramque tetendit.
1.307
Tum pater omnipotens | grauiter commotus ab alto
1.308
aethere se mittit: | tellurem effundit m undas
1.309
diluuio miscens caelumque in Tartara soluit.
1.310
sternit agros, sternit sata laeta bouumque labores
1.311
diluit: inplentur fossae et caua flumina crescunt: I
1.312
et genus omne neci pecudum dedit, omne ferarum.
1.313
tum pietate grauem ac meritis I — mirabile dictu —,
1.314
qui fuit in terris et seruantissimus aequi, I
1.315
eripuit leto, | tantis surgentibus undis, I
1.316
ut genus unde nouae stirpis reuocetur haberet. I
1.317
Diluuio ex illo I patribus dat iura uocatis
1.318
omnipotens: I magnis agitant sub legibus aeuum. I
1.319
quid memorem infandas caedes, quid facta tyranni I
1.320
nesciaque humanis precibus mansuescere corda. I
1.321
Aegyptum uiresque orientis et ultima I bella
1.322
magnanimosque duces totiusque ordine gentis, - |
1.323
quo cursu deserta petiuerit I et tribus et gens
1.324
magna uirum, I menti tanti non inmemor umquam,
1.325
quique sacerdotes casti I altaria iuxta,
1.326
quique pii uates I pro libertate ruebant,
1.327
qui bello exciti reges, quae ) litore rubro
1.328
conplerint campos acies, I quibus arserit armis
1.329
rex, genus egregium, I magno inflammante furore,
1.330
agmen agens equitum et florentis aere cateruas?
1.331
cetera facta patrum I pugnataque in ordine bella
1.332
praetereo atque aliis post me memoranda relinquo.
1.333
Nunc ad te et tua magna, pater, consulta reuertor.
1.334
maius opus moueo: I uatum praedicta priorum
1.335
adgredior, I quamuis angusti terminus aeui
1.336
accipiat, I temptanda uia est, qua me quoque possim
1.337
tollere humo I et nomen fama tot ferre per annos,
1.338
quod tua progenies I caelo descendit ab alto,
1.339
attulit et nobis aliquando optantibus aetas
1.340
auxilium aduentumque dei, I quom femina primum
1.341
uirginis os habitumque gerens I — mirabile dictu —
1.342
nec generis nostri puerum nec sanguinis edit,
1.343
seraque terrifici cecinerunt omina uates
1.344
aduentare uirum I populis terrisque superbum
1.345
semine ab aetherio, I qui uiribus occupet orbem.
1.346
Iamque aderat promissa dies, I quo tempore primum
1.347
extulit os sacrum I diuinae stirpis origo
1.348
missus in imperium, I uenitque m corpore uirtus
1.349
mixta deo: I subiit cari genitoris imago.
1.350
haut mora, continuo I caeli regione serena,
1.351
stella facem ducens multa cum luce cucurrit.
1.352
agnouere deum proceres I cunctisque repente
1.353
muneribus cumulant I et sanctum sidus adorant.
1.354
tum uero manifesta fides I clarumque paternae
1.355
nomen erat uirtutis: et ipsi I agnoscere uultus
1.356
flagrantisque dei | diuini signa decoris.
1.357
protinus ad regem I magno feruore ruentum
1.358
fama uolat I magnisque acuit rumoribus iras
1.359
incenditque animum I matrisque adlabitur auris.
1.360
illa dolos dirumque nefas I haut nescia rerum
1.361
praesensit motusque excepit prima futuros.
1.362
praescia uenturi I furtim mandarat alendum,
1.363
dum curae ambiguae, dum I mens exaestuat ira.
1.364
at rex sollicitus I stirpem et genus omne futurum
1.365
praecipitare iubet subiectisque urere flammis,
1.366
multa mouens, I mittique uiros, qui certa reportent.
1.367
haut secus ac iussi faciunt | rapidisque feruntur
1.368
passibus et I magnis urbem terroribus inplent.
1.369
continuo auditae uoces uagitus et ingens
1.370
infantumque animae flentes: I ante ora parentum
1.371
corpora natorum I sternuntur limine primo.
1.372
at mater I gemitu non frustra exterrita tanto,
1.373
ipsa sinu prae se portans, I turbante tumultu,
1.374
infantem fugiens I plena ad praesaepia reddit.
1.375
hic natum I angusti subter fastigia tecti
1.376
nutribat teneris inmulgens ubera labris.
1.377
hic tibi prima, puer, I fundent cunabula flores,
1.378
mixtaque ridenti I passim cum baccare tellus
1.379
molli paulatim I colocasia fundet acantho.
1.380
Et iam finis erat I perfecto temporis orbe.
1.381
ut primum cessit furor et rabida ora quierunt,
1.382
ante annos animumque gerens I caelestis origo 4
1.383
per medias urbes graditur I populosque propinquos.
1.384
illum omnis tectis agrisque effusa iuuentus
1.385
attonitis inhians animis I prospectat euntem,

Corpus Scriptorum Ecclesiasticorum Latinorum. CTS URN stoa0234f.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.