Cento

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 709 sections

1.386
turbaque miratur matrum: I \'qui spiritus illi,
1.387
qui uultus uocisque sonus uel gressus eunti est!\'
1.388
Continuo uates I — namque is certissimus auctor —
1.389
ut procul egelido secretum flumine uidit,
1.390
\'tempus\' ait: \'deus, ecce, deus, cui I maxima rerum
1.391
uerborumque fides. I tu nunc eris alter ab illo,
1.392
fortunate puer, I caeli cui sidera parent.
1.393
sic equidem ducebam animo rebarque futurum:
1.394
expectate uenis, I spes et solacia nostri\\
1.395
haec ubi dicta dedit, I fluuio mersare salubri
1.396
accepit uenientem ac mollibus extulit undis:
1.397
exultantque uada ac I subito commota columba
1.398
deuolat et supra caput astitit. I inde repente
1.399
radit iter liquidum celeris neque commouet alas.
1.400
huc omnis turba ad ripas effusa ruebat
1.401
certatim largos umeris infundere rores.
1.402
tum genitor natum dictis I conpellat amicis:
1.403
nate, meae uires, mea magna potentia solus
1.404
et praedulce decus I magnum rediture parenti,
1.405
a te principium, tibi desinet. I accipe, testor,
1.406
o mea progenies: I qua sol utrumque recurrens
1.407
aspicit Oceanum, I perfecto laetus honore
1.408
omnia sub pedibus I uertique regique uidebis.
1.409
tu regere imperio populos, I matresque uirosque,
1.410
iam pridem resides animos desuetaque corda
1.411
ignarosque uiae mecum miseratus I inertes
1.412
adgredere et uotis iam nunc adsuesce uocari\'.
1.413
dixerat: ille patris magni parere parabat
1.414
imperio, I instans operi regnisque futuris.
1.415
Heu pietas, heu prisca fides! I quas dicere grates
1.416
incipiam, I si parua licet conponere magnis?
1.417
nec mihi iam patriam antiquam spes ulla uidendi
1.418
nec spes libertatis erat nec cura I salutis.
1.419
hic mihi responsum primus dedit ille petenti,
1.420
concretam exemit labem purumque reliquit
1.421
aetherium sensum I meque in mea regna remisit.
1.422
illum ego per flammas, I agerem si Syrtibus exul,\'
1.423
per uarios casus, per I mille sequentia tela,
1.424
quo res cumque cadent, unum I pro nomine tanto
1.425
exequerer strueremque suis altaria donis.
1.426
huius in aduentum I tantarum in munera laudum
1.427
ipsi laetitia uoces ad sidera iactant<
1.428
intonsi montes: I respondent omnia ualles.
1.429
Tempore non alio I — magnum et memorabile nomen —
1.430
serpentis furiale malum I meminisse necesse est.
1.431
ausus quin etiam I — fama est obscurior annis —
1.432
conpellare uirum et I ueniendi poscere causas.
1.433
hunc ubi tendentem aduersum per gramina uidit,
1.434
substitit infremuitque ferox | dominumque potentem
1.435
saucius ac serpens I adfatur uoce superba:
1.436
\'uerane te facies, uerus mihi nuntius adfers?
1.437
qui genus? unde domo, I qui nostra ad limina tendis?
1.438
fare age, quid uenias; I nam te dare iura loquuntur.
1.439
aut quis te, iuuenum confidentissime, nostras
1.440
iussit adire domus j pacique inponere morem?
1.441
non equidem inuideo, miror magis: I accipe porro,
1.442
quid dubitem et quae nunc animo sententia surgat.
1.443
est domus alta: I uoca zephyros et labere pinnis
1.444
ardua tecta petens, I ausus te credere caelo,
1.445
si modo quem memoras pater est, I cui sidera parent\'.
1.446
olli subridens sedato pectore I fatur
1.447
haut uatum ignarus uenturique inscius aeui:
1.448
\'dissimulare etiam sperasti, perfide I serpens?
1.449
ne dubita; nam uera uides. I opta ardua pinnis
1.450
astra sequi clausumque caua te condere terra.
1.451
quo periture ruis maioraque uiribus audes?
1.452
cede deo, I toto proiectus corpore terrae\'.
1.453
nec plura his: ille admirans uenerabile donum
1.454
fronte premit terram I et spumas agit ore cruentas
1.455
contentusque fuga I caecis se inmiscuit umbris.
1.456
Interea I uolitans magnas it fama per urbes.
1.457
conuenere uiri: mens omnibus una sequendi
1.458
in quascumque uelit pelago deducere terras.
1.459
multi praeterea, quos fama obscura recondit,
1.460
concurrunt I fremitu denso stipantque frequentes
1.461
exultautque animis; I medium nam plurima turba
1.462
hunc habet atque umeris extantem suspicit altis.
1.463
postquam altos uentum in montes; I aeterna potestas
1.464
iura dabat legesque uiris ], secreta parentis,
1.465
spemque dedit dubiae menti I curasque resoluit.
1.466
conspicit ecce alios dextra laeuaque I frequentis.
1.467
quos ubi confertos audere in proelia uidit,
1.468
incipit et dictis diuinum aspirat amorem:
1.469
\'discite iustitiam moniti, I succurrite fessis
1.470
pro se quisque, uiri, I quae cuique est copia, laeti
1.471
communemque uocate deum. I meliora sequamur
1.472
quoque uocat uertamus iter. I uia prima salutis
1.473
intemerata fides I et mens sibi conscia recti.
1.474
uobis parta quies I perfecto temporis orbe.
1.475
nam qui diuitiis soli incubuere repertis
1.476
nec partem posuere suis, I dum uita maneret,
1.477
pulsatusue parens et fraus innexa clienti,
1.478
tum, cum frigida mors anima seduxerit artus,
1.479
inclusi poenam expectant, I quae maxima turba est,
1.480
infernisque cient tenebris I ueterumque malorum
1.481
supplicia expendunt. I aliis sub gurgite uasto
1.482
infectum eluitur scelus aut exuritur igni.
1.483
turbidus hic caeno uastaque uoragine gurges
1.484
aestuat atque imo barathri eructat harenam.
1.485
hinc exaudiri gemitus et saeua sonare

Corpus Scriptorum Ecclesiasticorum Latinorum. CTS URN stoa0234f.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.