Cento
- 1.86
et uariae pelagi facies inmania cete
- 1.87
aequora uerrebant caudis aestumque secabant.
- 1.88
nec non et I uasti circum gens umida ponti .
- 1.89
iam sole infuso, iam rebus luce retectis
- 1.90
exultans rorem late dispergit amarum.
- 1.91
postera iamque dies primo surgebat eoo.
- 1.92
fundit humus flores I et frondes explicat omnes
- 1.93
sanguineisque inculta rubent auiaria bacis,
- 1.94
non rastris, hominum non ulli obnoxia curae.
- 1.95
tertia lux gelidam caelo dimouerat umbram.
- 1.96
auia tum resonant auibus uirgulta canoris
- 1.97
et liquidas corui presso dant gutture uoces
- 1.98
nec gemere aeria cessauit turtur ab ulmo.
- 1.99
quarto terra die I uariarum monstra ferarum
- 1.100
omnigenumque I pecus nullo custode per herbam
- 1.101
educit siluis subito I mirabile uisu.
- 1.102
tum demum mouet arma leo, I tum pessima tigris
- 1.103
squamosusque draco et fulua ceruice leaena
- 1.104
saeuire ac formae magnorum ululare luporum.
- 1.105
cetera pascuntur uirides armenta per herbas,
- 1.106
nec gregibus liquidi fontes nec gramina desunt.
- 1.107
iamque dies alterque dies processit, et omne
- 1.108
hoc uirtutis opus I diuinae mentis et haustus
- 1.109
prospiciens genitor I perfectis ordine rebus
- 1.110
expleri mentem nequit ardescitque tuendo
- 1.111
terrasque tractusque maris caelumque profundum,
- 1.112
alituum pecudumque genus, I secumque uolutat,
- 1.113
qui mare, qui terras omni dicione tenerent,
- 1.114
neu segnes iaceant terrae. I iuuat usque morari.
- 1.115
talia uersanti subito sententia sedit,
- 1.116
felicemque trahit limum I fingitque premendo
- 1.117
pingue solum primis extemplo a mensibus anni.
- 1.118
iamque inprouiso I tantae pietatis imago
- 1.119
procedit noua forma uiri I pulcherrima primum,
- 1.120
os umerosque deo similis, I cui mentem animumque I
- 1.121
maior agit deus atque opera ad maiora remittit.
- 1.122
quaeritur huic alius; nec quisquam ex agmine tanto
- 1.123
audet adire uirum I sociusque m regna uocari.
- 1.124
haut mora continuo I placidam per membra quietem
- 1.125
dat iuueni et | dulci declinat lumina somno.
- 1.126
atque illi medio in spatio I iam noctis opacae
- 1.127
omnipotens genitor I costas et uiscera nudat.
- 1.128
harum unam iuueni I laterum conpagibus artis
- 1.129
eripuit subitoque I oritur mirabile donum —
- 1.130
argumentum ingens — I claraque in luce refulsit
- 1.131
insignis facie | et pulchro pectore uirgo,
- 1.132
iam matura uiro, iam plenis nubilis annis.
- 1.133
olli somnum ingens rumpit pauor: ossaque et artus
- 1.134
coniugium uocat I ac stupefactus numine pressit
- 1.135
excepitque manu dextramque amplexus inhaesit.
- 1.136
His demum exactis I torquet qui sidera mundi.
- 1.137
infit: eo dicente I premit placida aequora pontus
- 1.138
et tremefacta solo tellus, silet arduus aether:
- 1.139
\'uiuite felices I interque nitentia culta
- 1.140
fortunatorum nemorum sedesque beatas.
- 1.141
haec domus, haec patria est, I requies ea certa laborum.
- 1.142
his ego nec metas rerum nec tempora pono:
- 1.143
imperium sine fine dedi, I multosque per annos
- 1.144
non rastros patietur humus, non uinea falcem.
- 1.145
at genus inmortale manet, I nec tarda senectus
- 1.146
debilitat uires animi mutatque uigorem.
- 1.147
uos contra I quae dicam animis aduertite uestris.
- 1.148
est in conspectu I ramis felicibus arbos,
- 1.149
quam neque fas igni cuiquam nec sternere ferro,
- 1.150
religione sacra I numquam concessa moueri.
- 1.151
hac quicumque sacros I decerpserit arbore fetus,
- 1.152
morte luet merita: I nec me sententia uertit.
- 1.153
nec tibi tam prudens quisquam persuadeat auctor
- 1.154
conmaculare manus I — liceat te uoce moneri —,
- 1.155
femina, I nec te ullius uiolentia uincat,
- 1.156
si te digna manet diuini gloria ruris.\'
- 1.157
postquam cuncta pater, I caeli cui sidera parent,
- 1.158
conposuit, legesque dedit I camposque nitentis
- 1.159
desuper ostentat, I tantarum gloria rerum.
- 1.160
ecce autem primi sub limina solis et ortus
- 1.161
deuenere locos, I ubi mollis amaracus illos
- 1.162
floribus et dulci adspirans conplectitur umbra.
- 1.163
hic uer purpureum atque alienis mensibus aestas,
- 1.164
hic liquidi fontes, 1 hic caeli tempore certo
- 1.165
dulcia mella premunt, I hic candida populus antro
- 1.166
inminet et lentae texunt umbracula uites.
- 1.167
inuitant croceis halantes floribus horti
- 1.168
inter odoratum lauri nemus I ipsaque tellus
- 1.169
omnia liberius nullo poscente ferebat.
- 1.170
fortunati ambo, I si mens non laeua fuisset
- 1.171
coniugis infandae: I docuit post exitus ingens.
- 1.172
Iamque dies infanda aderat: I per florea rura
- 1.173
ecce inimicus atrox I inmensis orbibus anguis
- 1.174
septem ingens gyros, septena uolumina uersans
- 1.175
nec uisu facilis nec dictu affabilis ulli
- 1.176
obliqua inuidia I ramo frondente pependit,
- 1.177
uipeream spirans animam, I cui tristia bella
- 1.178
iraeque insidiaeque et crimina noxia cordi.
- 1.179
odit et ipse pater: I tot sese uertit in ora
- 1.180
arrectisque horret squamis, et, I ne quid inausum
- 1.181
aut intemptatum scelerisue doliue I relinquat,
- 1.182
sic prior adgreditur dictis I seque obtulit ultro:
- 1.183
\'dic\' ait, \'o uirgo I -lucis habitamus opacis
- 1.184
riparumque toros et prata recentia riuis
- 1.185
incolimus —, I quae tanta animis ignauia uenit?
← Previous · Next → — showing 101–200 of 709
Corpus Scriptorum Ecclesiasticorum Latinorum. CTS URN stoa0234f.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.