Versus Ad Gratiam Domini

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 133 sections

100
mouit agros curis. acuens mortalia corda,
101
ut uarias usus meditando extunderet artes.
102
hic genus indocile ac dispersum montibus altis
103
composuit legemque dedit, I dicione tenebat.
104
hinc populum late regem aeuoque superbum
105
uenturum excidio I docuit post exitus ingens
106
uictor ab Aurorae populis et litore rubro.
107
tunc uictu reuocant uires, I caelestia dona,
108
deterior donec paulatim ac decolor aetas
109
et belli rabies et amor successit habendi.
110
regnorum inmemores turpique cupidine capti.
111
tunc uariae inludunt pestes. I malus abstulit error
112
Aegyptum uiresque Orientis: I miranda uidentur
113
omnigenumque deum monstra et latrator Anubis.
114
quid delubra iuuant I simulacraque luce carentum?
115
non tali auxilio nec defensoribus istis
116
tempus eget; I cum uestra dies uoluentibus annis
117
uerba redarguerit, I poena commissa luetis.
118
quin potius pacem aeternam I et numinis (aram)
119
cuncti obtestemur? haec ara tuebitur omnis.
120
his actis aliud genitor secum ipse uolutat,
121
quo uitam dedit aeternam, quo mortis adempta est
122
condicio, I et caelo tandem miseratus ab alto est.
123
respicit humanos I pietas antiqua labores
124
exitiis positura modum, I responsa dabantur
125
fida satis: manifesta fides I secreta parentis.
126
ipse haec fert (caelo) celeris mandata per auras
127
interpres i t monitum spirantemque adfore uerbis,
128
seraque terrifici cecinerunt omina uates;
129
namque fore inlustrem dictis factisque canebant.
130
o quam te memorem, uirgo? I cui mentem animumque
131
semine ab aetherio I superis concessit ab oris
132
omnipotens.\'

Corpus Scriptorum Ecclesiasticorum Latinorum. CTS URN stoa0233h.stoa001.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.