← Library

Retractationum

Corpus Scriptorum Ecclesiasticorum Latinorum · Corpus Scriptorum Ecclesiasticorum Latinorum · 562 sections

1. 1

   CAPITVLA.

2. 2

   I. De Academicis libri III.

3. 3

   II. De beata uita liber I.

4. 4

   III. De ordine libri II.

5. 5

   IIII. Soliloquia, libri II.

6. 6

   V. De inmortalitate animae liber I.

7. 7

   VI. De moribus ecclesiae catholicae et de moribus Manicheorum libri II.

8. 8

   VII. De animae quantitate liber I.

9. 9

   VIII. De libero arbitrio libri III.

10. 10

    VIIII. De Genesi aduersus Manicheos libri II.

11. 11

    X. De musica libri VI.

12. 12

    XI. De magistro liber I.

13. 13

    XII. De uera religione liber I.

14. 14

    XIII. De utilitate credendi liber I.

15. 15

    XIIII. De duabus animabus liber I.

16. 16

    XV. Contra Fortunatum Manicheum liber I.

17. 17

    XVI. De fide uel symbolo liber I.

18. 18

    XVII. De Genesi ad litteram liber I.

19. 19

    XVIII. De sermone domini in monte libri II.

20. 20

    XVIIII. Psalmus contra partem Donati, liber I.

21. 21

    XX. Contra epistulam Donati haeretici liber I.

22. 22

    XXI. Contra Adimantum Manichei discipulum liber I.

23. 23

    XXII. Expositio quarundam propositionum ex epistula apostoli ad Romanos, liber I.

24. 24

    XXIII. Expositio epistulae ad Galatas, liber I.

25. 25

    XXIIII. Epistulae ad Romanos incoata expositio, liber I.

26. 26

    XXV. De diuersis quaestionibus octoginta tribus liber I.

27. 27

    XXVI. De mendacio liber I.

28. 28

    Incipit liber secundus.

29. 29

    XXVII. Ad Simplicianum libri II.

30. 30

    XXVIII. Contra epistulam Manichei liber I.

31. 31

    XXVIIII. De agone liber I.

32. 32

    XXX. De doctrina Christiana libri IIII.

33. 33

    XXXI. Contra partem Donati -- libri II.

34. 34

    XXXII. Confessionum libri XIII.

35. 35

    XXXIII. Contra Faustum Manicheum libri XXXIII.

36. 36

    XXXIIII. Contra Felicem Manicheum libri II.

37. 37

    XXXV. De natura boni liber I.

38. 38

    XXXVI. Contra Secundinum Manicheum liber I.

39. 39

    XXXVII. Contra Hilarum liber I.

40. 40

    XXXVIII. Quaestiones euangeliorum, libri II.

41. 41

    XXXVIIII. Adnotationes in Iob, liber I.

42. 42

    XL. De catechizandis rudibus liber I.

43. 43

    XLI. De trinitate libri XV.

44. 44

    XLII. De consensu euangelistarum libri IITI.

45. 45

    XLIII. Contra epistulam Parmeniani libri III.

46. 46

    XLIIII. De baptismo libri VII.

47. 47

    XLV. Contra quod adtulit Centurius a Donatistis liber I.

48. 48

    XLVI. Ad inquisitiones Ianuari libri II.

49. 49

    XLVII. De opere monachorum liber I.

50. 50

    XLVIII. De bono coniugali liber I.

51. 51

    XLVIIII. De sancta uirginitate liber I.

52. 52

    L. De Genesi ad litteram libri XII.

53. 53

    LI. Contra litteras Petiliani libri III.

54. 54

    LII. Ad Cresconium grammaticum libri IIII.

55. 55

    LIII. Probationum et testimoniorum contra Donatistas liber I.

56. 56

    LIIII. Contra Donatistam nescio quem liber I.

57. 57

    LV. Admonitio Donatistarum de Maximianistis, liber I.

58. 58

    LVI. De diuinatione daemonum liber I.

59. 59

    LVII. Quaestiones expositae contra paganos num. VI.

60. 60

    LVIII. Expositio epistulae Iacobi ad duodecim tribus.

61. 61

    LVIIII. De peccatorum meritis et remissione et de baptismo paruulorum libri III.

62. 62

    LX. De unico baptismo liber I.

63. 63

    LXI. De Maximianistis liber I.

64. 64

    LXII. De gratia testamenti noui liber I.

65. 65

    LXIII. De spiritu et littera liber I.

66. 66

    LXIIII. De fide et operibus liber I.

67. 67

    LXV. Breuiculus conlationis, liber I.

68. 68

    LXVI. Post conlationem contra Donatistas liber I.

69. 69

    LXVII. De uidendo deo liber I.

70. 70

    LXVIII. De natura et gratia liber I.

71. 71

    LXVIIII. De ciuitate dei libri XXII.

72. 72

    LXX. Ad Orosium presbyterum liber I.

73. 73

    LXXI. Ad Hieronymum presbyterum libri II.

74. 74

    LXXII. Ad Emeritum episcopum Donatistarum liber I.

75. 75

    LXXIII. De gestis Pelagi liber I.

76. 76

    LXXIIII. De correctione Donatistarum liber I.

77. 77

    LXXV. De praesentia dei liber I.

78. 78

    LXXVI. Contra Pelagium et Caelestium libri II.,

79. 79

    LXXVII. Gesta cum Emerito, liber I.

80. 80

    LXXVIII. Contra sermonem Arrianorum liber I.

81. 81

    LXXVIIII. De nuptiis et concupiscentia ad Valerium libri II.

82. 82

    LXXX. Locutionum libri VII.

83. 83

    LXXXI. Quaestionum libri VII.

84. 84

    LXXXII. De anima et eius origine libri IIII.

85. 85

    LXXXIII. Ad Pollentium libri II.

86. 86

    LXXXIIII. Contra aduersarium legis libri II.

87. 87

    . LXXXV. Contra Gaudentium Donatistarum episcopum libri II.

88. 88

    LXXXVI. Contra mendacium liber I.

89. 89

    LXXXVII. Contra duas epistulas Pelagianorum libri IIII.

90. 90

    LXXXVIII. Contra Iulianum libri VI..

91. 91

    LXXXVIIII. De fide, spe et caritate liber I.

92. 92

    XC. De cura pro mortuis gerenda ad Paulinum liber I.

93. 93

    XCI. De VIII Dulciti quaestionibus liber I.

94. 94

    XCII. Ad Valentinum de gratia et libero arbitrio liber I.

95. 95

    XCIII. Ad quos supra de correptione et gratia liber I.

96. pr.1.1

    Iam diu est, ut facere cogito atque dispono quod nunc

97. pr.1.2

    adiuuante domino adgredior, quia differendum esse non arbitror, ut opuscula mea siue in libris siue in epistulis siue in tractatibus cum quadam iudiciaria seueritate recenseam et, quod me offendit, uelut censorio stilo denotem. neque enim quisquam nisi inprudens ideo, quia mea errata reprehendo, me reprehendere audebit. sed si dicit non ea debuisse a me dici, quae postea mihi etiam displicerent, uerum dicit et mecum facit. eorum quippe reprehensor est, quorum et ego sum. neque enim ea reprehendere deberem, si dicere debuissem.

98. pr.2.1

    Sed, ut uolet, quisque accipiat hoc quod facio; me tamen apostolicam illam sententiam et in hac re oportuit intueri, ubi ait: si nos ipsos iudicaremus, a domino non iudicaremur. illud etiam, quod scriptum est: ex multiloquio non effugies peccatum, terret me plurimum, non quia multa scripsi uel quia multa etiam, quae dictata non sunt, tamen a me dicta conscripta sunt — absit enim, ut multiloquium deputetur, quando necessaria dicuntur, quantalibet sermonum multitudine ac prolixitate dicantur — sed istam sententiam scripturae sanctae propterea timeo, quia et de tam multis disputationibus meis sine dubio multa colligi possunt, quae si non falsa, at certe uideantur siue etiam conuincantur non necessaria. quem uero Christus fidelium suorum non terruit, ubi ait: omne uerbum otiosum, quodcumque dixerit homo, reddet pro illo rationem in die iudicii? unde et eius apostolus Iacobus: sit omnis homo, inquit, uelox ad audiendum, tardus autem ad loquendum; et alio loco: nolite, inquit, plures magistri fieri, fratres mei, scientes, quoniam maius iudicium sumitis. in multis enim offendimus omnes. si quis in uerbo non offendit, hic perfectus est uir. ego mihi hanc perfectionem nec nunc arrogo, cum sim senex, quanto minus, cum iuuenis coepissem scribere uel apud populos dicere tantumque mihi tributum est, ut, ubicumque me praesente loqui opus esset ad populum, rarissime tacere atque alios audire permitterer et esse uelox ad audiendum, tardus autem ad loquendum. restat igitur, ut me ipse iudicem sub magistro uno, cuius de offensionibus meis iudicium euadere cupio. magistros autem plures tunc fieri existimo, cum diuersa atque inter se aduersa sentiunt. cum uero ipsum dicunt omnes et uerum dicunt, ab unius ueri magistri magisterio non recedunt. offendunt autem, non cum illius multa dicunt, sed cum addunt sua. sic quippe incidunt ex multiloquio etiam in falsiloquium.

99. pr.3.1

    Scribere autem mihi ista placuit. ut haec emittam in manus hominum, a quibus ea, quae iam edidi, reuocare et emendare non possum. nec illa sane praetereo, quae catechumenus iam, licet relicta spe, quam terrenam gerebam, sed adhuc saecularium litterarum inflatus consuetudine scripsi, quia et ipsa exierunt in notitiam describentium atque legentium et leguntur utiliter, si nonnullis ignoscatur uel, si non ignoscatur, non tamen inhaereatur erratis. quapropter quicumque ista lecturi sunt, non me imitentur errantem, sed in melius proficientem. inueniet enim fortasse, quomodo scribendo profecerim, quisquis opuscula mea ordine, quo scripta sunt, legerit. quod ut possit, hoc opere, quantum potero, curabo, ut eundem. ordinem nouerit.

100. 1.1.1.1

     Cum ergo reliquissem uel quae adeptus fueram in cupiditatibus huius mundi uel quae adipisci uolebam et me ad Christianae uitae otium contulissem, nondum baptizatus contra Academicos uel de Academicis primum scripsi, ut argumenta eorum, quae multis ingerunt ueri inueniendi desperationem et prohibent cuiquam rei adsentiri et omnino aliquid, tamquam manifestum certumque sit, adprobare sapientem, cum omnia eis uideantur obscura et incerta, ab animo meo, quia me mouebant, quantis possem rationibus amouerem. quod miserante atque adiuuante domino factum est.

Next → — showing 1–100 of 562

Corpus Scriptorum Ecclesiasticorum Latinorum. CTS URN stoa0040.stoa077.opp-lat1. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.