Hecyra

Perseus Latin · Perseus Latin · 1,064 sections

3.4.425
Potius quam redeam, si eo mihi redeundum siet.
3.4.426
Olim quidem te causae impellebant leves
3.4.427
Quod nunc minitare facere ut faceres, Sosia.
3.4.428
Sed Pamphilum ipsum video stare ante ostium.
3.4.429
Ite intro: ego hunc adibo si quid me velit.
3.4.430
Here, etiam tu hic stas?
3.4.430b
Et quidem te exspecto.
3.4.430c
Quid est?
3.4.431
In arcem transcurso opus est.
3.4.431b
Cui homini?
3.4.431c
Tibi.
3.4.432
In arcem? quid eo?
3.4.432b
Callidemidem hospitem
3.4.433
Myconium, qui mecum una advectus est, conveni.
3.4.434
Perii! vovisse hunc dicam, si salvus domum
3.4.435
Redisset unquam, ut me ambulando rumperet.
3.4.436
Quid cessas?
3.4.436b
Quid vis dicam? an conveniam modo?
3.4.437
Immo, quod constitui me hodie conventurum eum
3.4.438
Non posse; ne me frustra illic exspectet: vola.
3.4.439
At non novi hominis faciem.
3.4.439b
At faciam ut noveris.
3.4.440
Magnus, rubicundus, crispus, crassus, caesius,
3.4.441
Cadaverosa facie.
3.4.441b
Di illum perduint.
3.4.442
Quid si non veniet? maneamne usque ad vesperum?
3.4.443
Maneto: curre.
3.4.443b
Non queo; ita defessus sum.
3.4.444
Ille abiit: quid agam infelix? prorsus nescio
3.4.445
Quo pacto hoc celem quod me oravit Myrrhina,
3.4.446
Suae gnatae partum; nam me miseret mulieris.
3.4.447
Quod potero faciam, tamen ut pietatem colam;
3.4.448
Nam me parenti potius quam amori obsequi
3.4.449
Oportet. Atat eccum Phidippum et patrem
3.4.450
Video: horsum pergunt. Quid dicam hisce incertus sum.
3.5.451
Dixtin dudum illam dixisse se exspectare filium?
3.5.452
Factum.
3.5.452b
Venisse aiunt: redeat.
3.5.452c
Quam causam dicam patri
3.5.453
Quamobrem non reducam nescio.
3.5.453b
Quem ego hic audivi loqui?
3.5.454
Certum offirmare est viam me quam decrevi persequi.
3.5.455
Ipsus est de quo hic agebam tecum.
3.5.455b
Salve, mi pater.
3.5.456
Gnate mi, salve.
3.5.456b
Bene factum te advenisse, Pamphile;
3.5.457
Atque adeo, quod maximum est, salvum atque validum.
3.5.457b
Creditur.
3.5.458
Advenis modo?
3.5.458b
Admodum.
3.5.458c
Cedo, quid reliquit Phania
3.5.459
Consobrinus noster?
3.5.459b
Sane hercle homo voluptati obsequens
3.5.460
Fuit dum vixit; et qui sic sunt haud multum heredem iuvant:
3.5.461
Sibi vero hanc laudem relinquunt: Vixit, dum vixit, bene.
3.5.462
Tum tu igitur nihil attulisti huc plus una sententia?
3.5.463
Quicquid est id quod reliquit profuit.
3.5.463b
Immo obfuit;
3.5.464
Nam illum vivum et salvum vellem.
3.5.464b
Impune optare istuc licet:
3.5.465
Ille reviviscet iam nunquam; et tamen utrum malis scio.
3.5.466
Heri Philumenam ad se arcessi hic iussit: die iussisse te.
3.5.467
Noli fodere: iussi.
3.5.467b
Sed eam iam remittet.
3.5.467c
Scilicet.
3.5.468
Omnem rem scio ut sit gesta: adveniens audivi omnia.
3.5.469
At istos invidos Di perdant qui haec libenter nuntiant.
3.5.470
Ego me scio cavisse ne ulla merito contumelia
3.5.471
Fieri a vobis posset: idque si nunc memorare hic velim,
3.5.472
Quam fideli animo et benigno in illam et clementi fui,
3.5.473
Vere possum; ni te ex ipsa haec magis velim resciscere;
3.5.474
Namque eo pacto maxime apud te meo erit ingenio fides,
3.5.475
Quum illa quae nunc in me iniqua est aequa de me dixerit:
3.5.476
Neque mea culpa hoc discidium evenisse, id testor Deos.
3.5.477
Sed quando sese esse indignam deputat matri meae
3.5.478
Quae concedat, cuiusque mores toleret sua modestia,
3.5.479
Neque alio pacto componi potest inter eas gratia,
3.5.480
Segreganda aut mater a me est, Phidippe, aut Philumena:
3.5.481
Nunc me pietas matris potius commodum suadet sequi.
3.5.482
Pamphile, haud invito ad aures sermo mihi accessit tuus,
3.5.483
Quum te postputasse omnes res prae parente intelligo.
3.5.484
Verum vide ne impulsus ita prave insistas, Pamphile.
3.5.485
Quibus iris impulsus nunc in illam iniquus siem?
3.5.486
Quae nunquam quicquam erga me commerita est, pater,
3.5.487
Quod nollem; et saepe quod vellem meritam scio.
3.5.488
Amoque et laudo et vehementer desidero;
3.5.489
Nam fuisse erga me miro ingenio expertus sum;
3.5.490
Illique exopto ut reliquam vitam exigat
3.5.491
Cum eo viro me qui sit fortunatior;
3.5.492
Quandoquidem illam a me distrahit necessitas.
3.5.493
Tibi id in manu est ne fiat.
3.5.493b
Si sanus sies,
3.5.494
Iube illam redire.
3.5.494b
Non est consilium, pater.
3.5.495
Matris servibo commodis.
3.5.495b
Quo abis? mane;
3.5.496
Mane, inquam: quo abis?
3.5.496b
Quae haec est pertinacia?
3.5.497
Dixin, Phidippe, hanc rem aegre laturum esse eum?
3.5.498
Quamobrem te orabam filiam ut remitteres.

Perseus Latin. CTS URN phi0134.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.