Eunuchus
- 1.2.89
Sane quia vero hae mihi patent semper fores,
- 1.2.90
Aut quia sum apud te primus.
- 1.2.90b
Missa istaec face.
- 1.2.91
Quid missa? o Thais, Thais, utinam esset mihi
- 1.2.92
Pars aequa amoris tecum, ac pariter fieret,
- 1.2.93
Ut aut hoc tibi doleret itidem ut mihi dolet,
- 1.2.94
Aut ego istuc abs te factum nihili penderem.
- 1.2.95
Ne crucia te, obsecro, anime mi, mi Phaedria.
- 1.2.96
Non pol quo quemquam plus amem aut plus diligam
- 1.2.97
Eo feci: sed ita erat res; faciundum fuit.
- 1.2.98
Credo ut fit misera prae amore exclusti hunc foras.
- 1.2.99
Sicine ais Parmeno? age: sed huc qua gratia
- 1.2.100
Te arcessi iussi ausculta.
- 1.2.100b
Fiat.
- 1.2.100c
Dic mihi
- 1.2.101
Hoc primum, potin est hic tacere?
- 1.2.101b
Egone? optime.
- 1.2.102
Verum heus tu, hac lege tibi meam astringo fidem:
- 1.2.103
Quae vera audivi taceo et contineo optime;
- 1.2.104
Sin falsum aut vanum aut fictum est, continuo palam est;
- 1.2.105
Plenus rimaraum sum; hac atque illac perfluo.
- 1.2.106
Proin tu, taceri si vis, vera dicito.
- 1.2.107
Samia mihi mater fuit: ea habitabat Rhodi.
- 1.2.108
Potest taceri hoc.
- 1.2.108b
Ibi tum matri parvulam
- 1.2.109
Puellam dono quidam mercator dedit
- 1.2.110
Ex Attica hine abreptam.
- 1.2.110b
Civemne?
- 1.2.110c
Arbitror:
- 1.2.111
Certum non scimus: matris nomen et patris
- 1.2.112
Dicebat ipsa: patriam et signa caetera
- 1.2.113
Neque scibat, neque per aetatem etiam potuerat.
- 1.2.114
Mercator hoc addebat, e praedonibus
- 1.2.115
Unde emerat se audisse abreptam e Sunio.
- 1.2.116
Mater ubi accepit, coepit studiose omnia
- 1.2.117
Docere, educare ita uti si esset filia.
- 1.2.118
Sororem plerique esse credebant meam.
- 1.2.119
Ego cum illo quicum tum uno rem habebam hospite
- 1.2.120
Abii huc; qui mihi reliquit haec quae habeo omnia.
- 1.2.121
Utrumque hoc falsum est: effluet.
- 1.2.121b
Qui istuc?
- 1.2.121c
Quia
- 1.2.122
Neque tu uno eras contenta, neque solus dedit;
- 1.2.123
Nam hic quoque bonam magnamque partem ad te attulit.
- 1.2.124
Ita est: sed sine me pervenire quo volo.
- 1.2.125
Interea miles qui me amare occeperat
- 1.2.126
In Cariam est profectus: te interea loci
- 1.2.127
Cognovi: tute scis postilla quam intumum
- 1.2.128
Habeam te, et mea consilia ut tibi credam omnia.
- 1.2.129
Ne hoc quidem tacebit Parmeno.
- 1.2.129b
Oh, dubiumne id est?
- 1.2.130
Hoc agite amabo. Mater mea illic mortua est
- 1.2.131
Nuper. Eius frater aliquantum ad rem est avidior.
- 1.2.132
Is hanc ubi forma videt honesta virginem,
- 1.2.133
Et fidibus scire, pretium sperans ilico
- 1.2.134
Producit, vendit. Forte fortuna affuit
- 1.2.135
Hic meus amicus: emit eam dono mihi,
- 1.2.136
Imprudens harum rerum ignarusque omnium.
- 1.2.137
Is venit: postquam sensit me tecum quoque
- 1.2.138
Rem habere, fingit causas ne det sedulo.
- 1.2.139
Ait, si fidem habeat se iri praepositum tibi
- 1.2.140
Apud me, ac non id metuat, ne ubi acceperim
- 1.2.141
Sese relinquam, velle se illam mihi dare;
- 1.2.142
Verum id vereri: sed, ego quantum suspicor,
- 1.2.143
Ad virginem animum adiecit.
- 1.2.143b
Etiamne amplius?
- 1.2.144
Nihil; nam quaesivi. Nunc ego eam, mi Phaedria,
- 1.2.145
Multae sunt causae quamobrem cupiam abducere:
- 1.2.146
Primum quod soror est dicta; praeterea ut suis
- 1.2.147
Restituam ac reddam: sola sum: habeo hic neminem
- 1.2.148
Neque amicum, neque cognatum; quamobrem, Phaedria,
- 1.2.149
Cupio aliquos parare amicos beneficio meo.
- 1.2.150
Id amabo adiuta me, quo id fiat facilius.
- 1.2.151
Sine illum priores partes hosce aliquot dies
- 1.2.152
Apud me habere. Nihil respondes?
- 1.2.152b
Pessima,
- 1.2.153
Egon quicquam cum istis factis tibi respondeam?
- 1.2.154
Eu noster! laudo: tandem perdoluit: vir es.
- 1.2.155
At ego nescibam quorsum tu ires: Parvula
- 1.2.156
Hinc est abrepta; eduxit mater pro sua:
- 1.2.157
Soror est dicta: cupio abducere, ut reddam suis.
- 1.2.158
Nempe omnia haec nunc verba huc redeunt denique;
- 1.2.159
Ego excludor; ille recipitur: qua gratia?
- 1.2.160
Nisi illum plus amas quam me, et istam nunc times
- 1.2.161
Quae advecta est, ne illum talem praeripiat tibi.
- 1.2.162
Ego id timeo?
- 1.2.162b
Quid te ergo aliud sollicitat? cedo.
- 1.2.163
Num solus ille dona dat? nuncubi meam
- 1.2.164
Benignitatem sensisti in te claudier?
- 1.2.165
Nonne ubi mihi dixti cupere te ex Aethiopia
- 1.2.166
Ancillulam relictis rebus omnibus
- 1.2.167
Quaesivi? porro eunuchum dixti velle te,
- 1.2.168
Quia solae utuntur his reginae; repperi.
- 1.2.169
Heri minas viginti pro ambobus dedi:
- 1.2.170
Tamen contemptus abs te haec habui in memoria:
- 1.2.171
Ob haec facta abs te spernor.
- 1.2.171b
Quid istic Phaedria?
- 1.2.172
Quanquam illam cupio abducere, atque hac re arbitror
- 1.2.173
Id fieri posse maxime, verumtamen,
- 1.2.174
Potius quam te inimicum habeam, faciam ut iusseris.
← Previous · Next → — showing 101–200 of 1,575
Perseus Latin. CTS URN phi0134.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.