Curculio

Perseus Latin · Perseus Latin · 995 sections

2.3.300
ita nunc servitiumst: profecto modus haberi non potest.
2.3.301
Ecquis est qui mihi commonstret Phaedromum genium meum?
2.3.302
ita res subita est, celeriter mihi hoc hómine convento est opus.
2.3.303
Te ille quaerit.
2.3.303b
Quid si adeamus? heus, Curculio, te volo.
2.3.304
Quis vocat? quis nominat me?
2.3.304b
Qui te conventum cupit.
2.3.305
Haud magis me cupis quam ego te cupio.
2.3.305b
O mea opportunitas,
2.3.306
Curculio exoptate, salve.
2.3.306b
Salve.
2.3.306c
Salvom gaudeo
2.3.307
te advenire. cedo tuam mi dexteram. ubi sunt spes meae?
2.3.308
eloquere, obsecro hércle.
2.3.308b
Eloquere, te óbsecro, ubi súnt meae?
2.3.309
Quid tibist?
2.3.309b
Tenebrae oboriuntur, genua inedia succidunt.
2.3.310
Lassitudine hercle credo.
2.3.310b
Retine, retine me, obsecro.
2.3.311
Viden ut expálluit? datin isti sellam, ubi assidat, cito
2.3.312
et aqualem cum aqua? properatin ocius?
2.3.312b
Animo male est.
2.3.313
Vin aquam?
2.3.313b
Si frustulenta est, da, obsecro hercle, obsorbeam.
2.3.314
Vae capiti tuo.
2.3.314b
Obsecro hercle, facite ventum ut gaudeam.
2.3.315
Maxume.
2.3.315b
Quid facitis, quaeso?
2.3.315c
Ventum.
2.3.315d
Nolo equidem mihi
2.3.316
fieri ventulum.
2.3.316b
Quid igitur vis?
2.3.316c
Esse, ut ventum gaudeam.
2.3.317
Iuppiter te dique perdant.
2.3.317b
Perii, prospicio parum,
2.3.318
gramarum habeo dentes plenos, lippiunt fauces fame,
2.3.319
ita cibi vacivitate venio lassis lactibus.
2.3.320
Iám edes aliquid.
2.3.320b
Nolo hercle aliquid: certum quam aliquid mavolo.
2.3.321
Immo si scias, reliquiae quae sint.
2.3.321b
Scire nímis lubet
2.3.322
ubi sient, nam illis conventis sane opus est meis dentibus.
2.3.323
Pernam, abdomen, sumen sueris, glandium—
2.3.323b
Ain tu omnia haec?
2.3.324
in carnario fortasse dicis.
2.3.324b
Immo in lancibus,
2.3.325
quae tibi sunt parata, postquam scimus venturum.
2.3.325b
Vide
2.3.326
ne me ludas.
2.3.326b
Ita me amabit quám ego amo, ut ego haud mentior.
2.3.327
sed quod te misi, nihilo sum certior.
2.3.327b
Nihil attuli.
2.3.328
Perdidisti me.
2.3.328b
Invenire possum, si mi operam datis.
2.3.329
postquam tuo iussu profectus sum, perveni in Cariam,
2.3.330
video tuom sodalem, argenti rogo uti faciat copiam.
2.3.331
scires velle gratiam tuam, noluit frustrarier,
2.3.332
ut decet velle hominem amicum amico, atque opitularier:
2.3.333
respondit mihi paucis verbis, atque adeo fideliter,
2.3.334
quod tibi est item sibi esse, magnam argenti ínopiam.
2.3.335
Perdis me tuis dictis.
2.3.335b
Immo servo et servatum volo.
2.3.336
postquam mihi responsum est, abeo ab illo maestus ad forum
2.3.337
med illo frustra advenisse. forte aspicio militem.
2.3.338
aggredior hominem, saluto adveniens. salve inquit mihi,
2.3.339
prendit dexteram, seducit, rogat quid veniam Cariam;
2.3.340
dico me illo advenisse animi causa. ibi me interrogat,
2.3.341
ecquem in Epidauro Lyconem tarpezitam noverim.
2.3.342
dico me novisse. quid? lenonem Cappadocem? annuo
2.3.343
visitasse. sed quid eum vis? “quia de illo emi virginem
2.3.344
triginta minis, vestem, aurum; et pro ís decem coáccedunt minae.”
2.3.345
dédisti tu argentum? inquam. “ímmo ápud trapezitam situm est
2.3.346
illum quem dixi Lyconem, atque ei mandavi, qui anulo
2.3.347
meo tabellas obsignatas attulisset, ut daret
2.3.348
operam, ut mulierem a lenone cum auro et veste abduceret.”
2.3.349
postquam hoc mihi narravit, abeo ab illo. revocat me ilico,
2.3.350
vocat me ad cenam; religio fuit, denegare nolui.
2.3.351
quid si abeamus ac décumbamus? inquit. consilium placet:
2.3.352
neque diem decet morari, neque nocti nocerier.
2.3.353
omnis res paratast. et nos, quibus paratum est, assumus.
2.3.354
postquam cenati atque appoti, talos poscit síbi in manum,
2.3.355
provocat me in aleam, ut ego ludam: pono pallium;
2.3.356
ille suom amiculum opposivit, invocat Planesium.
2.3.357
Meosne amores?
2.3.357b
Tace parumper. iacit volturios quattuor.
2.3.358
talos arripio, invoco almam meam nutricem Hérculem,
2.3.359
iacto basilicum; propino magnum poclum: ille ebibit,
2.3.360
caput deponit, condormiscit. ego ei subduco anulum,
2.3.361
deduco pedes de lecto clam, ne miles sentiat.
2.3.362
rogant me servi quó eam: dico me ire quo saturi solent.
2.3.363
ostium ubi conspexi, exinde me ilico protinam dedi.
2.3.364
Laudo.
2.3.364b
Laudato quando illud quod cupis effecero.
2.3.365
eamus nunc intro, ut tabellas consignemus.
2.3.365b
Num moror?
2.3.366
Atque aliquid prius obstrudamus, pernam, sumen, glandium,
2.3.367
haec sunt ventris stabilimenta, pane et assa bubula,
2.3.368
poculum grande, aula magna, ut satis consilia suppetant.
2.3.369
tu tabellas consignato, híc ministrabit, égo edam.
2.3.370
dicam quem ad modum conscribas. sequere me hac intro.

Perseus Latin. CTS URN phi0119.phi008.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.