Cistellaria

Perseus Latin · Perseus Latin · 831 sections

4.2.695d
Quis est?
4.2.695e
Quoi haec éxcidit cistélla.
4.2.696
Certe est, eum locum signat, ubí ea excidit: apparet.
4.2.697
Sed is hác iit, hac soccí video
4.2.698
vestígium in pulvere, pérsequar hac.
4.2.699
in hoc iám loco cum altero cónstitit. hic
4.2.699a
meis túrba oculis modo se óbiecit:
4.2.700
neque prórsum iit hac: hic stétit, hinc illo
4.2.700a
exiít. hic conciliúm fuit.
4.2.701
ad duós attinet, liquidúmst. attat,
4.2.701a
singulúm video vestígium.
4.2.702
sed is hác abiit. contémplabor. hinc húc iit, hinc nusquam ábiit.
4.2.703
actám rem ago. quod periít, periit: meum córium cum cistélla.
4.2.704
redeo íntro.
4.2.704b
Muliér, mane. sunt quí volunt té conventam.
4.2.705
Quis mé revocat?
4.2.705b
Bona femina et malus masculus volunt te.
4.2.706
postremo ille
4.2.707
plus qui vocat scit quod velit, quam ego quae vocor. revortor.
4.2.708
ecquem vidisti † quaerere hic, amabo, in hac regione
4.2.709
cistellam cum crepundiis, quam ego hic amisi misera?
4.2.710
nam dudum ut accucurrimus ad Alcésimarchum, ne se
4.2.711
vita interemeret, tum éam mihi opinor excidisse.
4.2.712
Cistellam haec mulier perdidit. taceamus, era, parumper.
4.2.713
Disperii misera. quid ego erae dicam? quae me opere tanto
4.2.714
servare iussit, qui suos Selenium parentes
4.2.715
facilius posset noscere, quae erae meae supposita est parva,
4.2.716
quam quaedam meretríx ei dedit.
4.2.716b
Nostram haec rem fabulatur,
4.2.717
hanc scire oportet, filia tua ubí sit, signa ut dicit.
4.2.718
Nunc eam volt suae matri et patri, quibus nata est, reddere ultro.
4.2.719
mi homo, obsecro, alias res geris, ego tibi meas res mando.
4.2.720
Istuc ago, atque istic mihi cibus est, quod fabulare,
4.2.721
sed inter rém agendam istam erae huic respondi quod rogabat.
4.2.722
nunc ad te redeo: si quid est opus, dic, impetratumst.
4.2.723
quid quaeritabas?
4.2.723b
Mí homo et mea mulier, vos saluto.
4.2.724
Et nos te. sed quid quaeritas?
4.2.724b
Vestigium hic requiro,
4.2.725
qua aufugit quaedam aestio
4.2.725b
Quid id? quid nam est?
4.2.726
Alienum et maerorem familiarem.
4.2.727
Mala mers, era, haec et callida est.
4.2.727b
Ecastor ita videtur.
4.2.728
Imitatur nequam bestiam et damnificam.
4.2.728b
Quamnam, amabo?
4.2.729
Involvolum, quae in pampini folio intorta implicat se:
4.2.730
itidem haec exorditur sibi intortam orationem.
4.2.731
quid quaeritas?
4.2.731b
Cistellula hinc mi, adulescens, evolavit.
4.2.732
In caveam latam oportuit.
4.2.732b
Non edepol praeda magna.
4.2.733
Mirum quin grex venalium in cistella infuerit una.
4.2.734
Sine dicat.
4.2.734b
Si dicat quidem.
4.2.734c
Age lóquere tu quid ibi infuerit.
4.2.735
Crepundia una.
4.2.735b
Est quidam homo, qui illam ait se scire ubi sit.
4.2.736
at pol ille a quadam muliere, si eam monstret, gratiam ineat.
4.2.737
At sibi ille quidam volt dari mercedem.
4.2.737b
At pol illa quaedam,
4.2.738
quae illam cistellam perdidit, quoidam negat esse quod det.
4.2.739
At enim ille quidam operam bonam magis expetit quam argentum.
4.2.740
At pol illi quoidam mulieri nulla opera gratuita est.
4.2.741
Commodule quaedam. tu tibi nunc prodes. confitemur
4.2.742
cistellam habere.
4.2.742b
At vos Salus servassit. ubi ea nunc est?
4.2.743
Salvam eccam. sed ego rem meam magnam confabulari
4.2.744
tecum volo: sóciam te mihi adopto ad meam salutem.
4.2.745
Quid istúc negoti est? aut quis es?
4.2.745b
Egó sum illius mater,
4.2.746
quae haec gestitavit.
4.2.746b
Hicine tu ergo habitas?
4.2.746c
Hariolare.
4.2.747
sed quaéso, ambages, mulier, mitte atque hoc age.
4.2.748
eloquere, unde haec sunt tibi, cito, crepundia.
4.2.749
Mea haec erilis gestitavit filia.
4.2.750
Mentiris, nam mea gestitavit, non tua.
4.2.751
Ne obloquere.
4.2.751b
Taceo.
4.2.751c
Mulier, perge dicere.
4.2.752
ubi ea est, quae gestitavit?
4.2.752b
Hic in proximo.
4.2.753
Istic quidem edepol mei virí habitat gener.
4.2.753b
Ne obloquere rusus. perge porro dicere.
4.2.755
quot annos nata dicitur?
4.2.755b
Septemdecim.
4.2.756
Mea est.
4.2.756b
East: u numerus annorum attulit.
4.2.757
Quid qua tibi causa haec dixi? iam quaero meam.
4.2.758
At pol ego sunt, quaero tertiam.
4.2.759
Quod quaeritabam, filiam inveni meam.
4.2.760
Aequom est reponi per fidem quod creditum est,
4.2.761
ne bene merenti sit malo benignitas.
4.2.762
nostra haec alumna est, tua profecto filia:
4.2.762b
et redditura est tuam tibi, et ea gratia
4.2.762c
domo profecta est. ceterum ex ipsa, obsecro,
4.2.765
exquaeritote: ego serva sum.
4.2.765b
Aequom postulas.
4.2.766
Illius égo istanc esse malo gratiam.

Perseus Latin. CTS URN phi0119.phi007.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.