Captivi

Perseus Latin · Perseus Latin · 1,247 sections

2.2.270
Quid tu? servosne esse an liber mavelis, memora mihi.
2.2.271
Proxumum quod sit bono quodque a malo longissume,
2.2.272
id volo; quamquam non multum fuit molesta servitus,
2.2.273
nec mihi secus erat quam si essem familiaris filius.
2.2.274
Eugepae, Thalem talento non emam Milesium,
2.2.275
nam ad sapientiam huius nimius nugator fuit.
2.2.276
ut facete orationem ad servitutem contulit.
2.2.277
Quo de genere natust illic Philocrates?
2.2.277b
Polyplusio:
2.2.278
quod genus illi est unum pollens atque honoratissumum.
2.2.279
Quid ipsus hic? quo honore est illic?
2.2.279b
Summo, atque ab summis viris.
2.2.280
Tum igitur ei cum in Aleis tanta gratia est, ut praedicas,
2.2.281
quid divitiae, suntne opimae?
2.2.281b
Vnde excoquat sebum senex.
2.2.282
Quid pater, vivitne?
2.2.282b
Vivom, cum inde abimus, liquimus;
2.2.283
nunc vivatne necne, id Orcum scire oportet scilicet.
2.2.284
Salva res est, philosophatur quoque iam, non mendax modo est.
2.2.285
Quid erat ei nomen?
2.2.285b
Thensaurochrysonicochrysides.
2.2.286
Videlicet propter divitias inditum id nomen quasi est.
2.2.287
Immo edepol propter avaritiam ipsius atque audaciam.
2.2.288
nam ille quidem Theodoromedes fuit germano nomine.
2.2.289
Quid tu ais? tenaxne pater est eius?
2.2.289b
Immo edepol pertinax;
2.2.290
quin etiam ut magis nóscas: Genio suo ubi quando sacruficat,
2.2.291
ad rem divinam quibus est opus, Samiis vasis utitur,
2.2.292
ne ipse Genius surripiat: proinde aliis ut credat vide.
2.2.293
Sequere hac me igitur. eadem ego ex hoc quae volo exquaesivero.
2.2.294
Philocrates, hic fecit, hominem frugi ut facere oportuit.
2.2.295
nám ego ex hoc quo genere gnatus sis scio, hic fassust mihi;
2.2.296
haec tu eadem si confiteri vis, tua ex re feceris:
2.2.297
quae tamen scio scire me ex hoc.
2.2.297b
Fecit officium hic suom,
2.2.298
cum tibi est confessus verum, quamquam volui sedulo
2.2.299
meam nobilitatem occultare et genus et divitias meas,
2.2.300
Hegio; nunc quando patriam et libertatem perdidi,
2.2.301
non ego istúnc me potius quam te metuere aequom censeo.
2.2.302
vis hostilis cum istoc fecit meas opes aequabiles;
2.2.303
memini, cum dicto haud audebat: facto nunc laedat licet.
2.2.304
sed viden? fortuna humana fingit artatque ut lubet:
2.2.305
me, qui liber fueram, servom fecit, e summo infimum;
2.2.306
qui imperare insueram, nunc alterius imperio obsequor.
2.2.307
et quidem si, proinde ut ipse fui imperator familiae,
2.2.308
habeam dominum, non verear ne iniuste aut graviter mi imperet.
2.2.309
Hegio, hoc te monitum, nisi forte ipse non vis, voluerim.
2.2.310
Loquere audacter.
2.2.310b
Tam ego fui ante liber quam gnatus tuos,
2.2.311
tam mihi quam illi libertatem hostilis eripuit manus,
2.2.312
tam ille apud nos servit, quam ego nunc hic apud te servio.
2.2.313
est profecto deus, qui quae nos gerimus auditque et videt:
2.2.314
is, uti tu me hic habueris, proinde illum illic curaverit;
2.2.315
bene merenti bene profuerit, male merenti par erit.
2.2.316
quam tu filium tuom, tam páter me meus desiderat.
2.2.317
Memini ego istuc. sed faterin eadem quae hic fassust mihi?
2.2.318
Ego patri meo esse fateor summas divitias domi
2.2.319
meque summo genere gnatum. sed te optestor, Hegio,
2.2.320
ne tuom animum avariorem faxint divitiae meae:
2.2.321
ne patri, tam étsi sum unicus, decere videatur magis,
2.2.322
me saturum servire apud te sumptu et vestitu tuo
2.2.323
potius quam illi, ubi minime honestumst, mendicantem vivere.
2.2.324
Ego virtute deum et maiorum nostrum dives sum satis.
2.2.325
non ego ómnino lucrum omne esse utile homini existimo:
2.2.326
scio ego, multos iam lucrum lutulentos homines reddidit;
2.2.327
est etiam ubi profecto damnum praestet facere quam lucrum.
2.2.328
odi ego aurum: multa multis saepe suasit perperam.
2.2.329
nunc hoc animum advorte, ut ea quae sentio pariter scias.
2.2.330
filius meus illic apud vos servit captus Alide:
2.2.331
eum si reddis mihi, praeterea únum nummum ne duis;
2.2.332
et te et hunc amittam hinc. alio pacto abire non potes.
2.2.333
Optumum atque aequissumum oras optumusque hominum es homo.
2.2.334
sed is privatam servitutem servit illi an publicam?
2.2.335
Privatam medici Menarchi.
2.2.335b
Pol is quidem huius est cliens.
2.2.336
tam hoc quidem tibi in proclivi quam imber est quando pluit.
2.2.337
Fac is homo ut redimatur.
2.2.337b
Faciam. sed te id oro, Hegio—
2.2.338
Quid vis, dum ab re ne quid ores, faciam.
2.2.338b
Ausculta, tum scies.
2.2.339
ego me amitti, donicum ille huc redierit, non postulo.
2.2.340
verum quaeso ut aestumatum hunc mihi des, quem mittam ad patrem,
2.2.341
ut is homo redimatur illi.
2.2.341b
Immo alium potius misero
2.2.342
hinc, ubi erunt indutiae, illuc, tuom qui conveniat patrem,
2.2.343
qui tua quae tu iusseris mandata ita út velis perferat.
2.2.344
At nihil est ignotum ad illum mittere: operam luseris.
2.2.345
hunc mitte, hic transactum reddet omne, si illuc venerit.
2.2.346
nec quemquam fideliorem neque cui plus credat potes
2.2.347
mittere ad eum nec qui magis sit servos ex sententia,
2.2.348
neque adeo cui suom concredat filium hodie audacius.
2.2.349
ne vereare, meo periclo húius ego experiar fidem,
2.2.350
fretus ingenio eius, quod me ésse scit erga se benevolum.
2.2.351
Mittam equidem istunc aestumatum tua fide, si vis.
2.2.351b
Volo;
2.2.352
quam citissime potest, tam hoc cedere ad factum volo.
2.2.353
Num quae causa est quin, si ille huc non redeat, viginti minas
2.2.354
mihi des pro illo?
2.2.354b
Optuma immo.
2.2.354c
Solvite istum nunciam,

Perseus Latin. CTS URN phi0119.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.