Captivi
- 1.1.101
aliquem invenire, suom qui mutet filium.
- 1.1.102
quod quidem ego nimis quam cupio ut impetret;
- 1.1.103
nam ni illum recipit, nihil est quo me recipiam.
- 1.1.104
nam nulla est spes iuventútis, sese omnis amant;
- 1.1.105
ille démum antiquis est adulescens moribus,
- 1.1.106
cuius númquam voltum tranquillavi gratiis.
- 1.1.107
condigne pater est eius moratus moribus.
- 1.1.108
nunc ad eum pergam. sed aperitur ostium,
- 1.1.109
unde sáturitate saepe ego exii ebrius.
- 1.2.110
Advorte animum sis tu: istos captivos duos,
- 1.2.111
heri quos emi de praeda a quaestoribus,
- 1.2.112
eis indito catenas singularias
- 1.2.113
istas, maiores, quibus sunt iuncti, demito;
- 1.2.114
sinito ambulare, si foris si intus volent,
- 1.2.115
sed uti adserventur magna diligentia.
- 1.2.116
liber captivos avis ferae consimilis est:
- 1.2.117
semel fugiendi si data est occasio,
- 1.2.118
satis est, numquam postilla possis prendere.
- 1.2.119
Omnes profecto liberi lubentius
- 1.2.120
sumus quám servimus.
- 1.2.120b
Non videre ita tu quidem.
- 1.2.121
Si non est quod dem, mene vis dem ipse—in pedes?
- 1.2.122
Si dederis, erit extemplo mihi quod dem tibi.
- 1.2.123
Avis mé ferae consimilem faciam, ut praedicas.
- 1.2.124
Ita ut dícis: nam si faxis, te in caveam dabo.
- 1.2.125
sed satis verborumst. cura quae iussi atque abi.
- 1.2.126
ego ibo ad fratrem ad alios captivos meos,
- 1.2.127
visam ne nocte hac quippiam turbaverint.
- 1.2.128
inde mé continuo recipiam rursum domum.
- 1.2.129
Aegre est mi, hunc facere quaestum carcerarium
- 1.2.130
propter sui gnati miseriam miserum senem.
- 1.2.131
sed si ullo pacto ille huc conciliari potest,
- 1.2.132
vel carnificinam hunc facere possum perpeti.
- 1.2.133
Quis hic lóquitur?
- 1.2.133b
Ego, qui tuo maerore maceror,
- 1.2.134
macesco, consenesco et tabesco miser;
- 1.2.135
ossa atque pellis sum miser a macritudine;
- 1.2.136
neque umquam quicquam me iuvat quod edo domi:
- 1.2.137
foris aliquantillum etiam quod gusto, id beat.
- 1.2.138
Ergasile, salve.
- 1.2.138b
Di te bene ament, Hegio.
- 1.2.139
Ne fle.
- 1.2.139b
Egone illum non fleam? égon non defleam
- 1.2.140
Talem adulescentem?
- 1.2.140b
Semper sensi, filio
- 1.2.141
meo te ésse amicum, et illum intellexi tibi.
- 1.2.142
Tum denique homines nostra intellegimus bona,
- 1.2.143
quom quae in potestate habuimus, ea amisimus.
- 1.2.144
ego, postquam gnatus tuos potitust hostium,
- 1.2.145
expertus quanti fuerit nunc desidero.
- 1.2.146
Alienus cum eius incommodum tam aegre feras,
- 1.2.147
quid me patrem par facerest, cui ille est unicus?
- 1.2.148
Alienus ego? alienus illi? aha, Hegio,
- 1.2.149
numquam istuc dixis neque animum induxis tuom;
- 1.2.150
tibi ille únicust, mi etiam unico magis unicus.
- 1.2.151
Laudo, malum cum amici tuom ducis malum.
- 1.2.152
nunc habe bonum animum.
- 1.2.152b
Eheu, huic illud dolet,
- 1.2.153
quia nunc remissus est edendi exercitus.
- 1.2.154
Nullumne interea nactu's nactus es , qui posset tibi
- 1.2.155
remissum quem dixti imperare exercitum?
- 1.2.156
Quid credis? fugitant omnes hanc provinciam,
- 1.2.157
quoi optigerat postquam captust Philopolemus tuos.
- 1.2.158
Non pol mirandum est fugitare hanc provinciam.
- 1.2.159
multis et multigeneribus opus est tibi
- 1.2.160
militibus: primumdum opus est Pistorensibus;
- 1.2.161
eorum sunt aliquot genera Pistorensium:
- 1.2.162
opus Pániceis est, opus Placentinis quoque;
- 1.2.163
opus Turdetanis, opust Ficedulensibus;
- 1.2.164
iam maritumi omnes milites opus sunt tibi.
- 1.2.165
Vt saepe summa ingenia in occulto latent;
- 1.2.166
hic qualis imperator nunc privatus est.
- 1.2.167
Habe modo bonum animum, nam illum confido domum
- 1.2.168
in his diebus me reconciliassere.
- 1.2.169
nam eccum hic captivom adulescentem intus Aleum,
- 1.2.170
prognatum genere summo et summis ditiis:
- 1.2.171
hoc illum me mutare confido pote.
- 1.2.172
Ita di deaeque faxint. sed num quo foras
- 1.2.173
vocatus es ad cenam?
- 1.2.173b
Nusquam, quod sciam.
- 1.2.174
sed quid tu id quaeris?
- 1.2.174b
Quia mi est natalis dies;
- 1.2.175
propterea te vocari ad te ad cenam volo.
- 1.2.176
Facete dictum. sed si pauxillo potes
- 1.2.177
contentus esse.
- 1.2.177b
Ne perpauxillum modo,
- 1.2.178
nam istoc me assiduo victu delecto domi;
- 1.2.179
age sis, roga emptum: nisi qui meliorem adferet
- 1.2.180
quae mi atque amicis placeat condicio magis,
- 1.2.181
quasi fundum vendam, meis me addicam legibus.
- 1.2.182
Profundum vendis tu quidem, haud fundum, mihi.
- 1.2.183
sed si venturu's venturus es , temperi.
- 1.2.183b
Em, vel iam otium est.
- 1.2.184
I modo, venare leporem: nunc irim tenes;
- 1.2.185
nam meus scruposam victus commetat viam.
- 1.2.186
Numquam istoc vinces me, Hegio, ne postules:
- 1.2.187
cum calceatis dentibus veniam tamen.
- 1.2.188
Asper meus victus sane est.
- 1.2.188b
Sentisne essitas?
- 1.2.189
Terrestris cena est.
← Previous · Next → — showing 101–200 of 1,247
Perseus Latin. CTS URN phi0119.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.