← Library

Captivi

Perseus Latin · Perseus Latin · 1,247 sections

1. prologue.pr.1

   Hos quos videtis stare hic captivos duos,

2. prologue.pr.2

   †illi qui astant, hi stant ambo, non sedent;

3. prologue.pr.3

   hoc vos mihi testes estis me verum loqui.

4. prologue.pr.4

   senex qui hic habitat Hegio est huius pater.

5. prologue.pr.5

   sed is quo pacto serviat suo sibi patri,

6. prologue.pr.6

   id ego hic apud vos proloquar, si operam datis.

7. prologue.pr.7

   seni huic fuerunt filii nati duo;

8. prologue.pr.8

   alterum quadrimum puerum servos surpuit

9. prologue.pr.9

   eumque hínc profugiens vendidit in Alide

10. prologue.pr.10

    patri huius. iam hoc tenetis? optume est.

11. prologue.pr.11

    negát hercle ille ultimus. accedito.

12. prologue.pr.12

    si non ubi sedeas locus est, est ubi ambules,

13. prologue.pr.13

    quando histrionem cogis mendicarier.

14. prologue.pr.14

    ego me tua causa, ne erres, non rupturus sum.

15. prologue.pr.15

    vos qui potestis ope vestra censerier,

16. prologue.pr.16

    accipite relicuom: alieno uti nil moror.

17. prologue.pr.17

    fugitivos ille, ut dixeram ante, huius patri

18. prologue.pr.18

    domo quém profugiens dominum abstulerat vendidit.

19. prologue.pr.19

    is postquam hunc emit, dedit eum huic gnato suo

20. prologue.pr.20

    peculiarem, quia quasi una aetas erat.

21. prologue.pr.21

    hic nunc domi sérvit suo patri, nec scit pater;

22. prologue.pr.22

    enim véro di nos quasi pilas homines habent.

23. prologue.pr.23

    rationem habetis, quo modo unum amiserit.

24. prologue.pr.24

    postquam belligerant Aetoli cum Aleis,

25. prologue.pr.25

    ut fit in bello, capitur alter filius:

26. prologue.pr.26

    medicus Menarchus emit ibidem in Alide.

27. prologue.pr.27

    coepit captivos commercari hic Aleos,

28. prologue.pr.28

    si quem reperire possit qui mutet suom,

29. prologue.pr.29

    illum captivom: hunc suom esse nescit, qui domist.

30. prologue.pr.30

    et quoniam heri indaudivit, de summo loco

31. prologue.pr.31

    summoque genere captum esse equitem Aleum,

32. prologue.pr.32

    nil pretio parsit, filio dum parceret:

33. prologue.pr.33

    reconciliare ut facilius posset domum,

34. prologue.pr.34

    emít hosce e praeda ambos de quaestoribus.

35. prologue.pr.35

    hisce autem inter sese hunc confinxerunt dolum,

36. prologue.pr.36

    quo pacto hic servos suom erum hinc amittat domum.

37. prologue.pr.37

    itaque inter se commutant vestem et nomina;

38. prologue.pr.38

    illic vocatur Philocrates, hic Tyndarus:

39. prologue.pr.39

    huius íllic, hic illius hodie fert imaginem.

40. prologue.pr.40

    et hic hódie expediet hanc docte fallaciam,

41. prologue.pr.41

    et suom erum faciet libertatis compotem,

42. prologue.pr.42

    eodemque pacto fratrem servabit suom

43. prologue.pr.43

    reducemque faciet liberum in patriam ad patrem,

44. prologue.pr.44

    imprudens: itidem ut saepe iam in multis locis

45. prologue.pr.45

    plus insciens quis fecit quam prudens boni.

46. prologue.pr.46

    sed inscientes sua sibi fallacia

47. prologue.pr.47

    ita compararunt et confinxerunt dolum

48. prologue.pr.48

    itaque hi commenti, de sua sententia

49. prologue.pr.49

    ut in sérvitute hic ad suom maneat patrem:

50. prologue.pr.50

    ita nunc ignorans suo sibi servit patri;

51. prologue.pr.51

    homunculi quanti sunt, quom recogito!

52. prologue.pr.52

    haec res agetur nobis, vobis fabula.

53. prologue.pr.53

    sed etiam est, paucis vos quod monitos voluerim.

54. prologue.pr.54

    profecto expediet fabulae huic operam dare.

55. prologue.pr.55

    non pertractate facta est neque item ut ceterae:

56. prologue.pr.56

    neque spurcidici insunt versus, immemorabiles;

57. prologue.pr.57

    hic neque periurus leno est nec meretrix mala

58. prologue.pr.58

    neque miles gloriosus; ne vereamini,

59. prologue.pr.59

    quia bellum Aetolis esse dixi cum Aleis:

60. prologue.pr.60

    foris íllic extra scaenam fient proelia.

61. prologue.pr.61

    nam hoc paene iniquomst, comico choragio

62. prologue.pr.62

    conari desubito agere nos tragoediam.

63. prologue.pr.63

    proin si quis pugnam expectat, litis contrahat:

64. prologue.pr.64

    valentiorem nactus adversarium

65. prologue.pr.65

    si erit, ego faciam ut pugnam inspectet non bonam,

66. prologue.pr.66

    adeo ut spectare postea omnis oderit.

67. prologue.pr.67

    abeo. valete, iudices iustissimi

68. prologue.pr.68

    domi duellique duellatores optumi.

69. 1.1.69

    Iuventus nomen indidit Scorto mihi,

70. 1.1.70

    eo quía invocatus soleo esse in convivio.

71. 1.1.71

    scio absúrde dictum hoc derisores dicere,

72. 1.1.72

    at ego aio recte. nam scortum in convivio

73. 1.1.73

    sibi amator, talos quom iacit, scortum invocat.

74. 1.1.74

    estne invocatum an non est? est planissume;

75. 1.1.75

    verum hercle vero nos parasiti planius,

76. 1.1.76

    quos numquam quisquam neque vocat neque invocat.

77. 1.1.77

    quasi mures semper edimus alienum cibum;

78. 1.1.78

    ubi res prolatae sunt, quom rus homines eunt,

79. 1.1.79

    simul prolatae res sunt nostris dentibus.

80. 1.1.80

    quasi, cum caletur, cocleae in occulto latent,

81. 1.1.81

    suo sibi suco vivont, ros si non cadit,

82. 1.1.82

    item parasiti rebus prolatis latent

83. 1.1.83

    in occúlto miseri, victitant suco suo,

84. 1.1.84

    dum ruri rurant homines quos ligurriant.

85. 1.1.85

    prolatis rebus parasiti venatici

86. 1.1.86

    sumus, quando res redierunt, molossici

87. 1.1.87

    odiosicique et multum incommodestici.

88. 1.1.88

    et hic quidem hercle, nisi qui colaphos perpeti

89. 1.1.89

    potest parasitus frangique aulas in caput,

90. 1.1.90

    vel ire extra portam Trigeminam ad saccum licet.

91. 1.1.91

    quod mihi ne eveniat, non nullum periculum est.

92. 1.1.92

    nam postquam meus rex est potitus hostium—

93. 1.1.93

    ita nunc belligerant Aetoli cum Aleis;

94. 1.1.94

    nam Aetolia haec est, illic est captus in Alide,

95. 1.1.95

    Philopolemus, huius Hegionis filius

96. 1.1.96

    senis, qui hic habitat, quae aedes lamentariae

97. 1.1.97

    mihi sunt, quas quotienscumque conspicio fleo;

98. 1.1.98

    nunc hic occepit quaestum hunc fili gratia

99. 1.1.99

    inhonestum et maxime alienum ingenio suo:

100. 1.1.100

     homines captivos commercatur, si queat

Next → — showing 1–100 of 1,247

Perseus Latin. CTS URN phi0119.phi005.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.