Aulularia

Perseus Latin · Perseus Latin · 1,014 sections

2.5.336
ubi si quid poscam, usque ad ravim poscam prius
2.5.337
quam quicquam detur.
2.5.337b
Stultus et sine gratia es.
2.5.338
† tibi recte facere, quando quod facias perit.
2.5.339
Qui vero?
2.5.339b
Rogitas? iam principio in aedibus
2.5.340
turba istic nulla tibi erit: siquid uti voles,
2.5.341
domo abs te adferto, ne operam perdas poscere.
2.5.342
hic autem apud nos magna turba ac familia est,
2.5.343
supellex, aurum, vestis, vasa argentea:
2.5.344
ibi si perierit quippiam (quod te scio
2.5.345
facile abstinere posse, si nihil obviam est),
2.5.346
dicant: coqui abstulerunt, comprehendite,
2.5.347
vincite, verberate, in puteum condite.
2.5.348
horum tibi istic nihil eveniet: quippe qui
2.5.349
ubi quid subripias nihil est. sequere hac me.
2.5.349b
Sequor.
2.6.350
Heus, Staphyla, prodi atque ostium aperi.
2.6.350b
Qui vocat?
2.6.351
Pythodicus.
2.6.351b
Quid vis?
2.6.351c
Hos ut accipias coquos
2.6.352
tibicinamque obsoniumque in nuptias.
2.6.353
Megadorus iussit Euclioni haec mittere.
2.6.354
Cererin, Pythodice, has sunt facturi nuptias?
2.6.355
Qui?
2.6.355b
Quia temeti nihil allatum intellego.
2.6.356
At iam afferetur, si a foro ipsus redierit.
2.6.357
Ligna hic apud nos nulla sunt.
2.6.357b
Sunt asseres?
2.6.358
Sunt pol.
2.6.358b
Sunt igitur ligna, ne quaeras foris.
2.6.359
Quid, impurate? quamquam Volcano studes,
2.6.360
cenaene causa aut tuae mercedis gratia
2.6.361
nos nostras aedis postulas comburere?
2.6.362
Haud postulo.
2.6.362b
Duc istos intro.
2.6.362c
Sequimini.—
2.7.363
Curate. ego intervisam quid faciant coqui;
2.7.364
quos pol ut ego hodie servem, cura maxuma est.
2.7.365
nisi unum hoc faciam, ut in puteo cenam coquant:
2.7.366
inde cóctam sursum subducemus corbulis.
2.7.367
si aútem deorsum comedent, si quid coxerint,
2.7.368
superi incenati sunt et cenati inferi.
2.7.369
sed verba hic facio, quasi negoti nil siet,
2.7.370
rapacidarum ubi tantum sit in aedibus.
2.8.371
Volui animum tandem confirmare hodie meum,
2.8.372
ut bene me haberem filiai nuptiis.
2.8.373
venio ad macellum, rogito pisces: indicant
2.8.374
caros; agninam caram, caram bubulam,
2.8.375
vitulinam, cetum, porcinam: cara omnia.
2.8.376
atque eo fuerunt cariora, aes non erat.
2.8.377
abeo íratus illinc, quoniam nihil est qui emam.
2.8.378
ita illís impuris omnibus adii manum.
2.8.379
deinde egomet mecum cogitare intervias
2.8.380
occepi: festo die si quid prodegeris,
2.8.381
profesto egere liceat, nisi peperceris.
2.8.382
postquam hanc rationem ventri cordique edidi,
2.8.383
accessit animus ad meam sententiam,
2.8.384
quam minimo sumptu filiam ut nuptum darem.
2.8.385
nunc tusculum emi hoc et coronas floreas:
2.8.386
haec imponentur in foco nostro Lari,
2.8.387
ut fortunatas faciat gnatae nuptias.
2.8.388
sed quid ego apertas aedis nostras conspicor?
2.8.389
et strepitust intus. numnam ego compilor miser?
2.8.390
Aulam maiorem, si pote, ex vicinia
2.8.391
pete: haec est parva, capere non quit.
2.8.391b
Ei mihi,
2.8.392
perii hercle. aúrum rapitur, aula quaeritur.
2.8.393
nímirum occidor, nisi ego intro huc propere propero currere.
2.8.394
Apollo, quaeso, subveni mi atque adiuva,
2.8.395
confige ságittis fures thensaurarios,
2.8.396
si cui in re tali iam subvenisti antidhac.
2.8.397
sed cesso prius quam prorsus perii currere?
2.9.398
Dromo, desquama piscis. tu, Machaerio,
2.9.399
congrum, murenam exdorsua quantum potest.
2.9.400
ego hinc artoptam ex proximo utendam peto
2.9.401
a Congrione. tu istum gallum, si sapis,
2.9.402
glabriorem reddes mihi quam volsus ludiust.
2.9.403
sed quid hoc clamoris oritur hinc ex proximo?
2.9.404
coqui hercle, credo, faciunt officium suom.
2.9.405
fugiam intro, ne quid turbae hic itidem fuat.
3.1.406
†Óptati vires populares, íncolae, accolae, ádvenae omnes,
3.1.407
date viam qua fugere liceat, facite totae plateae pateant.
3.1.408
neque ego umquam nisi hodie ad Bacchas veni in Bacchanal coquinatum,
3.1.409
ita me miserum et meos discipulos fustibus male contuderunt.
3.1.410
totús doleo atque oppidó perii, ita me íste habuit senex gýmnasium;
3.1.411
áttat, perii hercle ego miser,
3.1.411a
áperit bacchanal, adest,
3.1.412
séquitur. scio quam rem geram: hoc
3.1.412a
ipsús magistér me dócuit.
3.1.413
neque lígna ego usquam gentium praebéri vidi púlchrius,
3.1.414
itaque ómnis exegit foras, me atque hos, onustos fustibus.
3.2.415
Redi. quó fugis nunc? téne, tene.
3.2.415b
Quid, stólide, clamas?
3.2.416
Quia ad trís viros iam ego déferam nomén tuom.
3.2.416b
Quam ob rem?
3.2.417
Quia cultrum habes.
3.2.417b
Cocum decet.
3.2.417c
Quid comminatus escomminatu's

Perseus Latin. CTS URN phi0119.phi003.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.