Amphitruo

Perseus Latin · Perseus Latin · 1,409 sections

2.2.757
plurimum credo et scio istaec facta proinde ut proloquor.
2.2.758
Tun me heri advenisse dicis?
2.2.758b
Tun te abiisse hodie hinc negas?
2.2.759
Nego enim vero, et me advenire nunc primum aio ad te domum.
2.2.760
Obsecro, etiamne hoc negabis, te auream pateram mihi
2.2.761
dédisse dono hodié, qua te illi donatum esse dixeras?
2.2.762
Neque edepol dedi neque dixi; verum ita animatus fui
2.2.763
itaque nunc sum, ut ea te patera donem. sed quis istúc tibi
2.2.764
dixit?
2.2.764b
Ego equidem ex te audivi et ex tua accepi manu
2.2.765
pateram.
2.2.765b
Mane, mane, obsecro te. nimis demiror, Sosia,
2.2.766
qui illaec illic me donatum esse aurea patera sciat,
2.2.767
nisi tu dudum hanc convenisti et narravisti haec omnia.
2.2.768
Neque edepol ego dixi neque istam vidi nisi tecum simul.
2.2.769
Quid hoc sit hominis?
2.2.769b
Vin proferri pateram?
2.2.769c
Proferri volo.
2.2.770
Fiat. heus tu, Thessala, intus pateram proferto foras,
2.2.771
qua hódie meus vir donavit me.
2.2.771b
Secede huc tu, Sosia,
2.2.772
enim vero illud praeter alia mira miror maxime,
2.2.773
si haec habet páteram illam.
2.2.773b
An etiam credis id, quae in hac cistellula
2.2.774
tuo signo obsignata fertur?
2.2.774b
Salvom signum est?
2.2.774c
Inspice.
2.2.775
Recte, ita est ut obsignavi.
2.2.775b
Quaeso, quin tu istanc iubes
2.2.776
pro cerrita circumferri?
2.2.776b
Edepol qui facto est opus;
2.2.777
nam haec quidem edepol laruarum plenast.
2.2.777b
Quid verbis opust?
2.2.778
em tibi pateram, eccam.
2.2.778b
Cedo mi.
2.2.778c
Age aspice huc sis nunciam
2.2.779
tu qui quae facta infitiare; quem égo iam hic convincam palam.
2.2.780
estne haec patera, qua donatu's donatus es illi?
2.2.780b
Summe Iuppiter,
2.2.781
quid ego video? haec ea est profecto patera. perii, Sosia.
2.2.782
Aut pol haec praestigiatrix multo mulier maxima est
2.2.783
aut pateram hic inesse oportet.
2.2.783b
Agedum, exsolve cistulam.
2.2.784
Quid ego istam exsolvam? obsignatast recte, res gesta est bene:
2.2.785
tu peperisti Ámphitruonem, ego alium peperi Sosiam;
2.2.786
nunc si patera pateram peperit, omnes congeminavimus.
2.2.787
Certum est aperire atque inspicere.
2.2.787b
Vide sis signi quid siet,
2.2.788
ne posterius in me culpam conferas.
2.2.788b
Aperi modo;
2.2.789
nam haec quidem nos delirantis facere dictis postulat.
2.2.790
Vnde haec igitur est nisi abs te quae mihi dono data est?
2.2.791
Opus mi est istuc exquisito.
2.2.791b
Iuppiter, pro Iuppiter.
2.2.792
Quid tibi est?
2.2.792b
Hic patera nulla in cistulast.
2.2.792c
Quid ego audio?
2.2.793
Id quod verúmst.
2.2.793b
At cum cruciatu iam, nisi apparet, tuo.
2.2.794
Haec quidem apparet.
2.2.794b
Quis igitur tibi dedit?
2.2.794c
Qui me rogat.
2.2.795
Me captas, quia tute ab navi clanculum huc alia via
2.2.796
praecucurristi, atque hinc pateram tute exemisti atque eam
2.2.797
huic dedisti, post hanc rursum óbsignasti clanculum.
2.2.798
Ei mihi, iam tu quoque huius adiuvas insaniam?
2.2.799
ain heri nos advenisse huc?
2.2.799b
Aio, adveniensque ilico
2.2.800
me salutavisti, et ego te, et osculum tetuli tibi.
2.2.801
Iam illud non placet principium de osculo.
2.2.801b
Perge exsequi.
2.2.802
Lavisti.
2.2.802b
Quid postquam lavi?
2.2.802c
Accubuisti.
2.2.802d
Euge optime.
2.2.803
nunc exquire.
2.2.803b
Ne interpella. perge porro dicere.
2.2.804
Cena adposita est; cenavisti mecum, ego accubui simul.
2.2.805
In eodem lectó?
2.2.805b
In eodem.
2.2.805c
Ei, non placet convivium.
2.2.806
Sine modo argumenta dicat. quid postquam cenavimus?
2.2.807
Te dormitare aibas; mensa ablata est, cubitum hinc abiimus.
2.2.808
Vbi tu cubuisti?
2.2.808b
In eodem lectó tecum una in cubiculo.
2.2.809
Perdidisti.
2.2.809b
Quid tibi est?
2.2.809c
Haec me modo ad mortem dedit.
2.2.810
Quid iam, amabo?
2.2.810b
Ne me appella.
2.2.810c
Quid tibi est?
2.2.810d
Perii miser,
2.2.811
quia pudicitiae huius vitium me hinc absente est additum.
2.2.812
Obsecro ecastor, cur istuc, mi vir, ex ted audio?
2.2.813
Vir ego tuos sim? ne me appella, falsa, falso nomine.
2.2.814
Haeret haec res, si quidem haec iam mulier facta est ex viro.
2.2.815
Quid ego feci, qua istaec propter dicta dicantur mihi?
2.2.816
Tute edictas facta tua, ex me quaeris quid deliqueris.
2.2.817
Quid ego tibi deliqui, si, cui nupta sum, tecum fui?
2.2.818
Tun mecum fueris? quid illac impudente audacius?

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.