Amphitruo

Perseus Latin · Perseus Latin · 1,409 sections

2.2.689
quid animi habeam? sed quid huc vos revortimini tam cito?
2.2.690
an te auspicium commoratum est an tempestas continet
2.2.691
qui non abiisti ad legiones, ita uti dudum dixeras?
2.2.692
Dudum? quam dudum istuc factum est?
2.2.692b
Temptas. iam dudum, modo.
2.2.693
Qui istuc potis est fieri, quaeso, ut dicis: iam dudum, modo?
2.2.694
Quid enim censes? te ut deludam contra lusorem meum,
2.2.695
qui nunc primum te advenisse dicas, modo qui hinc abieris.
2.2.696
Haec quidem deliramenta loquitur.
2.2.696b
Paulisper mane,
2.2.697
dum edormiscat unum somnum.
2.2.697b
Quaene vigilans somniat?
2.2.698
Equidem ecastor vigilo, et vigilans id quod factum est fabulor.
2.2.699
nam dudum ante lucem et istunc et te vidi.
2.2.699b
Quo in loco?
2.2.700
Hic in aedibús ubi tu habitas.
2.2.700b
Numquam factum est.
2.2.700c
Non taces?
2.2.701
quid si e portu navis huc nos dormientis detulit?
2.2.702
Etiam tu quoque adsentaris húic?
2.2.702b
Quid vis fieri?
2.2.703
non tu scis? Bacchae bacchanti si velis advorsarier,
2.2.704
ex insana insaniorem facies, feriet saepius;
2.2.705
si obsequare, una resolvas plaga.
2.2.705b
At pol qui certa res
2.2.706
hanc est obiurgare, quae me hódie advenientem domum
2.2.707
noluerit salutare.
2.2.707b
Inritabis crabrones.
2.2.707c
Tace.
2.2.708
Alcumena, unum rogare te volo.
2.2.708b
Quid vis roga.
2.2.709
Num tibi aut stultitia accessit aut superat superbia?
2.2.710
Qui istuc in mentemst tibi ex me, mi vir, percontarier?
2.2.711
Quia salutare advenientem me solebas antidhac,
2.2.712
appellare, itidem ut pudicae suos viros quae sunt solent.
2.2.713
eo more expertem te factam adveniens offendi domi.
2.2.714
Ecastor equidem te certo heri advenientem ílico,
2.2.715
et salutavi et valuissesne usque exquisivi simul,
2.2.716
mi vir, et manum prehendi et osculum tetuli tibi.
2.2.717
Tun heri hunc salutavisti?
2.2.717b
Et te quoque etiam, Sosia.
2.2.718
Amphitruo, speravi ego istam tibi parituram filium;
2.2.719
verum non est puero gravida.
2.2.719b
Quid igitur?
2.2.719c
Insania.
2.2.720
Equidem sana sum et deos quaeso, ut salva pariam filium.
2.2.721
verum tu malum mágnum habebis, si hic suom officium facit:
2.2.722
ob istuc omen, ominator, capies quod te condecet.
2.2.723
Enim vero praegnati oportet et malum et malum dari,
2.2.724
ut quod obrodat sit, animo si male esse occeperit.
2.2.725
Tu me heri hic vidisti?
2.2.725b
Ego, inquam, si vis decies dicere.
2.2.726
In somnis fortasse.
2.2.726b
Immo vígilans vigilantem.
2.2.726c
Ei misero mihi.
2.2.727
Quid tibi est?
2.2.727b
Delirat uxor.
2.2.727c
Atra bili percita est.
2.2.728
nulla res tam delirantis homines concinnat cito.
2.2.729
Vbi primum tibi sensisti, mulier, impliciscier?
2.2.730
Equidem ecastor sana et salva sum.
2.2.730b
Quor igitur praedicas,
2.2.731
té heri me vidisse, qui hac noctu in portum advecti sumus?
2.2.732
ibi cenavi atque ibi quievi in navi noctem perpetem,
2.2.733
neque meum pedem huc íntuli etiam in aedis, ut cum exercitu
2.2.734
hinc profectus sum ad Teloboas hostis eosque ut vicimus.
2.2.735
Immo mecum cenavisti et mecum cubuisti.
2.2.735b
Quid est?
2.2.736
Vera dico.
2.2.736b
Non de hac quidem hercle re; de áliis nescio.
2.2.737
Primulo diluculo abiisti ad legiones.
2.2.737b
Quo modo?
2.2.738
Recte dicit, ut commeminit: somnium narrat tibi.
2.2.739
sed, mulier, postquam experrecta es, te prodigiali Iovi
2.2.740
aut mola salsa hodie aut ture comprecatam oportuit.
2.2.741
Vae capiti tuó.
2.2.741b
Tua istuc refert—si curaveris.
2.2.742
Iterum iám hic in me inclementer dicit, atque id sine malo.
2.2.743
Tace tu. tu dic: egone abs te abii hinc hodie cum diluculo?
2.2.744
Quis igitur nisi vos narravit mi, illi ut fuerit proelium?
2.2.745
An etiam id tu scis?
2.2.745b
Quippe qui éx te audivi, ut urbem maximam
2.2.746
expugnavisses regemque Pterelam tute occideris.
2.2.747
Egone istuc dixi?
2.2.747b
Tute istic, etiam adstante hoc Sosia.
2.2.748
Audivistin tu me narrare haec hodie?
2.2.748b
Vbi ego audiverim?
2.2.749
Hanc roga.
2.2.749b
Me quidem praesente numquam factum est, quod sciam.
2.2.750
Mirum quin te adversus dicat.
2.2.750b
Sosia, age me huc aspice.
2.2.751
Specto.
2.2.751b
Vera volo loqui te, nolo adsentari mihi.
2.2.752
audivistin tu hodie me illi dicere ea quae illa autumat?
2.2.753
Quaeso edepol, num tu quoque etiam insanis, quom id me interrogas,
2.2.754
qui ipsus equidem nunc primum istanc tecum conspicio simul?
2.2.755
Quid nunc, mulier? audin illum?
2.2.755b
Ego véro, ac falsum dicere.
2.2.756
Neque tu illi neque mihi viro ipsi credis?
2.2.756b
Eo fit quia mihi

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.