Amphitruo

Perseus Latin · Perseus Latin · 1,409 sections

prologue.pr.1
Vt vos in vostris voltis mercimoniis
prologue.pr.2
emundis vendundisque me laetum lucris
prologue.pr.3
adficere atque adiuvare in rebus omnibus
prologue.pr.4
et ut res rationesque vostrorum omnium
prologue.pr.5
bene me expedire voltis peregrique et domi
prologue.pr.6
bonoque atque amplo auctare perpetuo lucro
prologue.pr.7
quasque incepistis res quasque inceptabitis,
prologue.pr.8
et uti bonis vos vostrosque omnis nuntiis
prologue.pr.9
me adficere voltis, ea adferam, ea uti nuntiem
prologue.pr.10
quae maxime in rem vostram communem sient
prologue.pr.11
(nam vos quidem id iam scitis concessum et datum
prologue.pr.12
mi esse ab dis aliis, nuntiis praesim et lucro):
prologue.pr.13
haec ut me voltis adprobare adnitier,
prologue.pr.14
lucrum ut perenne vobis semper suppetat
prologue.pr.15
ita huic facietis fabulae silentium
prologue.pr.16
itaque aequi et iusti hic eritis omnes arbitri.
prologue.pr.17
Nunc cuius iussu venio et quam ob rem venerim
prologue.pr.18
dicam simulque ipse eloquar nomen meum.
prologue.pr.19
Iovis iússu venio, nomen Mercurio est mihi.
prologue.pr.20
pater huc me misit ad vos oratum meus,
prologue.pr.21
tam etsi, pro imperio vobis quod dictum foret,
prologue.pr.22
scibat facturos, quippe qui intellexerat
prologue.pr.23
vereri vos se et metuere, ita ut aequom est Iovem;
prologue.pr.24
verum profecto hoc petere me precario
prologue.pr.25
a vobis iussit, leniter, dictis bonis.
prologue.pr.26
etenim ille, cuius huc iussu venio, Iuppiter
prologue.pr.27
non minus quam vostrum quivis formidat malum:
prologue.pr.28
humana matre natus, humano patre,
prologue.pr.29
mirari non est aequom, sibi si praetimet;
prologue.pr.30
atque ego quoque etiam, qui Iovis sum filius,
prologue.pr.31
contagione mei patris metuo malum.
prologue.pr.32
propterea pace advenio et pacem ad vos affero:†
prologue.pr.33
iustam rem et facilem esse oratam a vobis volo,
prologue.pr.34
nam iusta ab iustis iustus sum orator datus.
prologue.pr.35
nam iniusta ab iustis impetrari non decet,
prologue.pr.36
iusta autem ab iniustis petere insipientia est;
prologue.pr.37
quippe illi iniqui ius ignorant neque tenent.
prologue.pr.38
nunc iam huc animum omnes quae loquar advortite.
prologue.pr.39
debetis velle quae velimus: meruimus
prologue.pr.40
et ego et pater de vobis et re publica;
prologue.pr.41
nam quid ego memorem (ut alios in tragoediis
prologue.pr.42
vidi, Neptunum Virtutem Victoriam
prologue.pr.43
Martem Bellonam, commemorare quae bona
prologue.pr.44
vobis fecissent) quis bene factis meus pater,
prologue.pr.45
deorum regnator architectus omnibus?
prologue.pr.46
sed mos numquam illi fuit patri meo,†
prologue.pr.47
ut exprobraret quod bonis faceret boni;
prologue.pr.48
gratum arbitratur esse id a vobis sibi
prologue.pr.49
meritoque vobis bona se facere quae facit.
prologue.pr.50
Nunc quam rem oratum huc veni primum proloquar,
prologue.pr.51
post argumentum huius eloquar tragoediae.
prologue.pr.52
quid? contraxistis frontem, quia tragoediam
prologue.pr.53
dixi futuram hanc? deus sum, commutavero.
prologue.pr.54
eandem hánc, si voltis, faciam ex tragoedia
prologue.pr.55
comoedia ut sit omnibus isdem vorsibus.
prologue.pr.56
utrum sit an non voltis? sed ego stultior,
prologue.pr.57
quasi nesciam vos velle, qui divos siem.
prologue.pr.58
teneo quid animi vostri super hac re siet:
prologue.pr.59
faciam ut commixta sit: sit tragicomoedia.
prologue.pr.60
nam me perpetuo facere ut sit comoedia,
prologue.pr.61
reges quo veniant et di, non par arbitror.
prologue.pr.62
quid igitur? quoniam hic servos quoque partes habet,
prologue.pr.63
faciam sit, proinde ut dixi, tragicomoedia.
prologue.pr.64
nunc hoc me orare a vobis iussit Iuppiter,
prologue.pr.65
ut conquaestores singula in subsellia
prologue.pr.66
eant per totam caveam spectatoribus,
prologue.pr.67
si cui favitores delegatos viderint,
prologue.pr.68
ut is in cavea pignus capiantur togae;
prologue.pr.69
sive quí ambissint palmam histrionibus
prologue.pr.70
sive cuíquam artifici, si per scriptas litteras
prologue.pr.71
sive qui ípse ambissit seu per internuntium,
prologue.pr.72
sive adeo aediles perfidiose cui duint,
prologue.pr.73
sirempse legem iussit esse Iuppiter,
prologue.pr.74
quasi mágistratum sibi alterive ambiverit.
prologue.pr.75
virtute dixit vos victores vivere,
prologue.pr.76
non ambitione neque perfidia: qui minus
prologue.pr.77
eadem histrioni sit lex quae summo viro?
prologue.pr.78
virtute ambire oportet, non favitoribus.
prologue.pr.79
sat habet favitorum semper qui recte facit,
prologue.pr.80
si illis fides est quibus est ea res in manu.
prologue.pr.81
hoc quoque etiam mihi pater in mandatis dedit,
prologue.pr.82
ut conquaestores fierent histrionibus:
prologue.pr.83
qui sibi mandasset delegati ut plauderent
prologue.pr.84
quive quo placeret alter fecisset minus,
prologue.pr.85
eius órnamenta et corium uti conciderent.
prologue.pr.86
mirari nolim vos, quapropter Iuppiter
prologue.pr.87
nunc histriones curet; ne miremini:
prologue.pr.88
ipse hanc acturust Iuppiter comoediam.
prologue.pr.89
quid? admirati estis? quasi vero novom
prologue.pr.90
nunc proferatur, Ióvem facere histrioniam;
prologue.pr.91
etiam, histriones anno cum in proscaenio hic
prologue.pr.92
Iovem invocarunt, venit, auxilio is fuit.
prologue.pr.93
praeterea certo prodit in tragoedia.
prologue.pr.94
hanc fabulam, inquam, hic Iuppiter hodie ipse aget,
prologue.pr.95
et ego una cum illo. nunc vos animum advortite,
prologue.pr.96
dum huius argumentum éloquar comoediae.
prologue.pr.97
Haec urbs est Thebae. in illisce habitat aedibus
prologue.pr.98
Amphitruo, natus Argis ex Argo patre,
prologue.pr.99
quicum Alcumena est nupta, Electri filia.
prologue.pr.100
is nunc Amphitruo praefectust legionibus,

Perseus Latin. CTS URN phi0119.phi001.perseus-lat2. Via the Perseus Digital Library / Open Greek and Latin TEI corpora. Licence: Available under a Creative Commons Attribution-ShareAlike 4.0 International License. Source.